كيف ترون هذا الامر ؟؟

[thorpe]

السلام عليكم

اهلا بكم اخواني اخواتي

اليوم احببت طرح استفسار قد نحتاجه مستقبلا كما قد يكون مر على احدنا

بصراحة هذا الموضوع دار بيني وبين صديق لي قبل البارحة وقد اشتدت حدة النقاش بشكل كبير


اليكم المسالة

فلان تزوج من فلانة

هذا الزوج لا يحب ان تذهب زوجته الى الاعراس

ياتي عرس احد اقارب الزوجة لكنه ليس اي قريب (( هو اخو الزوجة )) ويجب عليها ان تحضر عرس اخيها (( لتفرح مثلما فرح بها وتخدم وتعين امها كيما كل النسا ))

لكن حين يعود الزوج وتخبره الزوجة انها ستذهب لتعين امها واخواتها في تحضير ما يلزم تحضيره وانها ستكون هناك قبل العرس على الاقل لمدة اسبوع يحصل اختلاف :1:

وهاهنا اختلفت مع صديقي

حيث ان راي صديقي كان كالتالي

لن اسمح لها بالذهاب لان العرس فيه غناء و تتعرا المراة من حجابها وتسلم على ابناء الخال والعمومة وقد ترقص ويراها غير النساء و و و من الامور اشائعة في الاعراس

سالته
هل الى هذا الحد لا تثق في زوجتك التي تشاركك حياتك ؟؟
قال
لا لن اثق لا فيها ولا في المجتمع لان الشيطان للانسان عدو مبين
قلت له
ماذا لو اتصلت امها وابوها وهما في امس الحاجة لها اليست (( طاعة الوالدين واجبة كطاعة الزوج ))
قال لي
لن اسمح لها وسوف اقول لها كلمتان (( لوكان تروحي راني مانيش راضي عليك ))


المهم وطال النقاش وتشعب
وهنا اتي الى اسئلتي كالعادة :D:D

اخواتي ماذا لو وقعتن في موقف كهذا مستقبلا كيف ستتصرفن ؟؟

هل ستغضبين زوجك ام اخوانك وابويك ؟؟

اخواني الشباب كيف ترون هاكذا موقف ؟؟؟

هل هو تشدد ام هو عين الصواب ؟؟؟

اخواني الشباب لو ان اختك لم تحضر حفل زفافك ولم تعن امك لنفس السبب المذكور كيف ستكون ردة فعلك ؟؟؟

قبل ان انهي حديثي احببت وضع امر رواه لي صديقي
يقول ان في زمن النبي صلى الله عليه وسلم كانت زوجة احد الصحابة وحدها لان زوجها مسافر فمرض ابوها ولم تذهب لزيارته بعدها اتاها خبر وفاة ابوها ولم تحضر جنازته ولم تخرج من بيتها
ولما سألوها لما
قالت انا اطيع زوجي
فبشرها النبي صلى الله عليه وسلم بالجنة

لا اعرف القصة من قبل ولست متأكد من صحتها لهذا من له علم اكثر في هذا الامر فالينبهني

سوف نحاول لمس جميع الجوانب من خلال الردود لان الموضوع لم ينتهي والحديث قد طال

مع اطيب السلام والتحية
اخوكم حسين thorpe

:1::1::1:

[imi02i]

الـسلام عليكم ورحمـة الله وبركـاته
شكـرا لكـ لأنكـ أدخلتلي الفكـرة في بـالي
لم أفكـر فيها نهـائيا ...
ومستقبلا إن شاء الله راح نشرطـ أنو يخليني نروح لبيت أهـلي وقت مـا احتاجوني ..
عودة للمـوضوع
من واجب الـمـرأة أن تطـيع زوجها ومن حق والديها أيضا أن يطـلبا منها المسـاعدة
لكن إذا وصلت لحالـة التشدد
أظن أنـه عليه أن ينصحـها ويوصيها باش تلتزم بالحجاب أثناء العرس وتجبد روحـها
وهذه اللي عرفناها عادةً
كاين في عائلـتنا اللي ملتزمـات والكل يعرف بذلكـ وكل واحد فاهم روحو
وإذا كان العرس ليس من بيت قريب جدا {الله لا راحت}
شكرا لكـ أخي حسين

[thorpe]

الـسلام عليكم ورحمـة الله وبركـاته
شكـرا لكـ لأنكـ أدخلتلي الفكـرة في بـالي
لم أفكـر فيها نهـائيا ...
ومستقبلا إن شاء الله راح نشرطـ أنو يخليني نروح لبيت أهـلي وقت مـا احتاجوني ..
عودة للمـوضوع
من واجب الـمـرأة أن تطـيع زوجها ومن حق والديها أيضا أن يطـلبا منها المسـاعدة
لكن إذا وصلت لحالـة التشدد
أظن أنـه عليه أن ينصحـها ويوصيها باش تلتزم بالحجاب أثناء العرس وتجبد روحـها
وهذه اللي عرفناها عادةً
كاين في عائلـتنا اللي ملتزمـات والكل يعرف بذلكـ وكل واحد فاهم روحو
وإذا كان العرس ليس من بيت قريب جدا {الله لا راحت}
شكرا لكـ أخي حسين


وعليكم السلام و الرحمة والبركة

اهلا وسهلا بيك اخت ايمي
ههه واش داني نولهك :1::1::1:
اممم لكن يا اختي الا ترين ان ما يملكه منك زوجك اكثر مما يملكه منك اهلك
فهو المسؤول عنك في كل الاوال واذا خرج اي كلام في حقك سيقولون زوجة فلان لا بنت فلان
اليس كذالك ؟؟
بارك الله فيك وجازاك الله كل خير
:1::1::1:

[*أمنيآت لآمتنآهية*]

ماذا عرس أخي ولا احضره؟؟لم اتوقع ان يحصل امر كهذا ولا اتوقع رايي حينها،طبعا من واجب حضور العرس على ان اكون كالعادة متحجبة بحجاب شرعي زد على ذلك نحن في عائلتنا ليس كل من هب ودب يدخل الى البيت ابناء الأعمام والاخوال يبقون خارجا،مزية ربي راك فيقتني راح نشرطها نهار العقد زيارة اهلي متى أردت خصوصا في المناسبات العائلية والأعراس :1:
وحاجة اخرى الي يثق في زوجته يرسلها الى اي مكان ولا يخاف عليها لكن ان انعدمت الثقة هنا تحدث هذه الاشياء
شكرا على هذا الطرح ويبقى رأيي مجرد رأي

[thorpe]

ماذا عرس أخي ولا احضره؟؟لم اتوقع ان يحصل امر كهذا ولا اتوقع رايي حينها،طبعا من واجب حضور العرس على ان اكون كالعادة متحجبة بحجاب شرعي زد على ذلك نحن في عائلتنا ليس كل من هب ودب يدخل الى البيت ابناء الأعمام والاخوال يبقون خارجا،مزية ربي راك فيقتني راح نشرطها نهار العقد زيارة اهلي متى أردت خصوصا في المناسبات العائلية والأعراس :1:
وحاجة اخرى الي يثق في زوجته يرسلها الى اي مكان ولا يخاف عليها لكن ان انعدمت الثقة هنا تحدث هذه الاشياء
شكرا على هذا الطرح ويبقى رأيي مجرد رأي


السلام عليكم
ههه واش بيها اخت امنيات لا متناهية ههه انتهي شوي هذا راجلك يا بنتي ههه
اممممممممممممم
طبعا الامر مفاجئ وقد يبدو غريب لاننا اعتدنا على غير هذا
ههه انت ثاني ولهتك ؟؟؟ هههه ايه اشرطي وكون ما يقبلش بالشروط تولي تنيقوسي هههه
:1::1:
طبعا اختي الثقة يجب ان تكون عنوان اي علاقة وبالاخص العلاقة الزوجية
لكنه غلبني بقوله تعالى ان الشيطان للانسان عدو مبين
وخير دليل انظري الى مكر الشيطان بين الاخوة والابناء والاباء
هو ليس كرها فيك رفض ذهابك بل حبا لك وغيرته عليك
على كل حال رايك خطا يحتمل الصواب ورايي صواب يحتمل الخطا وراي صديقي اممممممم ما نعرف اترك الحكم لكم ههههه
:1::1::1::1:

[*أمنيآت لآمتنآهية*]

