زوجتي قلت لها صباح الخير قالت لي صباح الشر

[فقير و باغي نطير]

السلام عليكم و رحمة الله

اليوم انا غاضب جدا جدا :mad: :mad: :mad:
نهضت في الصباح ........... من النوم طبعا

و انا ذاهب الى لأجلب كوبا كبيرا من الماء لكي أغسل به عينيا ( في الجو البارد لا اغسل وجهي كاملا اكتفي بغسل العينين فقط )
قابلتني زوجتي فقلت لها صباح الخير
فرمت ما كانت تحمل من باليات و فلوطوارات بقوة و قالت لي بصوة عال صباح الشر يا وجه الفقر و المزيرية
يا عاطل عن العمل يا فقير .

أرجوكم أشيروا علي
هل أطلقها ؟؟
أم لا أطلقها و استحمل كلامها ؟؟
لا تقولو لي أدبها بالضرب لا أقوى على عراكها هي اقوى مني

[نجمة ساطعة]

الحق يقال مش حق عليها تصرف سيء جدا في حق زوجها بدل ما تنوض تلقى كل شيء واجد تقولك هاكة

كاين حل واحد قولها شوفي يا بنت الناس انا ما كذبتش عليك انا فقير و دراهمي معدودة حبيتي تعيشيها معايا

درجة درجة محبيتيش تقدري تطلبي طلاق

و باش ننصحك خليها حتى هي تطلب طلاق باش ما تدفع والو ياسر عليك

[نبض قلبك]

hadi kyna menha wellaaaaaaaaaaaa ???

[فقير و باغي نطير]

الحق يقال مش حق عليها تصرف سيء جدا في حق زوجها بدل ما تنوض تلقى كل شيء واجد تقولك هاكة

كاين حل واحد قولها شوفي يا بنت الناس انا ما كذبتش عليك انا فقير و دراهمي معدودة حبيتي تعيشيها معايا

درجة درجة محبيتيش تقدري تطلبي طلاق

و باش ننصحك خليها حتى هي تطلب طلاق باش ما تدفع والو ياسر عليك

بصح هي واعرة تخوف بزاف كيفاش نقلها اطلبي الطلاق
حتى و نقولهالها و الله ما تقبل عارفة واحد ما يديها غيري
و زيد وين تروح كي نطلقها هي يتيمة ما عندها وين تصد

[فقير و باغي نطير]

hadi kyna menha wellaaaaaaaaaaaa ???
ختي الله يسترك ما تزيديش عليا
علاش هذي مشاكل عائلية تكون قادر تصرالك انت هكذا

[نبض قلبك]

اعتذر اصلح الله شانك

[نجمة ساطعة]

بصح هي واعرة تخوف بزاف كيفاش نقلها اطلبي الطلاق
حتى و نقولهالها و الله ما تقبل عارفة واحد ما يديها غيري
و زيد وين تروح كي نطلقها هي يتيمة ما عندها وين تصد

ربي يصبرك و يعينك معليش احتسبها لله و امرك لربي ادي فيها اجر كي عادت يتيمة

خلاص كي تقولك المرة الجاية صباح الشر قولها منين يجينا الشر و انت منبع الخير تاع

حياتي

[فقير و باغي نطير]

ربي يصبرك و يعينك معليش احتسبها لله و امرك لربي ادي فيها اجر كي عادت يتيمة


خلاص كي تقولك المرة الجاية صباح الشر قولها منين يجينا الشر و انت منبع الخير تاع


حياتي


ما تفهش هي اللغة اللطيفة هذي
نخاف نقلها و تحسبها شتيمة ولا كاش حاجة
ما نعرفش نهدر معاها واش نقلها تقلي انت

[رقة الحياة]

ديرلها الرهج في كاس ما و اعطيها تتهنى من قسامها طول

[فقير و باغي نطير]

