.... أنا محتار في اختيار الشعبة .. أحتاج ذوي خبرة ؟؟ [الأرشيف] - منتديات الجلفة لكل الجزائريين و العرب

مشاهدة النسخة كاملة : .... أنا محتار في اختيار الشعبة .. أحتاج ذوي خبرة ؟؟

nedjah2

2012-03-08, 15:08

السلام عليكم ورحمة الله

أنا محتار في اختيار الشعبة بين شعبة علوم تجريبية ... وشعبة تقني رياضي - هندسة ميكانيكية -
أرجوا إفادتي بخبراتكم ... وأيضا التخصصات الممكنة فيكل شعبة منهما بعد الباك ...

nedjah2

2012-03-08, 15:11

سمعت أن هندسة ميكانيكية يذهب إليها الضعفاء والمشاغبين ... أنا معدلي 16
وأنا لاأحب كثيرا العلوم - معامل 6 - ؟؟؟

nedjah2

2012-03-08, 15:13

سمعت أن هندسة ميكانيكية يذهب إليها الضعفاء والمشاغبين ... أنا معدلي 16
وأنا لاأحب كثيرا العلوم - معامل 6 - ؟؟؟

أَحمــد

2012-03-08, 15:16

معدلك ما شاء الله

عليك بالإختيار المناسب

شعبة الرياضيات جيدة (إذا كنت متفوقا في الرياضيات)

نعمة القدوس

2012-03-08, 15:26

سلام أخي

صراحة عندي تقريبا نفس المشكل

بالصح، اخترت علوم تجريبية، وقلت لكان ماعجبتنييش نبدل

والله أعلم

أنت دييير اللي يخرج عليك

ويكدب عليك اللي يقوللك التقني يروحولها غير المشاغبين

لكان أنت ماتحبش العلوم، ماتروحش علوم

دير تقني، وبالتوفيق

أنا لأنهم عجبوني بزاف، درت أفضل وحدة

سارة 07

2012-03-08, 15:47

ديري المادة الي تفضلها واهم شيئ انك تفهميها وتحبيها لانها هي مستقبلك

مثلا انا نحب العلوم وراح ندير علوم تجريبية لان العلوم فيها les choix اذا ما ديتيش في الرياضيات تقدري تعوضي في الفيزياء واذا ما ديتيش في الفيزياء تقدري تعوضي في العلوم عكس شعبة الرياضيات تماما الرياضيات معاملها 7 يعني لازم تجيبي فيها والا المعدل راح يهبط

وفي النهاية كل واحد يدير الشعبة الي تريحو

koka star

2012-03-08, 16:59

السلام عليكم
وانا تاني راني حايرة مبصح أنا نحب بزاف العلو بالدرجة الاولي فاخترت علوم تجريبية وأنا نوافق أختي في أن العلوم فيها les choix والمهم أنت وهو مجرد رأي أن تذهب رياضياات أذا كنت أينشتاين ههههه وأسال الله أن ينور طريقك في اختيار الذي يريح ضميرك والسلاااام

coucousousou

2012-03-08, 17:28

شعبة رياضيات هي الشعبة لمخيرة حسب رايي لانو في الجامعة تكون هي الاولى في الاختيارات بصح هادا ادا كان معدلك مليح في مادة الرياضيات و تحس بلي تقدر تنجح فيها من باعد تجي شعبة تقني رياضي لي هي ساهلة شوية على الرياضيات و من باعد شعبة علوم تجريبية الاسهل فيها الاختيارات و اضافة الى انها تعتمد بشكل كبير على العلوم ادا كنت تاكل على شقاك و عارف بلي تجيب مليح في العلوم ديرها. انا معدلي في الرياضيات بين 16 و 15 و في العلوم 11 و 13 مع اني ضعيفة في العلوم بصح حابا نديرها و اسال الله ان يزودنا و اياكم بالعلم المفيد

nedjah2

2012-03-08, 18:13

أشكر الجميع للإفادة ...
أنا أريد اختصاص مهندس إعلام آلي فماهي الشعبة الأقرب ؟؟؟؟

أَحمــد

2012-03-08, 21:43

أشكر الجميع للإفادة ...
أنا أريد اختصاص مهندس إعلام آلي فماهي الشعبة الأقرب ؟؟؟؟

كل الشعب تسمح بذلك (رياضيات, علوم تجريبية, تقني رياضي)

بشرط الحصول على معدل جيد في البكالوريا

بالتوفيق لك