QUOTE=thorpe;9101810]
السلام عليكم
ههه واش بيها اخت امنيات لا متناهية ههه انتهي شوي هذا راجلك يا بنتي ههه
اممممممممممممم
طبعا الامر مفاجئ وقد يبدو غريب لاننا اعتدنا على غير هذا
ههه انت ثاني ولهتك ؟؟؟ هههه ايه اشرطي وكون ما يقبلش بالشروط تولي تنيقوسي هههه
:1::1:
طبعا اختي الثقة يجب ان تكون عنوان اي علاقة وبالاخص العلاقة الزوجية
لكنه غلبني بقوله تعالى ان الشيطان للانسان عدو مبين
وخير دليل انظري الى مكر الشيطان بين الاخوة والابناء والاباء
هو ليس كرها فيك رفض ذهابك بل حبا لك وغيرته عليك
على كل حال رايك خطا يحتمل الصواب ورايي صواب يحتمل الخطا وراي صديقي اممممممم ما نعرف اترك الحكم لكم ههههه
:1::1::1::1:[/QUOTE]
أعلم ايها الأخ المحترم أن من فرط غيرته وخوفه وحبه عليها سيفعل ذلك لكن بصراحة هكذا سيقطع صلة الرحم،فان لم تحضر هي عرس اخيها فالأكيد ان اخاها لن يصلها مرة اخرى ان حدثت عندها مناسبة أليس كذلك؟؟:rolleyes:
حنا ما صدقنا العائلة تلتف لكن بهذه الطريقة وانا نشتو فيها :mad:
قل لصديقك ياتي هنا ويسمع آراء الاخوة والاخوات لعله يغير رأيه فصدقا هي حتى وسمعت كلامه ماهيش رايحة تكون سعيدة لو لم تحضر عرس اخيها وتلتقي بكل قريباتها وتشارك أمها العمل وأخوها أسعد ايامه
هو هكذا رأينا يحتمل الخطأ والصواب،وعفوا لأنني أطلت الرد وثرثرت
شكرا لك اخي مرة اخرى

[thorpe]

QUOTE=thorpe;9101810]
السلام عليكم
ههه واش بيها اخت امنيات لا متناهية ههه انتهي شوي هذا راجلك يا بنتي ههه
اممممممممممممم
طبعا الامر مفاجئ وقد يبدو غريب لاننا اعتدنا على غير هذا
ههه انت ثاني ولهتك ؟؟؟ هههه ايه اشرطي وكون ما يقبلش بالشروط تولي تنيقوسي هههه
:1::1:
طبعا اختي الثقة يجب ان تكون عنوان اي علاقة وبالاخص العلاقة الزوجية
لكنه غلبني بقوله تعالى ان الشيطان للانسان عدو مبين
وخير دليل انظري الى مكر الشيطان بين الاخوة والابناء والاباء
هو ليس كرها فيك رفض ذهابك بل حبا لك وغيرته عليك
على كل حال رايك خطا يحتمل الصواب ورايي صواب يحتمل الخطا وراي صديقي اممممممم ما نعرف اترك الحكم لكم ههههه
:1::1::1::1:
أعلم ايها الأخ المحترم أن من فرط غيرته وخوفه وحبه عليها سيفعل ذلك لكن بصراحة هكذا سيقطع صلة الرحم،فان لم تحضر هي عرس اخيها فالأكيد ان اخاها لن يصلها مرة اخرى ان حدثت عندها مناسبة أليس كذلك؟؟:rolleyes:
حنا ما صدقنا العائلة تلتف لكن بهذه الطريقة وانا نشتو فيها :mad:
قل لصديقك ياتي هنا ويسمع آراء الاخوة والاخوات لعله يغير رأيه فصدقا هي حتى وسمعت كلامه ماهيش رايحة تكون سعيدة لو لم تحضر عرس اخيها وتلتقي بكل قريباتها وتشارك أمها العمل وأخوها أسعد ايامه
هو هكذا رأينا يحتمل الخطأ والصواب،وعفوا لأنني أطلت الرد وثرثرت
شكرا لك اخي مرة اخرى
[/QUOTE]

السلام عليكم
ههه لا ثرثرة لا والو اختي ردي كيفما تشائين
ايه يا اختي معك حق في صلة الرحم
لان المسالة ماتحبسش هنا فقط

شوفي معاي
لو لم تذهب الى العرس (( رايحة تكون اطاعت زوجها واطاعت الله ورسوله لانها اطاعت زوجها )) يعني نالت غضب اهلها

لو تذهب الى العرس (( كانت صلت الرحم واطاعت والديها يعني اطاعت الله واعانتهما وغيرت الجو وكلات الشخشوخة هه )) لكن نالت غضب زوجها

من هنا حسب فهمي المتواضع اعتقد ان صديقي مخطئ كما اخبرته
لكن بالقصة الي عطاهالي ما لقيتش وش نقول

بارك الله فيك
:1::1::1::1::1::1:

[the black perl]

السلام عليكم جميعا
موضوع في المستوى
بارك الله فيك وجزاك الله خيرا
(اتمنى ان تكون والدتك في تمام الصحة والعافية )
أسئلتك صعبة كالعادة ........
-صراحة لا أعرف كيف سأتعامل إن واجهتني مشكلة كهذه

تحياتي

[*أمنيآت لآمتنآهية*]

أعلم ايها الأخ المحترم أن من فرط غيرته وخوفه وحبه عليها سيفعل ذلك لكن بصراحة هكذا سيقطع صلة الرحم،فان لم تحضر هي عرس اخيها فالأكيد ان اخاها لن يصلها مرة اخرى ان حدثت عندها مناسبة أليس كذلك؟؟:rolleyes:
حنا ما صدقنا العائلة تلتف لكن بهذه الطريقة وانا نشتو فيها :mad:
قل لصديقك ياتي هنا ويسمع آراء الاخوة والاخوات لعله يغير رأيه فصدقا هي حتى وسمعت كلامه ماهيش رايحة تكون سعيدة لو لم تحضر عرس اخيها وتلتقي بكل قريباتها وتشارك أمها العمل وأخوها أسعد ايامه
هو هكذا رأينا يحتمل الخطأ والصواب،وعفوا لأنني أطلت الرد وثرثرت
شكرا لك اخي مرة اخرى



السلام عليكم
ههه لا ثرثرة لا والو اختي ردي كيفما تشائين
ايه يا اختي معك حق في صلة الرحم
لان المسالة ماتحبسش هنا فقط

شوفي معاي
لو لم تذهب الى العرس (( رايحة تكون اطاعت زوجها واطاعت الله ورسوله لانها اطاعت زوجها )) يعني نالت غضب اهلها

لو تذهب الى العرس (( كانت صلت الرحم واطاعت والديها يعني اطاعت الله واعانتهما وغيرت الجو وكلات الشخشوخة هه )) لكن نالت غضب زوجها

من هنا حسب فهمي المتواضع اعتقد ان صديقي مخطئ كما اخبرته
لكن بالقصة الي عطاهالي ما لقيتش وش نقول

بارك الله فيك
:1::1::1::1::1::1:[/quote]
الديمقراطية وحرية التعبير،حسنا سأرد كيفما احببت
جيد،اذا كان يحبها حقا فليدعها تذهب،لانها ستنال الاجر اجابة الدعوة،ستساعد امها في شعل البيت،طاعة الوالدين،ستلتقي بأقاربها ،صله رحم وستأكل الكسكس والشخشوخة:1:تملأ بطنها وتشبع،ان سمح لها بصدر رحب وتقبل فستطيعه وتزداد له حبا لانه يحب اهلها والمرأة تعشق من يحب أهلها،لكن بشروط تحددها هي وهو كلبس الحجاب وعدم الالتقاء باي كان و......
والقصة التي سردها عليك اسمع بها،لكني للاسف مازلت مقتنعة بانها يجب ان تذهب
وفيك بارك الرحمان،شكرا على الدعاء جزاك ربي خيرا

[الامل بالله]

نجاوب على الاسئلة اللي يخص النساء فقط

اخواتي ماذا لو وقعتن في موقف كهذا مستقبلا كيف ستتصرفن ؟؟

احاول اقناعه بهدوء يعني بالسياسة و نقولو نروح في النهار و نجي في الليل منباتش و في نفس الوقت نحافظ على كرامة زوجي منسلم على ولاد خالتي و عمتي ماعدا من كان من محارمي او كان متراضع معايا و نلبس حاجة مستورة و هكا نكون ارضيت زوجي و اهلي مع اني اشك اني ساتزوج من شخص يشك فيا و لا يثق بي في هذه الامور ساتزوج شخصا يثق فيا و عينيه مغمضين يكون يعرفني ملييييييييح و كي يكون يغرفني مشكيتش ميخلينيش نروح

هل ستغضبين زوجك ام اخوانك وابويك ؟

ساحاول ارضاء الجميع مع اني اعلم ان ارضائهم غاية لا تدرك

[حسنات21]

