مكلة الهلال ظاهرة منحصرة في المجتمع الجزائري فقط

[فقير و باغي نطير]

السلام عليكم و رحمة الله

كيف حالكم اخواتي اخوتي ؟
اتمنى ان تكونو بخير

اليوم أتيتكم بظاهرة مقرفة و منتشرة في مجتمعنا
الا و هي ظاهرة الشمة

http://www.elkhabar.com/ar/img/article_large//ph_2_la_chemma_khabar_747005574.jpg
الشمة هي عبارة عنم تبغ + مواد اضافية الله اعلم ما هي

المهم الشمة يتم وضعها تحت الشفاه العليا و هناك من يحب وضعها تحت الشفاه السفلى مثلي انا تماما
انا اضع الشمة تحت شفتي في الجهة اليسرى مباشرة تحت الناب السفلي
و هذا لأن الجهات العليا التهبت و شلفطت من حرارة الشمة المخدوعة التي يضيفون لها مادةو الجير بكثر مما يجعلها تحرق الجلد ( و كما تعلمون جلد الشفاه الداخلي حساس جدا جدا جدا )
و كما تعلمون هي لها عدة سلبيات فبسببها تم طردي من الثانوية و بسببها رفضتني فتاة احلامي عندما قبضت عليا متلبس بتعاطي الشمة فتعاركت معها على ان ابطلها لكنني فضلت الشمة عليها فغضبت و تبحرت

و لعلمك لو ما وضعت الآن شمة تحت شاربي لما أبدعت لكم هذا الموضوع

قلت لكم ان هذه الظاهرة منتشرة بكثرة وسط شبابنا و شاباتنا و عجائزنا و شيوخنا
ما السبب وراء تواجد الشمة في المجتمع الجزائري فقط
و لما يضعها النساء ؟؟
و ما رأيك بكل صراحة في من يتعاطى الشمة
و بما تنصحه ؟؟؟
=== الموضوع بالفصحى و لا يحوي اي خرق لقوانين المنتدى ==

مع تحيات أخوكم الفقير الى الله
M

[فتـ حييةـاة]

واش اخي الفقير اليوم رايحين نفوتوه مع الشمة بدل شوية دير الشيشة

[فقير و باغي نطير]

واش اخي الفقير اليوم رايحين نفوتوه مع الشمة بدل شوية دير الشيشة

ختي على وجه ربي بركي من المشاكل
غلقتيلي مواضيعي كامل و جامي يبعثولك تهديات نتاعهم
انا راهم كل دقيقة يبعثولي
يمالا افهمي روحك سي نو نديكلاري بيك لزمرد راهي ما تحن ما ترحم

[الجواهر]

لا احب الشمة و اجدها مقززة و لا افهم كيف يمكن للرجل ان يضع تلك المادة في فمه , هي مادة يتعاطاها الشاب في مقتبل العمر و يعجز عن التوقف عن تناولها و هذا انطلاقا من تجربة اخي المريرة معها اما النساء فلا يتناولنها لانها تسبب صفرة الاسنان و لكني اعرف بعض العجائز يستنشقنها عن طريق الانف اخ خ خ خ

[فقير و باغي نطير]

لا احب الشمة و اجدها مقززة و لا افهم كيف يمكن للرجل ان يضع تلك المادة في فمه , هي مادة يتعاطاها الشاب في مقتبل العمر و يعجز عن التوقف عن تناولها و هذا انطلاقا من تجربة اخي المريرة معها اما النساء فلا يتناولنها لانها تسبب صفرة الاسنان و لكني اعرف بعض العجائز يستنشقنها عن طريق الانف اخ خ خ خ

انا اضع الشمة و اسناني بيض يبقسو ربي يبارك و يسترني من العين

[BAROUD]

اع ع ع ع ع ع ع ع ع ويلي منها غير ريحتها تقتلني من بعيد
ربي يشافيك يا باغي و طير و ربي يبعدها عليك و تتهنئ منها
لكن المشكل انك لو ما رفعت ياك هكذا تقولوا ما تقدر تكتب موضوع
ايه دك الشمة اصبحت موضة حتئ البنات يشروها و يتعاطاوها
مش عارف كيفاش
est ce que موضة و لا راهوم صح مقلقين و منارفين

