همي [الأرشيف] - منتديات الجلفة لكل الجزائريين و العرب

مشكلتي

2012-03-25, 19:35

السلام عليكم
انا حبيت نفضفض هنا و خلاص راح نتخنق والله مشكلتي هي زوجات اخوتي والله يزيدو على العبد من يوم دخلو حياتنا انقلبت حياتنا تماما المشاكل كثرت و امي مرضت كل واحدة بدارها مي يجو ينغصولنا حياتنا و اختي الكبيرة ردوها خديمة والله تغيضني ماجاش مكتوبها و يلوحولها الكلام و مازاد الطين بلة زوجة اخي الاخيرة ولات كيفهم جاو يسكنو عندنا ولينا محاصرين مانقدرو نتنفسو حبا نتزوج نتهنا دي فوا نقول نقبل بالي جا و نتهنا و ندعي لاختي ربي يفرج عليها اكثر مني والله ماعرفت واش ندير خلاص قلبي تعمر واش ندير هدا وزعما مانهدرش معاهم مي يضلموني ادعولي بالفرج انا و اختي

بنت الحجاج

2012-03-25, 22:14

ربي يرزقك الزوج الصالح

و يهدي نسا خاوتكْ

z.abdo

2012-03-25, 22:36

أقلك حاجة أختي
يجب ان تعرفي كيف تتعاملي مع زوجات أختك فليس الهروب حل
وديري في بالك
تخيلي لو تتزوجي كما قلتي وتجدي عند زوجك نساء في عائلته امر ما عندك
فتعلمي كيف تتصرفي بحكمة
لأن الحياة مدرسة حتى ولو أخطأنا نتعلم من أخطائنا وأخطاء غيرنا
رزقك الله بالزوج الصالح

سجل أنا جزائري

2012-03-25, 23:16

و خواتك معلابلهمش بيكم زعما ؟

و ثاني كيفاه كامل الزوجات كيف بعضهم ما كان حتى وحدة فيهم عاقلة ؟

ريحان الجزائر

2012-03-25, 23:21

السلام عليكم و رحمة الله و بركاته أختي الله يصبركم و يهدي زوجات خاوتك ربي يرزق أختك الكبرى بالزوج الصالح عاجل غير آجل و خليهم يمعنيو كيما ربي يعطي يقدر ينحي الدنيا تفرح و تبكي و ربي يرزقك انت كذلك لازوج الصالح بصح نقولك ماشي لي جا تقبلي بيه شوفي المهم الدين و الأخلاق يا لعزيزة و انتوما كي تشوفوهم كترو أهطيوهم زوج كلمات يسكتوهم لعقالة بزاف ماشي مليحة و كاين لي يشوفوك عاقلة يطلعولك فوق راسك مالا أمشي معاهم بسياسة تعامليني مليح نحطك في عينيا تعامليني بالشر نعاملك بالخير بصح نقولك بلي راكي زودتيها حطي روحك و الله يفرج يا أختي و يرزقكم ربي العالي أزواج صالحين يستروكم و يهنوكم اللهم آمـــــــيـــــــــــــن

بلال الرومنسي

2012-03-26, 02:43

و خواتك معلابلهمش بيكم زعما ؟

و ثاني كيفاه كامل الزوجات كيف بعضهم ما كان حتى وحدة فيهم عاقلة ؟

لانو ازواجهن فتحولهم عينيهم .......... ولما يكون الزوج بلا شخصية الزوجة يتفتحو عينيها سبحااااااااااااااااااااااان الله كيف يكونو النساء قبل مايتزوجو ومبعد يرجعو انسان اخر ........... ربي يطيحنا في بنات الحلال صاحبات العقل الرزين والحبوبة