ديرلها الرهج في كاس ما و اعطيها تتهنى من قسامها طول

ما نقدرش هي راهي حامل :o

['' أمة الرحمن '']

أدعي الله يهديها

[فقير و باغي نطير]

أدعي الله يهديها

راني ديما ندعي ما نفع معاها والو
انا قلت نرفع بيها شكوى
ما نعرف كاينة هذي ولا ؟؟ نقدر نشكي بيها لجدارمية ؟؟

[سارة البوسعادية]

هههههههههههههههههههههه والله ضحكت من الردود
ربي يهديها ويقدرك عليها بصح اعدرها انت ماكش خدام وهي صارت تخمم بزاف

[سارة78]

قلي منك بصح انت متزوج

[naima20]

ساعفها وخلاص في وجه وليدك

[فقير و باغي نطير]

هههههههههههههههههههههه والله ضحكت من الردود
ربي يهديها ويقدرك عليها بصح اعدرها انت ماكش خدام وهي صارت تخمم بزاف

اووووووووووووو سارة بنت عمي راكي هنا هههه
ما نعذرهاش هي حقارة نتاع صلاحها
كي نجيب مليح ما نجيبش مانيش مليح

[فقير و باغي نطير]

قلي منك بصح انت متزوج

لاه جاتك غريبة هذي ؟؟؟؟؟؟؟؟؟
قلتلك دبري عليا وليتي تشرشي
ساعفها وخلاص في وجه وليدك
واش ندير كي ما نساعفهاش ؟

[سارة البوسعادية]

اووووووووووووو سارة بنت عمي راكي هنا هههه
ما نعذرهاش هي حقارة نتاع صلاحها
كي نجيب مليح ما نجيبش مانيش مليح

اسمحلي بصح اول مرة نشوف راجل يحكي هكا ادا ماتقدراهاش صح ديرلها جماعه

[عُضو مُحترم]

أذا انت متزوج فانت تكذب لانك قلت سابقا بلي عازب

إذا انت عازب فانت تكذب لانك الىن تقول بان متزوج

في كلتا الحالتين انت تكذب

وعيب تكذب

[سارة البوسعادية]

قلها قبلتي بيا هاك اتحملي معايا ظروف الحياة ولا روحي لدار باباك

[فقير و باغي نطير]

اسمحلي بصح اول مرة نشوف راجل يحكي هكا ادا ماتقدراهاش صح ديرلها جماعه

حقا راني قلتلك ما نفع معاها والو :d
نديرلها جماعة تولي طيح في دموع التماسيح و نرجع انا الظالم
و انا جامي سمعت براجل جمع على مرا

[فقير و باغي نطير]

أذا انت متزوج فانت تكذب لانك قلت سابقا بلي عازب

إذا انت عازب فانت تكذب لانك الىن تقول بان متزوج

في كلتا الحالتين انت تكذب

وعيب تكذب

ههه هذا حقد ولا وشي هو يرحم بوك
يا التل راني خاطيك همي يكفيني

علاش انت كاشما شفت واحد زاد متزوج ؟؟؟؟

كنت عازب و تزوجت جاتك صعيبة هذي ؟؟؟؟؟؟؟؟؟؟؟؟؟؟؟؟؟
و راني نخمم فالطلاق

[hayder07]

انت جاي تحت الطرف للاسف
منا تقدرش على مرتك منا تحب تعرف وش نقدرو ننصحوك باه تتعامل معاها
انا نقول خللي البير بغطاه خير
( اذا ابتليتم فاستتروا )

[فقير و باغي نطير]

قلها قبلتي بيا هاك اتحملي معايا ظروف الحياة ولا روحي لدار باباك

يااااااااااااااااااااااااااااااا ربييييييييييي
ماكيش متبعة المشكل نتاعي مليح راني قلتلك هي يتيمة وين تروح ؟؟؟
تخرج من عندي ديراكت للشارع

[سارة البوسعادية]

