مشكلتي

[مشكلتي]

السلام عليكم بدون اطالة ندخل لكم في الموضوع
أنا فتاة ابلغ من العمر 27 سنة راه قريب يقتلني التخمام راني نوزن 2 كلغ لي نتلقا معاه ايسقسيني اعلاه اضعفت ، نرقد انخمم انوض انخمم ناكل وانا انخمم وووووووووووووو ، انخمم وينتا نترسم ونولي نخدم كي صحاباتي اكرهت من التعاقد بالرغم من اني متحصلة عاى شهادة ليسانس ، انخمم وينتا نزوج اصحباتي كامل ازوجوا بقيت غير انا معلاباليش اعلاه اعلابالي بلي قضية مكتوب مي اعلاه نبقا غير انا وحدي بالرغم من أني فتاة عادية و من عائلة مرموقة ، اكرهت كل يوم ايسقسوني اصحاباتي كاش اجديد ملي نعقل العمري وانا انقول لهم والوااااااااااااااااااااا راني نحشم كي ايسقسوني ، راني نغلق الهاتف اكسبري و لا منردش على المكالمات اكسبري اكررررررررررررررررهت

[aissam .3820]

يا اختي حمدي ربي وديريه في بالك...

وكل شيئ بالمكتوب...

وكي تكتبلك حاجة ولا يرزقك ربي بحاجة..

واحد ماينحيهالك...

..

وبالتوفيق..

..

[فاطمة1418]

احمدي الله على كل شيء و اكثر من الاستغفار
انا لدي شهادة ليسانس و مخطوبة و زوجي اشترط على ان لم اجد عمل قبل الزواج ان لا يتركني اعمل بعده و قبلت بكل شيء
و قد اجريت 5 مسابقات لكني لم انجح في اي واحدة لكني حمدت الله و فبلت بالامر الواقع
............ اذا كان والديك على فيد الحيات قولي لهم يدعون لك بالخير ................
سلاااااااام

[سجل أنا جزائري]

حاولي تكوني ايجايبية في تفكيرك أختي

هذي دنيا برك كل واحد وش عطالو ربي اذا بقيتي راح تبقاي هكذا

و نقولك عن تجربة شخصية و مش حكاهولي عندي خويا توأم و قرينا مع بعض و تخرجنا مع بعض هو مع تخرج لقى خدمة لا يخير و انا عامين و انا متمرمد بصح و الله جامي قنطت و كنت راضي بالمكتوب و كنت مين نروح نحوس ما كان والو حتى وصلت في يوم قلت خلاص هذا هو القدر تاعي معليش نخدم اللي جات و خلاص و في هذاك اليوم سبحان الله جاني اتصال يقولي نجحت في مسابقة كانت بالنسبة لي حلم تغير كل شي في حياتي في يوم واحد الحمد لله على فضله

هكذاك نتي أختي ما تدريش وكتاه يجك الخير قادر ربي سبحانو يبدل كلش في يوم واحد فقط نتي توكلي حق توكل و دعاء له دائما

ربي يوفقك أختي

[الامين صادق]

ربي يوفقك أختي

[amal200]

حتى انا دايمن يسقسوني صحاباتي يقولولي كانش جديد نقوللهم من عندكم وقبل ايام سالتني وحدة انتي مش متزوجة قلتلها لا قاتلي علاش ماتزوجتيش ؟؟
قلتلها راني شريت قفة مصروف و راني راسلة ماما غدوة تخطبلي واحد مانعرف يعطوهلي ولا لا بعض الناس يستحقو اجابات على حساب سؤالهم البايخ ...............ماتعمريش قاع راسك بيهم اختي
ربي يعطيك الزوج الصالح اللي ماتحتاجي معاه لحتى وظيفة

[الكـ الطيبة ـلمة]

ربي يسهل لك أمورك

فقط حين تفكرين فيما ينقصك فكري فيما أنعم الله به عليك

العمل سيأتي يوما ما .....و الزوج أيضا إن كان ذلك من نصيبك فسوف يبلغك و لن يأخذه أحد منك

فقط واجهي المحبطين بردود تليق بهم مثل ما قالت امال

أسأل الله التوفيق و الثبات لي و لك

[lilou f lilou a]

ربي معاك أخهتي وتوكلي على ربي ونشالله تلقي الحل لكل المشكلات

[أكوام الورد]

أختي ديري ربي في قلبك ربي عمره مايضيع عبده و عليك بالدعاء ثم الدعاء مايكون غير الخير ان شاء الله

[خديجة13]

لا زلت صغيرة اختي و كلشي بالمكتوب ادعي الله تعالى و اذكريه و ان شاء الله يحقق لك ما تتمنين

[abdel02]

يا اختي الكريمة...وعلاش القلق...اللي كتبها ربي راهي تمشي...والا باغية تبدلي القدر...امني بربي واعلمي ان الشيء اللي راكي فيه نعمة...اوليها للاحسن تتهناي...كان تقولي ربما ربي صرف عني زوج ماهوش في مقامي ولو تزوجت بيه راني نسوفري...الله يهدينا اجمعين.