بلال الرومنسي

2012-03-26, 02:45

السلام عليكم و رحمة الله و بركاته أختي الله يصبركم و يهدي زوجات خاوتك ربي يرزق أختك الكبرى بالزوج الصالح عاجل غير آجل و خليهم يمعنيو كيما ربي يعطي يقدر ينحي الدنيا تفرح و تبكي و ربي يرزقك انت كذلك لازوج الصالح بصح نقولك ماشي لي جا تقبلي بيه شوفي المهم الدين و الأخلاق يا لعزيزة و انتوما كي تشوفوهم كترو أهطيوهم زوج كلمات يسكتوهم لعقالة بزاف ماشي مليحة و كاين لي يشوفوك عاقلة يطلعولك فوق راسك مالا أمشي معاهم بسياسة تعامليني مليح نحطك في عينيا تعامليني بالشر نعاملك بالخير بصح نقولك بلي راكي زودتيها حطي روحك و الله يفرج يا أختي و يرزقكم ربي العالي أزواج صالحين يستروكم و يهنوكم اللهم آمـــــــيـــــــــــــن

كاينة منها صح ............ لما يشوفوك عاقل يعتقدو انك ضعيف شخصية ...... ولا يعرفو سمة اسمها تبادل الاحترام ........

ام رحوقة

2012-03-26, 07:01

ربي يفرج عليك وعلى اختك ويرزقكم ازواج صاليحن عاجلا غير اجل امييييين

رزان.

2012-03-26, 09:32

ربي يفرج إن شاء الله

الله يهدي الجميع

الإحترام أصبح ضعف شخصية و لكن لن نتنازل عنه و الهروب من الواقع ليس حلا بل علينا أن نتصرف بحكمة و نتحلى بالصبر ، أما بالنسبة لقولك :
اختي الكبيرة ردوها خديمة والله تغيضني ماجاش مكتوبها و يلوحولها الكلام

راهي في دار والديها معززة مكرمة ، و الزواج راه مكتوب لا داعي لأن تتأثر بكلامهم فهو + ، -

بل تتحلى بالصبر و سوف يرزقها و يرزقك و يرزق الجميع إن شاء الله

جسور المحبة

2012-03-26, 13:14

ربي يفرج عنكم ويهدي نسا خاوتكم

fifi180

2012-03-26, 18:04

ربي يفرج على الجميع و يجيب للاخت الكبرى وليد الحلال
اسال مجرب على نساء الخاوة يمررو لمعيشة ربي يطيحنا في نفوس مؤمنة

جار الله المهدي

2012-03-26, 18:07

ربي يرزقك ببنت حلال وربي يهديهن الكل ... المهم عليك بالعناية بوالدتك وضع اختك بين عينيك الى ان يفرج عليها الله سبحانه وتعالى

Rima mimi25

2012-03-26, 18:39

ربي يفرجها عليكم و يرزقكم بالزوج الصالح إن شاء الله

fethichoauib

2012-03-30, 13:32

و تروحي أنت تتزوجي و تسكني في دار و تكتب وحدة من هذيك الدار تشكي منك و ندعو ليها ربي هي ثان و و و و و

أنزعق معاك برك ههههههههههه

الله يفرج عليك أختي و يجيبلك ولد الحلال و دارو وحدوووووو.

wafa kabylie

2012-03-31, 11:40

ربي يفرج عليييييييييييييييييييييييييييييك

أبوأنس2

2012-04-01, 06:51

استعيني بالله واصبري اصبري اصبري وربي يزين النية

نيل المنى

2012-04-01, 18:59

ربي يفرج على أختك الكبيرة و عليك بالأزواج الصالحين،و كنصيحة مني و عن تجربة شخصية لا تبيني لزوجات أخوتك أنهن قد تمكن من أغاضتك بل تجاهلي سلوكاتهن المسيئة حتى و لو كان ذلك صعبا للغاية في البداية لكنه صدقيني يجعل المسيئ يخجل من نفسه و يقارن ترفعك بدونيته خاصة ان كانوا أكبر منك سنا كما أتمنى ألا تبقي مكتوفة الأيدي في انتظار الفرج ،عليك بمتابعة تكوين تشغلين به حياتك و ينسيك التركيز على هاته المشاكل.
بأذن الله ربي يفرج،ربي يفرج،ربي يفرج اللهم أميييييييييييييييييييييييييييييييييييييييييييييييي ييييين
تحياتي أختي العزيزة