كل طير يلغي بلغاه

[maiar]

السلام عليكم و رحمة الله تعالى و بركاته

هذا اول موضوع ليا في هذا القسم بعدما وصلت للنقطة التي افاضت الكاس بالنسبة لي :mad:

فالاول اريد ان اعرف اذا هذا الشيء يصرا فالجزائر كامل و الاهنا برك عندنا المهم بعدما تنقلت الى ولاية اخرى

لقيت صعوبات في التاقلم مع الزملاء في الثانوية بسبب انهم يضحكو على هدرتي مش على الهدرة كامل بل

لاني اتكلم بالقاف و ليس بالgاف :confused::confused::confused:لكن تهنيت من هذه الحكاية كي طلعت للجامعة لان

درسو معايا من كل المناطق :o

و كيما نقولو كل واحد يهدر بلهجتو و عادي خلاص و الان الحمد لله خلصت و راني نخدم استاذة و رجعت نفس الحكاية تع

الليسي النهار الاول غاضني الحال و من بعد خممت مع روحي اني ما نديرش عليهم و ما عليا غير ندير الواجب تاعي

و خلاص و نصبر في روحي برك لاني ساتزوج الى ولايتي الاصلية :rolleyes:وين مكانش مشكل اللهجة هذه ,

الان فرغتلكم قلبي مش gلبي:1::1::1::1:



من جهة و من جهة خلاف تناقشو حول موضوع القاف و الgاف او اختلاف اللهجة عموما

[محمد غيزة]

من لم يتجول ربما سيضحك ان سمع قاف او gاف ولكن اختي هذه مشكلته هو لانه لا يعرف يلاده كل له لهجته وطريقة كلامه كلن كلنا جزائريون وهذا هو الاهم
من بقي في ولايته منذ زيادته لا يعرف الا لهجته طبعا سيستغرب لانه لا يعرف الا ما يقول

[الامل في الله]

عادي جدا عندما كنت ادرس في الجامعة كانت عندي صديقات من عين البيضاء و كنت انا الوحيدة التبسية فكن يجتمعن معي و يتكلمن معي لا لشيئ سوى للتعليق على لهجتي فيقولون لي انت بالنسبة لنا تونسية و الان اعرف امراة تتكلم بالقاف كما تقولين فمرات نعلق على لهجتها و لا تغضب بل بالعكس تضحك معنا كثيرا.

[sissi123]

ههه ولوكان أنا نهدرلك بالتلمسانية نتاعنا تموتي علي بالضحك ،

حنا ملغري فلتمسان عندنا عدة لهجات خاصة بصح مانضحكوا حتى على لهجة بالعكس يعجبونا اللهجات المختلفة

لكن العكس لما واحد يهدر بالتلمسانية يضحكوا عليه المناطق لخرين هادي هي بلادي ...

[فتـ حييةـاة]

اختي انا عندي صديقات من مختلف الولايات والحمد لله مالقيت حتى مشكل مع وحدة منهم ولا هوما تلقاو مشكل معي كاين صح كلمات يختلفو وكاين كلمات عندنا يضحكوهم وكلمات عندهم يضحكوني بصح عادي جدا مادارتلناش مشكل

[maiar]

من لم يتجول ربما سيضحك ان سمع قاف او gاف ولكن اختي هذه مشكلته هو لانه لا يعرف يلاده كل له لهجته وطريقة كلامه كلن كلنا جزائريون وهذا هو الاهم
من بقي في ولايته منذ زيادته لا يعرف الا لهجته طبعا سيستغرب لانه لا يعرف الا ما يقول

يا اخي صح عندك الحق

بصح والله هذه العقلية هنا مام خرجو من الولاية بصح يبقاو يستهزؤو من الهدرة بشكل مستفز مش مرة و لا زوج

لكن دائما صح حاجة تكره ربي يقدرنا

[imi02i]

السلام عليكم

يـا أختي التعليق تاع الناس راه في كـل مكـان

والعيب ماشي في أنك تتمسكي بلهجتك بل هذاك هو الصح

العيب أنك تسمحي فيها من أجل كلام الناس

[المتوكل محمد]

لا يكون الانسان حساسا لدرجة كبيرة في كل شيء
لابد من أن يكون مبتسما ويعيش الحياة بابتسامة
واختلاف اللهجات شيء عادي جدا جدا جدا
ليس في الجزائر فقط بل في كل دول العالم
وقد يضحك الناس من شخص بسبب لهجته فليضحك معهم ..
وقد يضحكون بسبب لباسه فليضحك معهم ..
وقد يضحكون بسبب مشيته أو حتى بدون سبب ..
فليضحك معهم حتى ياتي اليوم الذي يسكتون
لأنهم قد ملواااااااااااااا فلن يضحكوا بعدها
لأنهم لو رأوه يغضب ربما يستمرون في ضحكهم
فقط لأنه يغضب من ذلك ..
شكرااااااااااااااااااااااااااااااااااااااااااااااا ا لك ..

