تقدر تتزوج بعقد ماقبل التشغيل

[FABRIGAS7]

قول واش حبيت

[الدكتور سام]

نعم صديقي.تقدر لكن بشرط تتزوج بواحدة تخدم بعقد ما قبل التشغيل و هكدا تولي الشهرية 3 ملاين في الشهر و تعيشو انتيك ههههههه

[FABRIGAS7]

هههههه مليحة هدي

[mohbelkacem2008]

جدودنا قالوا "البركة في القليل"
بإذن الله تعالى رايح نتزوج بعقود التمسخير ، و قسما بالله غير شهر نخلصها وشهرين والو
لحد كتابة هذه الأسطر خلصت نصف الأشهر ونصفهم راحو الله يجازي لي كان السبب من مدير و محاسبين وإداريين
المهم والأهم أني نتزوج بعدها يفرجها ربي سبحانه وتعالى ، والرزق ما هوش عند مدير التشغيل أو المحاسب نتاعو
الرزق من عند ربي والحمد لله عايشين خير منهم
والأيام بيننا و بعيد الزواج أعدكم بأن أخبركم بما فتح الله به علي
تزوجوا ترزقوا ، وتزوجوا ترسموا ،

[شمشام]

يا خاوتي الرسول صلى الله عليه و سلم قال : "إلتمسوا الرزق من الزواج "
يعني حتى و ماعدتش خدام تتزوج يفتح ربي عليك

[حكيـ الجَزآئِرِي ــم]

قولنا يا سي شمشام درتها نتا ؟؟؟؟؟؟؟؟؟؟؟؟؟

[شمشام]

أكيد والله قبل مندي العقود ههههههههههه

[حكيـ الجَزآئِرِي ــم]

كل شيء مبروك ربي يرزقك الذرية الصالحة

[شمشام]

هذاك ما نالو من الحياة راه كلشي فايت و كيما قالي واحد في زماننا و في بلادنا الطلاب راهو يضرب في الشواء و الكوط صباح عشية
هههههههههههه
راها يسلكها الله و لعقوبة ليكم كامل

[kader2012]

هي في الحقيقة قادر تتزوج عادي
لكن
عندما يزيد عندك طفل يقولولك اسمحلنا العقد انتهى:confused:

[FABRIGAS7]

يعطيكم الصحة خاوتي
نشاء الله يفتح عليكم بالزواج

[غليزاني 26 سنة]

هي في الحقيقة قادر تتزوج عادي
لكن
عندما يزيد عندك طفل يقولولك اسمحلنا العقد انتهى:confused:
+10000000000000000000000000000000000

[zvavile2003]

المشكل راه في شكون اللي تقبل تزوج مع واحد يخلص 15000 دينار البات تحوس عرس في السوفيتال و شهر العسل في تونس واش تقومها 15000 دج انا وحدي وما قامتنيش.........راكم تقولوا البركة في القليل تقدر تعيش 15000 و متزوج و البطاطا ب 150 دينار

[رائحة المسك]

البركة في القليل و انشاء الله ربي يفرجها علينا كامل قولو انشاء الله

[danona]

حسنا إذا كانت رغبتك في أن أقول ما أريد فسألبيها لك بصح بلا زعاف
عن أبي هريرة أن النبي صلى الله عليه وسلم كان يتعوذ من سوء القضاء ، ومن درك الشقاء ، ومن شماتة الأعداء ، ومن جهد البلاء.
جهد البلاء كل ما أصاب المرء من شدة مشقة ، ومالا طاقة له بحمله ، ولا يقدر على دفعه . وقيل : المراد بجهد البلاء قلة المال وكثرة العيال.
روى الحاكم والبيهقي عن أنس أن النبي صلى الله عليه وسلم كان يقول: اللهم إني أعوذ بك من العجز والكسل والجبن والبخل والهرم والقسوة والغفلة والعيلة والذلة والمسكنة، وأعوذ بك من الفقر والكفر والفسوق والشقاق والنفاق والسمعة والرياء، وأعوذ بك من الصمم والبكم والجنون والجذام والبرص وسوء الأسقام.
وقال المناوي في فيض القدير: (استعيذوا بالله من الفقر والعيلة) من أعال كثرة عياله والواو بمعنى مع أي الفقر مع كثرة العيال فإن ذلك هو البلاء الأعظم.
يا أخي لازم نكونوا منطقيين شوية وين راح تسكن؟ و هادي تقدر تسكن عند أهلك بصح شحال راح يصبروا عليك و شحال راح تصبر الزوجة ديالك معاهم؟؟؟؟؟؟؟؟؟؟
وزيد مختلف الفواتير لي راح تسددها يعني ماء كهرباء غاز.....إلخ
وزيد متطلبات المنزل من خضر ووو
وبعد تسعة أشهر من الزواج أو أكثر راح يكون مزيود جديد هذا الأخير الحليب ديالو يدير 350 دج و الحقاضات دياولو يديرو 800 دج (فيهم 80 قطعة)
ومن كل هدا نستثنيوك أنت و الزوجة المغبونة لي راح جيبها من المتطلبات الخاصة بيكم يعني باختصار متقدر تشري والو ليك و ليها
وبعد نهاية العقد ماذا يضمن لك أنك ستدمج يعني تخرج قفة بلا يدين كيما قالوا ناس بكري
وفي الأخير أقول لك صحيح أن الله هو الرزاق لكن على الأقل نأخذ بالأسباب

