ضعف الرجل امام المرءة

[سعدالدي]

بسم الله الرحمان الرحيم اما بعد ابد حديثي هذا بصفتي رجل واعني مااقول ان النساء فتنة للرجل شئنا ام ابينا المرءة هي ملهمة الرجل والرجل مهما كان قوي او قلبه قاسي يجب ان يضعف امام النساء المرءة هي نقطة ضعف الرجل فعلى النساء ان تتقي الله ولا تلعب بقلوب الرجال بلبسها المثير فهي تجذب الرجل ولديها سلاح قوي ييجذب الرجل فهي تتفنن في تعذيبه وهذا ماتريده المرءة بلبسها المثير عليكي ان تتذكري بان الله يراك عليك بلبس لباس محترم وان لاتتبعي شهوتك خافو الله البسو اللباس الشرعي الذي يستر كل الجسد واعلمي يا امة الله ان من يتقي الله يجعل له مخرجا سوف يعوضك الله بزوج صالح يملء حياتك بدل ان تجعلي جسدك فرجة للناس هذا ينقص من قيمتك فالله تعالى كرمك ان جعلك انسان والانسان ليس كالبهائم تتحكم فيه شهوته ثقي في الله بانه لن يضيعك و تفنني في اغراء وتعذيب زوجك حلالك

[أميال18]

السلام عليكم ورحمة الله تعالى وبركاته
أخي أنا رأي أن البنت إن لم تستحي على حالها فيوجد رجل يحكم فيهاسواء كان أبوها أو أخوها أو حتى زوجها فـــــــأين هو؟ أليس من المفروض أن يكون له سلطة
ربي يهدينا
و عموما يجب أيضا على الرجل غض البصــــــــــــــر

[نجمة ساطعة]

الله يعينكم عندك حق ربي يهدي الخلق

[جسر الأمل]

شوف خويا المصيبة الكبيرة سيكو البنت راها تعرف بلي راها بلبستها راها تفتتتتتتتتتتتتتتتتتتتتتتن وتزيد ديرها زكارة غير باش تسمع كلمة راكي شابة راكي دايرة راكي كذا ومانيش عارفة شاه، نزيد المصيبة الزاوجة ردا على كلام أختي أميلا اللي تخرج قدام بوها وخوها هاكا هذا التدييث والجياحة بعينها هدو مانهدروش عليهم، الكارثة سيكو البنت تخرج بلباسها المحتشم تقولي هداك ماندي ومن بعد تبدل قشها برا، وااااااااااااااااااااااااااااااااااااااااااااااااا ه راهم يبدلو قشهم برا امن ولا اقعد، شانقولك خويا تنضح تولي انت مشي مليح تسكت يقولك راها عاجباته الحالة ، نقولو حاجة وحدة ربي يهدي البنات والرجال، والله تبلوكيت والراجل يسيي مايطلعش راسه هذا ماعندي ، وربي يهدينا قاااااااااااااااع.

[السيدة كرمين]

لي نعرفوا أن الرجل * الرجل * ذو شخصية قوية وصاحب كلمة ووعد

وان أخذ برأي المرأة أو عمل به هو من باب التقدير و الاحترام

والثقة في رأيها وشخصيتها الحيادية وسيدنا محمد صلوات ربي عليه أفضل دليل

في قصة الحلق

أما ان كان عفوا * دلدول *

يستحق هذه الكلمات



لما تكون هي عقلها ناقص وين عقلك يا الراجل يا الكامل
لي مفروض أنك حامل لواء وسيف الأمة
أم أنك واقف لي فايت يجرك
ان كانت المرأة تبحث عن الستر أو اللعب أو ووووو
وين عقلك يا حفيد الفاروق و المعتصم

شباب صدق فيكم قول الشيطان والله لأحتنكنهم أجمعين
واليوم صرتوا لعبة وتأكدوا أن المرأة هي من وسائل الشيطان

هل ترضى أن تكون لعبة
والله عيب يجي راجل قدوا قد روحوا يقلك هي تتعطر وتتزين
إلا هي مريضة أنت وش؟

أرجعوا لعقولكم وبركاكم من وضع شماعات تعلقوا عليها انحطاطكم وضعفكم
يوم توقفوا قدام رب العزة رح تقلوا هي لابسة وعاملة ووووو
يخي كل واحد وقبروا ولا وش؟


سودتوا وجهه الكريم سود الله وجوهكم فيقوا لعماركم


ربي يهدينا ويهديكم


- نقلته عن رد سابق لي -

[sarl02]

شوف خويا المصيبة الكبيرة سيكو البنت راها تعرف بلي راها بلبستها راها تفتتتتتتتتتتتتتتتتتتتتتتن وتزيد ديرها زكارة غير باش تسمع كلمة راكي شابة راكي دايرة راكي كذا ومانيش عارفة شاه، نزيد المصيبة الزاوجة ردا على كلام أختي أميلا اللي تخرج قدام بوها وخوها هاكا هذا التدييث والجياحة بعينها هدو مانهدروش عليهم، الكارثة سيكو البنت تخرج بلباسها المحتشم تقولي هداك ماندي ومن بعد تبدل قشها برا، وااااااااااااااااااااااااااااااااااااااااااااااااا ه راهم يبدلو قشهم برا امن ولا اقعد، شانقولك خويا تنضح تولي انت مشي مليح تسكت يقولك راها عاجباته الحالة ، نقولو حاجة وحدة ربي يهدي البنات والرجال، والله تبلوكيت والراجل يسيي مايطلعش راسه هذا ماعندي ، وربي يهدينا قاااااااااااااااع.