[maiar]

عادي جدا عندما كنت ادرس في الجامعة كانت عندي صديقات من عين البيضاء و كنت انا الوحيدة التبسية فكن يجتمعن معي و يتكلمن معي لا لشيئ سوى للتعليق على لهجتي فيقولون لي انت بالنسبة لنا تونسية و الان اعرف امراة تتكلم بالقاف كما تقولين فمرات نعلق على لهجتها و لا تغضب بل بالعكس تضحك معنا كثيرا.

اختي راني معاك فلي قلتيه بصح كي تجي من عند الصديقات ا مام حنا فالجامعة كنا مثلكم بالمزاح فقط

والله عادي جدا و الله العظيم ما يغيضني الحال بالعكس نضحك معاهم لاننا كل وحدة و عندها لهجتها

بارك الله فيك على المرور شكرا

[السَّحابة البيضاءْ]

احنا ثاني نقولوا g وعادي وين المشكل المهم وش فراسي ماشي هدرتي

الغريب انوا لما يجي خليجي عندنا جامي يضحكوا على g انتاعوا بالعكس تعجبهم لهجتوا

واحنا الي مفروض بلادنا وحدة وان تعددت لهجاتنا مازلنا نضحكوا على بعض يعني لما نقول القاف كاش ماتزيد ولا نقول g كاش ماتنقص

انا ثاني عانيت من لهجتي لما رحت للعاصمة وعانيت وكبرت الموضوع بالصح في الاخير خلاص ولا عادي بالنسبة لي

[محمد...عبد النور]

السلام عليكم أختي الكريمة
باينة هذه المشكلة لقيتيها في بلدية صغيرة
المشكلة في هؤلاء الاشخاص و ليس في لهجتك ممكن تجدين الواحد منهم في حياته لم ينتقل لمكان آخر لأجل ذلك تجدين مثل هذه التصرفات التي تبين أن أصحابها ما زالوا في انعزالية عن تقبل كل اللهجات و أنهم لو كانوا مطلعين على كلام و عادات المناطق الأخرى لكانوا من السباقين لترك التهكم و استهجان كل فعل ليس من منطقتهم
لكن الحياة لا تخل من مثل هؤلاء
شكرا للموضوع و بارك الله فيك أختي و ربي يرزقك حياة طيبة هنيئة
ســـــــــــــــــــــــــــــلام

[maiar]

ههه ولوكان أنا نهدرلك بالتلمسانية نتاعنا تموتي علي بالضحك ،

حنا ملغري فلتمسان عندنا عدة لهجات خاصة بصح مانضحكوا حتى على لهجة بالعكس يعجبونا اللهجات المختلفة

لكن العكس لما واحد يهدر بالتلمسانية يضحكوا عليه المناطق لخرين هادي هي بلادي ...

هكذا في ولايتي الاصلية عندنا لهجات بزاف و مانضحكو على حتى لهجة كيما قلتي واش تحبي هذه هي

[maiar]

اختي انا عندي صديقات من مختلف الولايات والحمد لله مالقيت حتى مشكل مع وحدة منهم ولا هوما تلقاو مشكل معي كاين صح كلمات يختلفو وكاين كلمات عندنا يضحكوهم وكلمات عندهم يضحكوني بصح عادي جدا مادارتلناش مشكل

يا اختي راني معك في هذه تع الصحبات والله كي العسل انا تاني عندي صديقات من ولايات مختلفة و جامي كان كاين

مشكل معاهم بالعكس نضحكو عادي جدا

بارك الله فيك على المرور

[maiar]

السلام عليكم

يـا أختي التعليق تاع الناس راه في كـل مكـان

والعيب ماشي في أنك تتمسكي بلهجتك بل هذاك هو الصح

العيب أنك تسمحي فيها من أجل كلام الناس



و عليكم السلام و رحمة الله و بركاته

راني معاااااااااااك 100 ب 100 كان اقتراح تع احدى صديقاتي

اني نبدل لهجتي و انا رفضت الاقتراح جملة و تفصيلا

اولا ما نحبش نزلي اصلي و ثانيا ما نكونش على راحتي فالكلام

و بذلك قطعا لن اغيرها من اجل افراد

بارك الله فيك ايمي على مرورك

[maiar]

