تفضلوو على تليتلي ناس الشرق.....نودكم ولانشهيكم [الأرشيف] - منتديات الجلفة لكل الجزائريين و العرب

تسجيل الدخول

مشاهدة النسخة كاملة : تفضلوو على تليتلي ناس الشرق.....نودكم ولانشهيكم

hasna19

2012-03-13, 18:52

استغفر الله العظيم من كل ذنب عظيم

*سماح 94*

2012-03-13, 19:23

اممممممممممممم يعطيك الصحة ختي ....بصحتكم

بيان 5

2012-03-13, 19:23

يعطيك الصحة يا الشاطرة

أم ياسين الزهراء

2012-03-13, 19:43

سخفتيني هايل يعطيك الصحة

my lamis

2012-03-13, 20:04

يسلمو إديك يا غالية بزاف تهبل و نموت فيها
درتيها بالمرق الأبيض؟
حنا نديروها مرق أحمر بصح كاش نهار نجربها

بشرى2008

2012-03-13, 20:11

شكراااا نفس طريقتي

hasna19

2012-03-13, 20:18

الله يسلمكم شكـــــــــــــرا

my lamis مالفين نديروه احمر بصح هذاا ابيض>>>>>وهو الاحمرالذ

الأمنيات

2012-03-13, 20:38

ماشاء الله .................يعطيك الصحة رائعه

miri_27

2012-03-13, 21:15

الله يباركك يعطيك الف عافية

الصوامعية

2012-03-13, 21:20

يشهي يعطيك الصحة

zitoukar

2012-03-13, 22:54

شكرااااااا غدا ان شاء الله نديرو

hasna19

2012-03-21, 15:11

العفوووو نورتن متصفحي

linat

2012-03-21, 15:35

بارك الله فيك

sisi 26

2012-03-21, 16:46

واو أختي راه يبان يشهي

قلب سليم

2012-03-24, 00:16

والله يعطيك الصحة على التقديم و الشرح حنا ثاني نعملوه ابيض و نعملوا معاه الجلبانة

مشكووووووووووووووووووووورة

remadna

2012-03-24, 08:29

يعطيك الصحة
حنا نضيفو الثوم مع البصل و طماطم حب 2

MAYA07

2012-03-24, 16:31

بارك الله فيك

gatta.annabia

2012-04-04, 18:59

مرسي عالطريقة بصح في عنابة التليتلي ابيض يجي عامة و كل حاجة نعمة تطيب مرقة بيضا غير الشخشوخة حمرا و مرات الكسكسي البلدي كي يجي بالحوت يطيب احمرسلامي ليكي

hasna19

2012-04-05, 22:38

العفو gatta.annabia (http://www.djelfa.info/vb/member.php?u=398353) هادا احمر؟؟؟؟؟؟ راهو ابيض يالفحلة اكي تشوفي فيه مافهش حتى طمطومة

وليا انا ماشي شرط يجي ابيض خصوصا اذاكان بالدجاج باللحم صح ابيضبصح بالدجاج نوورمال

gatta.annabia

2012-04-15, 02:05

العفو gatta.annabia (http://www.djelfa.o/vb/member.php?u=398353) هادا احمر؟؟؟؟؟؟ راهو ابيض يالفحلة اكي تشوفي فيه مافهش حتى طمطومة

وليا انا ماشي شرط يجي ابيض خصوصا اذاكان بالدجاج باللحم صح ابيضبصح بالدجاج نوورمال

ههههههههههههه شوفي يا حبي الطريقة اللي كاتبتها و المكونات راكي حاطة الطماطم و الثوم
الصورة ابيض و المكونات احمر هههههه
كاش تليتلي عنابي يجي احمر
حتى يجي احمر بصح بلا ثوم
هو صح كل عايلة و ذوقها التليتلي الاحمر يديروه برك في الدار في الحطات لالالالالالالالالالالالالالا
بصح العنانبة ابيض معروف و كي يحبوه يطيب كي القريتليه ب طريقة تزيينها اهو يزينوه بالبنادق و البيض كيما القريتليه بصح مش نفس طريقة الطياب
كون تسمعك كايلة ولا دلالو هههههههه يغسلوك هههههههههههه

نيفرتيتي.

2012-04-15, 08:15

اختي يشهي المرة الجاية ديريه احمر

ادرارية

2012-04-15, 10:02

بارك الله فيك

hasna19

2012-04-16, 21:50

ههههههههههههه شوفي يا حبي الطريقة اللي كاتبتها و المكونات راكي حاطة الطماطم و الثوم الصورة ابيض و المكونات احمر هههههه كاش تليتلي عنابي يجي احمر بالثوم هو صح كل عايلة و ذوقها بصح العنانبة ابيض معروف و كي يحبوه يطيب كي القريتليه اهو يزينوه بالبنادق و البيض كون تسمعك كايلة ولا دلالو هههههههه يغسلوك هههههههههههه

