لماذا تتكبر الجميلات ؟

[مشكلتي]

السلام عليكم

يا جماعة الخير مشكلتي تكمن في وسواس يقهرني ويقلقني كثيراا

علاش "الشيرات"البنات الي عندهم الزين تلقاهم يتكبرو ويتفاخروو ويحسو رواحهم مالكين الكون على الي ماعندهمش الزين هدي الي مقديتش نفهمها !!!!!!!!اعلاه الزين هي جاباتو اروحها ولا كيفاش !!!!
واذا خطبها واحد تتكبر عليه ....ويغلووو في الشرط يعني حقما شااابة يسما راح هو يشري مش يخطب !!!!!!!
و
ال2 الرجال الجزائريين كي يبداو ايحوسوو على زوجة علاش يركزوو غير على الجماااااااال الخارجي الي في كثير من الاحيان يكون بفعل المكياج اللعين "المسكرااا.....الفوندوتااا.....الكحل........كونسيلر خافي العيوب " يعني الي ماشي شااابة ومتستعينش بهد المكياج الخداااع ميخموووش فيهاكااامل !!!!والله لا هدي حقرة وحقرة كبيرة في حق الشيرات الي زينهم متوسط ياخ خليقة ربي المهم متكونش فيها عيوب خلقية ; علاش المجتمع يتبع غير الزين الي يقدر ايروح بين ليلة وضحاها ايا لقدر الله او هد الشيرة الي راهي شايفة نفسها شااابة على الشيرات الكل ممكن ربي يعاقبها بحادث تفقد الجمال نتاعهات وتولي حاشكم كي الغولة "هههههههههههههههه"
فهمووني وش هد المشكل الي راه غزاااا المجتمع نتاعنا وعلابالكم هد المشكل كاين غير فالجزاائر انا عشت في تونس او عقليتهم مش قاع كيمان هكا و مام الغربيين مش قاع كيما هكااا ونزيدلكم الخليجيين ميهمهمش الزين ديجا هوما الشيرة كي يخطبوها مايشوفوش وجهها حتي ةنهار العرس و90//100 يكونو راضيين بمكتوبهم علاخاطرش عارفين انو الجمال في الاخلاق يعني غير حنا الجزائريين الي يتكبرو في ما بعضاهم او هوما كامل كيف كيف واسف على كل الكلام والصراحة الي ممكن تكون مست ربما كاش قارئ


فهمووووني علالالاش !!!!!!!!!

[صُبح الأندلس]

لا أدري إن كنت فتاة تعانين هذا المشكل أم رجلا تكبرت عليك إحداهن
المهم الجمال نعمة من عند الله و قد جبلت النفوس على حبه و من وهبها الله الجمال فلتحمده و لتحرص على أن لا يتمتع به إلا زوجها
و لكن ما نراه اليوم أن الكثيرات يخرجن متبرجات متعطرات كاسيات عاريات و خاصة غير الجميلات مع كل احتراماتي لصاحب الموضوع ، لأن الجميلة لا تحتاج إلى لبس ما شف و ضاق إلا قلة مريضة ، بينما من تحس في نفسها نقصا تحاول تعويض قلة جمالها بعرض مفاتن جسدها و وضع كيلوغرامات من المساحيق على وجهها
أما مسألة الزواج فشيء طبيعي أن يبحث الرجل على الجميلة لأنه جُبل على ذلك و لكن لا يجعل الجمال مقياسه الوحيد بل إلى جانبه الأخلاق و النسب ...
ثم صدقا ما أراه اليوم أن غير الجميلات هن من يتزوجن و الجميلات لا و إن تزوجن فزيجات لا تسر ، ليس لأنهن يتكبرن بل لأن الإنسان لا يعطى كل شيء و لا يحرم كل شيء

[احلام وردية2]

بصراحة الاولاد تاع جزائر هوما سباب لمشكلة قبل ما يخطب يقولك لازم نجيبها ملكة جمال العالم يقولك لازم شعرها رطب وعينيها كبار وبيضة وطويلة ومشى سمينى هوما لى حلوا للبنات العينين وزيد سشوفوا وحدة شابة كامل يلحقوها تقول شافوا حورية

