أنتم مع أو ضد مسابقة على أساس الشهادة

[samarkand 2012]

أرجو من الأخوة الكرام ، و الأخوات الكريمات أن يناقشوا معنا هذه القضية ، و التي تتمثل في استبدال المسابقات على أساس الاختبارات بمقابلات الأنتقاء ، قهل هي فعلا تضفي مرونة أكثر كما يقول أحمد أويحي أم لا ؟؟؟؟؟؟؟

[wildfire2068]

انا افضل المسابقة على اساس الاختبار

[wildfire2068]

ليست لدي خبرة ...................

[samarkand 2012]

أنا عندي خبرة ، و مع ذلك لست مع التوظيف على اساس الشهادة ، أظن أنه 17 نقطة هذيك تع الملف ما كاش منها ، 03 نقط تع المقابلة (كأنها استجواب من ق.التحقيق) مهزلة كبيرة.

[terfas86]

ضددددددددددددددددددددددددددددددددددددددددددددددددد ددددددددددددددددددد المسابقة على اساس الشهادة

[adouma]

ضد المسابقة على اساس الشهادة
لأني على الاقل نجحت في الإحتياطي على اساس الإختبار
اما على اساس الشهادة فيعتمد على الخبرة و معدل السنة الأخيرة لازم تكون 15 باه تضمن النجاح

[vivaldi]

لست ضد الإختبارات
ولكن
ضد فكرة الخبرة المطلوية في هذا العام
للأسف نسير دوما إلى الخلف

[اسرار البحر]

انا ضد اي شيء لا يتفق عليه الاغلبية

والاغلبية لااااااااااااااااااا للمسابقة على اساس الشهادة

[danona]

ربي يهديك، الناس راهم يربحو في المسابقات المهنية و تخدم و أنتي مازلت تطرحي في الأسئلة و تساناي الناس يجاوبوك، مستوى متدني؟

[samarkand 2012]

danona (باينة على كرشك تموتي ، من إسمك) ، ثم شكرا على المشاركة حتى و لو كنتي في مستوى جد عالي ، و أنكي تحصلتي على جائزة النوبل للأكل DANONE ، ثم لإن الموضوع مهم و الدليل على ذلك الإخوة و الأخوات المحترمين ـ، أجابوا عن ذلك .، و ما دام أن مستواي متدني ، لماذاا شاركتي ، و لما تدنيتي إلى مستواي؟؟؟؟؟؟؟؟؟ ههههههههههههههههههههههههههههههه

[houriato]

على اساس الاختيار أفضل

[غليزاني 26 سنة]

انا ضد فتح اي مسابقة حاليا
الى ان يتم الادماج للمؤقتين

[ياقوتة وهران]

سبحان الله و بحمده هل سنحرم حتى النقاش
أنا ضد المسابقة على أساس الشهادة لأن معاييرها ناقصةفيها ثغرات كثيرة مثلا يجب و ضع نقاط لمن أضاع عامين او عام ونصف في الخدمة الوطنية هذا مثال بسيط فقط.
أما عن المسابقة على أساس الاختبار فأسأل الله أن يصلح أحوال الأمة التي غزاها الغش. لن تتصلح أمورنا حتى نصلح ما بأنفسنا
تقبلوا رأيي

[wildfire2068]

انا ضد المسابقة على اساس الشهادة لكنها احسن من مسابقة الكيتمان و i phone + htc

[امين83]

الاثنان ما سلكنا منهم ....ههههه
على اساس اختيبار .....العفسة في الاساتدة المصححين ........و المسابقة على اساس الشهادة عراقيل على طريقة القانونية بمعنى ( المقابلة ينقطك كيما يحب و ليس هناك دليل عن صحة اجابتك من عدمها و زيد على ذلك gonflage les notes 3/3 لولد فلان وبنت فلان و الاسئلة التعجيزية
واحد قاري الحقوق يعطيه سؤال حول المحاسب العمومي و واحد دارس المالية و الاقتصاد يقوله المركزية و اللامركزية )
يقولك مثل : هرب من غسال طاح في بابه ....
في كلتا الحالتين ..لا نحتاج الى توظيف على اساس الاختيبار او توظيف على اساس الشهادة .....بل
الى المصداقية و الشفافية و الضمير .....

