المدرسة التطبيقية للهندسة....بجاية

[hicham 10]

أود أن استفسر عن ظروف الخدمة الوطنية بالمدرسة التطبيقية للهندسة بجاية

كذلك الفائض كيفاش يحسبوه


اللي عندو معلومات مايبخلش علينا


وشكرا

[hicham 10]

ولا رد أين أنتم

[mohamed ett]

أود أن استفسر عن ظروف الخدمة الوطنية بالمدرسة التطبيقية للهندسة بجاية

كذلك الفائض كيفاش يحسبوه


اللي عندو معلومات مايبخلش علينا


وشكرا

واش باغي نقولك اخي هادي تاع كيفاش يخرجو و شعال هل الاولين ولا الاخرين ماشي ثابتة لاني انا في وقتنا قالولي بلي يطلقو الاخرين و درت شوية روطار كي ركبت و دخلت طلقوا الي جاو الاوائل و طلقو لاننا كنا بزاف
يعني خلاصة القول مانقدرش نفصلك في هاد القضية لانها كل مرة وكيفاش لكن انت توكل على ربي و ان شاء الله ربي يوفقك
اما بخصوص المدرسة فهي من بين احسن المدارس على مستوى الوطن من حيت النظافة و حسن المعاملة و ظروف المعيشة الغرف 6-8 افراد في الغرفة الماء متوفر طول اليوم
تقع في مدينة تيشي و قريبة من ولاية بجاية ب 11 كلم و النقل متوفر طول اليوم وتقع امامها جامعة و المطار و منظر الميناء وجبال يماقورايا بالمقابل يعني شوية تفاجي عليك هديك المناظر كي تكون الداخل و يعني انت عادي تفوتها في مرحلة الصيفتروح تبحر شويةفي تيشي و تحوس فها ان شاء الله
اما من حيث كيفاش رايح تفوتها
نحكيلك عليها بالمراحل اخي العزيز
ا لمرحلة الولى...مرحلة التكوين (المدة 6 اشهر)

- عند الالتحاق بالمدرسة يخليوكم بالسيفيل و فيها تكون مرحلة الانتقاء و الفحص الطبي(ملاحظة هنايا الطبيب يعرف يفوت برك الا الحالات الباينة زائد اصحاب العرف) ممبعد يلبسوكم الكومبا و تدخلو في مرحلة تدريب شاق تتعلمو فيه مختلف الحركات العسكرية(الاستعداد -الاستراحة-التحية-المراوحة-السير العادي...زائد تتخللها بعض العقوبات.....هههه كيباداشي و وضعية البطة و الزحف و ....صدقني مالقري هد المرحلة صعيبة بزاف الا انها فيها دكريات جد رائعة ما تتنساش) و تدوم هده المرحلة مدة شهرين تقريبا 45 يوم بالطبع ما تخرجوش فيها من الثكنة ممبعد يعطيولكم اجازة لمدة 10 ايام
-المرحلة الثانية تبداو فالدراسة في الاقسام على مختلف العلوم العسكرية(الاسلحة -القتال-تعليم الرمي-و مواد التخصص حسب المدرسة اللي راك فيها)و تتخللها حصص رمي بالاسلحة سيمينوف-كلاشينكوف-اف ام-البيا........ممبعد تديرو حفل التخرج و تولي ضابط في الجيش
ملاحظة بالطبع كي تكو ن عاد طالب في هد المرحلة تخدم كلشي الكورفي و القاريتا و جميع الخدمات منها نزع الحشيش بيدك و تنظيف محيط المدرسة و....مانحكيلكش خير ههههههههه)wc
الدفعة تاع مارس تسوفري شوية لانه تتدربو في فترة تاع سخانة و بالنسبة للكرفي تاع الحشيش حدث و لا حج و تكترو من "لورد سيري "لانه ديرو حفل تخرج في الاخير "la parade"
مالقري هد المرحلة صعيبة و فيها ضغط بزاف الا انها حلوة و فيهادكريات روعة صدقني

