هل تصرفت صح ؟

[مشكلتي]

السلام عليكم و رحمة الله تعالى و بركاته


ليست مشكلة و لكن استفسار هل تصرفي صحيح أو لا ؟؟

القصة هي

في مكان عملي تعمل معي بنت اخرى
و المسؤول على العمل انسان محترم و مؤدب يظهر هكذا
و لكن لاحظت انه يريد ان يتزوج و حائر بيني و بين زميلتي

للرجال الفتاة دائما تعرف من هو معجب او مهتم بها

أنا كنت اعامله عادي جدا جدا يعني علاقة عمل فقط
حتى اذا جاء ليتكلم معي او يفتح حوار تكون الاجابة نعم لا
استعار مني كتب و cd و لكن لم اطالب بها لاني فكرت انها من اجل ان اتكلم معه اكثر
او التقي به اكثر حتى اعادها لي وحده
و لكن زميلتي اصبحت تتكلم معه اكثر و تختلق الاسباب من أجل ان تتكلم معه ووو

و في النهاية هو اختار زميلتي

بالنسبة لهذا الشخص ليس لدي اي اعتراض عليه و ليس لدي علاقة مع شخص اخر و لكن اذا جاء من الباب كنت سافكر في القصة

و أريد ان أعرف هل تصرفي صحيح ؟؟؟

ممكن لو تصرف مثلها اصبحنا في منافسة أمزح فقط
و ممكن اختارني انا

أعرف ان الزواج مكتوب و زميلتي هي مكتوب هذا الشخص
و لكن هل تصرف صح ؟؟؟
اذا حدثت نفس القصة مع شخص اخر اتصرف كما تصرفت او اتصرف مثلها ؟؟؟

و المصيبة انهم اصبحوا يعملون خصوصا هو حركات من اجل اغاضتي

و أافكر ان اترك العمل

[نورسين.داية]

و الله ما تصراها عليا نعرض روحي على إنسان ................واش بيك ؟؟؟؟؟؟؟؟؟؟؟؟

سبحان الله .....و لا حول و لاقوة إلا بالله .......................لا يوجد أحسن من الإحترام و الإطار الشرعي

و خصوصا مصطلح حائر بينكي و بين زميلتك ....................أنا لو مكانك أنسحب من المكان اصلا ........حتى لا أوصل نفسي لمقارنة مثل هاده
..........................هذا ما بقي ليا ..............................
و لا تنسي ان الزواج مكتوب ........في الأول و الأخير ....................لي جا مرحبا بيه و لي راح الله لاقيه الخير ..............او بمعنى اصح الله لا يردو .....................

[سارة البوسعادية]

تصرفك هو الصح لانو لو وضحتيلو اهتمامك واختار زميلتك رح تكون فيها اهنة ليكي اما دوكا تقدري تبيني بلي اصلا ماكانش عاجبك خصوصا كي بداويغيضو فيكي ومن البداية هدا مايستاهلكش طاح على الطيح عليه وبلاكي تتركي خدمتك وتياسي لانو رح يجي نهار تندمي
انك خليتي خدمتك علاجال ناس ماتستاهلش

["أوريانة"]

اه لقد فتحتي لي جرحا عميقا لكن انا كنت في الحالة العكسية يعني انا اول من اقام علاقة معه لكن صدقيني ندمت عليها لاني وضعت نفسي في منافسة شدييييييييييدة اضرت بي صحيا و نفسيا مرضت وبعدها انفصلنا و الاخرى التي كانت في نفس حالتك ما ان تركته حتى سارعت لاقامة علاقة به الان لكن ااكد لك انها تعاني ما كنت اعانيه انا من الغيرة حين اتكلم معه لانني رغم ذلك بقيت علاقتي به طيبة و حتى هو لم يغير طريقة تعامله معي لكنني الان اصبحت اتعمد اغاضتها صراحة ورغم انني الان مخطوبة و الحمد لله و رغم انها اطمانت قليلا الا انها لا تحتمل تعاملي معه و كما قالها هو بنفسه كما تدين تدان يعني انا انصحك لا تضعي نفسك في موقف كهذا فالمنافسة لن تنففعك بل تشوهك برك فحاولي التغاضي عنالامر و ما نحيهم من بالك علابالي صعيبة خاصة انكم في نفس مكان العمل و بالاكي تغلطي و تبطلي الخدمة انا عن نفسي تعذبت كثيرا و كما يقال بقاتلي غير الموت برك و خككت نترك العمل لكن كنت رزينة و تغلبت على ضعفي
صحيح انها نافستني فيه و نجحت لكن كل ما يحكيلي و لا نشوفو يتصرف معاها نتذكر بلي حتى انا كان يدير معايا نفس الشيئ و نفس الكلام يعني يجي نهار وين هي تاني يتركها لانو اصلا كان يخير بيني و بينها و الشيئ اللي درتلو انا وحدة ما ديرولو و بشهادتو هو لكن الحمد لله الله عوضنس بزوج تحلم به كل فتاة