[mehal]

نقدر نتزوج لكن بشرط لازم نتزوج ب 5 نساء موظفات دائمات هاهاهاهاهاهاهاهاهاهاهاهاها

[zidou_24]

السلام عليكم
أنا متزوج وأعمل في عقود الهم
عندي طفلة آية ربي يحفظها
الحمد لله يا إخوة أنه هو الرزاق الوهاب لا تجعلو الدنيا كل همكم لأنك يا ابن آدم خلقت ورزقك معك
إخوتي لي يلقى بنت الحلال ما يسناش والله ضحكة صغيرة من بنتي تساوي عندي الدنيا وما فيها
والرزق يا إخواني ليس المادة فقط
الرزق صحة ذكاء علم أطفال زوجة صالحة ...........................الخ
بارك الله فيكم
اللهم أصلح حال إخوتي وزوجهم يا رب العالمي
السلام عليكم

[aissariche]

قادر تتزوج يعني بلا 15000 دج............اما ادا عملت عليها مادير ولوا.......مصروف الجيب.......2 قهاوي في النهار .2جريدة...2 دوش في الاسبوع.......1ساعة يوميا في السيبار....تشارك في مسابقة كل شهر تقريبا........تفليكسي 20 مرة لانك ماكش متزوج........+مصاريف النقل +مصاريف الاكل........وووووووووووووااااششششش ديييييييررررر15000
ربي يصبرنا

[شمشام]

سبحان الله تقول ناويين غير على العقود
علاه ربي فيه الا الخير وزيد مش شرط أنك تخدم عقود ماقبل البطالة

[زريبية]

عجبت من بني ادم يطلب الرزق و لم يتزوج
وفي الولد(نحن نرزقكم واياهم)صدق الله العظيم تتزوج حتى ولم تكن في العقود (تزاوجوا تكاثروا فاني مباه بكم يوم القيامة) صدق رسول الله صلى اله عليه وسلم. انتهى الموضوع قد تبين الرشد من الغي

[safia91]

انا ب مليون متزوج والحمد لله وعندي طفلة
الرزق على ربي والموت وحدة
مثلا راك مترسم وش يضملك بلي يجيك حتى مشكل ويخرجوك من الخدمة
راه بليس يفشل فيكم المهم النية الصافية

[شخص خاص]

ماتقدرش............. على خاطر ذيك 15000 تروح غير في ليكوش والحليب انتاع الذراري،لو كان شفت روحي نقدر لوكان راني بولادي (صافي لونتون)............................ههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههه

[عبد الوالي]

جاء في الصحيحين عن رسول الله صلى الله عليه و سلم أنه قال : «يَا مَعْشَرَ الشَّبَابِ مَنِ اسْتَطَاعَ مِنْكُمُ البَاءَةَ فَلْيَتَزَوَّجْ، فَإِنَّهُ أَغَضُّ لِلْبَصَرِ، وَأَحْصَنُ لِلْفَرجِ، وَمَنْ لَمْ يَسْتَطِيعْ فَعَلَيْهِ بِالصَّوْمِ، فَإِنَّهُ لَهُ وَجَاءٌ». رواه البخاري ومسلم .

الوقت راه صعيب و ما يرحمش ، الواحد راه ما قامش حتى روحو لا في الاكل و لا في اللباس و لا حتى في السكن ، فما بالك بزوجة و فيما بعد بزوجة و ولد او ربما توائم 2 او 3 ؟؟؟
رانا انشوفو يوميا زوجات تترمى في الشارع و زوجات تخلاو عنهم رجالهم و هربو ؟؟
الواحد ماشي لما تتلخبط عليه الامور تلقاه يأتي بالحديث النبوي الشريف الذي قرن فيه الرزق بالزواج فقط دون نصوص الكتاب و السنة الأخرى