حقا راني قلتلك ما نفع معاها والو :d
نديرلها جماعة تولي طيح في دموع التماسيح و نرجع انا الظالم
و انا جامي سمعت براجل جمع على مرا

ماتقعدلهاش في الدار وتتناقرو
اخرج واخدم بصح والله كون جبتلها كادو في عيد الحب ماتقلك صباح الشر جابلي ربي ماكش قايم بيها

[فقير و باغي نطير]

انت جاي تحت الطرف للاسف
منا تقدرش على مرتك منا تحب تعرف وش نقدرو ننصحوك باه تتعامل معاها
انا نقول خللي البير بغطاه خير
( اذا ابتليتم فاستتروا )


ماكش نتاع نصيحة نتا اصلا راك تحتاج للنصيحة

[سارة البوسعادية]

يااااااااااااااااااااااااااااااا ربييييييييييي
ماكيش متبعة المشكل نتاعي مليح راني قلتلك هي يتيمة وين تروح ؟؟؟
تخرج من عندي ديراكت للشارع

الا مستقوية عليك بزاف وماشي محترماتك علاش تخاف عليها خليها تروح للشارع وتجرب ترجع تقلك صباح النور

[naima20]

هددها بالزوجة الثانية.

[سارة78]

لاه جاتك غريبة هذي ؟؟؟؟؟؟؟؟؟
قلتلك دبري عليا وليتي تشرشي

واش ندير كي ما نساعفهاش ؟

لا لا مجنيش غريبة كي نشوفك تهدر نحسك مازال طفل صغير والله غير صح عند بالي طفل صغير

[Mohamed12013]

الله يهدينا اجمعين

[فقير و باغي نطير]

ماتقعدلهاش في الدار وتتناقرو
اخرج واخدم بصح والله كون جبتلها كادو في عيد الحب ماتقلك صباح الشر جابلي ربي ماكش قايم بيها

خص العمية غير لكحل
راني نخمم نجيبلها كادو بصح من نوع خاص

[عُضو مُحترم]

ههه هذا حقد ولا وشي هو يرحم بوك
يا التل راني خاطيك همي يكفيني

علاش انت كاشما شفت واحد زاد متزوج ؟؟؟؟

كنت عازب و تزوجت جاتك صعيبة هذي ؟؟؟؟؟؟؟؟؟؟؟؟؟؟؟؟؟
و راني نخمم فالطلاق

وقتاش تزوجت؟؟؟

وعلاه ما خبرتنيش؟؟؟

و كيفاش كان العرس؟؟؟

وشكون هي؟؟؟

عضوة في المنتدى و لا لا؟؟؟

وانت علاه تتزوج وحدة حقّارة؟؟؟؟

وانت كيفاه تتزوج قبل ما تدبّر خدمة؟؟؟

[سارة78]

اخي لايجوز لك طلقها وهي حامل ممكن كي عادت حامل برك

تقلبت نفسيتها قولنا قبل الحمل كانت كما هاك ولاغير بعد الحمل

وزاوجك تم عن اختياره عن طريقك ام عن طريق والديك

[Mohamed12013]

ديرلها الرهج في كاس ما و اعطيها تتهنى من قسامها طول


هذا كلام لا يليق بمنتدانا، هداك الله

[فقير و باغي نطير]

لا مسعفتهاش ديها لدارهم.

