علاه الناس هكدا

[مشكلتي]

على بالي ما تصدقوش هد القصة لكن والله انها واقع نعيشوه صديقتي عندها اخ زوجها ملياردير اي عندو دراهم واحد نهار قاعدة تحكيلي والله اني تشوكيت منلي عاد الخو ما يحسش بخوه لكن وينها الام في هدا الكل المهم قاتلي بلي اخ زوجها واحد اخر ما عندوش عشاء ليلة واولادو محرومين من العاب كالاطفال الي في سنهم بالرغم من انو خوه لاباس عليه و انو ما يسالش عليه نهائيا لكن صديقتي بالرغم من انو حالتهم ميسورة الحال الا انها دائما تتفكرهم و تودهم حبيت تقولولي وينها الزوجة اللي هي توله زوجها يشوف لاخوه الي ضايع هو و بالاخ اسمحولي الى طولت عليكم لكن جاوبوني راني مشوكية

[بلال الرومنسي]

يا اختي واش رايح نجاوبك .............. !!!

هدا هو المجتمع فيه المليح وفيه الحاير ........ وفيه حالات اكبر من هادي بكثيـــــــــــــــــــــــــــــــــــــــــر ماراكي شايفة والو

فيه ناس تعتقد انو السعادة بالاموال الطائلة والقصور وسيارات اخر طراز يغيرونها كل سنة وكل ماتزيد اموالهم كل مايزيد طمعهم للمزيد ......... وايضا الزوجة لما تكون مصالحاش تجر على زوجها اكثر واكثر ........ لانها المفروض تكون مثل الام على زوجها .........

وربي يهديه ...... والله يخلينا لعقل

[مناد بوفلجة]

هي حالات عديدة في العالم العربي

هي عمى البصائر

المال القذر , يعمي القلوب

الله يهديهم

[ام رحوقة]

هدي هي الدنيا وكل واحد يقول يالله نفسي
الا من رحم الله
ربي يفرج على كي مهموم

[رزان.]

المال راه يبدل الطباع و ينسي ....... لكن ليس كل الناس مثل بعض الحمد لله مازال الدنيا بخيــر

والحمد لله أن هذا الرجل عنده امرأة صالحة راهي تحاول تصلح الأمور بارك الله فيها و جعله في ميزان حسناتها

المال ليس كل شيء في هذه الدنيا كاين أشياء أيضا مهمة مثل الصحة و الهناو كيما يقولوا الكســرة و الما و الراس في السما )

و الحمد لله و الشكر لله على نعمه الكثيرة

الله يهديـــــــــــــــه آميــــــــــــــــــــن

[بوجمعة44]

السلام عليكم
يا أخت و الله الحمد لله مازلت ماشفتش حالة كيما هكا في مجتمعنا بصح لي نعرفو انو ربي سيحان يعطي الرزق لمن يشاء وينزع ممن يشاء وسيجزي الله الصابرين ,
والله تعالى يختبرنا في كل وقت ونقلك حاجة لي عندو الدراهم ومايديرش بيهم الخير يخليه ربي يلها بيهم في الدنيا وفي الاخرة لهم عذاب شديد والله هديهم

[الاستاذة المستقبلية]

اختي هذا الراجل الغني و لكنه للاسف جاااهل لانه لا يعلم ان من اعطاه المال سينزعه له في يوم من الايام و لا يعلم ان الله اذا اعطاه الغني فهو في امتحان كبير جدا و اعتقد انه لم ينجح فيه .....المال ياتي و يروح و لكن الاخ لما يروح لا شيء يستطيع تعويضه ....على هذه الزوجة ان تنبه زوجها و تلعب دور الام و الاخت من اجل ان يساعد زوجها اخاه لانه من واجبه ........على الانسان ان يتخيل دائما نفسه مكان الاخرين فهو عليه ان يسال نفسه اذا كان هو الفقير كيف يريد ان يتصرف الاغنياء معه و خاصة اخوته اكيد انه يريد ان يجد ناس تساعده و تفرح اولاده .......اختي ان الرزقاء هو الله الذي يعطي لمن يشاء و ينزع ممن يشاء ....نحن لا ندوم في هذه الدنيا .....على زوجته ان تذكره ان كان غافلا اين هو بيته النهائي البيت الذي يشترك فيه الفقير من الغني و في ذلك البيت لا يفيده الا عمله الصالح .....المهم هذه احوال الدنيا....و مدام يوجد خالق عظيم يحبنا فلا يجب ان نقلق

[جسور المحبة]

ما تستغربيش يا اختي رانا في عصر ويت صار هناك عباد المال يعني يدير كلش على جالو
الله غالب الطمع فسد الطبع وكيما قلتي زوجتو ممكن قادرة تحنن قلبو على اخوه وابناء اخوه لكن .......................الله يهدي

[omertà]

ما شفتي والو أختي ...ربي يهدي وخلاص

[حضنية28]

يا اختي وش نقلككاين شي ناس يضنو المال هوكلش يتخلاوحتى عن اهلهممقابل جمع المال وتخزينه ميفكروش في الاخرة

[Best hope]

كان الله في عونه.
لو دامت لغيره لم وصلت إليه

[faty05]

كل شئ ممكن

[achwak.1993]

سيحاسب على ذلك أمام الله سبحانه وتعالى
فهي دنيا فانية لا تقلقي فكل شيء سيزول

[ibtihel7]

ختي ماتحيري ماوالو الرزق من عند ربي وهو يقدر يغني ويقدر يفقر واسمعي واش قالك بلال الرومنسي

[نهال نهال]

اختي العزيزة هذا الشي يرجع الى تربية الاباء الى الابناء لوكانوا مربينا والادهم على الاخوة والتعاون ميصراش هذا الشي كامل

[zara2011]

هذي حال الدنيا تزيد عليه غير شويا يتكبر
انا جارنا حالته يرثى لها يتغداو سلاطة ويتعشاوها وخاوتو كامل في ليسبان وخواتاتو كامل متزوجين ب كالكا وكيما قلتي الميليار دار وهو مسكين ماصو ( بناء)

ميشي يغيض برك

[برايجية83]

كاينة منها بصح ربي خير