هذا الحديث لا يفهم هكذا لوحده و إنما يُفهم مع باقي نصوص الكتاب و السنة التي تحدثت او تناولت موضوع الرزق

[شمشام]

جاء في الصحيحين عن رسول الله صلى الله عليه و سلم أنه قال : «يَا مَعْشَرَ الشَّبَابِ مَنِ اسْتَطَاعَ مِنْكُمُ البَاءَةَ فَلْيَتَزَوَّجْ، فَإِنَّهُ أَغَضُّ لِلْبَصَرِ، وَأَحْصَنُ لِلْفَرجِ، وَمَنْ لَمْ يَسْتَطِيعْ فَعَلَيْهِ بِالصَّوْمِ، فَإِنَّهُ لَهُ وَجَاءٌ». رواه البخاري ومسلم .

الوقت راه صعيب و ما يرحمش ، الواحد راه ما قامش حتى روحو لا في الاكل و لا في اللباس و لا حتى في السكن ، فما بالك بزوجة و فيما بعد بزوجة و ولد او ربما توائم 2 او 3 ؟؟؟
رانا انشوفو يوميا زوجات تترمى في الشارع و زوجات تخلاو عنهم رجالهم و هربو ؟؟
الواحد ماشي لما تتلخبط عليه الامور تلقاه يأتي بالحديث النبوي الشريف الذي قرن فيه الرزق بالزواج فقط دون نصوص الكتاب و السنة الأخرى

هذا الحديث لا يفهم هكذا لوحده و إنما يُفهم مع باقي نصوص الكتاب و السنة التي تحدثت او تناولت موضوع الرزق



كي عدت كيما هك أشرحلي الحديث لي كتبتو ولا اشرحلي كلمة الباءة شني هي برك ؟؟ علاه راك متناقض

[panasoni]

والله ياخاوتي انا نخدم في لاداس وخلصت المهر منها البراكة في القليل وديرت منها الخاتم تاكدو رابي كين

[zvavile2003]

يا danona كلامك دوا او بالحري صدق رسول الله

[fouzet]

افريوها اولا في العمل وممبعد فكر في الزواج ماهوش هارب

[adouma]

يا خاوتي ربي يفرج عليكم بخدمة نحيو مشكل الخدمة و من بعد فكرو في الزواج
و الله تكون بمشكلة تولي بمشاكل
تكون تحوس على الخدمة
تولي تحوس على الخدمة و زيد المهر و زيد الخاتم و الذهب اللي راهم يطلبوه البنات هذا الوقت
و زيد بعد الزواج المسكن و الاطفال و تولي تخمم كيفاش جيب المصاريف هذه
انا نطلب من الله العزيز الوهاب انو يفرج على كل واحد منا
هذه من وجهة نظري اعلم انه كاين اللي يخالفني الراي
سلاااااااااااااااااااااااااااااااااااااااام

[bbc]

و الله يا اخوتي و اخواتي صدقوني كنت نحكي مع زميلاتي وفي هدا المو ضوع و خرجنا بالنتيجة التالية ادا حبيت تتزوجي بشاب صغير فعليك ان تشتغلي حتى تساعديه و الا فعليك بشيخ هرم
ربي يجيب الخير

[hano.jimi]

ممكن خاصة اذا كانت المراة تعمل

[ikhbb81]

جاء في الصحيحين عن رسول الله صلى الله عليه و سلم أنه قال : «يَا مَعْشَرَ الشَّبَابِ مَنِ اسْتَطَاعَ مِنْكُمُ البَاءَةَ فَلْيَتَزَوَّجْ، فَإِنَّهُ أَغَضُّ لِلْبَصَرِ، وَأَحْصَنُ لِلْفَرجِ، وَمَنْ لَمْ يَسْتَطِيعْ فَعَلَيْهِ بِالصَّوْمِ، فَإِنَّهُ لَهُ وَجَاءٌ». رواه البخاري ومسلم .

الوقت راه صعيب و ما يرحمش ، الواحد راه ما قامش حتى روحو لا في الاكل و لا في اللباس و لا حتى في السكن ، فما بالك بزوجة و فيما بعد بزوجة و ولد او ربما توائم 2 او 3 ؟؟؟
رانا انشوفو يوميا زوجات تترمى في الشارع و زوجات تخلاو عنهم رجالهم و هربو ؟؟
الواحد ماشي لما تتلخبط عليه الامور تلقاه يأتي بالحديث النبوي الشريف الذي قرن فيه الرزق بالزواج فقط دون نصوص الكتاب و السنة الأخرى

هذا الحديث لا يفهم هكذا لوحده و إنما يُفهم مع باقي نصوص الكتاب و السنة التي تحدثت او تناولت موضوع الرزق


