الى العاملة المتزوجة فقط.......

[*عائشة*]

:dj_17:الى العاملة المتزوجة فقط ...........كيف تنظمين وقتك

[سارة البوسعادية]

مزال ماتزوجتش وراجلي رافض الخدمة اساسا

[manina_dr]

ملل متزوجتش بالصح وش تتوقعي عيشك سي سير السلب و النهب هههههههههههههه نضحك برك بالصح اكيد الراجل مدام خلا مرتو تخرج تخدم يطلب منها تساعدو في البيت و تتقاسم معاه مصاريف البيت و سيرتو الحوايج الكبار كي تشريوه اكيد النص بالنص و مالا لاه خلاها تخدم و اصلا المراة الخدامة و شتدير بدراهمها اكيد تلوحهم في بيتها
انا راني نحكي باسك ماما خدامة و راني شايفة

[سارة البوسعادية]

لازم تعاوني ورح تكون سبب مشاكل كبيرة مالغري الراجل يكون خدام راه يطمع فيك
اقل شئ يقلك قيمي روحك
وانا مانحبش نشري حوايجي وحدي لازم هو يشريلي على هكدا كي قالي حبسي جاتني من الجنة والناس
هههههههههههههههههههههههههههههههههههههههههههه

[isma84]

كل واحد و كيفاش كاين اللي مايحوسش على الشهرية تاعها خلاص و كاين اللي يتبعها و يحب يديهالها و كاين اللي يحبها تعاونه و خلاص المهم الماة من الاول هي تاخذ الحذر تاعها و ماتخليهش يتحكملها فالراتب تاعها مشي هي تخدم و هو يديهالها لازم يكون التعاون بيناتهم مشي يحب ياخذ كل شي ليه الواحد يتزوج واحدة خدامة باه تعاونه هذا هو الاساس و كل واحدة و شطارتها

[manina_dr]

لازم تعاوني ورح تكون سبب مشاكل كبيرة مالغري الراجل يكون خدام راه يطمع فيك
اقل شئ يقلك قيمي روحك
وانا مانحبش نشري حوايجي وحدي لازم هو يشريلي على هكدا كي قالي حبسي جاتني من الجنة والناس
هههههههههههههههههههههههههههههههههههههههههههه
اااااااااااااااااااااااااه يا شرية حوايجو يجيوك بنان خير مالا نتي تحبي نتاع قرااااااااااااطوي

[rose de kici]

لازمك عليكم تتعاونو على حوايج الدنيا مهما يكون راجلك قادر ماكانش كيف صواردك في يدك وثاني الخدمة ماهيش برك شهرية راهي قيمة وهمة والي يسبل في خدمتها غير المهبولة امالا علاه قراوك والديك وتعبو عليك باش تحكمي الدار؟؟؟؟؟؟؟؟؟؟؟؟

[فتـ حييةـاة]

مزال ماتزوجتش وراجلي رافض الخدمة اساسا

ربي يهنيك معاه اختي
هنيئا لكي :19:

[dotZero]

ملل متزوجتش بالصح وش تتوقعي عيشك سي سير السلب و النهب هههههههههههههه نضحك برك بالصح اكيد الراجل مدام خلا مرتو تخرج تخدم يطلب منها تساعدو في البيت و تتقاسم معاه مصاريف البيت و سيرتو الحوايج الكبار كي تشريوه اكيد النص بالنص و مالا لاه خلاها تخدم و اصلا المراة الخدامة و شتدير بدراهمها اكيد تلوحهم في بيتها
انا راني نحكي باسك ماما خدامة و راني شايفة


ليس دائما
أن اتفقنا أصلا على فكرة الخدمة مانخليهاش تحط فرنك
و دراهمها نهار نموت تجبدهم
نفضل نتحمل الضغط وحدي على أنه ييجي نهار و تقولي أنا تاني صرفت و درت و درت
نتخيلها تقولي "أنا تاني راجل"

[*عائشة*]

وعلاه .. الراجل كي يكون اصيل يخليها تخدم وتعاونو بلا ما يحسسسسها بالطمع فيها .. لازم يتفكرها و يشريلها و يداويها ...... يعني يصرف عليها عادى وكي يكون محتاج ولا عندهم مشروع ما يتعاونوا فيه