لا اتصور احدا يحبني اكثر من نفسي و هذه طبيعة النفس البشرية فالله اخبرنا بهذا و من هذا المنطلق اخاف الله اكثر من خوف الزوج و احرص على عدم ارتكاب المعاصي في اي مكان و ليس في العرس فقط اما الزوج الذي يمنع زوجته من الذهاب الى بيت والديها فهو مجنون لانه لا ياتمن على زوجته اسبوعا مع اخوتها و قد عاشت في كنفهم سنوات فكيف قبل بها زوجة ان شكك فيهم ؟؟؟

[جهينة.كوثر]

علابالكم نقاش في المستوى وانا مع راي اختي امنيات لامتناهية لازم طاعة الوالدين وصلة الرحم وهو من هديك يشوف لكان هي قد الثقة ولا لالا وهي تاني تزيد تشتيه وتقدرو وتحترمو كثر انا هذا هو رايي

[*أمنيآت لآمتنآهية*]

علابالكم نقاش في المستوى وانا مع راي اختي امنيات لامتناهية لازم طاعة الوالدين وصلة الرحم وهو من هديك يشوف لكان هي قد الثقة ولا لالا وهي تاني تزيد تشتيه وتقدرو وتحترمو كثر انا هذا هو رايي
ايه رايي راهو يعجبك :rolleyes:؟؟
ان شاء الله نكونو على حق اختي جهينة واذاكان راينا خطا ولقينا لي قنعنا أكيد رايحين نبدلوه
:)

[thorpe]

السلام عليكم جميعا
موضوع في المستوى
بارك الله فيك وجزاك الله خيرا
(اتمنى ان تكون والدتك في تمام الصحة والعافية )
أسئلتك صعبة العادة ........
-صراحة لا أعرف كيف سأتعامل إن واجهتني مشكلة كهذه

تحياتي

وعليكم السلام
اهلا بالاخت the black perl

وفيك الف بارك الله اختي وانا جد شاكر لك على السؤال
الحمد لله حالها احسن من اليومين الاولين
ربي يجازيكم
اما بخصوص الاسئلة الصعبة والله ماني عارف كون جيتي معانا قبل البارح فالليل ياو ولينا نحكيو ونعيطو فالشوارع في الليل ونحن نتناقش
صاحبي حاكم في رايو وانا نحكي في امر ونعطيه في استثناءات ههه عليها جبت النقاش هنا وبغيت نكسرلكم راسكم
:1::1::1::1:

[thorpe]

]الديمقراطية وحرية التعبير،حسنا سأرد كيفما احببت
جيد،اذا كان يحبها حقا فليدعها تذهب،لانها ستنال الاجر اجابة الدعوة،ستساعد امها في شعل البيت،طاعة الوالدين،ستلتقي بأقاربها ،صله رحم وستأكل الكسكس والشخشوخة:1:تملأ بطنها وتشبع،ان سمح لها بصدر رحب وتقبل فستطيعه وتزداد له حبا لانه يحب اهلها والمرأة تعشق من يحب أهلها،لكن بشروط تحددها هي وهو كلبس الحجاب وعدم الالتقاء باي كان و......
والقصة التي سردها عليك اسمع بها،لكني للاسف مازلت مقتنعة بانها يجب ان تذهب
وفيك بارك الرحمان،شكرا على الدعاء جزاك ربي خيرا
[/font][/color][/center]

السلام عليكم

اهلا بيك مرة اخرى اختي الكريمة امنيات لا متناهية ههه لكني سوف انهيها في موضوعي :1::1::1::1: سينو ما تفراش
اختي بما انك تعرفي القصة ومقتنعة برايك كي شغل قاعدة تقوليلي هاني عارفة وين راه الصح بصح ماعندي ما ندير
هنا نقولك انت جنيتي على نفسك
هههههه
صحيح طاعة الوالدين وكل الامور الذي ذكرناها امور لابد منها
لكن الزوج ايضا يجب ان يطاع طاعة عمياء
وفي مثل هذا الموقف لا استطيع ان اقول لا طاعة لمخلوق في معصية الخالق
لان كلى الامرين واجب
لكن اشكون الي رايحة تقضي معاه حياتها ؟؟ اهلها وخوها الي رايح يتزوج ولا زوجها الي يشرب فالمرار على جال باش يسعدها
:1::1::1::1::1::1:
ههه نسكنلك فالعقلية اليوم هههه
:1::1::1::1:

[thorpe]

نجاوب على الاسئلة اللي يخص النساء فقط

اخواتي ماذا لو وقعتن في موقف كهذا مستقبلا كيف ستتصرفن ؟؟

احاول اقناعه بهدوء يعني بالسياسة و نقولو نروح في النهار و نجي في الليل منباتش و في نفس الوقت نحافظ على كرامة زوجي منسلم على ولاد خالتي و عمتي ماعدا من كان من محارمي او كان متراضع معايا و نلبس حاجة مستورة و هكا نكون ارضيت زوجي و اهلي مع اني اشك اني ساتزوج من شخص يشك فيا و لا يثق بي في هذه الامور ساتزوج شخصا يثق فيا و عينيه مغمضين يكون يعرفني ملييييييييح و كي يكون يغرفني مشكيتش ميخلينيش نروح

هل ستغضبين زوجك ام اخوانك وابويك ؟

ساحاول ارضاء الجميع مع اني اعلم ان ارضائهم غاية لا تدرك


السلام عليكم

اهلا بالاخت الفاضلة الامل بالله

اممم حسب ردك تباني ناس ملاااااااااااااااااح بزااااااااااااااااااااااااف :1::1:

وهنا نقولك اختي لوكان يكون زوجك متشدد لرايو ويقولك تروحي ما نرضاش عليك وما نسامحكش
وابويك يقولولك كون ما تجيش ما نسامحوكش
وش تديري ؟
ما تنسايش طاعت الزوج تدخل للجنة
وطاعة الوالدين تدخل للجنة




ههههه نبلوكيكم انا ههههه
:1::1::1::1:


ايا خيتي كي وليتي ناس ملاح نعاونك
ونقولك
اطيعي زوجك لانو هو الانسان الي رايحة تكملي معاه حياتك كاملة
:1::1:

[مصطفى قاسمي]

السلام عليكم ورحمة الله

والله اخي الحسين هي راجعة للنيف بصح صاحبك اظن شوي هنا بالغ فيها

اذا كانت هذه الزوجة رايحة تعين اهل الزفاف طبعا تكون مع النساء وليست مع الرجال

وهذا امر عادي ان تكون بدون حجاب وهي بين اهلها ومن جاء هو اخوها وليس رجلا غريب

اما عن قصة الزوج المسافر هذا امر شرعي وهي امتثلت اليه في غياب زوجها حتى وإن كان المتوفي اباها

وهي راجعة دائما لثقة بين الطرفين بيني وبينك والله ماتروح

راك عارف خوك رانا غير انهدو في اللعب

لازم نكسبوا الشعب

الف شكر اخي على هذا الموضوع

[thorpe]

لا اتصور احدا يحبني اكثر من نفسي و هذه طبيعة النفس البشرية فالله اخبرنا بهذا و من هذا المنطلق اخاف الله اكثر من خوف الزوج و احرص على عدم ارتكاب المعاصي في اي مكان و ليس في العرس فقط اما الزوج الذي يمنع زوجته من الذهاب الى بيت والديها فهو مجنون لانه لا ياتمن على زوجته اسبوعا مع اخوتها و قد عاشت في كنفهم سنوات فكيف قبل بها زوجة ان شكك فيهم ؟؟؟

السلام عليكم

اهلا اختي parma

اختي الكريمة ان لم اقصد انك سترتكبين المعاصي وانك لن تخافي الله
لا
انا قصدت ماذا لو كانت غيرة زوجك عليك كبيرة طبعا الغيرة دليل على الحب
هو لا يريدك ان تذهبي ليس كرها لك ولا لاهلك بل خوفا عليك وعلى نفسه لانو الشيطان يجري في الانسان مجرى الدم وما نقولوش احنا قاويين ديما قولي الله يسترنا ويعفينا ويغفرنا
اما بخصوص وصفك بالزوج الذي يمنع زوجته من الذهاب للاعراس للاسباب المكورة فانا اعترض عليه صراحة
هو ان كان مجنون سيكون مجنون بحب زوجته وغيرته عليها
مممممم افهم من قول اختي الفاضلة انها ستذهب وتعفس راي زوجها ؟؟ :rolleyes:
ام ماذا ؟؟
جوزت كل خير وبارك الله فيك
:1::1::1::1:

[thorpe]