قال الله تعالى : (وَأَنكِحُوا الأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمْ اللَّهُ مِنْ فَضْلِهِ)

[mirage de cirta]

انشاء الله تفرج وتتزوجو ورزقكم في السماء وما توعدون

رايحيين تتزوجو انشاء الله وتتفكرو هذي الأيام مع اولادكم ولما لا مع احفادكم وتضحكو

[غليزاني 48]

الرزق على ربي المهم البركة هدا مكان

[ليالي الجزائر]

أعتقد أن الزواج ليس له علاقة مباشرة بالوظيف العمومي.....أنظروا كيف استطاع ابائنا الاولين " يجيبوا رجالة ونساء

ما شاء الله" دون أن يكونوا " مخلوعين " بالرزق او حتى تجهيز بيت الزوجية وجابوا "ذراري " " جوتابل " بالمقارنة

مع اجيالنا نحن..........................لهذا توكلوا على الله وتزوجوا .


في اعتقادي الخاص......الزواج له علاقة مع مشكل الاختيار.....وهو بيت القصيد.......خاصة مع الوقت الراهن

لم تعد الفتاة تختار من ينفق عليها ولم يعد الشاب يختار على أساس الاخلاق والتربية والاصل.

[FABRIGAS7]

يعطيكم الصحة خاوتي
نشاء الله يفتح عليكم بالزواج

[mr1711]

قال الله تعالى : (وَأَنكِحُوا الأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمْ اللَّهُ مِنْ فَضْلِهِ)

أكمل الآية أخي " وَاللَّهُ وَاسِعٌ عَلِيمٌ "
فلو توقفت عند ما ذكرت لأصبح حقا على الله أن يغنيَ كل فقير تزوج ، ولكن الله ختم الآية بواسع دلالة على سعة رزقه وعلى قدرته على الالتزام بهذا الشرط ولكن جاءت كلمة عليم لتبيّن أنّ هناك من الناس من يختبر الله تعالى فيقول هاأنا تزوجت وأنا فقير ولم يغنني الله وهدفه تكذيب الآية والصد عن سبيل الله فالله عليم بنياتكم من الزواج فهو يغني من كانت نيته تطبيق شرع وحكم الله وسنة رسوله عليه الصلاة والسلام وليس شيء آخر فتأمّل .
بالإضافة إلى نصوص من السنةالنبوية كقول النبي صلى الله عليه وسلم :"إذا تزوج الرجل المرأة لدينها وجمالها كان فيها سِداداً من عِوز "
ومعناه :
(إذا تزوج الرجل المرأة لدينها) أي لأجل أنها دينة أي متصفة بصفة العدالة.
(وجمالها) أي حسنها وبراعة صورتها.
(كان فيها سدادا من عوز)أي كان فيها ما يسد به الفقر وتدفع به فاقة الحاجة .
ولا ننسى قول عائشة أم المؤمنين :" عجبت لمن يطلب الغنى في غير النكاح "

[khaledsalame]

تقدر تتزوج..بصح لازم تكون المادام خدامة

[ikhbb81]

أكمل الآية أخي " وَاللَّهُ وَاسِعٌ عَلِيمٌ "
فلو توقفت عند ما ذكرت لأصبح حقا على الله أن يغنيَ كل فقير تزوج ، ولكن الله ختم الآية بواسع دلالة على سعة رزقه وعلى قدرته على الالتزام بهذا الشرط ولكن جاءت كلمة عليم لتبيّن أنّ هناك من الناس من يختبر الله تعالى فيقول هاأنا تزوجت وأنا فقير ولم يغنني الله وهدفه تكذيب الآية والصد عن سبيل الله فالله عليم بنياتكم من الزواج فهو يغني من كانت نيته تطبيق شرع وحكم الله وسنة رسوله عليه الصلاة والسلام وليس شيء آخر فتأمّل .
بالإضافة إلى نصوص من السنةالنبوية كقول النبي صلى الله عليه وسلم :"إذا تزوج الرجل المرأة لدينها وجمالها كان فيها سِداداً من عِوز "
ومعناه :
(إذا تزوج الرجل المرأة لدينها) أي لأجل أنها دينة أي متصفة بصفة العدالة.
(وجمالها) أي حسنها وبراعة صورتها.
(كان فيها سدادا من عوز)أي كان فيها ما يسد به الفقر وتدفع به فاقة الحاجة .
ولا ننسى قول عائشة أم المؤمنين :" عجبت لمن يطلب الغنى في غير النكاح "


بارك الله فيك اخي على التنويه ...

"إذا تزوج الرجل المرأة لدينها وجمالها كان فيها سِداداً من عِوز " حديث مرفوع