ما عندهاش الدار يتيمة وشبيك ما تبعتيش الموضوع مليح ؟؟

لا لا مجنيش غريبة كي نشوفك تهدر نحسك مازال طفل صغير والله غير صح عند بالي طفل صغير

تشوفيني نهدر هههه وين شفتيني نهدر ؟؟؟؟؟؟؟؟؟؟؟؟؟؟ وكت هدرت معاك انا

الله يهدينا اجمعين
آمين يا رب

[سارة البوسعادية]

خص العمية غير لكحل
راني نخمم نجيبلها كادو بصح من نوع خاص

جيبلها الشمع نتاع الكيسان باش توفرو الطاقة وماتجيكش فاتورة التريسيتي غالية حج وحاجة :1:

[سارة78]

عند بالي بلي مكانش منها هذي الحكاية وراش تشوف في عقليتنا برك

[youyou16dz]

هههههه ضكوني الردود ماكان حتى حل معاها

[سارة78]

ما عندهاش الدار يتيمة وشبيك ما تبعتيش الموضوع مليح ؟؟



تشوفيني نهدر هههه وين شفتيني نهدر ؟؟؟؟؟؟؟؟؟؟؟؟؟؟ وكت هدرت معاك انا


آمين يا رب


وين شفتك تهدر شفتك في حصة الفهامة هههههههه تم تهدر وهدرت معاك هههه


شفتك تهدر في الجلفة ياخويا

[فقير و باغي نطير]

وقتاش تزوجت؟؟؟

وعلاه ما خبرتنيش؟؟؟

و كيفاش كان العرس؟؟؟

وشكون هي؟؟؟

عضوة في المنتدى و لا لا؟؟؟

وانت علاه تتزوج وحدة حقّارة؟؟؟؟

وانت كيفاه تتزوج قبل ما تدبّر خدمة؟؟؟

نيظاميست انت باين
تزوجت بيها بحكم قضائي
انا ما خيرتهاش صرالي معاها مشكل زوجونا بقوة القانون
فهمت ؟؟؟؟؟؟؟؟؟؟؟؟؟؟؟
اخي لايجوز لك طلقها وهي حامل ممكن كي عادت حامل برك

تقلبت نفسيتها قولنا قبل الحمل كانت كما هاك ولاغير بعد الحمل

وزاوجك تم عن اختياره عن طريقك ام عن طريق والديك
عن طريق القاضي

[hayder07]

عند بالي بلي مكانش منها هذي الحكاية وراك تشوف في عقليتنا برك
:19::19::19::19::mh31::mh31::mh31:

[سارة البوسعادية]

بلاك كي عادت حامل ضبعت استحملها عادي

[عُضو مُحترم]

تستهل

وانت علاه تمشي في الطريق لي مش مليحة

حتى يطيحة عليك لابوليس

وتتزوجها بسيف عليك

تستهل

[سارة78]

ياو نقلكم حاجة ولايصح كون تصرا هذا الجاست عند الجزائري يقلها خملي كابتك ولدار بباك مباشرة


مش يروح سع الجلفة يسقسي واش يدير وبعدها يروح ينفذ واش قالوا ياو الخرطيييييييييي

[فقير و باغي نطير]

يا جماعة اسمحولي نروح راهي جات ديجا ضرك تقطع عليا الكوناكسيو
تحسدني كي نكون قاعد معاكم هكذا و تلعبها تقلي روح تخدم

الى اللقاء في المساء

[سارة78]

نيظاميست انت باين
تزوجت بيها بحكم قضائي
انا ما خيرتهاش صرالي معاها مشكل زوجونا بقوة القانون
فهمت ؟؟؟؟؟؟؟؟؟؟؟؟؟؟؟

عن طريق القاضي
تستاهل ياخويا هههههههههههه

[Mohamed12013]

عند بالي بلي مكانش منها هذي الحكاية وراش تشوف في عقليتنا برك

أكيد راه يلعب السيد اللي يصرالو مشكل كما هاك ما يبقاش في منتدى يرد على الغاشي بصح يحاول يشوف حل.
الناس تلعب بمشاكل الحياة من أجل ماذا؟؟؟؟ و الله لا أعلم
سأترك لكم هذا الموضوع
سلاما

[سارة البوسعادية]

ياو نقلكم حاجة ولايصح كون تصرا هذا الجاست عند الجزائري يقلها خملي كابتك ولدار بباك مباشرة


