هذه امك وتلك زوجتك

[catia]

اخي الرجل كيف توفق بين امك وزوجتك اذا كانتا غير متفاهمتين وتحت سقف واحد, ولا تستطيع الاستقلالية ببيتك لان امك ليس لها احد سواك اريد مناقشة جادة

[farestlemcen]

http://ar.islamway.com/video/746

[نعيم التلاغمة]

ربي إكون معاك

[الورود المنسية]

هناك العديد ممن يحتار في هذا الموضوع لاستطيع نفعك
للاسف عازبة

[younes8509]

المثل الجزائري يقول

اذا شفت زوج متفاهمين اعرف بلي الدرك على واحد

المعنى

اي واحد منهم راه سامح في حقو

اذن في هذه الحالة يجب عليك ان تسمح من حقك او بالاحرى من حقوقك

ربي يفرج على كل مومن

[soso sirin]

هو والله خويا حاجة صعيبة بزاف مي انا تبانلي عليك وعلى مرتك معنتها تفهمها على قد ماتقدر تصبر لانو هي اذا عيطت عليها و منبعد رجعت و راضيتها راهي رايحة تسكت مي امك اذا فت و زعفتها والله راح تخسر بزاف خويا .و زيد هي اذا كانت امراة بنت فاميليا و بنت اصل راهي رايحة تحمل حتا و امك تكون هي الغالطة لانو رايحة تتحمل علاجالك و زيد المراة تحمل ام راجلها و بسيف عليها هي حاجة وحدا الي ماتقدرش تتحملها بلاك حماتاتهااذا ماكانوش ملاح معاها

[كنزة2]

يا اخي انا متزوجة وساكنة مع حماتي

في نفس البيت وراني صابرة

وزوجي ليس وحيد امه بل عني 4 سلافي ما شاء الله وسلفتين

وزوجي هو اصغر اخوته ورانا ساكنين معاها والحمد لله

لا اخفيك انه حدثت بيننا بعض المشاكل في الاول ولكن مع الايام والفت وهي والفت

هههههههههههههههههههههههههههههههههههههههههههه

خصوصا وانني رزقت بالاولاد هي الان نهار كامل وهي معاهم تلعب وتضحك

ربي يطول في اعمرها وراني نخدم فيها ورجاءي من الله عز وجل ان يكتب لي الحسنات

وان تكون بوابتي الى الجنة

لا اخفيك انني امتلك بيت خاص

نصيحتي اليك ان تعودها من الان ان تتاقلم مع الوضع لان اول الزواج سيكون صعب نوعا ما

ربي يكون معاك اخي والصبر مفتاح الفرج

واذا رزقكم الله ولد بعد الزواج سيتغير الوضع تماما

تحياتي

[كنزة2]

واقول لك شيئا

حذاري وان تفرط في امك

ستندم عمرك كامل

وصدقني امك لن يعوضها احد في هذه الحياة ورضا الله من رضاها

[..مطيعة الله..]

اخي الرجل كيف توفق بين امك وزوجتك اذا كانتا غير متفاهمتين وتحت سقف واحد, ولا تستطيع الاستقلالية ببيتك لان امك ليس لها احد سواك اريد مناقشة جادة

انا نظن امه يعامله احسن معاملة امام زوجته ولابد من دلك
وزوجتة لازم تفهم زوجها
كثير من الامهات يغير من زوجات ابناءهم وهدا مايزيد الطين بلة
والزوج باه يرضي ماماه لازم يبينلها بلي راه متهلي فيها اكثر من زوجته
قدام يماه حب ياكلني نقول ماعليش ادا كان هدا الشي يرضيها ويريحو يعني الامر يولي تمثيل ههههه هده هي الحقيقة
بصح كي غير انا وياه لالا لا لا نحب يرضيني

[غنوشة]

أمك ثم أمك ثم أمك وبعدها زوجتك ،الزوجة تعوض والأم لا تعوض .أنا زوجي كان ذائما يعامل أمو أحسن مني ،صحيح أني كنت نزعف ولكن مع الزمن إحترمته وأعرف شخص أخر يعامل زوجته أحسن من أمه صدقني هو الأن جزمة في رجل زوجته
لمعندوش الخير في أمه معندوش الخير في الأخرين .كن حازما في تعاملك .وأخبر زوجتك بألا تكون السبب في ذخولك جهنم والعياد بالله ،كل وحدة جبلها هذية على إنفراض وقللها أنت الأغلا .يعني بلعطهم بالكلام الحلو وكي تشوف النار شعلت بينهما أخرج وخليهم ،صدقني يرجعوا لبعضاهم وأنت تربح غير العيب لوكان تذخل بينهم ،إلا في حالت ظلم كبير .أنصر المظلوم ولكن بدون تقليل أذبك على أمك .ربي يفرج عنك وعن جميع المسلمين

[karim.dz]

شوف اخي الفاضل امك في مكانها وزوجتك في مكانها
شخصيا اللي ماتحتارمش العجوز مانقبلش بها ..... تكون واش تكون
لا اتكلم عن المناوشات البسيطة اللتي تحدث بين النساء عادة
لكن هناك حدود واذا كانت زوجتي تحبني حقيقة فعليها ان تحب امي