علابالكم نقاش في المستوى وانا مع راي اختي امنيات لامتناهية لازم طاعة الوالدين وصلة الرحم وهو من هديك يشوف لكان هي قد الثقة ولا لالا وهي تاني تزيد تشتيه وتقدرو وتحترمو كثر انا هذا هو رايي

السلام عليكم

اهلا بالاخت الطيبة جهينة كوثر
مداخلتك ايضا في المستوى اختي وتشرفنا
اما بخصوص رايك اقول لك
ما قولك في القصة التي رواها لي ؟؟ هل ترضين الذهاب الى العرس وترك الجنة التي هي جزاء طاعتك لزوجك ؟؟؟
:1::1::1::1::1::1::1:

[thorpe]

ايه رايي راهو يعجبك :rolleyes:؟؟
ان شاء الله نكونو على حق اختي جهينة واذاكان راينا خطا ولقينا لي قنعنا أكيد رايحين نبدلوه
:)


قلتي انك تعرفينالقصة التي رواها لي اختي امنيات
افهم من رايك انها لم تقنعك ؟؟ او ان العرس احب اليك من الجنة ؟؟
:1::1::1::1::1::1:
ههه ما تغلبينيش:1::1:

[thorpe]

السلام عليكم ورحمة الله

والله اخي الحسين هي راجعة للنيف بصح صاحبك اظن شوي هنا بالغ فيها

اذا كانت هذه الزوجة رايحة تعين اهل الزفاف طبعا تكون مع النساء وليست مع الرجال

وهذا امر عادي ان تكون بدون حجاب وهي بين اهلها ومن جاء هو اخوها وليس رجلا غريب

اما عن قصة الزوج المسافر هذا امر شرعي وهي امتثلت اليه في غياب زوجها حتى وإن كان المتوفي اباها

وهي راجعة دائما لثقة بين الطرفين بيني وبينك والله ماتروح

راك عارف خوك رانا غير انهدو في اللعب

لازم نكسبوا الشعب

الف شكر اخي على هذا الموضوع


وعليكم السلام

اهلا وسهلا بك اخي وصاحبي وحبيبي مصطفى
والله يا انت لم الشعب باش تكسب اللعب ههه اعكسها تلقا الاحجية :1::1::1:
صراحة كون تشوفنا ذيك الليلة واحنا نتناقشو تقول رانا ندابزو
هو صح تشدد بصح القصة يا اخي مؤثرة
اي الجنة يا محمد وش بيك ؟؟؟
خمم مليح
اما بخصوص تكون بين اهلها ههه انا جامي شفت عرس ما فيهش ولاد الخال والعم والجد
هاذي على الاقل في الكورتاج وكي ينزلو منو وكي يرشقو فالحنة وووو
وما تقولوليش بلي ماشي رايحين يشوفوها
:1::1::1::1:

[فتـ حييةـاة]

اخواتي ماذا لو وقعتن في موقف كهذا مستقبلا كيف ستتصرفن ؟؟
ان شاء الله ساشرح لزوجي الامر ليفهم انني لن انزع حجابي في العرس لان ذلك سيغضب ربي قبل زوجي ولن اقابل رجل سوى المحارم ويكون ذلك بحجاب ولن اسلم على رجل غير اخوتي وابي واكيد سيقتنع

هل ستغضبين زوجك ام اخوانك وابويك ؟؟
لن اغضب لا زوجي ولا اهلي
ساذهب للعرس واي عرس انه عرس اخي لابد ان اذهب لاساعد والاكثر من ذلك لاشارك اخي فرحته

[الجزائري_dz]

الله يزوجك خويا

هههههههه

[thorpe]

اخواتي ماذا لو وقعتن في موقف كهذا مستقبلا كيف ستتصرفن ؟؟
ان شاء الله ساشرح لزوجي الامر ليفهم انني لن انزع حجابي في العرس لان ذلك سيغضب ربي قبل زوجي ولن اقابل رجل سوى المحارم ويكون ذلك بحجاب ولن اسلم على رجل غير اخوتي وابي واكيد سيقتنع

هل ستغضبين زوجك ام اخوانك وابويك ؟؟
لن اغضب لا زوجي ولا اهلي
ساذهب للعرس واي عرس انه عرس اخي لابد ان اذهب لاساعد والاكثر من ذلك لاشارك اخي فرحته

السلام عليكم
اهلا اختي امال

اممممممممم جميل اختي
لكن ماذا لو اعترض؟؟؟؟ هل ستتخلين عن فكرة العرس او ستتخلين على زوجك ؟؟؟
:1::1::1::1::1:

[thorpe]

الله يزوجك خويا

هههههههه

امين ولك بالمثل
اييييييييييييه شكون شكون
اهلا يا كاوكاو ههه
توحشناك هنا خويا
صراحة بلاصتك فارغة
ماكانش الي يهولها هههه
:1::1::1::1::1:

[عُضو مُحترم]

يا الحوسين راك عارف العقلية تاع خوك محمد

ان شاء ربي يوفقني و نختار وحدة اُخت

تكون من اللواتي لا ترضى بنزع الجلباب امام غير النساء

فما بالك تشطح و تسلم على اولاد عمها و خالها

و اذا راحت للعرس نكون متهني انها لن تفعل ما يُخجلني

و زيد

وحدة من هذا النوع ( ربي يلاقيني بيها)

اكيد هي من عائلة محترمة جدا جدا

و لا يمكن ان تجد في اعراسهم الاختلاط و باقي مظاهر ( الجياحة)







فهمتني الحو؟؟؟؟

اذا فهمتني قول

الله يرزقنا زوجات صالحات

[فتـ حييةـاة]

السلام عليكم
اهلا اختي امال

اممممممممم جميل اختي
لكن ماذا لو اعترض؟؟؟؟ هل ستتخلين عن فكرة العرس او ستتخلين على زوجك ؟؟؟
:1::1::1::1::1:

وعليكم السلام ورحمة الله وبركاته

لو اعترض المشكل فيه اخي:mad: لانني قدمت تبريرات مقنعة (نسماط عليه ونحلله نحلله حتى يكره ويديني) :1::1:
يعني ساحضر عرس اخي باي طريقة هذا عرس الغالي ولو :)

[*أمنيآت لآمتنآهية*]

السلام عليكم
وعليكم السلام ورحمة الله تعالى وبركاته

اهلا بيك مرة اخرى اختي الكريمة امنيات لا متناهية ههه لكني سوف انهيها في موضوعي :1::1::1::1: سينو ما تفراش
اتعلم؟تيقنت حقا انني ثرثارة بعد موضوعك هذا،وأيضا متشبثة برأيي :mad:
اختي بما انك تعرفي القصة ومقتنعة برايك كي شغل قاعدة تقوليلي هاني عارفة وين راه الصح بصح ماعندي ما ندير
هنا نقولك انت جنيتي على نفسك
هههههه
صحيح طاعة الوالدين وكل الامور الذي ذكرناها امور لابد منها
لكن الزوج ايضا يجب ان يطاع طاعة عمياء
أعلم والله لازم المرأة تطيع زوجها طاعة عمياء كما قلت،وخير دليل احاديث الرسول صلى الله عليه وسلم في هذا الامر
وفي مثل هذا الموقف لا استطيع ان اقول لا طاعة لمخلوق في معصية الخالق
لان كلى الامرين واجب
لكن اشكون الي رايحة تقضي معاه حياتها ؟؟ اهلها وخوها الي رايح يتزوج ولا زوجها الي يشرب فالمرار على جال باش يسعدها
وعلاش راهو يشرب في المرار ياخي غير هذاك النهار ولا النهار لي بعده وترجع ؟؟
:1::1::1::1::1::1:
ههه نسكنلك فالعقلية اليوم هههه
:1::1::1::1:
ههههههه راني نشوف:rolleyes:


قلتي انك تعرفينالقصة التي رواها لي اختي امنيات
افهم من رايك انها لم تقنعك ؟؟ او ان العرس احب اليك من الجنة ؟؟
:1::1::1::1::1::1:
ههه ما تغلبينيش:1::1:
لا والله،بعيد الشر العرس خير من الجنة لالا مش لهذي الدرجة لكن لست ادري
ان شاء الله مانوقعش في موقف كيما هذا مستقبلا لخاطر ماراهيش رايحة تفرا:1:
نقولك الصح،أستسلم :oراك غلبتني بصحتك

[thorpe]

يا الحوسين راك عارف العقلية تاع خوك محمد

ان شاء ربي يوفقني و نختار وحدة اُخت

تكون من اللواتي لا ترضى بنزع الجلباب امام غير النساء

فما بالك تشطح و تسلم على اولاد عمها و خالها

و اذا راحت للعرس نكون متهني انها لن تفعل ما يُخجلني

و زيد

وحدة من هذا النوع ( ربي يلاقيني بيها)

