بخصوص الزواج

[عضوية تحت المراقبة]

السلام عليكم اخوتي ..
....اريد ان اطلب منكم اخوتى وذوى الخبرة نصيحة او حلا ؟
انا اخوتي ابلغ من العمر 25 سنة وانا اعرف شخصا منذ عامين تقريبا .. يريدنى للزواج لديه دكان وظروفه المادية مقبولة نوعا ما وهو شخص بعيد عن المشاكل ويصلي ومتدين
لكن عندما اساله عن الزواج يقول ليس لدي المال الوفير .. واريد ان اساعده
ولكن لااعلم كيف ....
لكن لااعلم لمن التجا ؟ قالولى بعض النساء ادهبي الى المسجد و اطرحي قضيتك الى الامام ؟


ارجوكم لا تردونى خائبة اخوتى :confused:

[جسر الأمل]

اختي نجاوبك بلا زعاف بصح، هدا كي ماعندهش مقومات الزواج على الاقل باه يتقدم ويدفعلك مهر علاه راه شادك معاه؟ حمبوك ماتقوليليش حب وانسان عاقل، الراجل كي يعول يتزوج والله يدير الدورو على الدورو ويتزوج ، وانت ماشاء الله راكي حابة تساعديه يعني في حالة ما اذا تقدملك ماغاديش تهلكيه بالشروط
لازم يتقدملك ومن بعد ساهل الحال والله ربي يفرجها عليكم باسكو نوى ودار خطوة في طريق الحلال
الامام ماينجمش يعاونك باسكو راه يشوف بلي السيد ماتقدمش لباباك شايظمنله بلي يدي الدراهم ويدور لا قدر الله
صلي صلاة الاستخارة صحا، وقوليله يتقدم على الاقل يخطبك ومن بعد شوية شوية يلم قد مايتزوج نعرف شحال دارو هاكا زواج حلالي وبسيط وراهم عايشين غايا.
انا نصحتك واسمحيلي اذا قلقتك انا راني كيما اختك وشفت بزاف حالات مانجحوش وربي يوفقك. ونعيو نعيو مكانش كيما العلاقة الشرعية في كنف الرحمن وشكرا

[فتـ حييةـاة]

اختي المساعدة اللي تقدري تقدميهالو هو انه يتقدم لك يخطبك وانتي ماتشرطيش عليه بزاااف وراه الحمد لله عنده دكان سهلي عليه الامور في سبيل باش تعيشوا فالحلال وربي يفرجها عليكم ان شاء الله

[عُضو مُحترم]

كيما قالت جسر الامل

يا يتقدم رسميا

يا تقطعي علاقتك معاه


ومكاش منها موش قادر

[ANWAR 11]

يا أختي لماذا تذهبين للمسجد مادام لديه دكان و ظروفه المادية مقبولة

اطلبي منه ان يتقدم لخطبتك ......و انت لا تتشرطي كثيرا


ربي يسهل ان شاء الله

[عضوية تحت المراقبة]

انا لا اشترط عليه بل بالعكس سهل عليه امور كثيرة حتى ابي يفضل ان يشتري رجلا لا مالا .. قبلت ان اعيش مع اسرته ولقد قلت له اريد حفلة صغيرة لا عرسا فخما ..ولكنه لم يقبل ان اساعده ماديا

[رقة الحياة]

ربي يسهل اختي ربي يوفقك الى ما يحب و يرضا

[جسر الأمل]

اختي كي ماراهش باغيك تاعونيه هاصحا ماعليش، راعي مشاعره وماتزيديش تجبديله على المساعدة باسكو راه يتحسس، مي قوليله يا سي محمدوريلنا حنة يديك لازم يتقدملك رسميا، ومن بعد ساهل الحال.
حنا يا اختي التالية جبناها الاولى خممنا في العرس ونسينا بلي هو مازال قاع مايخطب
كي يدير خطوة ويخطب تم تبان الهدرة، وماتخليهش يقولك نلم قوليله اخطبني رسميا ومن بعد لم على روحك، الله غالب الوقت راه صعيب ورانا خايفين عليك اختي انت ثاني من حقك تضمني روحك.وربي يسهلك، حطيه قدام الامر الواقع وقوليله يجي يخطب.

[Rima mimi25]

ربي يسهلك أختي و كيما قالو ماتكتريش عليه بزاف هذا ماكان