[adouma]

انا في الحق راني نحوس على منصب و نريح ياااااااااااو تعبت من السفر و الله غير راني مشيانة خلاص
ما بقى فيا والو

[achr]

:19: طبعا ضد لانها تعتمد اكثر علي معايير لا تقيم بل تساعد علي المحسوبية و مزيدا من البيروقراطية الادارية ومزيدا من الظلم و التهميش الاحسن نبقاو كما هكا خييييييييييييييييييير عن طريق الاختبار و بالتوفيق جميعا :rolleyes::rolleyes::rolleyes::rolleyes:

[محمد الريس]

ضدها 10000 في المئة

[danona]

T’es débile ou t’es juste premier degré? j'ai laissé le prix nobel pour des personne comme toi des allié a les américains et les juifs « Il compense en stupidité ce qui lui manque en intelligence . »

[samarkand 2012]

Ton Français est très nul. Allez oust.

[DIDOUHAMZA]

danona بصحتك

[samir0770]

انا ضد ..................

[لقمان 25]

بكل صراحة كلاهما في واد واحد فأساس الإختيار هو المعريفة أو باباك جيييييييييننننننننننننننننيييييييييييررررررررررررر ررااااااااااااااااال

[ابن كثيرلجزائري]

احنا معا العدل والنزاهة والمصداقية سواء كانت المسابقة كتابية وشفاهية.
وانتا كي تشوف ناس نجحت في مسابقة كتابية بالغش والكيتمان. هل هذه المسابقة سليمة. وتشوف اللي نجح بهذه الطريقة يقولك الحمد لله أنا ربحت بمجهودي. وكاين اللي كتب سماه في آخر الجواب متفاهم مع المصحح ومن بعد تلقاه هو اللي ربح.
انا هذه الأمور شفتها بعيني.
في الجزائر كي المسابقة على أساس الشهادة كي الامتحان كل شي كيفكيف.
على الأقل المسابقة على أساس الشهادة مافيهاش تعب كيما الامتحان.
الله يفرجها على كل مومن.

[kahmerouan]

انا لست ضد اي من المسابقتين فاضن ان الذي تكون جيدا لا ترهبه نوع او طريقة المسابقة بل المشكلة تكمن في الضمانات التي توليها الجهة المنظمة للمسابقة كي لا يعتريها اللبس في مصداقيتها ...
لذلك با جماعة الخير انا ليست لدي اي ثقة في اي امتحان مهما كان نوعه في الجزائر ....لانه بعبارة دقيقة نعيش في دوار كبير

[kahmerouan]

احنا معا العدل والنزاهة والمصداقية سواء كانت المسابقة كتابية وشفاهية.
وانتا كي تشوف ناس نجحت في مسابقة كتابية بالغش والكيتمان. هل هذه المسابقة سليمة. وتشوف اللي نجح بهذه الطريقة يقولك الحمد لله أنا ربحت بمجهودي. وكاين اللي كتب سماه في آخر الجواب متفاهم مع المصحح ومن بعد تلقاه هو اللي ربح.
انا هذه الأمور شفتها بعيني.
في الجزائر كي المسابقة على أساس الشهادة كي الامتحان كل شي كيفكيف.
على الأقل المسابقة على أساس الشهادة مافيهاش تعب كيما الامتحان.
الله يفرجها على كل مومن.

لا تحزن ان الله معنا
-/// من طلب العلا بغير كد .... سيدركها متى شاب الغراب

[خديجة قسيس]

في زوج عندهم سلبيات

[خديجة قسيس]

احنا معا العدل والنزاهة والمصداقية سواء كانت المسابقة كتابية وشفاهية.
وانتا كي تشوف ناس نجحت في مسابقة كتابية بالغش والكيتمان. هل هذه المسابقة سليمة. وتشوف اللي نجح بهذه الطريقة يقولك الحمد لله أنا ربحت بمجهودي. وكاين اللي كتب سماه في آخر الجواب متفاهم مع المصحح ومن بعد تلقاه هو اللي ربح.
انا هذه الأمور شفتها بعيني.
في الجزائر كي المسابقة على أساس الشهادة كي الامتحان كل شي كيفكيف.
على الأقل المسابقة على أساس الشهادة مافيهاش تعب كيما الامتحان.
الله يفرجها على كل مومن.