اكيد هي من عائلة محترمة جدا جدا

و لا يمكن ان تجد في اعراسهم الاختلاط و باقي مظاهر ( الجياحة)







فهمتني الحو؟؟؟؟

اذا فهمتني قول

الله يرزقنا زوجات صالحات

السلام عليكم
اهلا وسهلا بخويا محمد

وهاقد اتيت وقلت نفس كلامي او المعنى الذي اخبرت به صيقي قبل البارحة
حكينا على كيف ستختار عروسك
واخبرني بمثل ما اخبرتني
حينها قلت له وعلاش ماديرش الكونفيونس
قالي وين شفتها انا ضرك ؟؟ يعني في الساعة احالية هو داير في بالو انسانة متجلببة وحدثني عنها صراحة قمة قمة ربي يجازيها ووالديها
وفي الاخير يقولي وين علابالي بيها انا في الساعة الحالية

حب يقول
هو ما دخل دارهم ما شاف عوايدهم
اخلاقها عالية صح
وجلبابها تاجهاصح
بصح يقول بلي حتى نهار تجي وتكون حلالو باش يعرف العيوب لانو في هاد الساعة يرى الا المحاسن
قتلو انا اني معاك في اعراس عامة لالا بصح عرس الاخ لازم روح
لكنه لم يرضى هههه قريب قتلتو هههه
:1::1::1::1:

[thorpe]

وعليكم السلام ورحمة الله وبركاته

لو اعترض المشكل فيه اخي:mad: لانني قدمت تبريرات مقنعة (نسماط عليه ونحلله نحلله حتى يكره ويديني) :1::1:
يعني ساحضر عرس اخي باي طريقة هذا عرس الغالي ولو :)

هههه
السلام عليكم
وكون يعود سامط اكثر منك ويقولك والله ما تعفسيها
هههه
استسلمي او اقنعيني بالحجج الدامغة
:1::1::1::1::1::1:

[الباديسي]

يا اخي هذه عائلة اصهاره الذين يفتخر بهم ومن حقها تلبية نداء اهلها لانهم هم اول من ياتيه اذا وقعت به واقعة .فقط هناك اتفاق فيما بينه وبينها ان تخاف الله فيما نهى عنه وان تصونه فقط

شكرااااااااااااااااااا اخي الفاضل

[thorpe]

لا والله،بعيد الشر العرس خير من الجنة لالا مش لهذي الدرجة لكن لست ادري
ان شاء الله مانوقعش في موقف كيما هذا مستقبلا لخاطر ماراهيش رايحة تفرا:1:
نقولك الصح،أستسلم :oراك غلبتني بصحتك


:mh31::mh31::mh31::mh31::mh31::mh31::mh31::mh31::m h31:
هههه برافو
ههه
ربحتك
وااااااااي:1::1:
لكن ارجو ان تبقي متابعة للموضوع لاني متيقن ان الفائدة ستاتي من الاخوة وقد تستفيدي وما بقيتيش تستسلمي في المستقبل
الحجج الدامغة تاتينا من الناس الي عندهم علم واسع بهاد الامور
سواء من الاحاديث والكتاب او من التجربة والخبرة
بارك الله فيك

:1::1::1:

[thorpe]

يا اخي هذه عائلة اصهاره الذين يفتخر بهم ومن حقها تلبية نداء اهلها لانهم هم اول من ياتيه اذا وقعت به واقعة .فقط هناك اتفاق فيما بينه وبينها ان تخاف الله فيما نهى عنه وان تصونه فقط

شكرااااااااااااااااااا اخي الفاضل

السلام عليكم
اهلا باستاذي الكريم واخي الفاضل الباديسي
ههه راك روتار شوي اليوم الخطرة الجاية نحيلك من الشهرية :1::1::1:
طبعا اخي الحبيب هذا واجب
لكن للزو حق
ونحننعرف انه لا ططاعة لمخلوق في معصية الخالق
ونعرف كذالك ان طاعة الزوج في حد ذاتها عبادة
وطاعة الوالدين كذالك
ايهم تطيع ؟؟
بنظري زوجها اولى بحكم انه الاقرب اليها وشريك حياتها
ولله العلم
جوزيت كل خير
:1::1::1::1:

[*أمنيآت لآمتنآهية*]

:mh31::mh31::mh31::mh31::mh31::mh31::mh31::mh31::m h31:
هههه برافو
ههه
ربحتك
وااااااااي:1::1:
لكن ارجو ان تبقي متابعة للموضوع لاني متيقن ان الفائدة ستاتي من الاخوة وقد تستفيدي وما بقيتيش تستسلمي في المستقبل
الحجج الدامغة تاتينا من الناس الي عندهم علم واسع بهاد الامور
سواء من الاحاديث والكتاب او من التجربة والخبرة
بارك الله فيك

:1::1::1:
بصحتك ومبارك عليك،لكن مازال نتلاقاو في نقاشات اخرى وان شاء الله ما نستسلمش بسهولة كيما اليوم
أكيد راح نبقى نتابع في الموضوع لأستفيد من ذوي الخبرة والعلم
وبارك الله فيك ايضا اخي

[عُضو مُحترم]

السلام عليكم
اهلا وسهلا بخويا محمد

وهاقد اتيت وقلت نفس كلامي او المعنى الذي اخبرت به صيقي قبل البارحة
حكينا على كيف ستختار عروسك
واخبرني بمثل ما اخبرتني
حينها قلت له وعلاش ماديرش الكونفيونس
قالي وين شفتها انا ضرك ؟؟ يعني في الساعة احالية هو داير في بالو انسانة متجلببة وحدثني عنها صراحة قمة قمة ربي يجازيها ووالديها
وفي الاخير يقولي وين علابالي بيها انا في الساعة الحالية

حب يقول
هو ما دخل دارهم ما شاف عوايدهم
اخلاقها عالية صح
وجلبابها تاجهاصح
بصح يقول بلي حتى نهار تجي وتكون حلالو باش يعرف العيوب لانو في هاد الساعة يرى الا المحاسن
قتلو انا اني معاك في اعراس عامة لالا بصح عرس الاخ لازم روح
لكنه لم يرضى هههه قريب قتلتو هههه
:1::1::1::1:

هو حُر في رايو

انا من جيهتي نخليها تروح للعرس تاع خوها

المهم ما تنحيش الحجاب

تحب تشطح ربي يسهل عليها بالصح بين النسا

و اعتقد وحدة اُخت لا تحتاج توصية في هذا الامر



و زيد


اخت العريس في الغالب تكون مشغولة و كل الاشغال عليها

قاطو

طياب

تسياق

استقبال ظيوف و المعروضات

استقبال و اكرام العروس الجديدة :o:o:o:o:o

استقبال لاهل العروس الجديدة :cool::cool::cool::cool:

ووووووو :1::1::1: راك عارف

يعني في الشك اذا صحتها ساعة راحة

[thorpe]

بصحتك ومبارك عليك،لكن مازال نتلاقاو في نقاشات اخرى وان شاء الله ما نستسلمش بسهولة كيما اليوم
أكيد راح نبقى نتابع في الموضوع لأستفيد من ذوي الخبرة والعلم
وبارك الله فيك ايضا اخي



ههه سنرى (( اليوم سكنتلك فالعقلية غير لمدة قصيرة المرة الجاية ندير شهادة اقامة ))
:1::1::1::1:
وفيك بارك الله اختي ومرحبا بيك في اي وقت
وشكرا جزيلا على النقاش الراقي
:1::1:

[مصطفى قاسمي]

وعليكم السلام

اهلا وسهلا بك اخي وصاحبي وحبيبي مصطفى
والله يا انت لم الشعب باش تكسب اللعب ههه اعكسها تلقا الاحجية :1::1::1:
صراحة كون تشوفنا ذيك الليلة واحنا نتناقشو تقول رانا ندابزو
هو صح تشدد بصح القصة يا اخي مؤثرة
اي الجنة يا محمد وش بيك ؟؟؟
خمم مليح
اما بخصوص تكون بين اهلها ههه انا جامي شفت عرس ما فيهش ولاد الخال والعم والجد
هاذي على الاقل في الكورتاج وكي ينزلو منو وكي يرشقو فالحنة وووو
وما تقولوليش بلي ماشي رايحين يشوفوها
:1::1::1::1:



فكرتني واش راها الشيبنية ياك بخير ان شاء الله هذا هو الأهم

اوه صاحبي الكورتاج عندنا ممنوع المتزوجة تستنهم في البيت

واش من جنة عندهم لو كان تخيرها بين الجنة ودارها والنار والعرس تقلك نروح للعرس ومن بعد ربي يفرج

صح كين مرات الواحد كي يعود يناقش تقول راه رايح يقاتل هههه

الله يخليك لينا وللمنتدى وكافة المتواجدين

[zitoukar]

الحمد لله لا اواجه اي مشكلة من هذا النوع مع زوجي العزيز

[محمد جديدي التبسي]

أخي حسين بارك الله فيك على الموضوع

أرى أن صديقك مثخنها شوية والله أعلم

يجب أن تكون هناك ثقة بين الزوجين

إن كان ليست له الثقة الكاملة في زوجته هنا يحاول زجرها والتشديد عليها ويحلّفها

أنها لا تنزع حجابها أمام غير محارمها وهنا يبرئ ذمته معها وهي مسؤولة عن معصيتها إن لم تكن على قدر المسؤولية

أمّا أن يمنعها بإكراه فقد يسبب حقدا منها عليه وربما يقع في مشاكل هو في غنى عنها

وعموما يجب أن يختار أحدنا ذات الدين كما قال أخي ياسين لكي تكون هذه الأمور من المسلمات لديها

من جهتي انا أمقت الأعراس وأكره الفوضى التي تصاحبها لذلك لا أذهب لها أبدا

إلا إذا كانت أعراس أصدقاء وليس فيها أي نوع من المعاصي .