مش يروح سع الجلفة يسقسي واش يدير وبعدها يروح ينفذ واش قالوا ياو الخرطيييييييييي


هدا طبعا ادا كان جزائري متربي ومتهدب وعاقل بزاف
والا يحكمها يجيفها طول ولا يخبطها بكاس الما الي في يدو

[سارة78]

يا جماعة اسمحولي نروح راهي جات ديجا ضرك تقطع عليا الكوناكسيو
تحسدني كي نكون قاعد معاكم هكذا و تلعبها تقلي روح تخدم

الى اللقاء في المساء
الساح خويا سلمنا عليها ههههههه

[hayder07]

الله يهديك برك
في الحديث النبوي الشريف
( كل الناس معافي الا المجاهرون )
وانت ارتكبت معاها مشكل وزايد تجاهر بيه
اتق الله
فانت تعلّم في ناس اخرين اسلوب ملعونا في ديننا
و موضوعك شبهة يعلم السوء
والله كاين عندي الحق كي ذكرت الحديث ( اذا ابتليتم فاستتروا)

[فقير و باغي نطير]

أكيد راه يلعب السيد اللي يصرالو مشكل كما هاك ما يبقاش في منتدى يرد على الغاشي بصح يحاول يشوف حل.
الناس تلعب بمشاكل الحياة من أجل ماذا؟؟؟؟ و الله لا أعلم
سأترك لكم هذا الموضوع
سلاما

دير مزيا فينا و في روحك هه :d

[سارة البوسعادية]

يا جماعة اسمحولي نروح راهي جات ديجا ضرك تقطع عليا الكوناكسيو
تحسدني كي نكون قاعد معاكم هكذا و تلعبها تقلي روح تخدم

الى اللقاء في المساء

هدي جديدة :1:

[سارة78]

أكيد راه يلعب السيد اللي يصرالو مشكل كما هاك ما يبقاش في منتدى يرد على الغاشي بصح يحاول يشوف حل.
الناس تلعب بمشاكل الحياة من أجل ماذا؟؟؟؟ و الله لا أعلم
سأترك لكم هذا الموضوع
سلاما
ربي يهدي ماخلق ربي يصلح الاحوال ويهدي القلوب يارب

[farid1982]

السلام عليكم.الله يكون في عونك انت متزوج مع هتلر النازي ..ان زوجتي تضربني ولكنها تتركني ابكي انا احسن منك

[حنين الروح *]

:1::1::1::1::1::1::1:


قتلتني ضحك يا خويا .. دير النية وقولنا الصح زعما ماشي العكس هي قالتلك صباح الخير وانت قلتلها صباح الشـر


ربي يصلح الاحوال :1::1::1::1:

[naima20]

مكانش منها وين راها المرا الي يقولها راجلها صباح الخير ترد عليه صباح الشر.-ربي يهديك- وادا صح صح صح كاين منها الحل ساهل مزيدش تقولها صباح الخير وريح راسك، ولا تاني تضربك كون ماتقولش صباح الخير.

[asma@]

الله يهدي سرك
يااخي المفروض مشكلتك ماتخرجهاش برا
حلها في دارك
الله يعينك ويهون عليك

[amal200]

لوكان بينتلها العين الحمرا من النهار للول قاع ماتتجراش وتقولك هاكا الغلطة فيك مش فيها تاكد انت اللي وصلتها تقولك هاكا

[ام نسمة]

واش هدي كاينة منها ولا راك تقصر برك ادا كاينة منها ساهل ماهل كي اتقولك صباح الشر قوللها شر شفتو نهار شفتك انت تاني تعلم تقول الكلام كي العجايز كل يوم كي تشوفها قسحلها قبل ما تقلعلك خرج كامل واش في قلبك ياخي الطيب تاع جاك المرسو واش ايقول .....يا وتكلم ما تخليهاش في قلبك .... ياخي عجب

