احترت في امرها

[عطور المعاني]

السلاام عليكم ورحمة الله وبركاااااااته
منذ مدة وانا اريد ان اطرح هذا الموضوع الذي يشغل بالي في كل يوم والحمدلله جاءتني الفرصة اليوم
هدا الموضوع واللي هو مشكلة تاع وحدة صدقية يعني تعرفت عليها غير السنة بحكم نقراو في قسم واحد وليسي وحدة والله يعلم ربي شحال حبيتها هاد الطفلة مع انو كون تشوفونا في المظهر كيما الناس تحكم تقولو حنا قاع مانتفاهموش و الحمد لله هي تمشي مع مووووووضة نتاعها وانا لالا يعني الحمد لله من ناحية لبسي نتمنا برك يكون ربي راضي عليا في لبستي اسمحولي طولت عليكم في مقدمة دوكا المشكل هو انو هادي طفلة تمشي مع واحد يعني كون تشوفوها نحسها طيبة واللي يجي يلعبها عليها والله راني خايفة عليها باسكو مبينة بلي تعلقت فيه من واحد المرة ودرنالها لعبة انا وزميلاتي كان هدفنا باه تنساه مي دخلت هي لسبيطار بسببنا حنا والله ندمت داك نهار مبصح انا حبيت تنساه ماانش قصدي باه تمرض هي اكم عارفين اللعبة قولنالها بلي راهو يتمسخر بيك ويعرف 10 اخرين كون تشوفوها كي تبدلت في داك الوقت وكااااارثة ومصيبى اكبر واللي مدخلتش راسي انا امها علابالها بيهاااااااا تخيلو ياجماعة تقعد ليالي علاجال تهدر معاه غاضني الحال امها علاه ماتنصحهاش سقسيتها الا قاتلك بعدي من هاد الشي ولالا قاتلي ماقاتلي والوا عليه والله ساعات تجيني البكية عليها حابة نخرجها من واش راها فيه تصورو تقعد تهدر معاه اليل كامل ومبعد تجينا للقسم عينيها منفخين تحكم بلاصتها وترقد ماعلابالهاش قاع بالقراية وكون تشوفوها في مواضيع زواج شااااااااااااطرة فيهم ماخلاتش وقرايتها زيرو مع تاني واش قلقني اكتر تقابلو وتروح معاه وبحكم انا هدا نعرف لفامي نتاعهم تاع غير تمسخير وتعقاب الوقت والله همي صحبتي دبرو عليا كيفا ندير معاها مانيش حابتها في اخر تندم والله حابتها تفيق لعمرهاقبل

[•~ندية الجوري~•]

ربي يصلح أحوال بناتنا و يهديهم
هي عمياااء في متاهة لن تخرج منها إلاّ بكارثة ...لا قدّر الله

إن لم تستطيعي التأثير فيها إيجابيا فلا تجعليها تؤثر فيكِ سلبيا

قدّمي لها بعض المطويات التي تتكلم على
عفة الفتاة و أخلاقها و حفاظها على شرفها و سمعتها

و نسأل الله لها الهداية و العودة لطريق الصّواب

[عطور المعاني]

شكرا اختي على المرور والرد واسفة على التاخير في الرد انا صح ماديتلهاش مي صحباتي مدولها بزاف كتوبا مبصح ماظنيتش قراتهم حتى وهي قالتنا قريتهم وماعلاباليش

[جسر الأمل]

يا اختي انت ديري اللي عليك وسمطي عليها حتى تخليه وتفيق بعمرها، دوكة راها عمية ومتاكدة رايحة تفيق نهار تكتاشف حقيقته، انت بارك الله فيك وربي يحفظك زيدي كملي خيرك وربي يهديها.

[عطور المعاني]

شكرا اختي على المرور ونصح اني معاها انشالله تخرج على خير

[عطور المعاني]

اين انتم اريدكم ان تساااااااااااااااااااااااعدوني لاخرج صديقتي مما هي فيه ..............

[عبد العزيز البدري]

نصحتي لك هي ان تبتعدي عنها لانه ادا لم تصبك نار معاصيها سيصيبك دخنها
ابتعديعنها انصحيها من بعيد ودعي لها في صلاة
اما ان تضلي برفقتها فصاحب صاحب ويأتي الوم وتعرض عليك مصاحبة شخص معين وتدور الدائرة عليك
نصحتي لك انجي بنفسك قبل ان تندمي

[عطور المعاني]

شكرا اخي الكريم على النصحية نفس كلام امي قاتلي ابتعدي عنها مي والله اي غايضتني بزاف

[عبد العزيز البدري]

اختي فكري بعقلك لا بقلبك
العاطفة بدون عقل عاصفة
رايت البنات يلعبن بكل شئ ورايت العشق يلعب بالبناة
اتبعي نصيحة امك وابتعدي عنها

[جسر الأمل]

ربي يهديها انت درتي اللي عليك الهي بقرايتك حنونة ، وهي دوك تفيق مع الوقت .