عندك الحق خويا هذا وش كنت راح نقولو
على الاقل على اساس الشهادة مافيهاش تعب
البارح كنت نجوز في مسابقة مقتصد اعطاونا وحد الموضوع في المحاسبة العمومية ماهوش كامل مفهوم

[programmeur]

انا مع الاختبار على أساس الدراهم و المعريفة

يعني عندك الدراهم يزيدوك ماعندكش تموت بالشر و قليلة فيك و ادا خسرت يقلعولك الشهادة تاعك هههههههههههههههههههههههههههههههههههههههههههههه

[pro24]

كيف كيف اللاعب حميدة والرشام حميدة في القهوة تاع حميدة

[asma230]

انا لست ضد فكلرة المسابقة على اساس الشهادة لا بل على العكس هي مبادرة جيدة تتخلص فيها من جيع الاختبارات المقابلة مرة واحدة و فقط و انما انا ضد فكرة الخبرة هذا شرط تعسفي و تعجيزي لان المتخرجين الجدد لا يمكنهم المشاركة في المسابقات فهذا اجحاف بحق البعض

[danona]

N'ouvre la bouche que lorsque tu es sûr que ce que tu vas dire est plus beau que le silence.
tu es vraiment bete et stupide es d'un niveau bat

[terfas86]

N'ouvre la bouche que lorsque tu es sûr que ce que tu vas dire est plus beau que le silence.
tu es vraiment bete et stupide es d'un niveau bat

c koi cette façon de parler un peu de respect stp ça se di pa est ça se fait pa ce que tu a ecrit

[rachidm]

هذي من ضمن الاصلاحات تاع السي بوتقليقة

[كابريتور]

أكيييييييييييييييييييييييييييييييييييييييييييييييي يييييييييييييييييييييييييييييييييييييييد ضدها

[عبد الرؤوف24]

حنا فى الجزائر دايما نرجعو للخلف هذا احمد اويحيى وشكون لى شكالوا قالو بدل على اساس الشهادة كان على اساس الاختبار افضل

[samarkand 2012]

Cher DANONA , je te remercie pour ta participation mais.................Corriges ton Français .ouuuuuuuuuuuuuuuuuuuuuuuuuuuuuh.je t'avais dit Oust = Fuera =Go out= Hors de cette discussion , tu ne représente pas les Sétifiens , Moi j'ai une bonne vue sur les Sétifiens , alors ne ternis pas leurs image.
un peu de respect pour les gens , ici en parle entre adultes responsables sur des sujets qui nous concerne , alors ne rentres plus dans cette discussion
Nous respectons tous les avis et tous les points de vue , Sauf les insultes a 2 Balles , et les réflexions qui touches la dignité des gens, Dans le cas échéant , je demande à l'administrateur de se site de la bannir



Pas d'insulte-Pas de propos déplacés.

[a fleur de toi]

أفضل على اساس الاختيار

[blancheneige14]

انا ضد المسابقة على اساس الشهادة لكنها احسن من مسابقة الكيتمان و i phone + htc

أنا راني معاك في هدي الفكرة
و ديجا مافهمنا فيها والوا
كلشي بالمكتوب الانسان يسعى و يدير لي عليه و ربي كاتب
قل لن يصيبنا الا ماكتب الله لنا

[face]

للحذففففففففففففففففف

[farih100]

على اساس الشهادة افضل في حالة تم سد الثغرات (مثل قضية التحليلي والاستدراكي,وقضية الخبرة بالنسبة للمتخرجين الجدد,.......الخ)
تخيلوا عند اجتيازي لاحدى المسابقات على الثغرات (الشهادة) وعند دخولي الى اللجنة تم سؤالي عن سنة التخرج فقلت له العام هدا قال لي : راك شجاع جاي تعقب هادي المسابقة :mad:
واش ندير انا متخرج جديد ؟؟؟بالاك الحرقة وخلاص

[amal07]

و الله أنا راني شايفتهم كيفكيف ما كانش فرق على أساس الاختبار ينجحوا شكون يحبو و على أساس الشهادة يديرو رايهم كثر ههههههههه

[wildfire2068]

