أسبوع بدون بطاطا هو الحل

[souhiel]

ارتفع ثمن البطاطا هذه الأيام في اسواق قسنطينة الى 90 دج للكيلو غرام الواحد الحل حسب رايي الخاص هو مقاطعة شراء البطاطا لمدة اسبوع لن نموت اذا لم نأكل البطاطا لمدة اسبوع نأكل العجائن مثل المقارونة بأنواعها، التليتلي،الشخشوخة،الارز،التريدة،الشربة بأنواعها،الحبوب مثل الفاصولياء،الحمص،العدس،براج،بيتزا،لبن بالكسرا وتمر واش رايكم عندي الحق ولا نسكت خير

[سضقض]

حنا 120 دينار

[souhiel]

حنا 120 دينار

نعم توصل ربي يقدركم ويقدرنا لكن الحل بيدنا نحن المستهلكين لو اردنا ذلك يكفي فقط ان نقاطع شراء هذه السلعة من السوق لفترة وسترى ان الاسعار ستنخفض انا والحمد الله نقدر نشري البطاطا حتى بهذا السعر لكن قررت نقاطعها واش راح يسرى مايسرى والو

[صائد الافكار 28]

اخاف ان فعلتم ذلك ان يرتفع سعر (العجائن مثل المقارونة بأنواعها، التليتلي،الشخشوخة،الارز،التريدة،الشربة بأنواعها،الحبوب مثل الفاصولياء،الحمص،العدس،براج،بيتزا،لبن بالكسرا وتمر )
....
ولا ينخفض سعر البطاطا فأنتم تعرفون بلادنا لا يمكن التكهن بشيء ولا التخطيط له

خلوكم كيما راكم احسن وتسعة ارخس من تسعين وكل موجود رخيس

[mom147]

ارتفع ثمن البطاطا هذه الأيام في اسواق قسنطينة الى 90 دج للكيلو غرام الواحد الحل حسب رايي الخاص هو مقاطعة شراء البطاطا لمدة اسبوع لن نموت اذا لم نأكل البطاطا لمدة اسبوع نأكل العجائن مثل المقارونة بأنواعها، التليتلي،الشخشوخة،الارز،التريدة،الشربة بأنواعها،الحبوب مثل الفاصولياء،الحمص،العدس،براج،بيتزا،لبن بالكسرا وتمر واش رايكم عندي الحق ولا نسكت خير
يا اخي البطاطا تاتي بعد الخبز مباشرة ، الشيء الاخر نحن عندنا في الاسبوع الثاني ولم ناكل البطاطا، ومازالت في اعلى درجاتها على سلم رختر الجزائري

[الواثق]

صح اليوم كنت نتناقش مع احد زملائي في الامر وانا لي دوخني كي يجو تجار عين الدفلى ومعسكر ترخس شوي نهار لي يقطعو عليهم بارونات تاع السوق يغلوها بالقوة والله المستعان......................والمشكل حابين يترفهو بين عشية او ضحاها بطلنا صاحبي نخلوهالهم ................والله واش يقول الزوالي 2 كيلو ب 20 الف والله المستعان.....................................حسبنا الله ونعم الوكيل...................................الدولة دعمتهم بالباردات باش يخزنوها ولاو يستملوها للتخزين باش يسيطرو على السوق في الاسعار ؟؟؟.............................وانا نقلك هاذو مايصلحهم الا انهم يخافو ربي في الناس ..................والكارثة رانا نشوفوهم يفرغو هبالهم في رمضان يديروها ب 20 الف للكيلو ..........................تصور 1000 دينار تجيبلك 10 كيلو بطاطا ؟؟؟..........قبل اعوام فقط كنا نشروبيها باشي كاملة ندخلو بيها السوق ؟؟؟.........اللهم لا تؤاخذنا بما فعل السفهاء منا

[جسور المحبة]

يا اخي البطاطا تاتي بعد الخبز مباشرة ، الشيء الاخر نحن عندنا في الاسبوع الثاني ولم ناكل البطاطا، ومازالت في اعلى درجاتها على سلم رختر الجزائري

ههههههههه عجبني سلم ريختر الجزائري
لكن لو نقاطعو اكيد كاين ناس ما تقاطعش حتى انا كنت نفكر في المقاطعة بشرط ان نكون كلمة وحدة بصح راكي علابالك بشعبنا يقولك رانا معاكم وغير يدور من الدورة يبعت ابنو يشريلو كيلو بطاطا
امالا راني نشوف اننا نتوجهو للزراعة وخلاص على الاقل نحققو الاكتفاء الذاتي وبطاطاتهم يبخروها ويحنطوها