ولاد دزاير خالعهم الزين يحوسوا على المثالية ونساو بلى الكمال لله وحده وما من مخلوق كامل تقدر تلقى الزين وما تلقاش الاخلاق والعكس صحيح وفالاخير كل واحد لا زم سمشى على حسابوا ونتا واش داك للبنات الشابات بزاف كل واحد يمشى على حساب كيما يقول المثل مد رجليك على قد لحافك وصح والله غير ملينا من هد العقلية تاع المظاهر والمشكلة هد الظاه رة مام عند لبنات مش غير تخص الاولاد
والجميلة تجى بينة ناتيغال وهدوك لى يلبسولك ملابس كاسية عارية والشعر مطلوق وكيلوا مكياج هداك ما راهش جمال طبيعى مزيف

[الواثق]

ترجع الامور الى الرجل فهناك من يبحث عن الجمال الفتان فقط ومقياسه عينه فقط..............والبنات الجميلات يتكبرو ويتزينو ويديرو العجب لانهم يحوسو على رجال تحوس على الجمال فقط................وهذا ليس دائما انا نعرف بنات ماشاء الله في الجمال واخلاقهم عالية ومتواضعين بالرغم من بعض النقائص التي تخص بيئتهم التي تعيش فيها ......................يا اخي الجمال امر نسبي كل واحد واش يشوف ...................ولي طلعلك الدم بنات مايشبهو لوالو وتلقاهم دايريين رواحهم ملكات جمال ................اما قضية الرجل ينظر للجمال الذي يقبله فهذا من حقه بل في وقتنا هذا يجب ان ينظر لمن تسره ............بالنسبة لي لا احب الجميلة الفاتنة لاني اعلم ان من صفاتها التكبر ممكن لا تتكبر عليا لكن ستتكبر ممكن على افراد من عائلتي او جيراني او غيرهم ...............المهم تكون مقبولة الشكل ..................................والخير فيما اختار الله

[ايمان فلاور]

للاسف كل من يريد الخطبة في هذا الوقت يضع شروط يجب ان تكون جميلة بيضاء شعرها طويل معتدلة القامة والوزن والملامح ....واشياء اخرى ولا يهمهم الاخلاق بقدر الجمال ونحن معهم في البحث عن الجمال ولكن مع مراعاة الاخلاق لانها ستعيش معه باخلاقها وليس الجمال فقط

[لكحل بلال]

اذا كنت فتاة فانت جميلة بدينك وحجابك واخلاقك.

اذا كنت شابا فانت جميل بدينك وعفتك وفصاحة لسانك.

[Mina_RealMadrid]

لي ما تلحاقش بالزين تلحق بالعرى

هادا هو المثال نتاع االبنات لي معطاهمش ربي الزين و يحبو يجبدو الرجال لهم و الحل الوحيد هو عرض مفاتناها



كيما نحب نقول كل امراة تستطيع ان تكون مثيرة لكن جميلة ؟؟؟


حبذا لو عرفت ما هو جنس كاتب الموضوع ؟ انثى او ذكر لكن المهم ان كل فتاة يمكن ان تحسن من مظهرها بطرق سليمة

ك مثال انا كنت افضل ستايل cute baby حيث لا تكوني مجرد فتاة جذابة فاتنة او متبرجة وفي نفس الوقت جميلة جدا مع تسريحات طفولية و اكسيسوارات و الوان ، او الحجاب الذي يصونك و يحميك ويزيدك جمالا ،

احب صفة الحياء التي تجعل خد الفتاة احمرا بدون ميكياج . و الابتسامة




كثيرون يقولون ان الجمال الداخلي مصطلح خلقته القتاة البشعة ؟ و هذا قول من الرجال و لهذا اؤكد ان الرجل هو من اهمل الفتاة القبيحة المظهر ووو هههه اشعر بغصة لا استطيع ان انطق كلمة فتاة بشعة ؟


