الى الاخت yarasmin.26

[مليكة01]

السلام عليكم

شكرا لك على الوصفات

مازلت لم اجربها

و لكن عندي طلبين هما

ان امكن

وصفة المقرو ط

وصفة القريوشة التي تباع في المحلات و ان امكن كيفية تشبيكها تجي كيما الوردة


هناك قاطو يجي كيما حبة القرقاع مطلي بالشكولا من فوق و فيه نودكوكو من داخل في كل العجينة و اسمه من افواه الناس
la buche ربما التسمية غير صحيحة لانني بحثت في الانترنيت و لم اجده
اذا تعرفيه

[yarasmin.26]

انضن هذه هي الوصفة الي راكي تحوسي اعليها المقادير400 غ نواة كوكو مرحية+علبة نيسلي+1/2 م ص مسكة الحرة خلطي المقادير وشكليهم كراة او هلال وطهيهم على نار هادية كي تبرد اغطسيهم في الشكولاطة ذايبة وحجم حبة الحلوى ايكون صغير مثل صفاربيض مغلية وشكليه كما تردين

[مليكة01]

السلام عليكم


مازال اختي ما جاوبتينيش على المقروط و القريوشة

[yarasmin.26]

القريوشات راكي تقصدي الجديدة تاع 2011 *2012 الي اسمها المشبكة او القريوشات العادية وتختلف في الشكل اما المقروط تاع الكوشة او المقلة لانه يصعب اعليك شوية اذا كان السميد مخلط راه ايجي مخدوع انتضر الرد

[مليكة01]

القريوشة الجديدة


والمقروط اذا في الكوشة او في المقلى دايم عندي مشكلة فيه

البارح قلت بلاك رحتي لملاوي كي تعبناك بالاسئلة


شكرا على المعلومات



المهم كل ما قدمتي يفيدنا


القريوشة كاين الي يخدموها تجي تذوب في الفم

انا الحق شفت نتاع تلمسان روعة

[مليكة01]

شوفي هذا القريوشة

انتظرنا طويلا صاحبتها حتى تعطينا المقادير و الطريقة

http://www.djelfa.info/vb/showthread.php?t=661827

نظن شراتها ما خدمتهاش

تعرفيفي مقاديرها

[مليكة01]

ربي يشافيك

ماعليهش جاوبيني كي تريحي

[yarasmin.26]

هذه مقادير تاع المقروط في الكوشة: 3 عبار سميد متوسط+ عبر سمن +زبدة + عبر3/4 ماء والباقي ماء الزهر 1 م ك ملح الحشو كما تريدين اخدمي المقادير دون الماءوالزهر يرتاح 1 سا منبعد روشي بماء + الزهر وخلطي باطراف الاصابع وتروكيه يرتاح15 د منبعد شكلي حربوش مع الحشو وقطعي مقروطات على نار 180 د يرجع لون ذهبي منبعد عسليه بالعسل + الماء الزهر في السنيوى وتروكيه يشرب امليح اماالمقلي3 عبار سميد خشين+ عبر فرينة+ عبر زبدةوسمن+ 1 م ص +لفاني+ ماء الزهر+ الحشو نفس الطريقة ولكن اتروكيه في الثلاجة منبعد حليه باطراف الاصابع ماء+ الزهر وشكليه حربوش في مقلة غامقة لازم غامقة وقليه على نار هاية والزيت ايكون قاوي حتى ينغطس كامل في الزيت حبيبتي جربي غير بكاس قازوز حتى تنجحي اوماتفشليش الحل راه في يدك لازم تكون وازنة المقروط بالوقت تتعلمي يدك واش تعطيك اماالقريوشات عادي وحليها عريضة عرض10 سم وقسميها على 3 وضفري عادي ثم لويها على بعضها ولسقي الجوانببلضغط باليد وقلى في مقلة غامقة ديري قوط تاع المعجون 500 غ افتحيه من الجانبين وضعي القريوشة فيه باه ماينحلش وطيبي بالواحدة واذا عندك اي استفسار راني هنا حبيبتي اي حاجة اتخسك على فكرة الكوشة كاين الي تنشف القاطو

[MAYA07]

بارك الله فيك