ما فهمت والو؟ [الأرشيف] - منتديات الجلفة لكل الجزائريين و العرب

مشاهدة النسخة كاملة : ما فهمت والو؟

nourkhouloud

2012-03-22, 10:02

السلام عليكم و رحمة الله و بركاته
في بلادنا هادي ما تفهم والو صح،،،، وضعت ملف للمشاركة في مسابقة مفتش رئيسي للضرائب بقالمة بعد فترة وصلني رفض للملف لسبب عدم ملاءمة التخصص (تسويق و تجارة دولية) مع المنصب، لكن اليوم فوجئت باستدعاء للمشاركة في المسابقة يوم 27 من هذا الشهر، مع أني لم أقدم طعن،،،،لي فهم يفهمني
المهم و أطلب ممن اجتاز المسابقة أن يتفضل علينا بالمواضيع الممكن طرحها
و شكرا مسبقا

terfas86

2012-03-22, 10:04

روحي شاركي و ماتحوسيش تفهمي ماتفهم والو في هاد البلاد

nourkhouloud

2012-03-22, 10:15

روحي شاركي و ماتحوسيش تفهمي ماتفهم والو في هاد البلاد

أكيد رايحة نشارك
لكن والله أمر غريب

بنت الشهداء ALG

2012-03-22, 10:34

لن تنسى اختي انت في الجزائر كل شيء وارد وجائز اما بخصوص المواضيع يسئلونك عن تخصصك ومدكرتك وكذلك على القانون الاداؤي المركزية والامركزية والضرائب ووو انظري انا وضعت الاسئلة هنا ارجو ان تفيدك http://www.djelfa.info/vb/showthread.php?t=903896

nourkhouloud

2012-03-22, 10:50

nourddinech

2012-03-22, 13:57

هههههههههه ربي ينجح وبرك راهي في الجزائر ما تفهم والوا يحبوا عندك بكالوريا ادب تشركي في مسابقة أطباء

المهم ربي يوفقك وينجحك

nourkhouloud

2012-03-23, 08:25

هههههههههه ربي ينجح وبرك راهي في الجزائر ما تفهم والوا يحبوا عندك بكالوريا ادب تشركي في مسابقة أطباء

المهم ربي يوفقك وينجحك

هههههههههههههه اللهم آمين أخي ربي ينجحنا أجمعين إلى ما يحبه و يرضاه

رؤوف 1990

2012-03-23, 11:13

الله يوفق
من الافضل ماتفهميش خير اختي
كون تحبي تفهمي راه تعيي بزاف

nourkhouloud

2012-03-23, 11:43

الله يوفق
من الافضل ماتفهميش خير اختي
كون تحبي تفهمي راه تعيي بزاف

و الله صح تجي تفهم تعيا

zvavile2003

2012-03-23, 12:01

فهمنا بلي ما فهمنا والوووووووووووووو..المهم اللي عندوا اخبار بما يخص نتائج وزارة الشؤون الخارجية النصرفين و الملحقين

ام الخير وخلاص

2012-03-23, 13:30

الله يوفق
من الافضل ماتفهميش خير اختي
كون تحبي تفهمي راه تعيي بزاف

عندك الحق غي متفهميش روحي شاركي وخليها على ربي ممكن تكون فال خير عليك

nourkhouloud

2012-03-23, 16:47

عندك الحق غي متفهميش روحي شاركي وخليها على ربي ممكن تكون فال خير عليك
انشالله اختي بارك الله فيكي

مريومة2011

2012-03-23, 16:55

كي جاتك الفرصة روحي فوتي ومتحوسيش تفهمي راك عارفة كلشي عوج في هذا البلاد

nourkhouloud

2012-03-23, 17:00

كي جاتك الفرصة روحي فوتي ومتحوسيش تفهمي راك عارفة كلشي عوج في هذا البلاد

تجي تفهم ما تفهمش، عسى فيها خير

مريومة2011

2012-03-23, 17:07

تجي تفهم ما تفهمش، عسى فيها خير

ربي يسهلك ان شاء الله

nourkhouloud

2012-03-24, 10:56

ربي يسهلك ان شاء الله

إن شاء الله:)

pro24

2012-03-26, 09:46

صباح الخير اختاه ايحق ان اقول صباح الخير او لا لست ادري من اين ابدا فلقد تلعثم اللسان وحبست الكلمات عندما ارى ماذا جرى في المسابقة صدقيني ولن اقول الا الحق الذي ارجو من الله ان يسماحني وهل انا اهل لذلك
بدات بمراجعة الدروس وكنت اقرا وتعبت من اجل استعادة الدروس فقد تخرجت سنة 2006 ولم اشارك في الكثير من المسبقات لاني اعلم نتائجها مسبقا
ذهبت اليوم وصلت الى دار المالية على الساعة 8.30 رايت جمعا كثيرا ينتظرون في الخارج سالت شخصا او مازال موعد المسابقة قال نعم وقد اخذوا منا الاستدعاءت ومن ثم دخلت ذهبت عند شخص يعمل في المديرية من اجل تسليم الاستدعاء واذا بي اجد شخصا يعرفني قال لي راح تعقب اليوم قلت له نعم اخذ الاستدعاء وقال لي تعال واذا به ا يسلمه الى شخص وسالني تعقب الاول ولا الاخير قلت له عقب الاول لاني والله اثق في امعلوماتي ولن اخاف ثم قال انتظر وبعد ذلك قال لي اذهب قلت له كيف قال لي فقد تم اعطاءك النقطة كاملة وقال ذرك من بعد لعندو المعريفة الفوق ينجح لم افهم شيئا على الرغم من انني تعلمت الكثير
وعند خروجي من دار المالية اذا بالمتسابقين يدخلون فوالله الذي رفع السبع الطباق منظر يحزن يتعبون ويسهرون وهم بنا يلعبون خرجت وانا ادعوا الله ان يسماحني كيف لي ان اقبل بهذا ماذا اقول ماذا افعل وماكان مني الا ان ادعوا الله
اللهم إني أعوذ بك من شر ما عملت
استغفر الله استغفر الله استغفر الله
بالتوفيق اختاه
لست ادري ايقبل الله مني دعائي لكي اولا