[طيبة نفس]

يااااااااه زعمة كاين منها واحد جزايري مرتو تقول هاك و مايدير والوبصح وقت وصلنالو .......اذا صح منها بلاك كيراه حامل راها تزعف و اذا طبيعة فيها قتلها بالبارد ما تحكيش معاها يمات هي وحدها تطلب السماح

[انوارالحق]

عندها حق ايها المرحوم الله يرحمك كنت اظن انك انتحرت وا اسفاه

[انوارالحق]

الى الفقير المرحوم المنتحر عندها حق هذا اذا كنت الي كتبتو صح الله يهدي ما خلق

[sarah amira]

تغسل غير عينك الصباح.....اسمحلي بزاف مي كان جيت في بلاصتها و الله مانزيد معاك دقيقة
راهي عاقلة تاع الصح وين تلقا وحدة كيفها...احمد ربي

[سلاسة]

السلام خويا راني متأكدة بلي أنتا لي غلت لول موحال وحدها تقولك صباح الشر ما راهيش مهبولة...

[سلاسة]

لوكان جيت تخدم كيما الناس وتقضيلها وتكسيها وتحبها راهي تحترمك وتقدرك وتحبك..

[bbc]

السلام عليكم و رحمة الله


اليوم انا غاضب جدا جدا :mad: :mad: :mad:
نهضت في الصباح ........... من النوم طبعا

و انا ذاهب الى لأجلب كوبا كبيرا من الماء لكي أغسل به عينيا ( في الجو البارد لا اغسل وجهي كاملا اكتفي بغسل العينين فقط )
قابلتني زوجتي فقلت لها صباح الخير
فرمت ما كانت تحمل من باليات و فلوطوارات بقوة و قالت لي بصوة عال صباح الشر يا وجه الفقر و المزيرية
يا عاطل عن العمل يا فقير .

أرجوكم أشيروا علي
هل أطلقها ؟؟
أم لا أطلقها و استحمل كلامها ؟؟

لا تقولو لي أدبها بالضرب لا أقوى على عراكها هي اقوى مني

بما انها كانت تحمل باليات بدل بالي واحد فهدا دليل على قوتها
الله يجيب الخير

[سلاسة]

وكل واحد دار غلطة في هذ الدنيا يخلصها في الدنيا ولا الآخرة
ونتا راك تخلص فيها
كاين لي راهو يخدم ليل مع نهار وما يقولش أح
ولوكان شافتك مرتك من هاذوك راهي صبرت معاك
بصح هيا لي ماراهيش حاملاتك ماشي نتا
ربي يكون في عونها
آمين

[leilaz]

اذا ذهب الاحترام فوداعا للعشرة الزوجية والراجل يجب ان يكون راجل مهما كانت الاحوال

[جسور المحبة]

تستاهل غالط معاها وزيد لا خدمة لا والو ونايض مع الصباح غير بش تغسل عينيك يعني لا وضوء لا صلاة والله عندها حق ولو كان ما طلقاتكش وخرجاتك من الدار مراهيش فحلة

[نسائم الصباح]

لأعلم لمذا لم أصدق كلامك ،محبش يذخل لرأسي ،منها رك تقول فقير ومش خدام ومزوج وتملك في نفس الوقت كمبيوتر وأنترنات .من أين تخلص الأنترنات ،إلا في حالت ولديك ليصرفو اعليك
على كل حال ربي يهديك سواء مزوج ولا مشي مزوج

[بثينة الجزائر]

والله ياخويا يعطيك الصحة ضحكتنا ونحيتنا على قلوبنا على كل ربي يهديك وبركى ما دز بينا اللعبة تاعك راهي مكشوفة
وزيد نقلك حاجة نتا تخرج عليك تخدم كلون والله فور جيب فيها صويردات وتسلك بيها الكوناكسيون ...............هههههههههههههههههههه
والله غير ضحكتني قتلتني بالضحك تقول فيلم هند ..............
ههههههههههههههههههههههههه