المهم يا اخي ولا اختى انا مانيش طبيبة نفسانية او مرشدة اجتماعية هذا ما استطعت كتابته

لكن الحمد الله على كل حال

[radia zed]

انا في راى ما جاش للزين يا اختاه جات للزهر و اقول لك هكذا عن سابق تجربة و الحمد لله على كل شىء جا من عند الله سبحان

[inasse2011]

الزين زين الاخلاق................ماشي كامل لي ربي عطاهم زين يتكبرو مي كاين.......الله يهدي من خلق نساو الاخلاق و راحو للمظاهر

[نورالهدى**]

تبانلي ولاو الجميلات هوما للي يعنسو

كامل يخافو منهم ويحسبوهم يتكبرو

اكيد كاينة فئة تتكبر مي ماشي كامل

مشكلتنا نحن بني البشر واحد ماراهو قانع بروحو

وناسيين بللي الكمال لله

صاحب الموضوع يظهرلي انثى وطريقتك في الكتابة تشبه لوحد الطفلة كانت مشاركة في هذاك المنتدى المشهور باسم هبة ههههه

[نجمة ساطعة]

صح كاين هاذ المشكل غير في الجزائر و لدّي نماذج في مجتمعي

لكن يا أختي والله المسألة معادتش زين ... مسألة الزهر يقهر والله العظيم

بصح المكتوب ما عندك ما ديري

[MEDINBLACK1]

أنا نأكدلك حاجة قريتها و شفتها فى المجتمع

الجمال صفة يطلبها اي مخلوق و لكن ... قريت دراسة اجنبية و شفتها بزااف فى المجتمع
الانثى الجميلة او فائقة الجمال عادة ما تتميز بالغباء لماذا؟ لانها تعتمد على جمالها فى تسيير امور حياتها لانها تجذب اهتمام الاخرين بجمالها بل و تستغل الاخرين احيانا به لغاية فى نفسها! يعني نتكلم على الاغبياء ! لذلك مايخلعوكش يا اخي و اعتبر ان الانسان بالروح لا بالجسد ... و الانوثة حياء ليست ازياء كما ان الرجولة أدب ليست بالكذب

[- بصمة خير -]

لا يدخل الجنة من في قلبه مثقال ذرة من كبر كما قال الرسول عليه الصلاة و السلام

و الله غالب ببببزاف يتكبروا بجمالهم, دراستهم, عائلتهم, عملهم, المال, الذكاء...

الجمال يذهب و العمل بذهب و المال يذهب و كل شيء يذهب و البقاء لله و حده

اللهم صلي و سلم و بارك على سيدنا محمد

[شهد حنان]

يا اخي او اختي ليست كل الجميلات متكبرات نحن من اعطيناهم ذلك الطابع ..وكما اوضح الاخوة من قبلي الجميلة لا تحتاج الى عرض مفاتنها ...فجمالها يفي بالغرض ....والجنال انواع ولكن مقياسه في ذلك ...

[مراكشي الطيب]

لسلام عليكم مع احترامي لك يا اخي ولكن هذا الاستفسار جوابه يكمن في طيات شخصيتك انت وجميع من يملك هده النظرة وابسط لك واقول ان المشكلة لا تكمن في الفتاة بل في الرجل الذي ينقص من قيمته عن طريق المغازلات المفرطة والبالغة فيهاوالمعاكسات الدائمة لكل لكل فتاة الجميلة والقبيحة واظن ان التكبر لكلا الصنفين الجميل والقبيح الله يصبر الشبيبة والله يهدينا لما فيه خير

[أم ريان الجنة]

