نصيحه من لهم خبره في الخدمة الوطنيه

[عامر84]

السلام عليكم
انا كملت لقرايا هذا العام 2011 .. و جاتني الان لورد ابال الثانيه للالتحاق بتلمسان ... هناك من نصحني قال اذهب كملهم بقدرك و ارجع احسن لك ... و هناك من قال لا تذهب لهم برجليك و انتضر اي اعفاء بالمستقبل ~~ . لا ادري اي اعفاء يقصدون .. باحكي وضعيتي و قولو اذا انروح احسن او لا ..
قبل ما انجيب الباك سجلت و عملت لافيزيت و كنت كل عام اعمل سورسي و انا ادرس العام الي فات لم اعمل السورسي بعثولي لوردابال في مارس رحت جددت السورسي و كملت العام و جبت شهادة مهندس دوله في الميكانيك و الان جاتني لوردابال في مارس ايضا للالتحاق بتلمسان... عمري الان 27 سنه ... لم اتقدم لحد الان الى اي وضيفه و لا افكر باتمام دراسة و اصلا الديبلوم مزال مجبتوش لحد الان بسبب مشاكل و اني سوتنيت روطار اشوي ... يعني هل فيه امل في اعفاء لحالتي او اني انروح انجوزهم افضل .. مع اني الحمد لله بصحتي و ليس لي امل بالكفاله ~~

لا تبخلو علينا بارك الله فيكم .. اريد اجابات و نصائح بدون عاطفه:1: .. حكموا المنطق فقط ^^

[mohamed ett]

اخي انا راني حاس بيك
الوضعية اللي راك فيها مريت بيهل انا من قبل
واش باغي نقولك ادا عندك اي حل يعني طريقة شرعية او لا شرعية (كفالة....سبب طبي ...كاش عرف قادر يقضيلك) مد بيك تاكتيفي و تجري عليها خير ما تروح تفوتهم..
اما ادا انقطعت بك السبل و ما لقيتلهاش حل واش باغي تقولك اعفس على قلبك و اتكل على الله و ربي يسهلك ان شاء اللافضل ما تضيع الوقت وتلحقك الاستدعاء الثالت و تبريسي روحك و تحط روحك في موقف حرج يعني تلقا روحك كبرت فالعمر و ممكن يهزوك حتى عاصي او او او....
المهم حبيبي زيد شاور عقلك و الناس المجربين و استخير الله و ربي يسهل
هي مالقري فيها غبينا كحلة الا انها فيها بعض الخير يعني تحوس بلادك وتتعرف على رجال واحبابا من مختلف الولايات و زيد تتعلم العسكريات و السلاح
وايلا ستحقيت شي حاجة اتصل با ماكانش مشكل
الله يوفق حبيبي
lملاحظة انا راني غير اليوم ملي كملتها و الحمد لله فاتت كي رمشة العين

[kotama]

واش كنت حاب نكتبلك اخبرك به الاخ محمد
خويا شوف روحك مليح، الخيار بيدك، صلي صلاة الاستخارة و توكل على الله ، ممكن تروح و صحابك يدو لكارت ، و ممكن تستنى و يفوتوا عليك سنوات و تولي في مشاكل اخرى
اخي انا صليت صلاة استخارة و ذهبت فوتهم و اكملت في مارس هذا ، ما يقعدوا الا الذكريات ، و الحمد لله ، كي اعدت المحاسبة لقيت روحي بلي استفت اكثر من ما ضيعت ، صح ممكن ما ربحتش نقود و لكن تدي حاجات افضل
---------
اولا ما مكتوب على الاستدعاء : ط ظ إ ( طالب ظابط احتياطي) أو ط ص ظ إ ( طالب صف ضابط احتياطي
اذا ظابط مليحة ، تجوزها لا بئس بها ، و كيما قالك الاخ ، تشوف بلادك و تتعرف على ناس من كامل التراب الجزائري ، و تدي خبرة خاصة اذا عملت في نفس مجال اختصاصك ، تدي شهادة تعاونك في الخدمة
الرزق بيد الله ، كي تفوت عامين ، لا معنى لها مع مضعية الوقت ، و لكن مضعية الوقت هو الوقت اللي ما تستثمروش في عبادة الله ، و الحمد لله ، كل الثكنات اللي فت عليها فيها مصليات ، صلاة جماعية لكل الصلوات
----
انا مانقلكش روح او ما تروحش و لكن شوف روحك مليح ، دير اهداف في هته الدنيا
اذا اهداف غير نقود و نقود انا من وجهت نظري راك مخطئ شوية و لكن اعرف كيفاش تعيش حياتك
-----
المهم اذا عند سؤال اطرحوا
و توكل على الله و صلي صلاة استخارة
و اقرا جيدا الرد اللي قبلي و خمم مليح مع روحك
و الله يفرج عليك

[mohamed ett]

مبروك عليك لاكلاس و العقوبة للامور اخرى ان شاء الله
حياة مدنية سعيدة

[mourad4712]

السلام عليكم ورحمة الله تعالى وبراكاته الصراحة انا اكمل الخدمةالوطنية فى جوان 2011يوم الدخولى كنت نادما قلت جابونى كلاعية وتميزرت وعندما وقفتو امام الباب وانهيتو الخدمة قلت اللحمد الله انى جئت و يتها رجعت ووجدت اصدقائى فى سنى مازالو ينتضرون ما تسميه الاعفاء وشاركت فى مسبقة توضيف ونجحت واصدقاء ملزالو الى حد الان هم متحيرون ونادمون والقرار لك اخى فى النهاية وشكرا

[عبد النور امين]

السلام عليكم
اخي الكريم بما انها لوردبال الثانية نقولك اتكل على رب وروح فوتهم و اتهنا .........
و اذا راك رايح للeatc الكيفان راح تلقاني تم.

[kotama]

mohamed ett (http://www.djelfa.info/vb/member.php?u=150137)
--------------------
الله يسلمك خويا و لك و لكل الدفعة ان شاء الله

[mahmoud yacine]

انا تاني نزيد نشكركم في مكان صاحب السؤال والله استفدت من الاجوبة تاعكم و راهي جاتني الاولى في مارس بصح باغي نخليها حتى للزاوجة ونروح انشاء الله بربي والله يسهل على كل الناس ..... امين يا ربي

[Majid113]

ماهو ملف soutien famille ..........................أشكركم