فيما يخص الزوجة المستقبلية يوم الخطبة نقولها العرس الوحيد الذي ستحضرينه هو عرسنا فقط هههه

غير انسي عليك فكرة الأعراس والحمام و...

طبعا أنا أمزح لكني سأختار بإذن الله من تدعوني لطاعة الله أكثر مما أدعوها لذلك

بارك الله فيك أخي حسين إن شاء الله تكون بخير أنت والوالدة الكريمة وكل العائلة

جزاك الله خيرا

[فتـ حييةـاة]

هههه
السلام عليكم
وكون يعود سامط اكثر منك ويقولك والله ما تعفسيها
هههه
استسلمي او اقنعيني بالحجج الدامغة
:1::1::1::1::1::1:

وعليكم السلام ورحمة الله وبركاته اخي
نغيره نقوله انا راح نكون فالكوزينة ونتهلا فيك بالمشوي
اذا كان سامط لهاذ الدرجة :mad: امري لله .....نستسلم
(حطمتتلي المعنويات يا اخي علاش تفولي براجل سامط لهاذ الدرجة :sdf:اذا نحسها تصرى صح راح ناجل موضوع الزواج حتى يتزوجو كامل اخواتي واخوتي مع اني اكبرهم :D )

[عطر الملكة]

اخي حسين
اذا ناقشت الامر من ناحيتي انا شخصيا طبعا سيكون بالنسبة لي امر مختلف اما اذا ناقشت الامر بشكل عام و في وضعيات اخرى ايضا لي رأي
بالنسبالي كبنت وحيدة عند امي صدقا لا عاش و لا كان و لا امه و ابوه اصلا تزوجوا الرجل الذي يكون سبب في غضب والدتي علي
صدقا مهما كان هذ الرجل الذي سيكون زوجي مستقبلا لن يكون بظفر والدتي حفظها الله لهذا ان اغضبها من اجل رجل هو نفسه لا يعينني على ارضائها لا اتقبل الامر مطلقا ببساطة من تربت على طاعة والدتها يستحيل ان تخون ثقة زوجها . و بعبارة اكثر وضوح طاعة امي عندي اهم من طاعة الزوج بكثير
دعنا مما كتب اعلاه لأنه راي خاص جدا

اما بشكل عام و في مثل هذه الحالات اعتقد انه على الزوج ان يثق في زوجته و ان يبعد عن اسلوب التلكك و اعتذر عن المصطلح هناك كثير من الرجال يستعمل هذ الاسلوب من اجل ممارسة ضغط على الزوجة فقط ليبرز رجولته و يظهر انه الامر الناهي لكن لا ليس بهذ الاسلوب ولا بكل هذ التعسف
بل ان هناك من يطلب من زوجته عدم حضور اعراس اهلهاو يجعلها في موقف محرج مع الاهل بينما اذا تعلق الامر باعراس عائلته هو من يطلب منها الحضور و المساعدة يعني هو عائلتو ملائكة و هي عائلتها شياطين !!!!!!!!!!!!!!
بعض الرجال هداهم الله موسوسين لدرجة انهم يتوهمون اشياء لا توجد الا في خيالهم المريض
وين المشكل اذا حضرت الزوجة في عرس احد المقربين لها و ساعدت اهل العرس و زهات شويا تنحي على خاطرها كسرا للروتين اليومي و زيد مثلا لو حضرت عرس خوها راها مرة في الزمان ماشي كل يوم خوها يتزوج فلماذا يحرمها هذ الزوج الموسوس من ان تشارك اهلها فرحتهم
ناس تحير

شكرا اخي حسين على الموضوع النايس

[*أمنيآت لآمتنآهية*]

ههه سنرى (( اليوم سكنتلك فالعقلية غير لمدة قصيرة المرة الجاية ندير شهادة اقامة ))
هههه يليقلك،حتى هذيك الشهادة وراهو فيها جري كبير :1:

:1::1::1::1:
وفيك بارك الله اختي ومرحبا بيك في اي وقت
شكرا لك اخي المحترم،سأجيب الدعوة سأكون موجودة كلما رأيت موضوعا جميلا وهادفا كهذا

وشكرا جزيلا على النقاش الراقي
:1::1:
لا داعي للشكر ،بل شكرا لأنك تحملت آرائي وأفكاري وناقشت بموضوعية تامة
تقبل احترامي أخي

[النجمة القطبية]

السلام عليكم

اهلا بكم اخواني اخواتي

اليوم احببت طرح استفسار قد نحتاجه مستقبلا كما قد يكون مر على احدنا

بصراحة هذا الموضوع دار بيني وبين صديق لي قبل البارحة وقد اشتدت حدة النقاش بشكل كبير


اليكم المسالة

فلان تزوج من فلانة

هذا الزوج لا يحب ان تذهب زوجته الى الاعراس

ياتي عرس احد اقارب الزوجة لكنه ليس اي قريب (( هو اخو الزوجة )) ويجب عليها ان تحضر عرس اخيها (( لتفرح مثلما فرح بها وتخدم وتعين امها كيما كل النسا ))

لكن حين يعود الزوج وتخبره الزوجة انها ستذهب لتعين امها واخواتها في تحضير ما يلزم تحضيره وانها ستكون هناك قبل العرس على الاقل لمدة اسبوع يحصل اختلاف :1:

وهاهنا اختلفت مع صديقي

حيث ان راي صديقي كان كالتالي

لن اسمح لها بالذهاب لان العرس فيه غناء و تتعرا المراة من حجابها وتسلم على ابناء الخال والعمومة وقد ترقص ويراها غير النساء و و و من الامور اشائعة في الاعراس

سالته
هل الى هذا الحد لا تثق في زوجتك التي تشاركك حياتك ؟؟
قال
لا لن اثق لا فيها ولا في المجتمع لان الشيطان للانسان عدو مبين
قلت له
ماذا لو اتصلت امها وابوها وهما في امس الحاجة لها اليست (( طاعة الوالدين واجبة كطاعة الزوج ))
قال لي
لن اسمح لها وسوف اقول لها كلمتان (( لوكان تروحي راني مانيش راضي عليك ))


المهم وطال النقاش وتشعب
وهنا اتي الى اسئلتي كالعادة :D:D

اخواتي ماذا لو وقعتن في موقف كهذا مستقبلا كيف ستتصرفن ؟؟

هل ستغضبين زوجك ام اخوانك وابويك ؟؟

اخواني الشباب كيف ترون هاكذا موقف ؟؟؟

هل هو تشدد ام هو عين الصواب ؟؟؟

اخواني الشباب لو ان اختك لم تحضر حفل زفافك ولم تعن امك لنفس السبب المذكور كيف ستكون ردة فعلك ؟؟؟

قبل ان انهي حديثي احببت وضع امر رواه لي صديقي
يقول ان في زمن النبي صلى الله عليه وسلم كانت زوجة احد الصحابة وحدها لان زوجها مسافر فمرض ابوها ولم تذهب لزيارته بعدها اتاها خبر وفاة ابوها ولم تحضر جنازته ولم تخرج من بيتها
ولما سألوها لما
قالت انا اطيع زوجي
فبشرها النبي صلى الله عليه وسلم بالجنة

لا اعرف القصة من قبل ولست متأكد من صحتها لهذا من له علم اكثر في هذا الامر فالينبهني

سوف نحاول لمس جميع الجوانب من خلال الردود لان الموضوع لم ينتهي والحديث قد طال

مع اطيب السلام والتحية
اخوكم حسين thorpe

:1::1::1:



انا اصلا لا احب الاعراس فلو حدث مثلا ومنعنى عن اعراس الغير وو فلا مشكل
اما عرس اخى :confused:
هذا اخى كما يقال سندى ههه ساكتب شعرا ههه
اخى قرة عينى هه
زعما الحقيقة يهبلنى احيانا هههه
صراحة ان كان الامر كما تقول يمنعنى ان اقف مع اهلى وقت الحاجة وان اقف مع اخى
ساطيعه لكن مثل هذه الامور لا تنسى مدى الحياة
وعلى راى الخنساء الاخ مفقود

[thorpe]

السلام عليكم
عذرا لكل الاخوة والاخوات
سوف نباشر النقاش غدا بحول الله
افتقد للتركيز وهاذي حكياة زواج اجماعة مافيهاش اللعب ههه

سلام

[الامل بالله]

السلام عليكم

اهلا بالاخت الفاضلة الامل بالله

اممم حسب ردك تباني ناس ملاااااااااااااااااح بزااااااااااااااااااااااااف :1::1:

وهنا نقولك اختي لوكان يكون زوجك متشدد لرايو ويقولك تروحي ما نرضاش عليك وما نسامحكش
وابويك يقولولك كون ما تجيش ما نسامحوكش
وش تديري ؟
ما تنسايش طاعت الزوج تدخل للجنة
وطاعة الوالدين تدخل للجنة




ههههه نبلوكيكم انا ههههه
:1::1::1::1:


ايا خيتي كي وليتي ناس ملاح نعاونك
ونقولك
اطيعي زوجك لانو هو الانسان الي رايحة تكملي معاه حياتك كاملة
:1::1:
و عليكم السلام :dj_17:

قولي واش اسمك باش نقولك و عليكم السلام يا .... ههههه:1:



ههههههههههههههههههههه:19: الصراحة بلوكيتني نتاع الصح ملقيت منجاوب بصح يعطيك الصحة عاونتني

مخليتنيش هكا نورمالمو عندك الحق مي نقولك من المستحيلات السبع نتزوج بواحد متشدد لهذه الدرجة :19:

بصح حتى و سلكتني و مخليتنيش حاصلة مي مانيش مقتنعة بزاف نطيعو هو و نغضب والديا:mad: صعييييييبة بزاااف

منطولش بزاااف مذابيك زيد قنعني انا في الانتظاار :D


حتى انت يبان عليك انس ملاح من خلال مواضيعك و ردودك ربي يحفظك سلام


:mh31:

[الامل بالله]

ماذا عرس أخي ولا احضره؟؟لم اتوقع ان يحصل امر كهذا ولا اتوقع رايي حينها،طبعا من واجب حضور العرس على ان اكون كالعادة متحجبة بحجاب شرعي زد على ذلك نحن في عائلتنا ليس كل من هب ودب يدخل الى البيت ابناء الأعمام والاخوال يبقون خارجا،مزية ربي راك فيقتني راح نشرطها نهار العقد زيارة اهلي متى أردت خصوصا في المناسبات العائلية والأعراس :1:
وحاجة اخرى الي يثق في زوجته يرسلها الى اي مكان ولا يخاف عليها لكن ان انعدمت الثقة هنا تحدث هذه الاشياء
شكرا على هذا الطرح ويبقى رأيي مجرد رأي



صح و نعم الراي خاصة في نقطة الثقة انا اؤيدك

[pro24]

صح و نعم الراي خاصة في نقطة الثقة انا اؤيدك
صباخ الخير راكي غالطة الثقة كي تكون مراة معيا بصح نخليها واحدها ونقول ثقة هذا هبال اختاه نزيدك المراة كي قلها رجلها ما تروحش ما تروحش ومام عيطلها امها ولا بويها
تعاون ولديها قبل الزواج وتوجد معاهم بصح ليلة العرس تروح
اما تصبح شرط من شروط الزواج فهذا ما أنزل الله بها من سلطان
والله اعلم

[بنت المغامرات]

بصراحة موضوع جد حساس
انـا الحمدالله خوات كامل متزوجين معناها مانيش رايحة نوقع في هذا المشكل مستقبلا.................هههههه
بصح من وجهة نظري ما نتوقعش مرأة ماتحضرش عرس خوها
صحيح طاعة الزوج اسبق كيما قلت انت اقول مرة فلان ماشي بنت فلان بصح لازام على الزوج اكون متفهم
واش من عذر مايخلهاش ماتحضرش عرس خوها
والله اعلم مانتوقعش واش ندير اوكان يصرالي هذا المشكل بصح الحمدلله مانتوقعش خيرلي
بركت يااخي
على هذا الموضوع.............راس حبستولي
هههههههههههههههههههههههههههههههههههه

[pro24]

بصراحة موضوع جد حساس
انـا الحمدالله خوات كامل متزوجين معناها مانيش رايحة نوقع في هذا المشكل مستقبلا.................هههههه
بصح من وجهة نظري ما نتوقعش مرأة ماتحضرش عرس خوها
صحيح طاعة الزوج اسبق كيما قلت انت اقول مرة فلان ماشي بنت فلان بصح لازام على الزوج اكون متفهم
واش من عذر مايخلهاش ماتحضرش عرس خوها
واله اعلم مانتوقش واش ندير اوكان يصرالي هذا المشكل بصح الحمدلله مانتوقعش خيرلي
بركت يااخي
على هذا الموضوع.............راس حبستولي
هههههههههههههههههههههههههههههههههههه
راسك ما يحبس ماولوا اختاه الاعراس في هذا الوقت اقسم انها فيها من المنكرات ما الله به عليم قرات مرة قصة للامراة ملتزمة ذهبت قبل الزواج وعاونت ولديها بصح نهار العرس روحت قالت انها تعلم ماذا سوف يحدث على الرغم من انها لابسة جلباب

[بنت المغامرات]

مافهمتش القصة واش سراله المرأة

[adlan18]

يا أخي حادثة المرأة و زوجها هي حادثة صحيحة و قعت في زمن الرسول عليه الصلاة و السلام
لكن صديقك لم ينظر للواقعة بشكل كامل من حيث ظروف الزوج و المكان و غيرها
حسب رأيي هذه المسألة تقف على الثقة المتبادلة بين الزوج و زوجته
أعتقد ان الزوج لايحرم زوجته من أهلها خاصة في مثل هكدا مناسبة لما يعلم ان زوجته سوف تحترم غيرته و طلباته في غيابه
بالمقابل على الزوجة مراعات هذه الغيرة و طلب الزوج و ارضاءه . لا يريدها ان تختلط بأقاربها من الرجال . يريدها ان تكون مستورة لا تنزع الحجاب ........وقس على ذلك من الأمور

[الامل بالله]

صباخ الخير راكي غالطة الثقة كي تكون مراة معيا بصح نخليها واحدها ونقول ثقة هذا هبال اختاه نزيدك المراة كي قلها رجلها ما تروحش ما تروحش ومام عيطلها امها ولا بويها
تعاون ولديها قبل الزواج وتوجد معاهم بصح ليلة العرس تروح
اما تصبح شرط من شروط الزواج فهذا ما أنزل الله بها من سلطان
والله اعلم



صباح الانواااااااار :19:

علابالي بلي لازم تاخذ راي راجلها و تسمع كلامو مي لازم تكون الثقة يا خويا كي تروح وحدها راهي تكون مع يماها و خاوتها و باباها و هذا سبب كافي باش تكون داير فيها الثقة اذا مشي فيها في خوها و باباها اكييد هوما مش رح يرضاو بالغلط مع اني اعلم ان كلامي لن يقدم و لن يؤخر لان اذا كان الراجل ميبس راسو و مصر على رايو اكيييد منروحش واش ندير الرجال قوامون على النساء و طاعة الزوج واااجبة ملا منروحش
منظنش توصل باش تصبح شرط من شروط الزواج واحد ميقبلها هاذي
علابالك يا خويا كنت نظن بلي انت طفلة اسمحلي كنت نقولم اختي من قبل
تحياااتي

[danyl]

إسمحوا أن أساهم في هذا الموضوع
أولا و قبل كل شئ أؤكد للإخوة قصة الصحابية التي لم تخالف أمر زوجها و لم تخرج من بيتها طاعة لزوجها و إعلموا أنها فازت بالجنة نظير ما قامت به
ثانيا و من الناحية الشرعية من الواجب على المرأة أن تتحجب من كل قريب تحل له نكاحها (زواجها) يعني من الواجب أن لا تصافحه و لا تتبرج أمامه
ثالثا علما أن الجزائري له خصوصيته و أعرافه و زد على هذا تغننات تاعو (معزة و لو طارت) من الأرجح و الأولى أن تستعمل المرأة الطريقة المثلى حتى تدرك ما تريد (من طيبة و لين ) و أن تمتثل لشروطه حتى لا تنغص على نفسها و تحرم بعدئد مما ما كان مسموح

