طلب مساعدة ؟؟؟ [الأرشيف] - منتديات الجلفة لكل الجزائريين و العرب

مشاهدة النسخة كاملة : طلب مساعدة ؟؟؟

نورسين.داية

2012-03-16, 11:12

كما تعلمن عزيزاتي le chou fleur
يقدم بثلاث طرق
إما انكي تطهينه و بعدها ترحيه رحي خفيف و بعدها تشكلينه على شكل des ségares

مع البيض و le chaplure
و تقليه في قليل من الزين أنا مشكلتي ....انها يبقى يحتفظ بالمياه داخله بصعوبة أجمعه بالبيض
و الله أصبحت قبل ما اخلطه بالبيض أنشفه على النار شغل تحميص لكن المياه لا تخرج منه .....فما رأيكن عزيزاتي ؟؟؟؟

و خصوصا عند قدوم الضياف لازم تقدمي حاجة présentable و لا لا .................:o

أما بقية الطرق فليس لي معها أي مشكلة

انتظر غجاباتكن عزيزاتي بفارغ الصبر و إقتراحاتكن

remadna

2012-03-16, 11:37

جربي فوريه
حنا نضيفو له قليل من الفرينة و يجي ناشف روعة
بالتوفيق

my lamis

2012-03-16, 13:21

يا ختي الأخت رمضانة عندها الحق ديريلو الفرينة
حنا ثان نديروها و تنشفو و يزيد كي تقليه يبقى شاد روحو و ميتفتتش

liliane24

2012-03-16, 13:33

أختي أنا رأيي أنك تديري معاه شوية خبز مرحي chapelure
يجي خفيف و يتلم

fatima zohraa

2012-03-16, 15:03

كيما قالولك الاخوات حنا تاني نديرولو الفرينة ويتلم عادي

mariaa

2012-03-16, 16:09

أختي ملحيه و فوريه

نورسين.داية

2012-03-17, 07:33

شكرا اخواتي و عزيزاتي على النصائح القيمة ......بارك الله فيكن ..............و الله إستفدت كثيرا أشكركن جزيل الشكر

ام حبيب الرحمان

2013-02-18, 14:22

انا عايشة في مصر يديرو خليط حليب وفرينة وملح وتوابل ودبشة تجي جارية شوية مش بزاف وكي يطيب البروكلي يتحط قي الخليط ويرجع للثلاجة ثم نقوه يجي يقرمش وما يشدش الزيت و يكون هايل جربوووووووه رووووووووووووعه

oum ayyoub

2013-02-18, 16:17

اختي فوريه و من بعد خليه في الكسكاس يقطر
انا نحب الشوفلار و انا راني في فرنسا العام الماضي شريتو في رمضان درتو السفيرية بالهمة و الشان جاني يبهدل جا ريحتو قاوية بزاف مشي كيما نتاع الجزائر بنين تاوحد ما حب ياكلو كليتو غير وحدي لانو نكره باش نقيس الاكل و هادي الاولى و الاخيرة في فرنسا الشوفلار ما يدخلش للدار درك نستنا مين نروح لدارنا ندير رايي فيه

douane hadjer

2013-02-18, 16:33

نعم مثل ماقالت البنات و زيدي على هادا ماتفوريهش محتى يتلبز تفوار بسيط و زيد كي تفوريه بزاف يروحولو كامل les vitamines

القسنطينية 84

2013-02-18, 16:43

خليه يقطرمليح و ماتغليهش بزاف ديري معاه فرينة او دشيشه الفريك تكون بودر او ارز مرحي رقيق خلاص كي تعملي صبيعات خليهم شوية بالثلاجة يشدو رواحم واحيرا الزيت ما يكونش بارد واكيد تنجحي

لميس اميرة

2013-02-18, 23:09

دري اناء فيه ماء و ملح

خليه يغلي مليح و لوحي الشوفلور نتاعك

شوية برك و نحيه حتى ما يتهراش و يولي بوري

و بعد ما تقطريه شليه بماء بارد

لانو لو خليتيه بالماء الغالي هاديك السخانة رح تزيد تكملو الطياب حتى لو صفيتيه

و كي يقطر مليح هرسيه يجي روعة

و يا اختي من مصر حتا حنا نعملولو تغميسة الفرق الوحيد حنا نزيدو شوية ماء ما نستعملوش الحليب و نضيفو البيض و الدبشة ملح و فلفل اسود نغطسوه فيها و نقليوه في زيت حار و من بعد ندروه في لاصوص