[محبة الله الجزائرية]

أختي خلي علاقتكم طفيفة كي لا تاثرعليك سلبيا

[بني بلعيد]

يا أختاه لم أفهم الموضوع ، وياحبدا لو أنك استعملت اللغة العربية لطرح هذا المشكل ، الدارجة غير مفهومة ، والسلام

[نورالهدى**]

مــــســــكينة راهي غير تغرق ومافايقاش بروحها

ربي يسترنا ويهديها

[z.abdo]

انصحيها بدون ان تغضبيها أو تجرحيها
احكيلها عن قصص الشباب اللي تمسخرو بالبانت وبعد تركوهم
ممكن ربي يرجعها لصوابها
وانت بارك الله فيك وربي راح يعطيك الاجر اختي

[عطور المعاني]

السلاام عليكم عذار علا التاخر في الرد لان ظروفي لم تسمح شكرا لكم على نصائح القيمة جعلها الله في ميزان حسناتكم انشالله

[الواثق]

والله كل اللوم على الوالدين وهاذي التربية لي معرفاناش كيفاش راهي تمشي بناتهم ضايعين في مسخرات وهوما راقدين على وذنيهم والله المستعان......ويا اختي الكريمة احسن صفة للنصيحة ان تبين لها طريقتكي في الحياة بابتعادكي عن المحرمات والعلاقات المحرمة فستقتدي بك ....والهداية من عند ربي ................والمؤمن يجب ان يتحصن وان يخاف الله فالشيطان سيلعب بكل نفس ضعيفة ...والمفروض انك تبداي نصحها بان تعلق قلبها بالله عزوجل بتمتين علاقتها مع خالقها بالعبادة فان قوى ايمانها فستستحي من الله وتبتعد عن المحرمات .......ولازمك تفهمي عمرك ولاتصحي الخطأ بالخطأ......................انت حبيتي تبيني ان هذاك الشاب عندو علاقات اخرى المشكل ليس هنا المشكلة الاصلية ان علاقته مع هذه البنت محرمة اصلا وانت بطريقتكي هذه بينتي لها ان هذا الشاب لو يكون داير علاقة معاها فقط معناه راهو يحبها و....و..... هذا هو الخطأ..............الله يهدينا ويهديكم............والله المستعان

[دموع الحيــاة]

الكلام معها لن يفعل شيئاً

ولن تفرح لسماعه بل سترى كل من ينصحها .. بأنه لا يريد مصلحتها ويريد تحطيمها..




هي الآن تخوض التجربة وستواصل ولن تتوقف
حتى آخر لحظة








وتلك اللحظة ستتحمـــّل عائلتها وحدها نتيجتها وليس أنتِ أو غيركِ ...

[hilko]

انصحيها واخبريها بان ذلك سوف يكون بعد نهاية دراستها في الجامعة حتى تجتهد في الدراسة فربما تنسى هاته العلاقة قولي لها كل شيء سوف ياتي في وقته لكن اذا فات وقت الدراسة لن ترجع الايام وذكريها بانها تغضب الله بمثل هذه المعاصي من الخلوة واللقاء والحديث والكلام ، وما بعد ذلك من الوقوع فيما هو أعظم .

واعلميها أن الزنا ليس فقط زنا الفرج ، بل العين تزني ، والأذن تزني ، واليد تزني ، والرِّجل تزني ، كما ثبت ذلك عن النبي صلى الله عليه وسلم ، وكل ذلك تمهيد لزنا الفرْج ، فلا يغرنك الشيطان ، فإنه عدو لك يريد لك الشر والسوء ويأمرك بالفحشاء والمنكر .

اين نحن من هذا راحت علينا
قال الشيخ محمد الصالح العثيمين :

التواصل بين المتحابين على غير وجهٍ شرعي هذا هو البلاء ، وهو قطع الأعناق والظهور ، فلا يحل في هذه الحال أن يتصل الرجل بالمرأة ، والمرأة بالرجل ، ويقول إنه يرغب" في زواجها ، بل يخبر وليها أنه يريد زواجها ، أو تخبر هي وليها أنها تريد الزواج منه ، كما فعل عمر رضي الله عنه حينما عرض ابنته حفصة على أبي بكر وعثمان رضي الله عنهما .

وأما أن تقوم المرأة مباشرة بالاتصال بالرجل فهذا محل فتنة"

[سجل أنا جزائري]

ربي يهديها ان شاء الله الغلطة تع والديها اللي ما ينصحوهاش مش هي

و ما يفيقوووش حتان يجبلهم الفضيحة

انتي أنصحيها و كملي معاها على الأقل ما تخليهاش تغلط غلطة كبيرة اللي تندم عليها طول حياتها لأنو متأكد أنو الشاب اللي راه معاه راه غير يعقب بها الوقت و يجي نهار يدي وش يحوس اذا ما فاقت لعمرها

و اذا ما قدرتيش عندك برك تأثر علييك هي ضحي بها و ما تضحيش بالأخلاق تاعك

ربي يوفقك أختي