ماذا تفعلون للباقي [الأرشيف] - منتديات الجلفة لكل الجزائريين و العرب

مشاهدة النسخة كاملة : ماذا تفعلون للباقي

goumar

2012-03-13, 20:19

السلام عليكم كيف انتم حبيت نسالكم على العجين الباقي من الحلويات واش تديرو بيه مذابيه كل وحده تعطينا فكرتها هي واش تدير:mh31:

meriem maria

2012-03-13, 20:23

يسعدني اني اول من سترد
انا العجينة ديال البقلاوة االلي تبقى نعمل بيها القريوش
نشربو بيه اتاي في الدار
ننتظر الردود للاستفادة معك

goumar

2012-03-13, 20:30

سابدا على بركة الله;) لمايبقى العجين من البقلاوه نرجعو للبلاستيك كل مره حتى يكمل كامل ثم نحلو بالاله نتاع العجين حتى يصبح املس و رقيق من بعد نديرو قطايف في مكان الرشته ولما يجف قليلا اتحطو فوق البقلاوه وتقطع والى الفرن ويجي هايل شكل و بنه واذا ماكانش الاله قطعي ورود واوراق وزيني بيهم ادا كان عجين مخلط مثلا نتاع المشكله فيه االكاوكاو نزيدلو بيضه اواثنين و شوي خماره اذا اصبحت العجينه سائله زيدي طحين او قاسيه زيدي ماء زهر اعجني بيه و اطبعي وطيبي في الفرن اومثلا ديريه قريوش:) هذا الصافي كيما نتاع البقلاوه:)

الأمنيات

2012-03-13, 20:30

انا طيبها في الفرن ومن بعد نطحنها ونلمها بالشوكولا او المربى ونصنع بيها حلوة باردة

goumar

2012-03-13, 20:33

انا طيبها في الفرن ومن بعد نطحنها ونلمها بالشوكولا او المربى ونصنع بيها حلوة باردة

مشكوره فكره عمري ماخممت فيها:1::19:

goumar

2012-03-13, 20:35

يسعدني اني اول من سترد
انا العجينة ديال البقلاوة االلي تبقى نعمل بيها القريوش
نشربو بيه اتاي في الدار
ننتظر الردود للاستفادة معك

مشكوووووره الله يحفظهملك ويجمعكم في الفردوس الاعلى اميييين

goumar

2012-03-13, 21:11

واش ماكانش اللي يخدم القاطو :confused: ولا راكم ترمو العجين الباقي:mad:

بشرى2008

2012-03-13, 21:20

أنا كيما عجينة البقلاوة نديرها كورنيات ونقليهم أومبعد نعمرهم بالحشو كوكاو + قوفريط مرحي+ جلجلان+ عسل يجي هااااااااااااااااااايل

الكروان الجريح

2012-03-13, 21:28

تقدري طيبيه و ترحيه و تضيفيله حلوة الترك و المكسرات مرحين خشن نوعا ما و تلميهم بالعسل او المعجون شكليهم كويرات او عمليهم جبزة اعمليلهم شكولا و زينهم كيما تبغي و قدميهم و هكذا تكوني ضربتي عصفورين بحجر واحد

شيماء آمنة

2012-03-14, 16:24

والله ختي كاين اللي يدخلوها فالكونجيلاتار (المجمد) ومين اكمل لهم الحلوة يجبدوه ويديروه قريوشة و لا أي حاجة,,,,,,,,,,,,

remadna

2012-03-14, 16:38

اي نوع تاع عجين؟
بالنسبة للبقلاوة عندي وصفة اخترعتها صورتها منذ اكثر من 3 اشهر و لقتيني نخمم باه نحطها
ام العجين الأخر حسب الموجود

طالبة مساعدة

2012-03-14, 16:42

نعملها في مجمد ولما احتاجها نعمل بيها ومثل ما قالو الاخوات تقدري تعملي ليكورني تاع لي سالي

remadna

2012-03-24, 15:14

هذه الحلوى ببقايا عجينة http://www.djelfa.info/vb/showthread.php?t=907696

goumar

2012-03-24, 18:25

هذه الحلوى ببقايا عجينة http://www.djelfa.info/vb/showthread.php?t=907696

اختي الله يصلحلك الاحوال دنيا و اخره انا اللوز مانقدرش نشريه معليهش ندير الكوكاو مكانو مفور و بذوق اللوز

remadna

2012-03-24, 19:11

اختي الله يصلحلك الاحوال دنيا و اخره انا اللوز مانقدرش نشريه معليهش ندير الكوكاو مكانو مفور و بذوق اللوز

بالطبع تقدري شرط يكون محمص مليح و مغربل خشن
انا اعطتني صديقتي لوز و عملت لها حلوى به و بقي كمية نص كاس تقريب اعطتها لي

fouziahami

2013-07-26, 23:23

هاااااااايييييلللللة

ريمه

2013-07-26, 23:43

انا دائما يبقالي حبيبات كركاع لوز كوكاو نزاد كوكو بيمو او اذا درت قاتو تاع الجوز يبقولي الحواشي كلشي نخلطه بالزبده و بالسيرو ونزوق كيما نحب ندير حرابيش ونحط شوكولا من فوق ونقصه ولا نعمل كريات مرمده في جوز الهند