السلام عليكم ورحمة الله تعالى وبركاته
يا أخي أو أختي
السبب الرئيسي لتكبر الفتاة الجملية
هو الغرور والرأس الفارغ
فتظن أغلبيتهن أنها قد ملكت الدنيا بما فيها
ولما يقع الفأس في الرأس
تجد نفسها لا تفهم شيئا في هذه الحياة
فينطبق عليها البيت الشعري التالي
ملئى السنابل تنحني تواضعا *** والفارغات رؤوسهن شوامخ
أما قضية الخطبة فهي قضية قسمة ونصيب
والاختيار فيها يختلف بختلاف الناس وتقاليدهم ومعتقداتهم وثقافاتهم
فإن كان البعض يفضل المظهر ( وهو الأغلبية ) فليركضوا وراء الجمال والمال
وإن كان البقية يهمهم الجوهر ( وهو الأقلية) ستجدهم قد أحسنوا الإختيار ووضوا أسسا متينة لأسرتهم
فلا يحزننك هذا الموضوع لأنه أمر شكلي

[فتـ حييةـاة]

ياودي لوكان غير الشابات راهم يتكبرو برك تجي عليهم كاين وحدات مافيهمش الصبع اللي يطبع وهوما حاسبين روحهم منهم ماكانش
ومالازمش نعممو مش كل شابة متكبرة ومش كل اللي مش شابة متواضعة كاين بنات ماشاء الله زين ودين ورضاية الوالدين وحاطين رجليهم فالماء البارد وكاين وحدين ماشي شابين وباغيين ينقبو السما

[*أمنيآت لآمتنآهية*]

ومالازمش نعممو مش كل شابة متكبرة ومش كل اللي مش شابة متواضعة كاين بنات ماشاء الله زين ودين ورضاية الوالدين وحاطين رجليهم فالماء البارد وكاين وحدين ماشي شابين وباغيين ينقبو السما
كيما قالو ناس بكري:
"الزين يمشي وتتكمش،والشين يمشي ويتفحشش"
نصيحة للرجال والنساء:

ّلا تتزوج امرأة كل رأسمالها الجمال،ولاتتزوجي رجلا كل رأس ماله المال"

[jirardo]

أي جمال تتكلمون عليه؟ جمال المرأة في أخلاقها

[**د لا ل**]

رحم الله الشاعر الذي قال

ليس الجمال بأثواب تزيننا ****ولكن الجمال جمال العلم والأدب

وللاسف الشديد من تتكلمون عنهم اليوم لا يملكون الاثنين الا من رحم ربي طبعا

[زهور الياسمين]

انا لرأيي
الجمال جمال الروح و صفاء القلب

أما المظهر الخارجي فهو خادع !!!

[ابتغي الجنة]

اسمحولي بصح هاد الموضوع مايتحطش هنا يتحط في منتدى النقاش الجاد
ارجو من المشرفين اختيار المواضيع قبل عرضها

متابعة بصمت

[الحاج قادة]

حتى لي مارهيش جميلة لو كانت جميلة ممكن كذلك تتكبر لان هذا من طبع الانثى والله أعلم

[lovely super junior]

و اللّهموضوع في القمة و عندكم كامل اصح مي للّي تفكر كثر يللّي مشيشابة و خالعة عمرها حاطة روحها top و سمحولي على ي إهانة ^^
اللّهمإهدي جميع المؤمنين.

[reguia25]

أعتقد أن المشكلة في شخصية الجميلات و ليس جمالهن لأنها اذا كانت صاحبة شخصية لطيفة و سلسة لما واجهت هاته المشكلة و لا واجهها غيرها:19:

[الورود المنسية]

ماشي كل جميلة تتكبر
انا جميلة و ماشي نشكر في روحي مي علاه نتكبر

[بقايا الم]

هذا سبب تخلف العرب تتبع المظاهر و القشور غافلين عن اللب لا يدرون ان الجمال ياتي اليوم و يُمل منو و يزول بابسط الاشياء ، لو تزورن البلدان الاوربية رح تشاهدو ام شقراء ابنها اسمر و العكس اب اشقر مع ابن اسمر لما تسالهم السبب نحن نختار طريقة التفكير و ليس المظهر و لا السن و لا اي شي المهم التفاهم

الحمد لله ان الاسلام فضل صاحبة الدين و ليس الجمال

الله يهدينا

[جسور المحبة]

صح كاين هذي الظاهرة لكن ما نقدرش نعمم رانا كامل الحمد لله على الجمال لكن ما نتكبرش صح راني نرفض لكن لاسباب منطقية