انا متردد

[مشكلتي]

سلام الله عليكم
لن اطيل عليكم انا استاد وهناك طالبت من طلابي اعجبتني وانا متردد في التقدم اليها بنية الزواج
احس بشعور ممزوج بين التردد و الخوف، ثم انني لا اجد طريقة للتحدث اليها
ارجوكم افيدوني و انصحوني

[وليد2014]

فأذا عزمت فتوكل على الله

[السيدة كرمين]

استخر ول فيه خير يقدموا ربي

[samir 1990]

أدخل صديقة لها كوسيط بينكما و يجب أن تكون الوسيطة موثوق فيها أي لا تفشي الأمر و تحاول أن تعرف رأي الفتاة بطريقة غير مباشرة أي دون أن تخبرها بنيتك فإن كانت معجبة بك فتوكل على الله أما إن كانت تعتبرك كأستاذ لها فقط فيجب نسيان الأمر بالتوفيق

[soulafe]

السلام اخي
1-اذا نويت صدق خطبتها فارسل لها امراة ذات ثقة وتستدرجها في الكلام وتعرف هل هي مخطوبة ام لا وكيف تتصور زوجها المستقبلي
2-اما اذا لم تنوي ماطمعهاش 3 والله اذانويت بصدق يفتح لك ربي الابواب لاتخاف
فكرتني في استاذ جامعة كي جاء خطبني بعثلي فتاة لا اعرفها وقالتي استاذ يريد التكلم معك وكان هذاك الاستاذ قد حرصني في الامتحان ولكن لسبب خارج من وسعي رفض عسى الله يعوضني خير منه
الله راني كل كلمة قلتها صادقة فلا تضيع الفرصة اخي

[djamel123]

رأيي متفق مع رأي الأخت سولاف

[oprah]

أنا ننصحك بالاستخاره هي الاولى
و من راي و أنا حطيت روحي في بلاصتها و في بلاصتك و شفت أنو بالاك شويه ماشي مليحه أنك تبعتلها وحده و خير لوكان تبفى بينك و بينها حتى ادا لا قدر الله مكملتش بيناتكم هكدا السمعه نتاعك كأستاد تبقى نورمال راك فاهم؟
يعني عندي أنا الحل الأمثل أنك تكتب رساله عاديه بها بضع كلمات تعبر فيهم أنك ناوي تجي تخطبها ادا وافقتي و ادا راكي مخطوبة من الاحسن تقولها تخلي الامر بيناتكم
هدا رأيي
لوكان أنا منحبش واحد يبعتلي وحده و مادابيه لوكان هو يقابلني خير يعني كيما نقولو قادر على شقاه
و تكون واعره أنك تقابلها و تحكي معاها و واعره عليها تاني امالا تبقى الرساله الحل الأفضل
و ربي يوفقك أخي الكريم

[بلال الرومنسي]

لا تدخل صديقتها واسطة بينكما ولا هم يحزنون ........ فقد تكون صديقتها قلبها اسود وغيورة ........
تكلم معها مباشرة وجها لوجه وقل لها ان رفضت ان تترك الامر سري بينكما وتبقون كالاخوة كل واحد يحترم الاخر

[ام رحوقة]

عند نهاية الدرس اطلب منها مثلا ان تجمع كراريس التلاميذ حتى تصححهم ولما تجي تحطهملك فوق المكتب
خبرها بلي حاب تخطبها وتخلي الامر سر
ولا في نهاية الدرس قوللها تعالي دقيقة وخبرها بالموضوع
المهم خير مايدخلش طرف اخر لانك ماتعرفش البنات بلاك تجي صاحبتها وتفرقكم بدل ما تعاونكم
ربي يوفقك

[حنان شلفية]

شوف اخى اول شيئ انت صلي صلاة استخارة ومن بعد اذا ارتحت لاامر باشر فيه من غير تردد وطريقة هي
بماانك استاذها فهناك وقت لتكلم احكى معاها وحداها قلها انك حبا تخطبها وسالها ان كان هناك احد في حياتها وان شاء الله يكون لا
شي تانى انت كبير ولست بحاجة الى وسيط انا شخصيا اكره شيئ عندى انو حدى يبعتلى عن طريق بنت انا كنت موضفة في ثانوية واعجب بي استاذ مع العلم انى كنت تلميذة هذا استاذ واجت فرصة وطلب منى دقيقة فسالنى ان كنت مخطوبة فقلت له نعم يعنى انت احكى مع الفتاة واسئلها
او ان كنت على صداقة جيدة مع استاذة زميلة لك احكى لها وهي سوف تحكى مع الفتاة وان شاء الله بتوفيق لكن لا تبعث بصديقة لها ربي يوفقك

[samir 1990]

لا تدخل صديقتها واسطة بينكما ولا هم يحزنون ........ فقد تكون صديقتها قلبها اسود وغيورة ........
تكلم معها مباشرة وجها لوجه وقل لها ان رفضت ان تترك الامر سري بينكما وتبقون كالاخوة كل واحد يحترم الاخر

لكن إن أخبرها بنفسه أتظن أن العلاقة ستعود كما كانت و كأن شيء لم يحدث

[وصال الجنة]