[الواثق]

اخاف ان فعلتم ذلك ان يرتفع سعر (العجائن مثل المقارونة بأنواعها، التليتلي،الشخشوخة،الارز،التريدة،الشربة بأنواعها،الحبوب مثل الفاصولياء،الحمص،العدس،براج،بيتزا،لبن بالكسرا وتمر )
....
ولا ينخفض سعر البطاطا فأنتم تعرفون بلادنا لا يمكن التكهن بشيء ولا التخطيط له

خلوكم كيما راكم احسن وتسعة ارخس من تسعين وكل موجود رخيس

اضحك الله سنكم .............والله ضحكتني

[رقة الحياة]

انا نكره البطاطا غير نشوفها يطلع قلبي

[مروان 19]

http://a5.sphotos.ak.fbcdn.net/hphotos-ak-ash4/s320x320/421140_2980945637817_1087207455_32469157_209496336 1_n.jpg]

[الكـ الطيبة ـلمة]

اخاف ان فعلتم ذلك ان يرتفع سعر (العجائن مثل المقارونة بأنواعها، التليتلي،الشخشوخة،الارز،التريدة،الشربة بأنواعها،الحبوب مثل الفاصولياء،الحمص،العدس،براج،بيتزا،لبن بالكسرا وتمر )
....
ولا ينخفض سعر البطاطا فأنتم تعرفون بلادنا لا يمكن التكهن بشيء ولا التخطيط له

خلوكم كيما راكم احسن وتسعة ارخس من تسعين وكل موجود رخيس


ايه ...باب الراي.... نقلبوها براج مي مش كما العادة ..... براج بدل الغرس نديروه بالباطاطا

أضحك الله سنك :)

[النجمة القطبية]

ارتفع ثمن البطاطا هذه الأيام في اسواق قسنطينة الى 90 دج للكيلو غرام الواحد الحل حسب رايي الخاص هو مقاطعة شراء البطاطا لمدة اسبوع لن نموت اذا لم نأكل البطاطا لمدة اسبوع نأكل العجائن مثل المقارونة بأنواعها، التليتلي،الشخشوخة،الارز،التريدة،الشربة بأنواعها،الحبوب مثل الفاصولياء،الحمص،العدس،براج،بيتزا،لبن بالكسرا وتمر واش رايكم عندي الحق ولا نسكت خير
ضحكتنى خويا
نهار نبدا نحكى مع بابا يقول كيفك نقاطع كذا وكذا وكذا وفى المساء يروح ياكل الشئ الذى قاطعه
كى نقولو يبدا يضحك
يا خويا واش تشرى امال كى تقاطع البطاطا اصلا حتى الشخشوخة وو ياك يعملوها بالخضر واللحم :1:
انا تاخذ رايي دير اضراب على الاكل حوالى شهر واحنا نشجعوك اذا نجحت بعد الشهر نديرو احنا اضراب

واش رايك فى الفكرة

[فتـ حييةـاة]

ضحكتنى خويا
نهار نبدا نحكى مع بابا يقول كيفك نقاطع كذا وكذا وكذا وفى المساء يروح ياكل الشئ الذى قاطعه
كى نقولو يبدا يضحك
يا خويا واش تشرى امال كى تقاطع البطاطا اصلا حتى الشخشوخة وو ياك يعملوها بالخضر واللحم :1:
انا تاخذ رايي دير اضراب على الاكل حوالى شهر واحنا نشجعوك اذا نجحت بعد الشهر نديرو احنا اضراب

واش رايك فى الفكرة

:mad::mad:حكمتك حية تمنشري :mad::mad:

[النجمة القطبية]

:mad::mad:حكمتك حية تمنشري :mad::mad:
هههههه رانى نخمم فيك كي تقاطعى البطاطا واش تشرى
اصلا هاذى بطاطا يا امال تخيلى العالم دون فريت او شيبس هههه
او دون غرتان البطاطا بالجبن

[فتـ حييةـاة]

هههههه رانى نخمم فيك كي تقاطعى البطاطا واش تشرى
اصلا هاذى بطاطا يا امال تخيلى العالم دون فريت او شيبس هههه
او دون غرتان البطاطا بالجبن


ايا مزية انا حسبتك راكي تمنشري :19:اليوم فالعشا كي شافت ماما الطباسة قالتلي مين غلات البطاطا تحزمتيلها انتي :1:

[souhiel]

ضحكتنى خويا
نهار نبدا نحكى مع بابا يقول كيفك نقاطع كذا وكذا وكذا وفى المساء يروح ياكل الشئ الذى قاطعه
كى نقولو يبدا يضحك
يا خويا واش تشرى امال كى تقاطع البطاطا اصلا حتى الشخشوخة وو ياك يعملوها بالخضر واللحم :1:
انا تاخذ رايي دير اضراب على الاكل حوالى شهر واحنا نشجعوك اذا نجحت بعد الشهر نديرو احنا اضراب

واش رايك فى الفكرة

انت مثل باباك لا تقدرين على المقاطعة انا مستعد نصوم شهر ونقاطع البطاطا ولي مايقدرش يروح يشري البطاطا ب 120 دج وفي الاخير حاب نسقسيك نت تحبيها مقلية ولا روطي ولا بيري ولا سلاطة ربي يقدركم ختى لعزيزة

[النجمة القطبية]

انت مثل باباك لا تقدرين على المقاطعة انا مستعد نصوم شهر ونقاطع البطاطا ولي مايقدرش يروح يشري البطاطا ب 120 دج وفي الاخير حاب نسقسيك نت تحبيها مقلية ولا روطي ولا بيري ولا سلاطة ربي يقدركم ختى لعزيزة
ومن قال لك ان ابى ميقدرش على المقاطعة
يا اخى لعلك فهمت قصدى خطا
المشكل ان المعيشة اصبحت غالية فى كل شئ وفى ابسط الامور حتى الاساسيات
انت ذكرت مثال فقط وماذا عن الامور الاخرى هل ستقاطع السوق كله
انا كى تكلمت عن البطاطا تكلمت من باب المزاح لا اكثر

[souhiel]

ومن قال لك ان ابى ميقدرش على المقاطعة
يا اخى لعلك فهمت قصدى خطا
المشكل ان المعيشة اصبحت غالية فى كل شئ وفى ابسط الامور حتى الاساسيات
انت ذكرت مثال فقط وماذا عن الامور الاخرى هل ستقاطع السوق كله
انا كى تكلمت عن البطاطا تكلمت من باب المزاح لا اكثر



يا أختي لماذا نحكم على امر لم نجربه ممكن المواطن يقاطع شراء البطاطا ويكون سبب مباشر لإنخفاض ثمنها والله نحن الجزائريين حيرة في امرنا لما تنتقد النظام يقلك المشكل فيك وفيا وفي الشعب لما تصلح روحك والأخر يصلح نفسه يصلح النظام لما تقل له قاطع يقلك الامر ليس بيدنا اذا بيد من اختي الامر .
نعم انا اتفق معك في كون المعيشة اليوم اصبحت غالية وفي كل شيء وفي ابسط الامور وحتى الاساسيات مارايك اذا لو قلت لك انني استطيع ان اعيش شهر بدون بطاطا وشخشوخة وكل سلعة ثمنها يرتفع عن الحد المعقول في السوق ولو اردتي ايضا ممكن نقدملك تقرير عن مصاريف هذا الشهر حتى تتأكدي ان الامر بيدنا نحن وليس بيد التاجر او مافيا البطاطا .
وعذرا اختي ممكن ردي الأول على كلامك ازعجك انا اردت فقط ان اوضح لك وجهة نظري لكن اليوم تاكدت من امر مهم وهو ان الشعب الجزائري اصبح عاجز حتى عن الدفاع عن حقوقه وسيأتي يوم علينا اذا استمر الأمر على حاله نقتل بعضنا البعض من اجل الخبز والبطاطا

[السيدة كرمين]

مليح حل المقاطعة حنا راهي 100 دج السبت الماضي
السبت هذا مانعرف

[leila-bee]

والله عند الحق لوكان نشوفو وندققو في الوضع نرجعو نلومو المستهلك لانه هو الي شجع هذا الوضع تاع الباطاطا ب100 او 90 دج لوكان رفض يشريها او قاطع هذا المنتوج كي بدااو يرفعو فالسعر ..منبعد هوما يولوو يتراجعوو ويحللو فالمستهلك باش يشريها او ممكن ايولي سعرها معقول ب 30 او 45 دج كي بكري ههههههه

[سماعيل ولد سعيدة]

أتذكر مثلا لربما يقول
إذا غللا الشيئ أبخسته بالترك
معا إلى ترك البطاطا