كيفاش الراجل ما اطلعش راسو هذه ؟وكون تمشي حتى تحمل في بوتو ولا حاجة؟

[فتـ حييةـاة]

[b]عندك الصح اخي لازم المراة تحشم على روحها وتخاف من ربي اولا قبل ماتخاف من ابوها ولا اخوها ولا زوجها يعني لو سترت روحها من اجل ارضاء فقط رجل ماتسترش روحها لو غاب هذا الرجل وشفنا بنات كي بعدو خطوة على ديارهم قلعوا الخمار .........
لازم المراة تخاف من ربي وتستر روحها واكيد ماراحش تتجرا تفضح روحها لانها تعرف ان ربي يشوف فيها في كل مكان راحت
مليح كي تستر المراة روحها حياءا وخوف من ربي لكن هاذيك السترة تاع الزيار نظن ماعندها حتى فايدة واش يقده خوها ولا ابوها ولا زوجها يراقبها
والرجال يحسن عونهم انا عندي بزاااااف ماخرجتش البارح خرجت شفت بنات الله يحفظ ويستر ما لابسين والو مالخلعة بلا ما نفيق بقيت غير نشوف فيهم ومستغربة هذا وانا مرا فمابالك الرجل /b]

[هدايات26]

من غير شكون الي فتن وشكون الي ما غضش بصرو انا نقول لوكان الرجال ما عطاوش قيمة للمراة المتبرجة


لوكان ما امتدحوش في جمالها وطريقة لبسها لوكان طيحوا بيهم كيما راهم يطيحوا بالمتحجبة ويستهزاو بيها


المتبرجة من نفسها تغير لباسها وتحشم....لكن انا نشوف بلي العرض راهو على حساب الطلب


والله يستر بناتنا وبنات المسلمين ويثبتهم على حشمتهم امين يا رب العالمين

[سجل أنا جزائري]

وي عندك الحق خويا

و الله ما خلاو فينا والو سارتو اللي مش متزوج و خاطيه نساء كي شغل رانا شدين في جمرة

قد ما تغض بصر تاعك ما تسلمش معهم

ربي يحفظنا و يهديهم ان شاء الله

[سعدالدي]

انا معك الرجل لازم يغض البصر انا ما نعطيهش الحق ماشي كل ماتعدي قدامو مرى يديلها سكانير من تحت للفوق بصح المرءة هي المسؤولة الاولى عن الزنا وراهي تتحمل مسؤولية كبيرة كي شغل راهي عندها مغناطيس يجبدك بسيف عليك لازم ديرو في ربي كونفيانس راح يعوضكم اذا صبرتو والراجل راهو يتاذى كي شوف العرى قدامو سيرتو ماشي مزوج كي شغل واحد جيعان حطيتلو الماكلا قدامو يتفرج عليها

[نورسين.داية]

كل شيئ يهين المرأة و يحملها المسؤولية تتقنوه و تتفننون في عرضه ...........دون ان تدركو الأسباب الحقيقية أو بمعنى أصح تتجاهلونها

.........................لهذا كرهت هذه الأقسام ...................ربي يهدينا

[غنوشة]

أنامعك يأخي .تصدق بالله أنا فتاة وأفتن بالفتيات المتبرجات فما بلكم أنتم الذكور ،وكيما قالت أختي هذيات ربي يحفظها .أنتم لعطيتلهم قيمة ،لهاذا تمردوا ،الله يصبركم ويثبتكم ويرزقكم زوجات صالحات عفيفات تغنيكم عن كل فتيات الدنيا آمين

[احلام وردية2]

من غير شكون الي فتن وشكون الي ما غضش بصرو انا نقول لوكان الرجال ما عطاوش قيمة للمراة المتبرجة


لوكان ما امتدحوش في جمالها وطريقة لبسها لوكان طيحوا بيهم كيما راهم يطيحوا بالمتحجبة ويستهزاو بيها


المتبرجة من نفسها تغير لباسها وتحشم....لكن انا نشوف بلي العرض راهو على حساب الطلب


والله يستر بناتنا وبنات المسلمين ويثبتهم على حشمتهم امين يا رب العالمين
والله غير صح ما كانش عرض بلا طلب عندك الصح المشكل فى الرجال هوما لى راهم يعطوا قيمة للمتبرجات المتبلاجة مين ما تلقاش شكون ينخلع فيها وعلاه تتبرج للحيطان مثلا هههههههههههههههههه الله غالب لى راهم يشوفواها ينخلعوا فيها :rolleyes:

[سعدالدي]

لازم ديرو ثقة في ربي ولازم تحكمو رواحكم شوي انا مثلا راني شاب ومانيش متزوج نشوف لعرى قدامي كل دقيقة بصح ماعندي حتى عذر علاه خسارة في ربي لي خلقني من العدم انا ساعات نشوف الله غالب بصح نحاول قدر المستطاع نغض البصر علاش نسيتو سيدنا يوسف عليه السلام كان في قمة شبابو ودعاتو امرءة العزيز قالتلو بسيف تزني معايا بصح هو راجل قاوي صح حتى هو بشر كيفنا ماهوش ملائكة عندوشهوة الزنا كبيرة من الكبائر راهي كبيرة ينزع ربي من قلبك الايمان اصبرو ديرو ثقة في ربي راح يعوضكم

[dotZero]

أعتقد أن المفعول العكسي قد بدء، أو على الأقل أنا شخصيا، فلم أعد أحترم النساء المتجولات في الشارع عموما و المتبرجات خصوصا، أحتقرهن بكل ما تحمل الكلمة من معنى، و أصبحن كالممثلات الهابطأت في نظري, لم أعد ألق إليهن بالا، لم أعد أراهن