إلهي لا تعذبني فإني=مقر بالذي قد كان مني
فما لي حيلة إلا رجائي=لعفوك فاحطط الأوزار عني
ومالي حيلة إلا رجائي=وعفوك إن عفوت وحسن ظني
فكم من زلة لي في البرايا=وأنت علي ذو فضل ومن
إذا فكرت في ندمي عليها= عضضت أناملي وقرعت سني
يظن الناس بي خيراً وإني=لشر الناس إن لم تعف عني
أجن بزهرة الدنيا جنوناً= وأفني العمر فيها بالتمني
وبين يدي محتبس ثقيل=كأني قد دعيت له كأني
ولو أني صدقت الزهد فيها=قلبت لأهلها ظهر المجن

nourkhouloud

2012-03-26, 10:24

السلام عليكم أخي pro24 نعم يحق لك قول صباح الخير لا مانع في ذلك فالتحية واجب علينا
والله أمر محير حقا، فقد أصبح كل شيء جائز و مباح في وقتنا هذا
لست أدري ما سأقوله لكن أطلب من الله أن يغفر لك إن كنت قد أخطأت و أسأل الله لك التوفيق و النجاح فالله و أنت أعلم بنفسك و حالك

فالحالة التي جرت معك اليوم حصلت لي مشابهة لها الأربعاء الماضي لما اجتزت مسابقة متصرف بمديرية السياحة لكني الحمد لله لم أقبل بذلك و طلبت منهم طرح الأسئلة و كانت إجابتي صحيحة و أخذت العلامة كاملة
راني قلتلك رانا في بلاد لعجب،،،،، و ما تفهم والووووووو

ربي ينجحك خويا فأنت أولى بالنجاح

Bouhamed.DZ

2012-03-26, 10:34

السلام عليكم و صباح الخير

أخي pro24 نعم أخي و أكثر من هذا

أخي pro24 كنت كبير في نظري و الآن أنت أكبر و أكبر

ضميرك حي و روحك طاهرة أذنبت بغير عمد ... و إستغفرت بغير ذنب ...

سبحان الله ما أعظم الرجال الشرفاء أمثالك يا أخي pro24

أعتز بك و أتشرف بك كونك أخي و صديقي و إبن بلدي

لله درك يا حفيد محمد

إن شاء الله موفق في كل شيء بإذن الله سيكون لك مستقبل مشرق

ربي يجمعني بيك في الدنيا قبل الآخرة ... ( في المدرسة بالقليعة بعد نجاحنا ) .

pro24

2012-03-28, 11:56

اخي بوحامد الله يحفظك كنت ادخل المنتدى ولا استطيع الكتابة او التعليق اتدري عندما ذهبت الى اجراء المقابلة ورجعت الى الدار قالت لي الوالدة راك خرجت ورجعت ثم بدات اسرد لها الحكاية قالت كيف تقبل بذلك لو انك قلت له يجب ان اجتاز المقابلة
قلت لها هو قال لي جيت تعقب رانا عطيناك النتيجة
تعقب ولو ماتعقبش المهم
انا شخصيا لم اصطدم هنا قلتلوا مالا كي راني ديت النتيجة رانا نجح هكا قال لا راه مزال الفرز الفوق هذا ماكان والوا راه لعند العرف مليح هو لي غدي ينجح
عيش تسمع عيش تشوف
المشكل راه مشني غير انا لداروا معيا هكا راهم بزاف
المهم راني دعيت الله ان كان هذا العمل خير لي في ديني ودنياي فمرحبا به
وان كان هذا العمل شر لي في ديني ودنياي فباعده عني يالله
اللهم ان تعلم سري وعلنيتي فارحمني برحمتك واغفر لي
نسأل الله السلامة
الله يحفظكم جميعا

pro24

2012-03-28, 12:00

شكرااااااااااااااا اختاه الله يخليك بالتوفيق

nourkhouloud

2012-03-28, 14:23

والله المسابقة هادي مهزلة
راهم كامل ما عقبوش لي يجي يحط الاستدعاء و يمدولو النقطة من غير ما يسألوه
أنا الحمد لله دخلت عادي و طرحولي أسئلة حول مذكرة التخرج و جاوبت عادي و كانت العلامة كاملة
يااااااااااااااااااااارب يوفقنا أجمعين