يا الهي

[مشكلتي]

السلام على احبائي في الله
مالقيتش اللي يفهمني و الله مخي حبس فقدت الثقة ماولش عندي هدف في حياتي لان هاذ الدنيا كلش يمشي بالعكس

حابة اجوبة علي اسئلتي و نتمنى تكون بكل صراحة

- هل الطفلة اللي ما تمدش رقم الهاتف للدراري يشوفوها على اساس معقدة

-هل الطفلة اللي ما يخليوهاش دارهم تشاتي دارهم ماهمش متحضرين

-هل الطفلة اللي ما تخرجش في مواعيد واحدة مشوكية من عمرها

-هل الطفلة اللي تحشم و ذكية و كلش اديلو حساب قبل خبيثة ولا الراجل يخاف من هاذ النوع

- هل الطفلة اللي تخرج كيما تحب بلا ما تشاور دراهم مدايرين فيها ثيقةو الي ما تخرجش غير للحاجة يعني ما عندهومش ثقة فيها

عييت ما نفهم العيب فيا ولا في الناس و لا في الوقت البنات اللي يمشيو عكس واش قلت هوما اللي صح يزوجو من احسن ناس اللي تلقاه يقولك هاديك عقلية هايلة فهموني واش صرا

[aissam .3820]

(هذيك هي الثقافة الغربية نتاع المسلسلات والافلام....)
..
وهذي هي بنت الفاميليا اختي..
..
كملي هكذا..
..

[** أم عبد الرحمن **]

[quote]
السلام على احبائي في الله

وعليكم السلام ورحمة الله وبركاته


مالقيتش اللي يفهمني و الله مخي حبس فقدت الثقة ماولش عندي هدف في حياتي لان هاذ الدنيا كلش يمشي بالعكس


خيرا إن شاء الله اخيتي ، إنك في زمن الغربة وترين فيه العجب العجاب فاسألي الله العافية واشتغلي بما ينفعك *هذه نصيحة لنفسيييي ولكِ* ودعكِ من الناس.


حابة اجوبة علي اسئلتي و نتمنى تكون بكل صراحة
- هل الطفلة اللي ما تمدش رقم الهاتف للدراري يشوفوها على اساس معقدة


هم ،صحيح يمكن يشوفوها كذلك لأنّ المعاصي هانت لديهم وأصبح كل شيء "عادي " ،ولكن هي جوهرة حفظها الله و أبعدها عن أوحال المعصية ، إذاً ، هي عليها شكر هذه النعمة التي امتن الله عليها وهنا يحضرني قول الحسن البصري رحمه الله تعالى : ((هانوا عليه فعصوه ولو عزوا عليه لعصمهم))فلتستشعر من عافاها الله من ذلك هذه العزة ولتشكر الله عليها


-هل الطفلة اللي ما يخليوهاش دارهم تشاتي دارهم ماهمش متحضرين


لا بالعكس ،نعم الأهل هم ، حفظوها ولم يضيعوا المسؤلية -جزاهم الله خيرا-، وأقول مرة أخرى أختي لا داعي للالتفات لكلام الناس ما دمت ساعية لإرضاء الله تعالى.


-هل الطفلة اللي ما تخرجش في مواعيد واحدة مشوكية من عمرها

نفس الشيء لا تلتفتي لكلامهم وامضِ في حياتك عفيفة طاهرة-حفظك الله ورعاك- ،وأما هادي "مشوكية" ..الخ ، فقولي : نعم ، من الأهوال التي حدثت جراء هذه الأفعال الخبيثة .. فنعم " الشوك " هو


-هل الطفلة اللي تحشم و ذكية و كلش اديلو حساب قبل خبيثة ولا الراجل يخاف من هاذ النوع


كلامنا ليس عن الرجال ، فهؤلاء ليسوا رجال بل أشباههم ، من يرضي أن يخرج و يتمشى مع بنات الناس ...الخ ولم يتق الله فيهم !!
أما عن الحياء فهو مطلوب جدا جدا من الفتاة وهو شعبة من شعب الإيمان .
عن ‏ ‏عبد الله بن مسعود ‏ ‏قال ‏‏قال رسول الله ‏ ‏صلى الله عليه وسلم ‏‏: ( استحيوا من الله حق الحياء ) قال قلنا يا رسول الله إنا ‏ ‏نستحيي والحمد لله قال ( ليس ذاك ولكن ‏‏ الاستحياء من الله حق الحياء أن تحفظ الرأس وما وعى والبطن وما ‏ ‏حوى ‏ ‏ولتذكر الموت ‏ ‏والبلى ومن أراد الآخرة ترك زينة الدنيا فمن فعل ذلك فقد استحيا من الله حق الحياء )
رواه أحمد والترمذي والحاكم والبيهقي عن ابن مسعود ورواه الطبراني مرفوعا من حديث عائشة وحسنه الألباني في صحيح الترغيب 2638


- هل الطفلة اللي تخرج كيما تحب بلا ما تشاور دراهم مدايرين فيها ثيقةو الي ما تخرجش غير للحاجة يعني ما عندهومش ثقة فيها


ليس ذلك معيارا للثقة والله أعلم ،فمشاورة الأهل دليل على احترامهم وتوقيرهم ووبذلك تزداد ثقتهم بكِ ، ومن لا تخفي شيئا لن تخاف أن تقول لأهلها عن كل تحركاتها ، أليس كذلك ؟!!