لكن إن أخبرها بنفسه أتظن أن العلاقة ستعود كما كانت و كأن شيء لم يحدث

ولم لا ...
أنا تني من رايي مايبعت لها حتى وحدة .. الطفلة ماتحبش الراجل اللي يبعتلها وحدة على خاطر هي تحبو يكون جريء ويدير أي حاجة على جالها باه تحس بللي راك شاريها صح .... وتحب يكون الأمر سري بينها وبينو وماتكونش هي آخر من يعلم ...يعني عيط لها وسقسيها إذا كانت مرتبطة ولامخطوبة إذا قالت لك لا ... ادخل في صلب الموضوع مباشرة وقولها بللي راك حاب تخطبها وقلها تفكر مليح وإذا ماكتبش ربي تقعد العلاقة بيناتكم مليحة كما كانت ... بصح باه تبعتلها وحدة هاذي شوي ثقيلة ... قولها انت خير باه تحس بللي راك راجل وناويها صح.

[hamzagolf6]

اخي مع الاول يجب ان تسئل على سمعتها و واصلها وكيف تربت وتدير عليها تحقيق كبير يعني تعرف كل كبيرة وصغير وكبيرة عليها ومباعد صلي الاستخارة
وكي تكون حصتك قوللها نحتاجك في اخر الحصة قوللها اذا نتي مخطوبة ولا لا اذا جاوباتك لا قولها راني حابك تكوني زوجتي واطلب منها تفكر في الامر
اخي لا تدخل وسيطا بينكما ربما تلك الوسيطة عند سماع الاجابة منها بالقبول تكذب عليك وتقول لك العكس او لا تتوقع منها اي شيء
واذا رفضت قوللها ربي يسهل واطلب منها يبقى الامر سري بيناتكم
وبالتوفيق وربي يكملك بالخير

[أم البراء السلفية]

السلام عليكم ورحمة الله وبركاته
ربي يوفقك اخى
اولا صلى صلاة الاستخارة
واذا تطنتلها
روح لاهلها ديراكت
ماتهدر معاها ماتهدر معاك
وربي يوفقك ان شاء الله وتكون زوجة صالحة

[the black perl]

ادا كنت ناوي الحلال علاه تتردد
خير البر عاجــــــــــــــــــــــــــله

[1954مريم]

السلام عليكم

اولا عليك من التاكد من مفسك واسئل عليها وبعد ما تقرر وتحدد وتعلم يقين انك صح مقرر اتخذ الاجراء اللازم وهو

اتصل باستاذة ثقة وفاهمة وتخشى ربي تسئلها .

2/ ممكن تتصل باهلها مباشرة عن طريق المراقب العام او المدير عادي راك ناي الحلال وهذه طريقة عادية

3/ ممكن انت تتكلم معها مباشرة في فترة الراحة ممكن من باب السؤال اذا كانت مجتهدة مثلا

او طلبت استفسار على شئ وقلها مباشرة لا اداعي للف والدوران نصيحة قل لها اخلاقك عجبتني حاب نتقدم شرعيا واش رايك فكري واخبري اهلك .

لان الصراحة احسن اما عن الصديقات لا افضل ولا احبذ دلك

ربي يسهل ليك

[ايمي الدلوعة]

وعليكم السلام
استاذ في اخر الحصة كيما قالو الاعضاء قلها تسنى دقيقة وسقسيها اذا كانت مخطوبة ولا لالا اذا كانت الاجابة لا صارحها بواش راك ناوي واذا كانت نعم بدل الموضوع وقلها راكي ناقصة في المادة نتاعي ولا راكي شاطرة....المهم استاذ هي في الثانوي ؟ مجرد سؤال
ارجو اكون افدتك والاعضاء

[الحاج قادة]

اذا كنت استاذ في الجامعة روحلها مباشرة مافيها حتى احراج اما اذا كنت في الثانوية دير وساطة من الافضل ان تكون استادة اما اذا كنت في المتوسطة غبر ماتشقاش

[dotZero]

كأستاذ أنصحك بعدم التقدم إليها مادامت تلميذتك
يجب انتظار نهاية السنة ثم تقدم عادي كأي بنت
بإمكانك التكلم معها في ختام السنة أو حفل توزيع الجوائز أو الاتصال مباشرة بأهلها
لكن لا تحدث إليها مادامت تلميذتك
هذا قد يؤثر على عدلك بين التلاميذ و العدل أساسي في التعليم و لا يجب التمييز بأي شكل
أما بعد نهاية السنة فالرابط بين الأستاذ و تلميذه تنتهي و تصبح هي بنت عادية تقدم لها عادي جدا
و لا تنسى الاستخارة

[***star***]

1.صلي صلاة الاستخارة
2.اخطيك من الواسطة ادا ماكانتش غيارة راهي تفشي الخبر (خاصة ادا قوبلت بالرفض) وقاع الشعب يسمع (اقول هدا تفاديا للدعايات والاقاويل)
3.ماتهدر معاها ماوالو تقدم لاهلها .

[الامل بالله]

ايه صح مادام راك ناوي الحلال غير اتقدم يا خويا و بلاك هي تاني راك عاجبها بصح كي عدت استاذها متقدر تدير والو