[فقير و باغي نطير]

اع ع ع ع ع ع ع ع ع ويلي منها غير ريحتها تقتلني من بعيد
ربي يشافيك يا باغي و طير و ربي يبعدها عليك و تتهنئ منها
لكن المشكل انك لو ما رفعت ياك هكذا تقولوا ما تقدر تكتب موضوع
ايه دك الشمة اصبحت موضة حتئ البنات يشروها و يتعاطاوها
مش عارف كيفاش
est ce que موضة و لا راهوم صح مقلقين و منارفين

شكرا على المرور يا بارود ربي يعطيك على حسب اسمك :d

[فتـ حييةـاة]

ختي على وجه ربي بركي من المشاكل
غلقتيلي مواضيعي كامل و جامي يبعثولك تهديات نتاعهم
انا راهم كل دقيقة يبعثولي
يمالا افهمي روحك سي نو نديكلاري بيك لزمرد راهي ما تحن ما ترحم

خسارة عليك يااخي اذا مشاركاتي راهم يغلقولك مواضيعك نوعدك مانزيدش نشارك انا علاش يبعثولي تهديدات مارانيش ندردش نجاوب مرة ونضرب النح مانقعدش ندي فالهدرة ونجيب ......... راك خسرت عضوة من جمهورك فالساحة المنتداتية استودعك الله والسلام عليكم

[ليلى الأمل]

ان ترى احدا يتعاطاها شيء مقزز للغاية

ربي يعافينا ويسترنا

[فقير و باغي نطير]

=============والسلام عليكم

لالا ما تفهمينيش غلط
كنت مقلق كي ما لقيتش موضوعي برك
نقلك كون ما تشاركيش انت بالذات في مواضيعي نعتزل المنتدى ولا ننتحر
شاركي و دردشي و فرفشي و تقلشي و خلي منين حتى يحظروني

[فقير و باغي نطير]

ان ترى احدا يتعاطاها شيء مقزز للغاية

ربي يعافينا ويسترنا




مقزز ؟؟؟؟؟؟؟؟؟؟؟؟؟؟؟؟؟؟؟؟
كاين ما هو اقزز منها و اكثر منها

[فتـ حييةـاة]

ايا خلاص راح نبقى من الجمهور الوفي لمواضيعك
بعيد الشر يحظروك من المنتدى انت برك ماتزيدش تدردش مايغلقولكش الموضوع دير الموضوع ورد وماتديش فالهدرة وتجيب ما يرسلولك مخالفة ما يغلقولك الموضوع خلاص ماتردش عليا باش مايغلقوش الموضوع

[فقير و باغي نطير]

ايا خلاص ===========الموضوع

بصح يا ختي وش نقلك هذوك لوليدات اللي راكي دايرتهم رايحين يدخلوني في عقلي ههه
راني وليت نعض في الشاشة نتاع الميكرو ههههههه نشتي نعض لولاد الصغار اععععععععععع كلاوني سنيا هههه

[نجمة ساطعة]

هي ظاهرة سيئة نتمنى زوالها من المجتمع ... ربي يشفي كل مبتلي بها ان شاء الله

[فقير و باغي نطير]

هي ظاهرة سيئة نتمنى زوالها من المجتمع ... ربي يشفي كل مبتلي بها ان شاء الله

شكرا ههه حسبتك نايفتي
قوليلي وش رايك كون نحكمك هذاك لولد اللي دايراتو امال و حال فمو هكذاك نديرلو فيه شمة هههه يدوخ ولا ما يدوخش ؟؟؟

[1954مريم]

السلام عليكم ورحمة الله تعالى وبركاته

بارك الله فيكم على الموضوع الذي اصبح يمس كل شريحة من شرائح المجتمع وكل واحد عنده اسابه الخاصة والنتيجة واحدة فهناك من يراها مودارن وشئ لازم يكون لمواكبة الحضارة
وهناك من يرى انها نسيان للهموم وللمشاكل ربي يفرج على كل واحد

لكن تبقة نتيجة واحدة هي هلاك الصحة والمال ولن نغير شئ في حل المشاكل ولا نكون مثل اليابان في التقدم
فالقافلة تسير وشبابنا يتعطونا الشمة ؟
والله المستعان .

