الى بنات ادرار

[النجمة القطبية]

اتمنى من بنات ادرار يعرفونا على اسرار المنطقة
لانى سمعت بزاف عدات عجبتنى من زميلة
حبيت نعرف العادات وطريقة تحضير الشخشوخة الادرارية قالولى الطريقة ونسيت :)

[جسور المحبة]

ان شاء الله يفيدوك لكن بحكم انو المطقة مجاورة لينا وعلى حسب ما يحكولي الشخشوخة تسقى بمرق عدس خاص وقالولي انها طيبة جدا خالتي وراجلها كل مرة يروحو لثم لاحبابهم

[النجمة القطبية]

ان شاء الله يفيدوك لكن بحكم انو المطقة مجاورة لينا وعلى حسب ما يحكولي الشخشوخة تسقى بمرق عدس خاص وقالولي انها طيبة جدا خالتي وراجلها كل مرة يروحو لثم لاحبابهم
شكرا لمرورك
ايه انا سمعت انها بمرق العدس بصح مفهمتش العجين كيف يكون
المهم عادات المنطقة حسبما سمعت فيها الكثير من الامور التى لا نعرفها فى مناطقنا

[الأمنيات]

تشتهر مدينة ادرار باكلات متنوعه منها كما قلتي الشخشوخة وهي خبز القلة على ما اظن يسمى هكذا لانه يطهى فوق قلة
الكسكس ويسمى العيش والمردود ............................هي اكلات متنوعه

[حلاوة_87]

راني من التل منعرفش لكن خطيبي خدام في ادرار وقالي""" والله اعلم مفهمتش عليه مليح """انو يطيبو خبز في الرماد ولما ينضج يفتوه ويحطوه في جفنة ويسقيوه بمرق العدس ويكون حار...قالي كلاها وعجبااته وطلب مني نتعلمها...لكن للاسف مخممتش حتى باش نجربها...

[النجمة القطبية]

راني من التل منعرفش لكن خطيبي خدام في ادرار وقالي""" والله اعلم مفهمتش عليه مليح """انو يطيبو خبز في الرماد ولما ينضج يفتوه ويحطوه في جفنة ويسقيوه بمرق العدس ويكون حار...قالي كلاها وعجبااته وطلب مني نتعلمها...لكن للاسف مخممتش حتى باش نجربها...
واش هو التل
ايه انا سمعت من زميلة عن هذا الخبز ومفهمتش قالت نعملوه فى حجرة او شئ من هذا القبيل
حابة نتعلمها او حتى نشوف صور

[النجمة القطبية]

تشتهر مدينة ادرار باكلات متنوعه منها كما قلتي الشخشوخة وهي خبز القلة على ما اظن يسمى هكذا لانه يطهى فوق قلة
الكسكس ويسمى العيش والمردود ............................هي اكلات متنوعه
نحتاجو تفاصيل الوصفة برك

[sarona.girl]

الوصفة ماش صعيبة لكن اماكن الطهي مانلقاوهاش عندنا قالتلي صحبتي بلي العجينة تاع الشخشوخة او مايسمى بالرقاق ولا خبز القلة تكون ملح ماء وفرينة وتكون سائلة شوية ومن بعد يروحو للطابونة ولا القلة وهي سخونة ويعملو كيما للعجينة الديول في الطهي السر هنا في المذاق هو النار والحطب والنكهة لي يزيدوها للعجينة اما المرقة فعندهم توابل خاصة مختلفا تماما على التوابل تاعنا كما انهم يستعملو الثوم المحلي يجي حشيش خضر ماشي كامل حب
اما الكسرة فهى نفس العجينة لكن ماشي سائلة شادة روحها ويطيبوها تحت الرمال والمرق هو نفسو يستعملوه في الخبز القلة والكسرة والعيش ايضا
انا هذا مانعرف يعني ماكلة ماشي معقدة بالعكس اسهل من طيابنا لكن السر كلو في التوابل

[sarona.girl]

نسيت حاجة الفرينة تاعهم من القمح المحلي الصحراوي ولي ايضا مختلف على القمح تاعنا

[ليساء11]

اذهبي الى قسم المعجنات