عييت ما نفهم العيب فيا ولا في الناس و لا في الوقت البنات اللي يمشيو عكس واش قلت هوما اللي صح يزوجو من احسن ناس اللي تلقاه يقولك هاديك عقلية هايلة فهموني واش صرا

ما معنى " أحسن الناس هنا " ؟؟؟؟
هل هو صاحب المال ،أم صاحب الجاه ... الخ ، لأنّ الناس الآن في هذا الزمن يرون أن من تزوجت بغني ...الخ ف "عندها الزهر !!" كيما يقولوا.
(فائدة : حكم قول " ليس لدي حظ " ( ماعنديش الزهر )
السؤال:
هل قول هده المقولة -ليس لدي حظ- ؟
وهل تعتبر شرك أصغر،وهل يجوز قول -يا له من حظ سيء- ؟

للشيخ العلامة الإمام
مفتي الجنوب
أحمد بن يحيى النجمي
-رحمة الله تعالى-

تفريغ الجواب:
ليس لدي حظ يعني ما عنده حظ هذا ما ينبغي ينبغي أن الإنسان يتفاءل بالخير ويشكر الله عز وجل على ما حصل وهو إن حصل الخير له فذلك من فضل الله عز وجل , وإن حصل شيء يرى أنه من سوء حظه فهذا قد يكون فيه له عند الله سبحانه وتعالى ما يكفر بعض سيئاته أو ما أشبه ذلك , وينبغي للإنسان ما يقول مثل هذا الكلام , نعم .
)
ولكن من عقدت قلبها على أنّ الرزق على الله ، وأن ما عند الله لا يُنال بمعصيته تمضي قدما ولا تسمع لكلام الغوغاء.

والله أعلم
وفقك الله أخيتي وحفظك الله ورعاك.

[Spongy]

- هل الطفلة اللي ما تمدش رقم الهاتف للدراري يشوفوها على اساس معقدة
ماكانش منها الي ماتمدش رقمها معقدة بالعكس هي اصيلة و بنت فاميليا
و تحشم على اصلها

-هل الطفلة اللي ما يخليوهاش دارهم تشاتي دارهم ماهمش متحضرين
ماشي مهمش متحضرين راهم خايفين عليك من الخرجات تاع لاتشات و ولاد الحرام

-هل الطفلة اللي ما تخرجش في مواعيد واحدة مشوكية من عمرها
ابدا


-هل الطفلة اللي تحشم و ذكية و كلش اديلو حساب قبل خبيثة ولا الراجل يخاف من هاذ النوع
الطفلة لي كيما هاكا عند روحها كيما نقولو ساجية ما تخليهمش يحشولها
و الراجل ما يحبش هاد النوع يحب النوع الي يديرلو كيما يحب هو

- هل الطفلة اللي تخرج كيما تحب بلا ما تشاور دراهم مدايرين فيها ثيقةو الي ما تخرجش غير للحاجة يعني ما عندهومش ثقة فيها
الطفلو الي تخرج كيما تحب والديها ما يحكموش فيها و بنت شوارع(آسفة على العبارة) و الي تخرج بمشورة والديها هي الي نسموها طفلة و ماهيش قضية ثقة

كملي كيما هاكا اختي راكي هايلة انت بنت فاميليا ماشاء الله
ماتديهاش في هدرة الناس و تعمريش راسك بيهم فارضاء الناس غاية لا تدرك
عيشي حياتك كيما تبغي ماشي كيما يبغو الناس
تمتعي بحياتك و ماتخليش الناس تهدر عليك هاديك عاملة و فاعلة...
خلي كرامتك و سمعة والديك في الآعلى
هاد الوقت ما يرحمش و كلش راه بالمقلوب

تحياتي

[anes1970]

كيما هاك ولا مكاش ....هيه العصرنة واش ادير فيينا

[الواثق]

وهل الجوهرة او الحجر الكريم موجود في كل بيت ؟؟؟؟ هو نااااااادر وقليل من يملكه ......فانت جوهرة فحافظي على نفسك حتى يرزقكي الله بزوج صالح يصونكي ويحافظ عليك .....والله هو الرزاق وهو ادرى بعبده وهو سميع الدعاء

[مستفانم]

أحي أحي يا طفلة . هذو باينة غير صحاباتك وسوسوك

هذوك بنات غير تع لهو ماتقيميهمش

iهاكي وسمعي بوذنك كي تجي للحق حنا الرجال كامل نختارو بنت الفاميليا العاقلة والمربية

أصلا شكون هذي اللي كانت تخرج مع واحد في صغرها وتزوجت بيه ؟؟؟؟ لا يوجد ولا بالك 0.1%

[u
الله يبارك ختي ماديريش على هدرة الناس

[امين16]

هي اصيلة و بنت فاميليا
و تحشم على اصلها

[lisace2]

المسلست التركية واش اتدير
هههههههههههههههههههه
بنات اخر الزمان

[***star***]

ديري واش يرضي ربي والغاشي ماعلابالك بحتى واحد.
لازم تكون عندك شخصية قوية راكي مقتنعة بلي هادوك التصرفات حرام c'est bon
ماتظليش تحوسي على الناس واش يخمو وواش يقولو يتلاهو بعمارهم قبل .

