خطيبي [الأرشيف] - منتديات الجلفة لكل الجزائريين و العرب

مشاهدة النسخة كاملة : خطيبي

مشكلتي

2012-03-16, 10:04

السلام عليكم و رحمة الله و بركاته

شكراا جزيلا لكل من يتواجد هنا سواء للنصيحة أو الدعاء ربي يجازيكم كل خير ان شاء الله

مشكلتي تكمن في خطيبي هو كيما نقولو وجهو صحيح يهدر برك مثلا يسأل أسئلة تافهة وهي محرجة في نفس الوقت مرة عرضناهم قالي ادا طيبيتي مليح مش نجي على والو هكدا راه يحرجني واش ندير نحس مش رح يعجبو و لما درتلو قاطو قالي درتي غير شوي ولا بزااف بمعنى شوي خليه عندك هادو أمثلة بسيطة لكنها تقيس في القلب و الله أنا تعبت من هاذي الطبيعة لي فيه

ماعرفتش كيفاش نتعامل معاها خاصة أني مانعرفش كيفاش نرد عليهhttp://www.djelfa.info/vb/images/icons/rosiecheeks.gif و هو مافهمش روحو و ميراعيش مشاعر الناس. و يحسب بلي هادي راهي ميزة فيه .

عاونوني ربي يوفقكم كيفاش نتعامل معاه و كيفاش يبطل هادي الطبيعة

شكرااا.

نورسين.داية

2012-03-16, 11:47

واجهيه مباشرة عزيزتي .....................هاذي مافيهاش زعاف ...........................

حنان شلفية

2012-03-16, 12:13

اختى انتى دروك ماهوش عاجباتك هدى العقلية وراح تعيشي معاه؟؟؟؟؟ حطى نقط فوق حروف قلو فيك حاجا حبا تبدلها تعجنى فيك قابل اوك مراكش قابل الله يسهل

نجمة ساطعة

2012-03-16, 12:18

لازمك تكوني صحيحة كيفو هاذ النوع والله ما يوقفوا الا اذا وقفتيه ....تعلمي تكوني حرشة

يقولك هاكة قوليلو هذا وش كاين شد و اسكت و الى مش عاجبك جيب قفتك و نطيبلك

سآجدْ للهْ

2012-03-16, 12:23

|||ردد معي|||~~~|||~~~|||الله|||~~~|||أكبر|||
|||~~~|||~~~|||~~~اللهم ارزقنا الجــــــــــــــنه امين
|||ردد معي|||سبحان|||~~~|||الله|||~~~|||وبحمده|||
عندي أحد الأقرباء مثله تماما
عندما اتحدث إليه أو عندما يتحدث الى خالاتي أو....
الضحك فقط [الموت من شدة الضحك] ههههههههه
أظنها نفس الطبيعة.. هو قصده ان يضحكك فقط ...
حاولي ان تعالجيها فقط حوالي ان تردي عليه
مثلا قالك درتي قاطو شوي ولا بزاف قوليلو درت شوي
اذا قالك طيبتي مليح ولالا قوليلو لالا ما طيبتش مليح ...
اعكسيلو الحالة ذرك ما يلقاش روحو...

|||ردد معي|||~~~|||~~~|||الله|||~~~|||أكبر|||
|||~~~|||~~~|||~~~اللهم ارزقنا الجــــــــــــــنه امين
|||ردد معي|||سبحان|||~~~|||الله|||~~~|||وبحمده|||

قاتلة الصهاينة

2012-03-16, 12:28

أختي ممكن اقتراح الأخ ساجد مليح بزاف خذي به أوّلا وإذا مفهمش روحو واجهيه مباشرة بطريقة لبقة أو كتابةً إذا لم تقدري على المواجهة

بلال الرومنسي

2012-03-16, 12:42

اختى انتى دروك ماهوش عاجباتك هدى العقلية وراح تعيشي معاه؟؟؟؟؟ حطى نقط فوق حروف قلو فيك حاجا حبا تبدلها تعجنى فيك قابل اوك مراكش قابل الله يسهل

لازمك تكوني صحيحة كيفو هاذ النوع والله ما يوقفوا الا اذا وقفتيه ....تعلمي تكوني حرشة

يقولك هاكة قوليلو هذا وش كاين شد و اسكت و الى مش عاجبك جيب قفتك و نطيبلك

تريدان ان تضيع عرسيها ههههههههههههههههههههههhttp://www.djelfa.info/vb/images/icons/icon22.gif
:1:

نجمة ساطعة

2012-03-16, 12:45

خير ما يقتلها بسكتة قلبية باينة حشامة ووجهها رقيق

على الاسلام غيورة

2012-03-16, 12:49

سلام اختي

راه فكرني في خالة ماما الله يرحمها

كانت اذا عطات حاجة لاولادها او احفادها او اي شخص وماعجباتوش

تنحيهالو وتقلو اخلاص بطلت وندمت ما نمدش ويبقى هذا الشخص يحلل فيها غير على الحاجة الاولى