للاسف الغرب فهم المغزى من الحياة وعاشها بكل حرية ومتعة لكن نحن تخبطما فيها وجنينا مشاكل لا تعد ولا تحصى

ربي يشفي كل شبابنا ويردهم ردا جميلا ويرزق كل مهمو سعادة وكل فقير مالا حلال يغنيه عن ذل الفقر والسؤال
والسلام عليكم

[فقير و باغي نطير]

السلام عليكم ورحمة الله تعالى وبركاته

بارك الله فيكم على الموضوع الذي اصبح يمس كل شريحة من شرائح المجتمع وكل واحد عنده اسابه الخاصة والنتيجة واحدة فهناك من يراها مودارن وشئ لازم يكون لمواكبة الحضارة
وهناك من يرى انها نسيان للهموم وللمشاكل ربي يفرج على كل واحد

لكن تبقة نتيجة واحدة هي هلاك الصحة والمال ولن نغير شئ في حل المشاكل ولا نكون مثل اليابان في التقدم
فالقافلة تسير وشبابنا يتعطونا الشمة ؟
والله المستعان .

للاسف الغرب فهم المغزى من الحياة وعاشها بكل حرية ومتعة لكن نحن تخبطما فيها وجنينا مشاكل لا تعد ولا تحصى

ربي يشفي كل شبابنا ويردهم ردا جميلا ويرزق كل مهمو سعادة وكل فقير مالا حلال يغنيه عن ذل الفقر والسؤال
والسلام عليكم


كلامك دوا يا الشيخة مريومة
بصح كبير عليا شوي ما فهمتهش مليح ههه

[جسور المحبة]

مدامك ديرها وتتعاطاها امالا انت اول واحد راك ادرى باسباب انتشارها وكي عاد الرجال يديروها وفيها فايدة علاه النسا ما ديرها ش حتى انا من غدوة نولي نديرها

[فقير و باغي نطير]

مدامك ديرها وتتعاطاها امالا انت اول واحد راك ادرى باسباب انتشارها وكي عاد الرجال يديروها وفيها فايدة علاه النسا ما ديرها ش حتى انا من غدوة نولي نديرها

شوفي يا بنيتي صليحة اذا كنت رايحة ديريها صح ننصحك ما تشريش نتاع القابسة اشري الدوريجين غالية بـ 80 دج بصح مليحة
و نزيد نقلك راهم يحوسو عليك فالفيـ.......... ولا ماكان لاه هههه

[عُضو مُحترم]

الله يشافيك يا مجيد

[فقير و باغي نطير]

واش من خرطي نتاعك هذا ؟؟؟؟؟؟؟؟؟
واحد يقلي فلان و واحد فلتان واش ؟؟؟؟؟

راني عرفتك يا الفتى الصغير يا مقاطع الانتخابات و يا محرض الشعب على مقاطعتها راك داير ديقا

[ANWAR 11]

وااااااااااااااااااااااع ....يعيفو

بصح اول مرة نعرف بلي النساء يديروها....................

مشكور على الموضوع

[نورة أسماء]

مشكووور فقير فعلا ظاهرة الشمة منتشرة بكثرة حتى مع صغار السن يتعطاوها ربي يعافينا و هي مقرفة ومقززة ولها أضرار صحية على من يتعطاها ماديا وجسمانيا ,وأنت أولهم يا فقير وباغي طيرررررررررررررررررررر ربي يتوب عليك منها وعس روحك خير ما غادي يطيروووووووووووووك هههههههه وشكرا

[فقير و باغي نطير]

مشكووور فقير فعلا ظاهرة الشمة منتشرة بكثرة حتى مع صغار السن يتعطاوها ربي يعافينا و هي مقرفة ومقززة ولها أضرار صحية على من يتعطاها ماديا وجسمانيا ,وأنت أولهم يا فقير وباغي طيرررررررررررررررررررر ربي يتوب عليك منها وعس روحك خير ما غادي يطيروووووووووووووك هههههههه وشكرا



ربي يهديك
وليتي تعايري فيا بالفقر ؟؟؟؟ وكيلك ربي

[جسر الأمل]

هههههههههههه الخير والربح عليكم هههههه مازلت مع الشمة، دوماج غلقولك موضوعك دعوة الزهوانية خرجت فيك ههههه، انا نعرف بلي الشوابين العجائز يديروها، بصح فتاة مكااااااااااااااااانش منها راك في عقلك؟؟؟؟؟ وانت ربي يهديك باسكو راك تهلك في صحتك، ومكانش منها تاع سنانك يبرقو من الشمة.