[سرب النحل]

كارثة المسلسلات التركية واش دارت في الناس

[برايجية83]

هكذا الدنيا ولاة بنات الفاميليا ميفهموش لاخطر ميخرجوش والكاسيات العاريات مثقفين يتزوجو غير لهاي الكلاص وبنت لالفاميليا تدي شيخ ولا زوالي ولا مطلق لاه متخرجش ومحترمة
هكذا لحق بينا الزمان

[z.abdo]

أختي بدون أن نكثر الكلام انت على طريق الصواب فلا تغييري تفكيرك ولا يهمك كلام الناس
لان إذا حبيت تتكلمي في الهاتف دركا راكي تدي واحد كان يتكلم مع البنات

وإذا حبتي تبقي ملتزمة بإذن الله تتزوجي مع واحد ملتزم
الطسيبون للطيبات

تقبلي مروري

[Abdellah M]

كيما هاك ولا مكاش ....هيه العصرنة واش ادير فيينا

[النجاح حليفك]

سمحولي على سوء الفهم هذك النهار

[النجاح حليفك]

يا اختي ماكانش كيفك قاع انا نفس العقلية نتاعك جامي مديت نيميرو نتاعي حتا الخداما الرجال لبي يخدمو معايا لا غي لبنات ، شوفي اختي هذوك لبنات غي نتاع زنقا الا ما رحم ربي ، اللي يبغيك يجي للدار يخطبك مشي كل يوم نتي معاه فالبلاد و شوفي مين تمديله نيمرو راكي تيحتي

[النجاح حليفك]

تيحتي niveau نتاعك و ديجا هو ما عنده niveau ، راني على الاخلاق ، انا كبيرا و نشاور ما و با ، رضا الله برضا الوالدين و شعال ما تصبري ديري
و شعال ما تصبري ربي يجيبلك السعد اللي جامي حلمت بيه و الله ، هاذي من عندي ديها نصيحة اخت لختها ، خلي ثيقتك بنفسك كبيرة
كبيرة تهلاي في روحك ، خدمي و لا قري و ربي يجيبلك علا حساب نيتك ، حسبتي لي خرجو معاهم و داوهم راهم هانيين ، لا
، الحب يجي بعد الزواج ،هذا رايي

[*أم كوثر*]

ا في الوقت البنات اللي يمشيو عكس واش قلت هوما اللي صح يزوجو من احسن ناس اللي تلقاه يقولك هاديك عقلية هايلة فهموني واش صرا


وهل تسمين هدا زواج؟؟؟ ذاك الذي لا يتعدى الاشهر المعدودة و ينتهي بالطلاق ؟؟
اكيد انك تسمعي على الدي يحدث في دور المحاكم
احمدي ربك على ربايتك و اصلك الطيب والزواج بامر الله لا طفلة عقليتها هااايلة لاوالو
كي يجي نصيبك من عند ربي لا يستقدم ساعة ولا يستأخر
ربي يرزقك بولد الحلال اللي يستاهلك

[سجل أنا جزائري]

ما تحيريش أختي رانا في وقت اللي قال الرسول صلى الله عليه و سلم الاسلام بدأ غريب و سيعود غريب

انا ثاني راني كيفاش نقول وش بيهم البنات ذرك اللي تشوفها تلقاه عندها حبيبها !!

مي حمد لله علابالي مزالو بنات الأصل و مزالو بنات محافضين على مبدأ تاعهم

كون جات كا نتزوج حتى واحدة

و نقولك أختي مام الرجال ثاني كاين بزاف صحابي و نعرفهم و هاي كلاص كيما وصفتيهم مي أمبوسيبل يدي وحدة كيما راكي تقولي

عليهم

واحد ما يكذاب عليك في هذي علابالي البنات تع ذرك يلعبو فيها تقول حبيبي عندو و عندو .... مي شوفيها نهار زواج كيفاه تعيش اذا تزوجت بيانسور

ملخص القول أختي أثبتي على مبدأ تاعك و واحد ما يهمك فيه وش يدير حتى الناس كامل تقولك راكي معقدة و متخلفة

[أبو أنس المسيلي]

جواب ام عبد الرحمن .... كافي شافي ... بارك الله فيك

[you92cef]

نعيب زماننا والعيب فينا

لافوط راه فيهم مشي فيك واذا لم تصدقيني فجربي ولكن النتائج تحمليها لوحدكي!