[loulou88]

اختي انتي الملكة بدون مجاملة لا تضعي نفسكي في موقف محرج........ولمادا تتركين عملكي لمادا؟؟ دعكي من صغار العقول لا يمكن ان يغيضكي احد ابقي مكانكي معززة مكرمة سيأتي الرجل المناسب في الوقت المناسب لا تضعي حياتك بين اطار عتيق افتحي المجال لحياتكي واختاري واحد ممن تقدم لكي او سيتقدم لكي بكل فخر واعتزاز.
حبيبتي صح عيدك ولا نسيتي انت الملكة

[loulou88]

http://forum.khleeg.com/imgcache/2/95118khleeg.gif
هذه لكي من اختك لولو

[sarl02]

شفتي يا الجايحة راهي اداتولك من قدامك الناس راهي اطير هههه ...امزح فقط ...بالعكس تماما تصرفك هو الصح وهذا مكتوب ربي وتاكدي لو كان من مكتوبك راح يرجعلك ولو بعد حين ....على بالي انت ثاني كان عندك رغبة في هذا الشخص لكن استطعتي انك تهدمي اللذة تاعك لاجل عزتك وكرامتك وهذا شيء ايجابي يحسب لك وليس عليك .

[سرب النحل]

احييك على اخلاقك اختي

[عُضو مُحترم]

المرأة الحقيقة هي من تجعل الشباب يطرقون بابها و يرجون قبولها الزواج

ليس بمالها و كلامها و شهريتها او بمعارفها

و لكن باخلاقها تديُنها و عائلتها المُحترمة

انت الصح و لو اخطا الناس

=========

ربي يرزقك الزوج الصالح

[hamzagolf6]

اتفكري كلامي
بلي درك يكره منها ويبطل عليها ويرجع يشوف فيك وقولي ماقلتها

[abdel02]

اغلبية رجال الادارات لما يربطو علاقات مع الفتيات...غايتهم الاولى الخلوة في المكاتب و...و...ومثلما قال صاحبنا...سيمل منها ويلوي رقبته اتجاهك...فقط كوني قوية ولا تغادري العمل...وارميه في الثقيل فلعل الله يخبا لكي ماهو خير منه بالاف المرات.

[االزينة _07]

اتفكري كلامي
بلي درك يكره منها ويبطل عليها ويرجع يشوف فيك وقولي ماقلتها

راني معاك في هادي.....الوقت هادا لي تشد راجل تحسب روحها شاطرة......نساو انه الطفلة عزتها وكرامتها كي يجيها راجلها يخطبها بالقيمة والشان ماشي تلصق روحها فيه;)

["أوريانة"]

اتفكري كلامي
بلي درك يكره منها ويبطل عليها ويرجع يشوف فيك وقولي ماقلتها

عندو الحق الاخ قستها في الصميم
و راني كتبتلك قصتي بالاك راهم قراوها الاخوة الاعضاء
لما كره مني راح ليها و هي ما ضيعتش الفرصة لكن انت حذاري من هذه الغلطة لانو كيما قادر يكرهها و يولي ليك كيما نهار اخر يكره منك و يروح لوحدة اخرى
فقط كوني قوية اني عارفة شحال صعيبة خاصة احنا البنات فينا الغيرة بزاف لكن اتحملي قد ما تقدري و بالتوفيق

[راية الاسلام1]

تدكري اختي: من ترك شيئا لله عوضه الله خيرا منه.........
وحاجة كي يعود مكتبهالك ربي...... والله ديري واش ديري..... تجيك.......
استعيني بالدعاء....... ربي مخبيلك ما خير منو........
وربي يرزقك بوليد الحلال...... امين:19:

[نجمة ساطعة]

اتفكري كلامي
بلي درك يكره منها ويبطل عليها ويرجع يشوف فيك وقولي ماقلتها

خطأ اياك تسمعي هذا الكلام ....