[غصون الاسلام]

اخي الكريم

ساعف زوجتك........... هذا هو الحل برايي

لانها اولا حامل.......و في هذه الفترة الحامل متكونش حاملة نفسها و لا تكون حامل زوجهاااا خاصة اذا كانت في فترة الوحم

و طالع في الانترنت تفهم عن هذا الموضوع

و ثانيا........احسنلها عونها لانو الانسان ضعيف و متقلب و اي وضعية يعيش فيها اطول مدة يكره فيها خاصة اذا كان الفقر و لا الخدمة و لا النقود و لا السكنة مكانش............خصوصا اذا تشوف مثيلاتها متوفرين عندهن كل شيء


و ثالث شيء..........ياك يا اخي تفاهمتو باش تعيشو في السراء و الضراء و ايضا كل واحد يرفد من الاخر و يصبر عليه........فلا تتكلم هكذا

و نحي فكرة الطلاق من بالك...........لانو كل مشكلة صغيرة مثل هذه تفكر في الطلاق هذا يعني انك لا تفكر اصلا في تحسين وضعك و بناء بيت مستقر

و حتى واحد في هذه الدنيا عايش الحياة افضل ................ و البيوت اسرار

و كل شخص مهموم بشيء................اللي مهموم بالصحة و اللي مهموم بالدراهم.........زو اللي مهموم بالذرية

حتى واحد ما راهو هاني

.................................................. .................
و المرة الجايه لو كان تقولك صباح الشر................قولها عليك يا الحنونه


خوي عقلك و فرغ اللي في قلبك ترتاح

و الطفل باذن الله كي يجي راح يسقم الحياة و يخليها افضل مما كانت عليه

.................................................. ..............

و انت اعمل اللي عليك باش ما تزعف منك الزوجة و هي ايضا تحاول ما تزعفكش


و الله اعلم



بالتوفييييييييييييييييييق

[الهـ ع ـاشمي]

بسم الله الرحمن الرحيم

'' وَمِنَ النَّاسِ مَنْ يَشْتَرِي لَهْوَ الْحَدِيثِ لِيُضِلَّ عَنْ سَبِيلِ اللَّهِ بِغَيْرِ عِلْمٍ وَيَتَّخِذَهَا
هُزُوًا أُولَئِكَ لَهُمْ عَذَابٌ مُهِينٌ ''


سورة لقمان
http://quran.al-islam.com/GenGifImages/Normal/290X330-0/31/6/1.png

[فقير و باغي نطير]

تغسل غير عينك الصباح.....اسمحلي بزاف مي كان جيت في بلاصتها و الله مانزيد معاك دقيقة
راهي عاقلة تاع الصح وين تلقا وحدة كيفها...احمد ربي

هه كو جات في بلاصتها .......... ياو نقلك كلمة ... بلاصتها في المنام و ما تشوفيهاش

السلام خويا راني متأكدة بلي أنتا لي غلت لول موحال وحدها تقولك صباح الشر ما راهيش مهبولة...

كيفاش متأكدة ؟؟ كنتي معانا ولا حكاتلك هي ؟؟

لوكان جيت تخدم كيما الناس وتقضيلها وتكسيها وتحبها راهي تحترمك وتقدرك وتحبك..
ما نخدمش واحد ما يسالني ولا ه هي ما تخدمش ؟؟ كيما نتاجها ؟

بما انها كانت تحمل باليات بدل بالي واحد فهدا دليل على قوتها
الله يجيب الخير
راك تشوف ؟؟؟؟؟؟؟؟؟؟

