أريد إعفاف نفسي ....لكن؟

[moussaamin1982]

من فضلكم إخوتي ..والله العظيم اريد إعفاف نفسي بالزواج لكنني فقير معدم...لا احتمل المغريات من حولي من فتن ، تحصلت على وظيفة منذ شهرين الحمد لله لكنني لا املك المال للزواج حلال عام أو عام ونصف على أقصى تقدير + مشكل السكن ....أريد من الإحوة من لديه معلومات عن جمعيات التي تساعد الشباب على الزواج أن يدلني عليها ...في مدينتي لا يوجد لها اثر .......كما لا تبخلوا علي بالنصح من فضلكم.

[مواطن وخلاص]

الله يعينك ويستر عليك

[جسر الأمل]

أخي الكريم بارك الله فيك على النية الطيبة ونسأل الله ان يرزقك بالزوجة الصالحة، انا نحاول نمدلك حل بسيط، انت حاول تلم ودير الدورو مع الدورو ، وتقدر تطرح قضيتك على الامام هذا هو الحل الأنجع ، انا نعرف بزاف ناس دارو هكا والحمد لله راهم عايشين هانيين، ربي يهنيك ويفرحك، مكانش كيما المسجد. بالتوفيق

[أوجاع باردة]

إذا كنت من ولاية الجلفة فهناك جمعية المودة و الرحمـــــــــــــة التي يرأسها الاستاذ الامام شريط بارك الله فيه و هي تقع في وسط مدينة الجلفة (مسجد خالد بن الوليد سابقا )سيساعدك و يعينك أسال الله ان يعينك على طاعته ............:mh31::mh31::mh31:

[فتـ حييةـاة]

خويا مادامك تخدم اصبر ولم غير بشوية حتى يولي عندك حسبة قليلة باش تتزوج وقصد وحدة ماتتشرطش وديرو عرس خفيف على حسابكم وربي يسهل ان شاء الله انا تبانالي كي تطيح وتنوض وتدير العرس انت خير من عرس الجمعيات هاذي ليلة العمر ونهار فالحياة يجي شباب كي يكون من تعبك حتى واذا كان بسيط جدا انت تحس بيه وتفرح بيه وعروستك ايضا

[شمس 15]

ya khoya ana habite nachakrouk ala trik lahlel baraka allaho fik w rabi ykhathar min mthalek wallah loukane andi n3awane khoya rabi yssahel w yaftah bibane el khir inchallah

[moussaamin1982]

شكرا لمروركم

[Mohamed12013]

الله يعينك و يرزقك زوجة صالحة تسر خاطرك

[هبهوبة6]

أنصحك بالتسبيح بكثرة والدعاء وسترى العجب من كرم وفضل الله و اقصد المسجد ممكن يساعدوك من صندوق الزكاة و الله أعلم لأنك تعمل ربما لاتكون معني بهذه المساعدة وثق أن الزواج من اسباب البركة انت اخطب و ربي يحل ألف باب