[souma30]

ma kanch khir mn alrajl ythaml masolito w how ali ysraf 3la adar
li ano adin alzam arajl machi almra
w hada howa asah
mo3dam ansa ali yakhadmo 3andhom darotat khasatan nafsia
almra mamlkatha darhhhhhhhhhhhhhhhhhhhhhhhhhhhhhhhhhhhhha

[anfel]

قضية عمل المراة المتزوجة هي مبدا تفاهم بالنسبة لي وبما اني موظفة جديدة وراه عدنا مشروع سكن اتفقنا انه المرتب ديالي نخلوه للمسكن و نصرفو بالمرتب دياله هو خاصة انو ماعدناش دراري يعني كل زوجين وبرنامجهم على المدى المتوسط و الطويل (تقول برنامج انتخابي هههههههههههههههه)

[مومي23]

اختي القصية فيها تفصيل في بعض الحالات المعاشة
1- مشكل الرجل الذي ياخذ راتب زوجته و لا يعطيها الا الفتات و ممكن لا يعطيها ابدا و هناك من هذا النوع من يمنع زوجته اصلا ان تتوجه الى البريد لسحب راتبها و يذهب هو للقيام بهذه العملية .
2- الزوجة العاملة التي تاخذ راتبها و لا تعطي زوجها او الاصح لا تقدم لبيتها اي شيئ و قول ان الزوج هو المسؤول عن المصروف و هي تصرف في امور تافهة و ممكن تعطي لعائلتها دون حساب و الادهى و الامر انها قد تقرض زوجها لشراء سيارة تركبها هي و تتمتع بها و تطالبه ان يعيد لها ما استلف منها و باسرع وقت دون النظر الى ظروف زوجها


و هناك المنطق و الحياة السعيدة مع زوجين متفاهمان على امور الدنيا الزوجة تعمل لتساعد زوجها في امور الحياة لتكوين نفسيهما
الزوج يسحب راتبه و يصرفه في امور البيت و الزوجة تدخر راتبها لصالح الاسرة و ليس فيهما من يقول هذا لي و هذا لك
و انما يقولان هذا لنا لقد اشترينا كذا و لقد فعلنا كذا

[SARA22]

انا عاملة غير متزوجة ورايي الخاص انها تبقى عملية نسبية المتحكم فيها هما الزوجان فحسب شخصية الفتاة فهناك من تقبل ان تجلس في البيت و الزوج يبقشش عليها في البداية يبدى عسل و مبعد يمل عن تجربة هذا الكلام من خواتاتي حبسو خدمتهم من طلب من الزوج و اليوم راهم نادمين يصرفو عليهم و يحاسبوهم .
وفي نوع الزوج هو من يفرض عليها الخدمة ليستغل خلصتها
وفي نوع يقبل بخدمتها و عاونها باش تنجح و طور من نفسها و يكون متفهم لتعبها في العمل و يكونوا مع بعضهم يد وحدة في كل شئ المال البيت الرائ ... و يكون هو الزوج المثالي بالنسبة لي و لي اتمنى ربي يرزقني بواحد كيماهاك

[Mohamed12013]

مزال ماتزوجتش وراجلي رافض الخدمة اساسا

يعطيه الصحة

[madir15]

التفاهم أساس الاستمرار.

[السيدة كرمين]

السلام عليكن

طبعا التفاهم أساس الاستمرار واذا اثنين اختارو بعض
عن قناعة واسس سليمة مشي الماديات لي رح يختلفوا عليها
كوني موظفة وحتى ان لم أكن كذلك أكيد أن الدخل
رح يقسم كالآتي :

* أربعة أضرفة لكل شهر واحد نصيب متساوي من المصروف
و الباقي في الأخير يوزع على الأضرفة الآتي ذكرها

* ضرف للحالات الطارئة ، ضرفان لا استطيع اخباركن بهما

* ومبلغ كل واحد يختاره على حسب كل شهر
يتركه لنفسه وله مطلق الحرية التصرف فيه

أرجوا نكون أفدتك

تقبلي تحياتي

[سجل أنا جزائري]

في رأيي مدام خلها تخدم تعاونو بلا مزيتها على الأقل مصريفها الخاصة بيها ما تهدرلوش عليه

[hilan]

راني حابة نتعاون معاه باش نكريو و لا نشريو الدار