المرحلة التانية مرحلة الخدمة (المدة عام واحد)
l
وممبع فيها الميتاسيون هنا يوزعوكم على الوحدات و هنا انت و زهرك الا رسلوك للبلاسة شابة راك تفوتها بقدرك و الا بعتوك للمناطق الصحراوية النائية (تندوف-اليزي-ادرار-تمنراست.و لا بلايس تاع مكافحة الارهاب فالجبال راك تسوفري حبيبي.....و في الاخير هي مرحلة وتفوت مالغري السوفرونس تاعها تتعلم فيها امور و تتعرف فيها على ناس وتكتشف عقليات لمختلف مناطق بلادك و تتعرف على بعض الولايات اللي بعيدة عليك و صراحة تعاونك باش تكون شخصيتك المستقبلية لتحمل المسؤولية...
و في الاخير نصيحة ليك خويا العزيز الا عندك شي حل باش تديها يعني كفالة و لا سبب طبي ولا اي حل سواء كان بالطرق الشرعية اوالا شرعية غير اكتيفي على روحك و ادا ضاقت بيك الحلول اكتيفي و اتكل على الله و فوتها و قلعها من طريقك مادامك صغير
الله يوفق اخي الكريم

[hicham 10]

بارك الله فيك أخي على المعلومات

[khaledbatna05]

مشكور على المعلومات انا ثاني بعثوني نعقب في بجاية

[عُضو مُحترم]

انا كنت في بجاية

يشدو المتأخرين الفائضين

و يطلقو الاوائل اللي جاو في الوقت

فهمتني؟؟؟؟؟

[nadimx]

ربي يسهللكم و يسهللنا :mh92::34:

[khaledbatna05]

انا كنت في بجاية

يشدو المتأخرين الفائضين

و يطلقو الاوائل اللي جاو في الوقت

فهمتني؟؟؟؟؟
خويا نسقسيك هوما ديما يشدو اللخرين ولا كل مرة كيفاه
وحاب نسقسيك الواحد ايروح ديركت للكزارنا ولا يفوت على ترونزيت ويناها خير
ولا روحت ديركت للكزارنا يستقبلوك نورمال مايقولولكش روح لترونزيت

[mohamed ett]

خويا نسقسيك هوما ديما يشدو اللخرين ولا كل مرة كيفاه
وحاب نسقسيك الواحد ايروح ديركت للكزارنا ولا يفوت على ترونزيت ويناها خير
ولا روحت ديركت للكزارنا يستقبلوك نورمال مايقولولكش روح لترونزيت

غير ماكلاه تفوت على الترونزيت لانه راك تتمرمد فيه بزاف روح ديراكت و يقبلوك عادي
الله يوفقك ان شاء الله

[khaledbatna05]

مشكور خويا mohamed ett

[khaledbatna05]

بقاو اسبوعبن

[mohamed ett]

مشكور خويا mohamed ett
ما كان حتا مشكل اخي العزيز
ادا احتاجيت اي حاجة راسلني على الخاص والله يوفقك

[العربي السطايفي]

المدرسة التطبيقية للهندسة E.A.G الواقعة في طريق تيشي نحو مدينة بجاية مركز

مدرسة و لا أروع من حيث النظافة و الديكور الذي يغلب عليه اللون الأخضر
أيضا من ناحية الذين يقومون بتدريب الضباط و تعليمهم يمتازون بالصرامة أحيانا و غض النظر أحيانا كثيرة
حتى أنهم يقولون عن الخدمة الوطنية هناك
عسكر بجاية ... الجال و المرايا ههههههه
أنا فوت تمة 6 أشهر الاروع في حياتي رغم أنني لم أكن أتوقع في حياتي ان امر بالتجنيد الاجباري
أما بخصوص التحويلات فهي تمس تقريبا جميع النواحي (مديريات المنشآت العسكرية) و البعض الاخر يذهب لمختلف المؤسسات العسكرية المختصة في الاشغال العمومية و البناء التابعة للجيش تقريبا في 48 ولاية
و البعض الآخر يبعث به مكافحة ارهاب أي يذهب الى الوحدات القتالية برتبة قائد فصيلة
و لكن هذه الفئة هي القليلة حيث لا تتجاوز نسبتهم 30 في المئة من الدفعة التي غالبا تتكون من 200 و 250 فرد
في المدرسة تستفيدون من مرتين permission واحد بعد التربص 45 يوم وواحد قبل التحويل بــ 10 أو 15 يوم

في الاخير ان شاء الله نكون أجبت على كثير الاسئلة التي تساعدكم على معرفة كيفية تفويت هذه المدة هناك