[فقير و باغي نطير]

هههههههههههه الخير والربح عليكم هههههه مازلت مع الشمة، دوماج غلقولك موضوعك دعوة الزهوانية خرجت فيك ههههه، انا نعرف بلي الشوابين العجائز يديروها، بصح فتاة مكااااااااااااااااانش منها راك في عقلك؟؟؟؟؟ وانت ربي يهديك باسكو راك تهلك في صحتك، ومكانش منها تاع سنانك يبرقو من الشمة.

اهلا اهلا بالفقيرة
شكرا لك و حبيت نقلك الدردشة رانا بطلنا منها
ما تزعفيش آه

[جسر الأمل]

اه لالالالا فهمتني غلط انا في غنى عن تفاهات الدردشة، هذا أخذ وعطاء للموضوع، على كل انا نحب نشارك ونتناقش مع الاعضاء، باش نستفاد ونفيد، خليتلك موضوعك راه ليك ، دوك يفيدوك بقية الاعضاء، سلام اخي.

[فقير و باغي نطير]

اه لالالالا فهمتني غلط انا في غنى عن تفاهات الدردشة، هذا أخذ وعطاء للموضوع، على كل انا نحب نشارك ونتناقش مع الاعضاء، باش نستفاد ونفيد، خليتلك موضوعك راه ليك ، دوك يفيدوك بقية الاعضاء، سلام اخي.

لالالا و الله ما قصدي حاجة
انا اصلا كون ما تشاركيش انت ما يعجبنيش الحال
ها كونك عاقلك مالك خيتي مالك

[amouna18]

جماعة

ما فهمت والو

[جسر الأمل]

ياودي مامالي والو هههههههه رحت لقسم الطبخ وجيت هههههههههه، بغيت نفسح المجال للبقية هذا مكان، نظن حسبتني زعفت وغادي مانوليش نشارك في مواضيعك ، جامي تتهنى مني بسهولة ههههههههههه انا وراك والزمن طويل، حتى تبطل الشمة ، وربي يحفظك دير شوية على نصائحنا حنا مانبغولكش الضر. وبركا ماتمد للشيرة في لي مارك تاع الشمة ههههههههههههه .

[فقير و باغي نطير]

جماعة

ما فهمت والو

لالا يا ختي الجماعة كامل فهمو و فاتو من لفهامة غير انت راكي روطار اجري اجري بالاك تلحقينا ههه

ياودي مامالي والو هههههههه رحت لقسم الطبخ وجيت هههههههههه، بغيت نفسح المجال للبقية هذا مكان، نظن حسبتني زعفت وغادي مانوليش نشارك في مواضيعك ، جامي تتهنى مني بسهولة ههههههههههه انا وراك والزمن طويل، حتى تبطل الشمة ، وربي يحفظك دير شوية على نصائحنا حنا مانبغولكش الضر. وبركا ماتمد للشيرة في لي مارك تاع الشمة ههههههههههههه .

نقلك انا و الله سنيا بيض يبرقو اقسم بالله و خمسة في عين الحاسدين

[amouna18]

لالا يا ختي الجماعة كامل فهمو و فاتو من لفهامة غير انت راكي روطار اجري اجري بالاك تلحقينا ههه



قصدي:

يا جماعة

أنا لم أفهم شيئا

[فقير و باغي نطير]

لالا يا ختي الجماعة كامل فهمو و فاتو من لفهامة غير انت راكي روطار اجري اجري بالاك تلحقينا ههه



قصدي:

يا جماعة

أنا لم أفهم شيئا

وش ما فهمتيش ؟؟؟
ما تعرفيش الشمة ؟؟؟
شرحتلكم وش هي و حتى درتلكم صورة ليها

و سألتكم ما رايكم في الشمام و ما هو سبب تعاطيه للشمة و و وو
علاش يا ختي لازم نعاودولك الهدرة زوج مرات و لا ما تفهميهاش ولا ؟؟؟