وكل واحد دار غلطة في هذ الدنيا يخلصها في الدنيا ولا الآخرة
ونتا راك تخلص فيها
كاين لي راهو يخدم ليل مع نهار وما يقولش أح
ولوكان شافتك مرتك من هاذوك راهي صبرت معاك
بصح هيا لي ماراهيش حاملاتك ماشي نتا
ربي يكون في عونها
آمين
صح صح ايه
اذا ذهب الاحترام فوداعا للعشرة الزوجية والراجل يجب ان يكون راجل مهما كانت الاحوال
صحيت يا الراجل
تستاهل غالط معاها وزيد لا خدمة لا والو ونايض مع الصباح غير بش تغسل عينيك يعني لا وضوء لا صلاة والله عندها حق ولو كان ما طلقاتكش وخرجاتك من الدار مراهيش فحلة

انت علابالي بيك نتاع صابوطاج
لأعلم لمذا لم أصدق كلامك ،محبش يذخل لرأسي ،منها رك تقول فقير ومش خدام ومزوج وتملك في نفس الوقت كمبيوتر وأنترنات .من أين تخلص الأنترنات ،إلا في حالت ولديك ليصرفو اعليك
على كل حال ربي يهديك سواء مزوج ولا مشي مزوج

كلامي كبير على راسك كفاش حبيتيه يدخل هههى :D
والله ياخويا يعطيك الصحة ضحكتنا ونحيتنا على قلوبنا على كل ربي يهديك وبركى ما دز بينا اللعبة تاعك راهي مكشوفة
وزيد نقلك حاجة نتا تخرج عليك تخدم كلون والله فور جيب فيها صويردات وتسلك بيها الكوناكسيون ...............هههههههههههههههههههه
والله غير ضحكتني قتلتني بالضحك تقول فيلم هند ..............
ههههههههههههههههههههههههه

ماناش نلعبو هنا :mad:

بسم الله الرحمن الرحيم


'' وَمِنَ النَّاسِ مَنْ يَشْتَرِي لَهْوَ الْحَدِيثِ لِيُضِلَّ عَنْ سَبِيلِ اللَّهِ بِغَيْرِ عِلْمٍ وَيَتَّخِذَهَا
هُزُوًا أُولَئِكَ لَهُمْ عَذَابٌ مُهِينٌ ''


سورة لقمان

http://quran.al-islam.com/GenGifImages/Normal/290X330-0/31/6/1.png

شكرا

[النجمة القطبية]

انا الحاجة اللى حيرتنى كيفاش تغسل زوج عينين برك هههههه
المفروض ترمى داك الفروتوار وتستخن الماء تغسلك وجهك وممبعد ترجع ترفد الفروتوار وتكمل المسرحية
معليش نقسيك وكيفاش تتوضى كى تغسل عين برك :o

[*سيرتا *]

على الارجح انت تتخيل ردة فعل زوجة اتجاه زوج فقير و باغي يطير...

[فقير و باغي نطير]

انا الحاجة اللى حيرتنى كيفاش تغسل زوج عينين برك هههههه
المفروض ترمى داك الفروتوار وتستخن الماء تغسلك وجهك وممبعد ترجع ترفد الفروتوار وتكمل المسرحية
معليش نقسيك وكيفاش تتوضى كى تغسل عين برك :o
نتيمم
انت طبيبة ولا فرملية ؟؟؟؟؟
على الارجح انت تتخيل ردة فعل زوجة اتجاه زوج فقير و باغي يطير...
ما فهمتكش كلامك ماهوش راكب على بعضاه

[النجمة القطبية]

الطبيبة تقدر تكون فرملية لكن العكس غير صحيح
لكن السؤال المطروح هو كيفاش انت تتوضى بعين واحدة

[فقير و باغي نطير]

الطبيبة تقدر تكون فرملية لكن العكس غير صحيح
لكن السؤال المطروح هو كيفاش انت تتوضى بعين واحدة

انا نتيمم
ما تعرفيش التيمم
انا عندي مرة عمي تخدم طبيبة في عين النعجة سقسيتك شكيت فيك انت لي حكاتلنا عليك