في مقابلة شخصية سالت اللجنة حتى ادا كانت اجاباتي كلها 100/100 صحيحة مع العلم ان هناك اشخاص دو خبرة واسعة ومتخرجين مند 10 سنوات واكتر ...قلت لهم المقابلة لا تعنى اي شيئ في المسابقة على اساس الشهادة والتنقيط فيه الكثير من العيوب ..... فقالت اللجنة ان الوظيف العمومي هو من وضع التنقيط . وقالت اللجنة انه حتى لو كان هناك مترشحين دو خبر واسعة وفي المقابلة لم يكونوا في المستوى سوف يعطولهم 0.5 ... فقلت كيف كيف عندهم خبرة كبيرة حتى لو تمدولهم 0.5 ....... قلت في قلبي ماعليش رانا في يديكم ومبعد تكونوا بيد ربي سبحانو تما انشوفوا المقابلة تاع الصح ......... والسلام عليكم

[wildfire2068]

والله غير كرهت المسابقة هادي ماعندها حتى معنى اويحي انا عندى حيوان

[wildfire2068]

عفوا لاصحاب المنتدى الكرام

[الشاوية الحرة]

أنــــاا مع المســــــاابقات على أســــــااس الشهــــــــــاادة وعلى أســــــــــــااس الاختبــــاارات وعلى أســـــــااس الخبـرة يجب أن تــــــــكون هـذه الأســــااسيات لأن بـهذه الشـروط يتـحدد لنـــاا الشخص الذي يستـــــحق هـذا المنصب فعــلا الذي تجـرى عليـه المسابقة..سلالآمي

[amal07]

عفوا لاصحاب المنتدى الكرام
نعذروك أخي رانا كامل كرهنا هاد المسابقات لكن أملنا في ربي مش في عبادو ربي يفرج علينا

[kamel555]

نشوفوا نتائجها لو كان راه فيها نتائج لناس لفقدو الامل في التوظيف....

[rachidm]

موضوع مكرر
http://www.djelfa.info/vb/showthread.php?t=847532

[الدوق]

أنــــاا مع المســــــاابقات على أســــــااس الشهــــــــــاادة وعلى أســــــــــــااس الاختبــــاارات وعلى أســـــــااس الخبـرة يجب أن تــــــــكون هـذه الأســــااسيات لأن بـهذه الشـروط يتـحدد لنـــاا الشخص الذي يستـــــحق هـذا المنصب فعــلا الذي تجـرى عليـه المسابقة..سلالآمي


أنا أيضا مع الشاوية الحرة ومع المسابقات على اساس الشهادة

[samarkand 2012]

موضوع مكرر
http://www.djelfa.info/vb/showthread.php?t=847532

هنا ليس استطلاع و تصويت ، بل مناقشة و طرح أراء ، و ذكر محاسن و مساوىء المسابقات على أساس الشهادة ، و هذاك الموضوع حتى اليوم باش شفتو ، و اليوم لي صوت ضد ، شكرا على كل حال أخي الفاضل.

[RABI]

السلام عليكم المسابقة على اساس الشهادة اكيد ضدهااااااااااااااااااااااااااااااااااااااااااااااا اا
اصبحت مهزلة كبيرة المسابقة مفروزة قبل ما تبدى

[lila z]

لو أنهم صح يكونوا نزيهين تكون على أساس الشهادة أفضل
خصوصا للي شهاداتهم قديمة
بصح نشوف بلي على أساس الاختبار شوية نزيهة عليها
المهم صديقة لي درست genie civil كانوا طالبين في البلدية 2 .. جوزوها 2 جابوها في زوووووووج
بصح متصرف إداري طلبوا 3 و جاو 700 أو أكتر
حنا قرينا قراية قراوها كامل الجزائريين و عندهم منصب واحد كي اللي قرا محاسبة كي اللي قرا قانون


الله يهدييهم قراونا باطل و خلاونا للبطااااااالة

[صبرينة700]