ههههايو ياعمري انتي لي شوفي مليح انا كتبت حبة طماطم ماقلتش 2 مغارف كونساارف >>>>الطماطم الخضراا لازم تكون في الماكلةتعطيها بنة وماتحمرها ماتصفرها والتوم جامي سمعت بيها تليتلي بلا توم ؟؟؟؟؟ وعلاه ولاكسكسي؟؟؟؟ بربي قوليلي ماكلة بلاتوم وطماطم كعب كيفاش تجي؟؟؟؟ وش الحاجة اللي تعطيها البنة

وزيد هادراهو طياابي راني 21 سنة كاين لي قدي متعرفش تطيب فنجال قهوة

والقريتلية يالفحلة كي نحبها كاين يمممما ربي يطول في عمرها تبرمها برمة تع حراير مشي نشري تليتلي تع شكارة ونقولك قريتلية بالبنادق ههههههه

وزيد البيض راهي عادات القسنطينية وحنا درنا كيفهم سقسي شكون تحبي :34:

ولالا كايلة ودلالو الله لا يوصلهم يغسلووني عندي ماما حرت الحراير صح انا بابا قالمي بصح ماما عنابية مقطرة بنت بلاد كيما يقولو كل صبع بصنعة وين تحطيها تلقايها

وان شاءالله تجينا عرضة ولامناسبة ونصورلك مائدتنا وقوليلي شكون لي يغسل خوه انا ولا كايلة

>>>>>نزيد نضيفلك حاجة يما (ميمي) لي عندومناسبة الكل يعيطلها تحط يدها في الماكلةباه تجي بنييييييييييييييييييييييييييييييييييييييييينة تهبل تقتل

hasna19

2012-04-16, 21:55

وفيك بركة اخي ادراري

اختي يشهي المرة الجاية ديريه احمر

تعيشي اختك كلك ذووق

ان شاءالله المرةالجاية نطيبو احمر ونحطوو

gatta.annabia

2012-04-17, 00:37

هههههههههههههه والقلقة علاه :1:
نهدرو شوية ونفهمو ياسر:19: شوفي البنادق و العظام من اول الدنيا في عنابة
عجوزتي قسنطينية و عندهم حاجات داوها من عندنا وحنا زادة دينا حوايج من عندهم
بصح البنادق و العظام من بكري في القريتليه و مش غير البنادق برك تكون مفرشة باللحم مرحي طبقه طبقة
مازل تتعلمي حاجات وحاجات
و بلا ما نسقسي حبيبتي ماما عنابية حرة و بابا ولد بلاد مقطر من قاع الخابية
و الطياب تعلمته على ميمي جداتي و دارنا كبيرة كل يوم عرضات و حطات
الثوم يجي في حوايج اخرى تاع تفتوفة اخرى واذا الثوم انتي تحبيه في المرق هاذاك دوقك الشخصي و كل واحد حر في طعمة فمه
انا نحكي عن الطريقة الاصليه للتليتلي تاع عنابة و بس

التليتلي حاجة و القريتلية حاجة
اداك الي مازال نشري التليتلي ونقوله قريتليه
كي جبدت عالقريتليه قصدت طريقة التزيين مش الطياب
يا حسنا الناس راهي تعرف
القريتليه خدمة الدار و تتبرم فوق السيار بالساس وبالرنة و مش اللي تجي تعرف تبرم و تجي كعبة كعبة
كل كلمه قلتها على بالي بيها ونعرفها ومانحطش حاجة نخلي الناس من مناطق اخرى تعرفها ومنكونش متاكدة منها
الكونسارف حبي مانطيبش بيها كلش غير la sauce pour les pates
الجاري و القناوية و اي حاجة تاع نعمة اللي تطيب مرقتها حمرا نديروها بالكعب

وبالنسبة لدلالو وكايلة نضحك معاك عادي هههههههههه قلبتيها لهل توصلهم يا خي حالة هههههههههه كبري مخك راكي جامعية و افهمي اللي مكتوب بين السطور
وش القصد من غير تحسس زايد

وكايلة معروفة بنت بلاد وطيابها بلدي وعزيز و مكلف

في الاخير نقلك

معليش المرة الجاية طيبيه احمر من تحت يديك العزاز و حطيه نتشهاو

و بلا ما تتغشي عليا حبوبتي انا بردودي نوجه فيك للاحسن و باه تتعلمي وكي تروحي لدارك تكوني كاملة مكملة تتعلمي من ماماك و من الخواتات اللي هنا و مافيها باس كلنا نتعلموا
و كله في الفايدة ليك ولينا و للبنات الكل

ghalia123

2012-04-17, 02:16

تليتلي يهبل يعطيك الصحة الاخت

انا مع الاخت gatta كلامها صحيح مليون بالمئة و عنابية تاع الصح بارك الله فيها

يما تاني ماتديرش الثوم و تديره ابيض وانا نديره احمر على جال راجلي يحب المرق الحمرة يقلي البيضة صامطة

و القريتليا تديرها يمة كيما قالت الاخت gatta بالضبط و التليتلي نشبحوه بالعظام و الكعابر تاع اللحم و انا نعرف العظام و البنادق في عنابة من بكري
هيه يا عنابة وقتاش يجي الصيف و نجيك كل مانتفكر تجيني الدمعة