لا يكون الانسان حساسا لدرجة كبيرة في كل شيء
لابد من أن يكون مبتسما ويعيش الحياة بابتسامة
واختلاف اللهجات شيء عادي جدا جدا جدا
ليس في الجزائر فقط بل في كل دول العالم
وقد يضحك الناس من شخص بسبب لهجته فليضحك معهم ..
وقد يضحكون بسبب لباسه فليضحك معهم ..
وقد يضحكون بسبب مشيته أو حتى بدون سبب ..
فليضحك معهم حتى ياتي اليوم الذي يسكتون
لأنهم قد ملواااااااااااااا فلن يضحكوا بعدها
لأنهم لو رأوه يغضب ربما يستمرون في ضحكهم
فقط لأنه يغضب من ذلك ..
شكرااااااااااااااااااااااااااااااااااااااااااااااا ا لك ..

الشكر ليك اخي على الرد بارك الله فيك

صح عندك الحق والله نفس هدرت ابي قلي ما ديريش عليهم

و ما تبينيش بلي ماعجبكش الحال باه ما يبقاوش يضحكو

صح عندك الحق كنت النهار الاول نتحسس من الموضوع

لكن بعدما هدر معايا ابي و امي رجع الامر عادي

[maiar]

احنا ثاني نقولوا g وعادي وين المشكل المهم وش فراسي ماشي هدرتي

الغريب انوا لما يجي خليجي عندنا جامي يضحكوا على g انتاعوا بالعكس تعجبهم لهجتوا

واحنا الي مفروض بلادنا وحدة وان تعددت لهجاتنا مازلنا نضحكوا على بعض يعني لما نقول القاف كاش ماتزيد ولا نقول g كاش ماتنقص

انا ثاني عانيت من لهجتي لما رحت للعاصمة وعانيت وكبرت الموضوع بالصح في الاخير خلاص ولا عادي بالنسبة لي

مرحبا رباب ارواحي مالا هنا ما يضحكوش عليك انا نشوفها عادي قاف و الا gاف المهم نفهمو بعضانا و خلاص بدون استهزاء

مام انا ما عجبنيش الحال المرة الاولى لكن الحمد لله درك ولات تجيني نورمال

بارك الله فيك

[maiar]

السلام عليكم أختي الكريمة
باينة هذه المشكلة لقيتيها في بلدية صغيرة
المشكلة في هؤلاء الاشخاص و ليس في لهجتك ممكن تجدين الواحد منهم في حياته لم ينتقل لمكان آخر لأجل ذلك تجدين مثل هذه التصرفات التي تبين أن أصحابها ما زالوا في انعزالية عن تقبل كل اللهجات و أنهم لو كانوا مطلعين على كلام و عادات المناطق الأخرى لكانوا من السباقين لترك التهكم و استهجان كل فعل ليس من منطقتهم
لكن الحياة لا تخل من مثل هؤلاء
شكرا للموضوع و بارك الله فيك أختي و ربي يرزقك حياة طيبة هنيئة
ســـــــــــــــــــــــــــــلام

و عليكم السلام و رحمة الله تعالى و بركاته

لا يا اخي الكريم ليس في بلدية صغيرة و انما من اشهر ولايات الجزائر بالرغم من ذلك كل المواصفات لي هدرتها تقدر تنطبق

عليهم ( مع احترامي لهم و ليس الكل ( بدون تعميم)) مدام يتصرفو هكذا مش شرط تكون بلدية صغيرة

و في الوقت الراهن ما بقاتش تع تقول تع البلدية صغيرة مازالو

عايشين في عزلة رانا في وقت ( التلفاز و الهاتف و الانترنت) تفك العزلة حتى

في الجبل و كيما قلت الحياة لاتخلو من مثل هؤلاء

العفو اخي و فيك بارك الله و ربي يرزقك من طيباته يا رب

مشكور

[فتـ حييةـاة]

يا اختي راني معك في هذه تع الصحبات والله كي العسل انا تاني عندي صديقات من ولايات مختلفة و جامي كان كاين