املا اختي اذا ما رضاش نحيهالو وخليه بحصرتو ههههههههه

الله يرحمك يا خالة ماما

lola22

2012-03-16, 13:26

اختي بزاف اللي نعرفهم كيفو وانا كي نتعامل معاهم نرد على واش يقولو مثلا كي يقلك درتي بزاف ولا شوي قوليلو درت شوي عودي اعكسي هدرتو ضرك يفهم لروحو ويسقم ههههههههههههه
ومعاتش يدير كما هك

الدكتور سام

2012-03-16, 13:55

sarl02

2012-03-16, 14:11

والله كاين الي الي راه حاسدك على ذي الصفة الي في خطيبك ..هذا احب يمزح ويضحك فقط وانت علاه راكي معقدة مالامر؟...بصح انقولك اياك اتبيني انزعاجك من هذه التصرفات الهزلية لانه راح ازيد اتلعك بالقسارة مالا اديه على حساب عقله انت ثاني .

mina soussou

2012-03-16, 14:18

ممكن راهو برك يحب يقلقك باه يشوف ردت فعلك كي تقلقي ..يعني rah ytesti fik bark
ردي عليه بطريقة لينة بلاما تجرحيه مثلا اذا قالك قاطو قليل قوليلو البركة فلقليل يعني هكذا ردي عليه بالابتسامة و الضحك فقط

و إذا ماراكيش مستراحتلو أكثري من صلاة الاستخارة ..............و الله اعلم ... رب يسهلك أمورك أختي

ranitta

2012-03-16, 14:26

يا اختي والله شيئ عااادي جدا انت فقط تكبري في الامور

انا صديقتي لوكان تشوفي خطيبها واش يقوللها تحمدي ربي على خطيبك

ومع هذا هي مكبرة بالها معاه وتعتبرها مزاح منه فقط

باسكو علابالها بلي راهو يحبها وهاذي عقليتو

وراهم عايشين غير في الضحك واحد ماهو يزعف من لاخر

كبري بالك معاه وما تكونيش حشمانة

حتى نتي اضحكي و امزحي معاه

ونحي هذا العقلية نتاع الحشمة والتحساس

وربي يجمع بيناتكم بالخير

أم لجيـن

2012-03-16, 14:27

السلام عليكم و رحمة الله و بركاته

الوقت مرة عرضناهم قالي ادا طيبيتي مليح مش نجي على والو و لما درتلو قاطو قالي درتي غير شوي ولا بزااف بمعنى شوي خليه عندك هادو أمثلة بسيطة لكنها تقيس في القلب و الله أنا تعبت من هاذي الطبيعة لي فيه
شكرااا.

وعليكم السلام
اذا وجهه صحيح كيما تقولي في حاجات بسيطة كيما هذي
نقلك راكي تحوسيله غير على غلطات والسلام
يحب يقصر معاك وانتي لاعبتها جدية فوق اللازم
عقبيها بتمسخيرة كيما هو وفرات
ربي يصلح الحال

- بصمة خير -

2012-03-16, 14:51

انتما البنات علاش هاكا ماتعرفوش تضحكو.اختي ماكان والو في هده.كل الرجال يحبو يزعفو خطيباتوهم و كوني متاكدة راه يقولها فقط سطحيا.يحب يزعفك و يشوفك كيفاش تكوني كيتزعفي.ياك راكم تعرفو الحب الي مايكونش فيه شويا لعب يجي سامط.ربي يكملك اختي

والله كاين الي الي راه حاسدك على ذي الصفة الي في خطيبك ..هذا احب يمزح ويضحك فقط وانت علاه راكي معقدة مالامر؟...بصح انقولك اياك اتبيني انزعاجك من هذه التصرفات الهزلية لانه راح ازيد اتلعك بالقسارة مالا اديه على حساب عقله انت ثاني .

ان شاء الله يكون يحب يضحك برك و مش يحب يطيح بحوايج الناس

لانو كان موضوع هنا لوحدة تشكي على زوج صحبتها ينقد بببببببببزاف

ربي يوفقك أختي و ان شاء الله يكون الزوج المناسب ليك و اللي يقدرك

اللهم صلي و سلم و بارك على سيدنا محمد

أبو أنس المسيلي

2012-03-17, 15:43

ارى ان الامر عادي لا يستدعي كل هذا الكلام والزعل والغضب والحزن ووو ... سبحان الله اغلب الرجال فيهم هذه الصفة ... وانا منهم ... هي من باب المزاح فقط .... زوج اختي كان دائما يمزح هكذا ولا شئ فيها قابلي المزحة بالابتسامة والقبول ... الله يوفق بينكم

tania rassol

2012-03-17, 15:53

الحل هو انك تقوليلو راك جرحتني بزاف ومبعد راح يفهم