يا شعب يا ناس يا أمة أنا مليت من حاجة وسمها كونكوربالاختبار
malgre tous على أساس الشهادة مافيهش mondat 300 DA ما فيهش تعب ما فيهش غربة يومين عام في بودواو عام في بليدة وهاذ العوام اللخرين في بن عكنون
أفضل على أساس الشهادة أفضل على أساس الشهادة أفضل على أساس الشهادة أفضل على أساس الشهادة أفضل على أساس الشهادة أفضل على أساس الشهادة أفضل على أساس الشهادة أفضل على أساس الشهادة أفضل على أساس الشهادة أفضل على أساس الشهادة أفضل على أساس الشهادة

[الحافظ لدينه]

أنا ضد المسابقة على أساس الشهادة لأنها الظلم بعينه و ما فيهاش شفافية و ثاني الخبرة مطلوبه بزاف الله يهديهم و أفضل الإمتحان الكتابي لأن الشخص يمكن أن ينجح إذا جاوب مليح و الله أعلم

[guessmohamed]

السلام عليكم
انتهجت الحكومة هذا الأسلوب بسببنا نحن الغش الجماعي الغش بالاوراق الغش بالهاتف كل انواع الغش إن الله يمهل ولا يهمل
يداك وكتا وفوك نفخ

[lotficom]

انا ضد اي مسابقة توظيف على اساس الاختبار الو على اي شكل اخر وخلوكم من هذ الكلام الفارغ

انا مع اي قانون يمنح العمل لاي متخرج من اي مؤسسة تعليمية مباشرة دون تعطيل بحيث لا يتذوق طعم البطالة اما
المسابقات فهي في الاصل للترقية وفقط

[tino2008]

المشكل الاكبر في هذه الطريقة في راي هي الناس التي هي لها منصب في نفس المؤسسة وتزيد تشارك في مسابقة خارجية في نفس مكان عملها .فطبعا المنصب لهم والله لا اتحدث عن ناس الادماج اوغيرهم من المتعاقدين فممكن نقول من حقهم حتى ولو تعاطفا معهم لكن الذي لا يغتفر انه ناس تشغل مناصب وجي زاحم البطال فوالله هكذا ابدا لن يحل مشكل البطالة

[samarkand 2012]

المشكل الاكبر في هذه الطريقة في راي هي الناس التي هي لها منصب في نفس المؤسسة وتزيد تشارك في مسابقة خارجية في نفس مكان عملها .فطبعا المنصب لهم والله لا اتحدث عن ناس الادماج اوغيرهم من المتعاقدين فممكن نقول من حقهم حتى ولو تعاطفا معهم لكن الذي لا يغتفر انه ناس تشغل مناصب وجي زاحم البطال فوالله هكذا ابدا لن يحل مشكل البطالة



أخي عندك الحق ، صحيح أن العمال في الوظيف العمومي يحوسوا على تحسين مستواهم المادي في المشاركة في قطاعات أخرى ، لكن الدولة سمحت للعمال باش تشارك في المسابقات و الدليل على ذلك تطلب منهم موافقة الإدارة ، و تعهد استقالة ، و من ثم الدولة راهي تشجع الكل يبحث عن مناصب أفضل ، و بذلك عوضا من أن تكون المسابقات من حق البطالين ، تكون للبطالين و الموظفين في أن واحد ...........و نفس البطالين يشاركو في كل المسابقات

[tino2008]

هذا الحق اعطي لهم السنة الماضية فقط يعني زادوا الطين بلة عندما بحثوا عن المرونة في التوظيف زادوها صلابة.اي مسابقة على اساس الشهادة ويشارك في نفس المؤسسة التي يعمل بها يعني نقاط الخبرةوالاقدمية له وزيد لجنة المقابلة des colègues.والله مهزلة

[tino2008]

أخي عندك الحق ، صحيح أن العمال في الوظيف العمومي يحوسوا على تحسين مستواهم المادي في المشاركة في قطاعات أخرى ، لكن الدولة سمحت للعمال باش تشارك في المسابقات و الدليل على ذلك تطلب منهم موافقة الإدارة ، و تعهد استقالة ، و من ثم الدولة راهي تشجع الكل يبحث عن مناصب أفضل ، و بذلك عوضا من أن تكون المسابقات من حق البطالين ، تكون للبطالين و الموظفين في أن واحد ...........و نفس البطالين يشاركو في كل المسابقات
لو لتحسين المستوى كان ممكن ا لتغاضي لو ليس في نفس المؤسسة لكن ااكد في نفس المؤسسة هذا غير منطقي من اجل 2000ال3000دج زيادة يحرم واحد بدون حتى مصروف والله اين العدالة الاجتماعية وممكن نعتبرها انانية