مشكل معاهم بالعكس نضحكو عادي جدا

بارك الله فيك على المرور

وفيكي بارك الله اسمحيلي اختي ممكن مافهمتش قصدك برك :)

[maiar]

وفيكي بارك الله اسمحيلي اختي ممكن مافهمتش قصدك برك :)

ياه اختي ما تزيديش تعاوديها راكي فاهمة قصدي و فاهمة قصدك مكان حتى حاجة تخيك تطلبي السماح

بارك الله فيك

[فتـ حييةـاة]

ياه اختي ما تزيديش تعاوديها راكي فاهمة قصدي و فاهمة قصدك مكان حتى حاجة تخيك تطلبي السماح

بارك الله فيك

انا كي تكتبيلي بارك الله فيك لازم ندخل نرد باش نكتبلك وفيكي بارك الله اختي
انا كنت فاهمة بصح اللي خلطتني هي القاف وg
مافهمتش اذا قصدكم القاف اللي يهدرو بيك تاع العاصمة و g اللي يهدرو بيها صحاب الغرب هاذي تبانلي مافيها حتى مشكل
وكاين اللي غ يقولوها ق وهاذو صح يتلقاو مشكلة كي يروحو لولايات ينطقو الغ غ والق ق مثلا عندي صاحبتي من البيض كي تجي عندنا يضحكوعليها هنا في الولاية اللي نسكن فيها شفتي كيفاش
ماتديريش عليا اليوم راني غير نخلط

[مناد بوفلجة]

لا أدري أين هو مشكل حرف القاف أو الــ g .... بالضبط , يا أستاذة
هل مع الطلبة أم الأساتذة , أم الطاقم الإداري

إذا كان مع الطلبة , سهل جدا , تحدثي في القسم باللغة العربية الفصحى

و إن كان مع الأساتذة و الإدارة , سهل جدا , لا تبالي بهم و إنتهى الأمر

تحياااتي

[maiar]

انا كي تكتبيلي بارك الله فيك لازم ندخل نرد باش نكتبلك وفيكي بارك الله اختي
انا كنت فاهمة بصح اللي خلطتني هي القاف وg
مافهمتش اذا قصدكم القاف اللي يهدرو بيك تاع العاصمة و g اللي يهدرو بيها صحاب الغرب هاذي تبانلي مافيها حتى مشكل
وكاين اللي غ يقولوها ق وهاذو صح يتلقاو مشكلة كي يروحو لولايات ينطقو الغ غ والق ق مثلا عندي صاحبتي من البيض كي تجي عندنا يضحكوعليها هنا في الولاية اللي نسكن فيها شفتي كيفاش
ماتديريش عليا اليوم راني غير نخلط

يا اختي القاف كاينة مام فالشرق في بعض الولايات هي نورمال مي عند البعض تظهر نهدرو بالشينوية

شكرا امال

[maiar]

لا أدري أين هو مشكل حرف القاف أو الــ g .... بالضبط , يا أستاذة
هل مع الطلبة أم الأساتذة , أم الطاقم الإداري

إذا كان مع الطلبة , سهل جدا , تحدثي في القسم باللغة العربية الفصحى

و إن كان مع الأساتذة و الإدارة , سهل جدا , لا تبالي بهم و إنتهى الأمر

تحياااتي

شكرا اخي بارك الله فيك لا مع الادارة و لا مع الاساتذة بل مع الطلبة

و les modules لي نقريهم يتقدمو بالفرنسية و انا نشرح شوية بالدارجة

و شوية بالفرونسي باه يفهمو الدرس

شكرا اخي على المرور

[BAROUD]

انا غاضني انو قوقل بفففففف /gوgل/ ما حطش حرف ال g علئ اللوحة لانو معظم العرب يعتبرونه احسن الاحرف علئ الاطلاق

اه مشكلتك هي اصلا مش مشكلة بالنسبة لانو هذا راهو في القران الحل تنوع الالسنة و الالوان و الاعراف لازم

[maiar]

انا غاضني انو قوقل بفففففف /gوgل/ ما حطش حرف ال g علئ اللوحة لانو معظم العرب يعتبرونه احسن الاحرف علئ الاطلاق

اه مشكلتك هي اصلا مش مشكلة بالنسبة لانو هذا راهو في القران الحل تنوع الالسنة و الالوان و الاعراف لازم

و القران راهو مكتوب فيه كلش بصح هات لي يطبقو حرفيا

ربي يهدينا و ثبتنا على دينو

بارك الله فيك و شكرا على المرور