شوفي آمني بحاجة وحدة انو مش مكتوبك انت و لا تعتقدي زميلتك بتصرفاتها

فازت به لانه لو كان مش مكتوبك حتى لو درتي كيفها راح يختارها هي

صدقيني لو احبك فعلا كان اختارك انت

المهم انسي هاذ القصة و عيشي حياتك

[ريحان الجزائر]

السلام عليكم و رحمة الله و بركاته تصرفك هو الصح أختي و الله يرزقك خير منه ماكانش قد العفة و أخلاق المرأة الله يحفظك

[مومي23]

تصرفك هو الصح

[indr]

1 : يلا كنت بنت علاش راك داير الجنس ذكر
2 :ه>ا هو التصرف الصحيح

[ايمان فلاور]

تصرفك صحيح فلو كان يريد خطبك بجد حتى لو لم تتكلمي معه كان المفروض ان يصر عليك ولكنه اختار الاخرى هذا ما اعرفه

[ناشدة السؤدد]

بميزان الاخلاق كنت أرفع عن الدنايا

فكيف نقول أنك مخطئة

الله يرزقك الزوج الصالح

[أكوام الورد]

والله أختي تصرفك هو الصح خلي ثقتك بنفسك عالية و خلي روحك عزيزة مكتوبك يجي يلا لعندك هو ماشي نتي اللي تمشي لعنده . ربي يجيبلك ما أحسن منه

[lo_mayma]

باين فيك متعلقة بيه وإلا فإنكي لم تلاحظي إغاظتهما لكي
مادامك خدامة ماتسمعي لا بيه لا بخلافو اللي يكون عينو فيك يتقدملك مباشرة شم يبقى يدير شادي بادي
و متخليش روحك محل إختيار
و نصيحة ماديريش عليهم و ماتبطليش خدمتك غير لكان كنتي حبيتييييييييييييييييه

[أم محمد و آيه]

السلام عليكم و رحمة الله تعالى و بركاته


ليست مشكلة و لكن استفسار هل تصرفي صحيح أو لا ؟؟

القصة هي

في مكان عملي تعمل معي بنت اخرى
و المسؤول على العمل انسان محترم و مؤدب يظهر هكذا
و لكن لاحظت انه يريد ان يتزوج و حائر بيني و بين زميلتي

للرجال الفتاة دائما تعرف من هو معجب او مهتم بها

أنا كنت اعامله عادي جدا جدا يعني علاقة عمل فقط
حتى اذا جاء ليتكلم معي او يفتح حوار تكون الاجابة نعم لا
استعار مني كتب و cd و لكن لم اطالب بها لاني فكرت انها من اجل ان اتكلم معه اكثر
او التقي به اكثر حتى اعادها لي وحده
و لكن زميلتي اصبحت تتكلم معه اكثر و تختلق الاسباب من أجل ان تتكلم معه ووو

و في النهاية هو اختار زميلتي

بالنسبة لهذا الشخص ليس لدي اي اعتراض عليه و ليس لدي علاقة مع شخص اخر و لكن اذا جاء من الباب كنت سافكر في القصة

و أريد ان أعرف هل تصرفي صحيح ؟؟؟

ممكن لو تصرف مثلها اصبحنا في منافسة أمزح فقط
و ممكن اختارني انا

أعرف ان الزواج مكتوب و زميلتي هي مكتوب هذا الشخص
و لكن هل تصرف صح ؟؟؟
اذا حدثت نفس القصة مع شخص اخر اتصرف كما تصرفت او اتصرف مثلها ؟؟؟

و المصيبة انهم اصبحوا يعملون خصوصا هو حركات من اجل اغاضتي

و أافكر ان اترك العمل




تصرفك هو الصح ..كرامتك اولى من كل شيء ...

وحذاري من ترك العمل ..هنا تزيدي في الشك ديالهم ..قعدي وخدمي خدمتك وبينيلهم انت معلبلكيش

وقوليلهم الله يهنيكم ..

كيما عطاكم ربي مينسانيش ويعطيني خير منكم ان شاء الله.