[kenza.brs]

انا شخصيا في الوقت الحاضر ضد مسابقات التوظيف

[bglassad]

ربي يهديكم تفشلو في الطلبة . كل واحد واش كتبلو ربي . .......هذاي كامل اسباب واتركو ثقتكم بربي ودخلو لقلوبكم اليقين بربي راح تنجحو في حياتكم وربي يوفقكم

[tino2008]

ونعم بالله.اللهم استغفرك واتوب اليك

[saifou86]

انا لاحظت اصحاب الدبلومات القديمة تعجبهم فكرة على اساس الشهادة والعكس الجدد لا تعجبهم الفكرة

[nourkhouloud]

ضد على أساس الشهادة لأنو لي عندو معريفة فالوظيف عموموي نقولولو مبروك
ساهلة الواحد يجيب 3 نقاط فالادارة الممتحن بها لكن 17 نقطة الباقية راهي باينة حكايتها

[kenza.brs]

انا لاحظت اصحاب الدبلومات القديمة تعجبهم فكرة على اساس الشهادة والعكس الجدد لا تعجبهم الفكرة
تبالي انتي يا اختي مدخلتيش تجربة نتاع الكونكور......بالعكس اصحاب الدبلومات القدم هوما لكرهوا الكونكور ماشي كيما الجدد يكونوا نافحتلهم فيه

[المحامي الانيق]

سلام عليكم
انا اكيد مع مسابقة على اساس الشهادة طبعا يا اخواني لي راكم متخرجين جدد خلو الفرصة للناس لي داقت البطالة سنين طويله
وزيد ان في مسابقة على اساس الاختبارت يكون نجاح للاغلبية متخرجة جديد لان ذاكرتكم مازالت جديدة على عكس اصحاب الشهادات القديمة لي دايما ما عندهم الفرصة النجاح فيها
بالاضافة انه على اساس الشهادة تكون مقابله اللي تظهر فيها شخصية الحقيقية للمترشح و يبان مستوى الفكري على عكس الاختباء وراء الوورقة الامتحان و ممكن يعمل غير نسخ و لصق الاشياء لحفظها من غير ما يقهم معانيها
في الاخير سواءا كانت المسابقة على اساس الاختبار او الشهادة في النهاية النجاح لنظام المحسوبية

[asma-bac2006]

السلام عليكم
انا لم يسبق لي اجتياز مسابقات على اساس الاختبار و كنت نسمع انها على اساس المعريفة و المحسوبية ,و الان مسابقات على اساس الشهادة يقال انها على اساس المعريفة و المحسوبية إذن انا مع المسابقات على اساس المعريفة و المحسوبية لان عندي عرف جهد و كبييير كبيير بزاف





ربي سبحانه
. وان ضاق رزقي وشح جعلت لي في صلاة الفجر وفرته وفي الأ ستغفار بركته .
جعلت لي في عتمة الأسحار دعوةٌ لا ترد فسهام الليل لا تخطئ .
سبحان الله و بحمده سبحان الله العظيم

[wildfire2068]

انا شخصيا افضل المعريقة على الكيتمان

[koka322]

انا معها لان في 2020 نولي قديم في الدبلوم تولي عندي 15 نقطة عليه لاني خريج 2005

[بن فرج أحمد]

ياجماعة انا شخصيا لا أستطيع الحكم على مسابقات على أساس الشهادة لأنه لحد الأن لم تظهر ولا نتيجة
زد على ذلك شخص لعند معريفة يربح في أي مسابقة لكن يجب التلميح أن هذا نظام الجديد يغطي أولوية
لأصحاب دبلومات القديمة وهذا شيء من العدالة والله أعلم.................

[wildfire2068]

والمتخرج الجديد يروح يبيع اللفت

[بنت الشهداء ALG]

معاكي حق اختي لماذا الي معاه شهادة له 5 نقاط على الشهادة فقط واخر عنده 3 نقاط على الشهادة ويقولون لهم الاتنين لهم الحق في المشاركة فيها التاني ليس لديه ابدا حظوظ علاش يعيو فيه ربي يهدي