[الامل بالله]

إسمحوا أن أساهم في هذا الموضوع
أولا و قبل كل شئ أؤكد للإخوة قصة الصحابية التي لم تخالف أمر زوجها و لم تخرج من بيتها طاعة لزوجها و إعلموا أنها فازت بالجنة نظير ما قامت به
ثانيا و من الناحية الشرعية من الواجب على المرأة أن تتحجب من كل قريب تحل له نكاحها (زواجها) يعني من الواجب أن لا تصافحه و لا تتبرج أمامه
ثالثا علما أن الجزائري له خصوصيته و أعرافه و زد على هذا تغننات تاعو (معزة و لو طارت) من الأرجح و الأولى أن تستعمل المرأة الطريقة المثلى حتى تدرك ما تريد (من طيبة و لين ) و أن تمتثل لشروطه حتى لا تنغص على نفسها و تحرم بعدئد مما ما كان مسموح


صراحة رايك اعجبني و نعم الراي و اظن ان كل الرجال سيؤيدونك بارك الله فييك

[thorpe]

هو حُر في رايو

انا من جيهتي نخليها تروح للعرس تاع خوها

المهم ما تنحيش الحجاب

تحب تشطح ربي يسهل عليها بالصح بين النسا

و اعتقد وحدة اُخت لا تحتاج توصية في هذا الامر



و زيد


اخت العريس في الغالب تكون مشغولة و كل الاشغال عليها

قاطو

طياب

تسياق

استقبال ظيوف و المعروضات

استقبال و اكرام العروس الجديدة :o:o:o:o:o

استقبال لاهل العروس الجديدة :cool::cool::cool::cool:

ووووووو :1::1::1: راك عارف

يعني في الشك اذا صحتها ساعة راحة

السلام عليكم
اهلا بيك اختي الفتى
والله يا اخي نفس الفكر عندي
صاحبي ما حبش يفهم وجابلي هاديك القصة ما لقيت وش نقول
قالي انت كون تكمل هك تولي ديوث ههه قتلو وانت تبقى هك وحدة ما تقبل بيك
الحرمة صح لازمة بصح ماشي لهاد الدرجة
:1::1::1::1::1::1:
وزيد حادثة الصحابية كون جا راجلها ثم وكان عرس اخوها رايح يرفض الصحابي؟؟
الله اعلم
جوزيت كل خير
:1::1::1::1:

[thorpe]

فكرتني واش راها الشيبنية ياك بخير ان شاء الله هذا هو الأهم

اوه صاحبي الكورتاج عندنا ممنوع المتزوجة تستنهم في البيت

واش من جنة عندهم لو كان تخيرها بين الجنة ودارها والنار والعرس تقلك نروح للعرس ومن بعد ربي يفرج

صح كين مرات الواحد كي يعود يناقش تقول راه رايح يقاتل هههه

الله يخليك لينا وللمنتدى وكافة المتواجدين


السلام عليكم اهلا بيك خويا مصطفى
يسقسي عليك الخير خويا لعزيز
لاباس الحمد لله
يا اخي الكورتاج ما تروحش فيه اخت العريس؟؟؟ ههه اول مرة نسمعها
المهم خويا بالاك عندكم زي خلاف
:1::1::1::1:

ههه اما بخصوص قولك عن الجنة والعرس ههه والله غير صح
:1::1::1::1:

[thorpe]

الحمد لله لا اواجه اي مشكلة من هذا النوع مع زوجي العزيز

الحمد لله وربي يسعدكم ويفرحكم اختي
:1::1::1::1:

[thorpe]

أخي حسين بارك الله فيك على الموضوع

أرى أن صديقك مثخنها شوية والله أعلم

يجب أن تكون هناك ثقة بين الزوجين

إن كان ليست له الثقة الكاملة في زوجته هنا يحاول زجرها والتشديد عليها ويحلّفها

أنها لا تنزع حجابها أمام غير محارمها وهنا يبرئ ذمته معها وهي مسؤولة عن معصيتها إن لم تكن على قدر المسؤولية

أمّا أن يمنعها بإكراه فقد يسبب حقدا منها عليه وربما يقع في مشاكل هو في غنى عنها

وعموما يجب أن يختار أحدنا ذات الدين كما قال أخي ياسين لكي تكون هذه الأمور من المسلمات لديها

من جهتي انا أمقت الأعراس وأكره الفوضى التي تصاحبها لذلك لا أذهب لها أبدا

إلا إذا كانت أعراس أصدقاء وليس فيها أي نوع من المعاصي .

فيما يخص الزوجة المستقبلية يوم الخطبة نقولها العرس الوحيد الذي ستحضرينه هو عرسنا فقط هههه

غير انسي عليك فكرة الأعراس والحمام و...

طبعا أنا أمزح لكني سأختار بإذن الله من تدعوني لطاعة الله أكثر مما أدعوها لذلك

بارك الله فيك أخي حسين إن شاء الله تكون بخير أنت والوالدة الكريمة وكل العائلة

جزاك الله خيرا


السلام عليكم
اهلا بيك اخي الحبيب
صدقت والله ماشي غير زايد فيها المرقى
ههه
كون نقولك اخي محمد والله يشبهلك فوتوكوبي هو ثاني اخ بولحية ويجيني ديما للدار وريتلو صورتك وقتلو هذا صاحبي من تبسة الي يشبهلك ههه
:1::1::1:
بيناتنا انت بوقوس عليه وين وين
:1::1::1::1::1:
والله يا اخي قتلو نفس الكلام وقتلو الزواج اصلا يكون على ثقة
وياك ما تديش غير الي انت مغمض عينيك بلي تصوك في حضورك وغيابك بصح ما قنعش وباقي متشبثلي بحكاية الايمان والقوة والقصة الي حكاهالي
:1::1::1::1::1::1:
خلي هاد ليام نجيبو يقرا ردودكم باش يقنع
:1::1::1::1:

[thorpe]

وعليكم السلام ورحمة الله وبركاته اخي
نغيره نقوله انا راح نكون فالكوزينة ونتهلا فيك بالمشوي
اذا كان سامط لهاذ الدرجة :mad: امري لله .....نستسلم
(حطمتتلي المعنويات يا اخي علاش تفولي براجل سامط لهاذ الدرجة :sdf:اذا نحسها تصرى صح راح ناجل موضوع الزواج حتى يتزوجو كامل اخواتي واخوتي مع اني اكبرهم :d )

السلام عليكم
اهلا اختي امال
هههه نورمال انا ما فايلتش عليك برك قتلك كون يكون هاكض
هههه
استسلمتي والله خيار القول اختي سلمي امرك لله وخلاص المهم طيعيه واذا والديك لامو عليك قوليلهم هو الي حرمني ماشي انا الي ما جيتش
جوزيت كل خير اختي
:1::1::1::1:

[thorpe]

اخي حسين
اذا ناقشت الامر من ناحيتي انا شخصيا طبعا سيكون بالنسبة لي امر مختلف اما اذا ناقشت الامر بشكل عام و في وضعيات اخرى ايضا لي رأي
بالنسبالي كبنت وحيدة عند امي صدقا لا عاش و لا كان و لا امه و ابوه اصلا تزوجوا الرجل الذي يكون سبب في غضب والدتي علي
صدقا مهما كان هذ الرجل الذي سيكون زوجي مستقبلا لن يكون بظفر والدتي حفظها الله لهذا ان اغضبها من اجل رجل هو نفسه لا يعينني على ارضائها لا اتقبل الامر مطلقا ببساطة من تربت على طاعة والدتها يستحيل ان تخون ثقة زوجها . و بعبارة اكثر وضوح طاعة امي عندي اهم من طاعة الزوج بكثير
دعنا مما كتب اعلاه لأنه راي خاص جدا

اما بشكل عام و في مثل هذه الحالات اعتقد انه على الزوج ان يثق في زوجته و ان يبعد عن اسلوب التلكك و اعتذر عن المصطلح هناك كثير من الرجال يستعمل هذ الاسلوب من اجل ممارسة ضغط على الزوجة فقط ليبرز رجولته و يظهر انه الامر الناهي لكن لا ليس بهذ الاسلوب ولا بكل هذ التعسف
بل ان هناك من يطلب من زوجته عدم حضور اعراس اهلهاو يجعلها في موقف محرج مع الاهل بينما اذا تعلق الامر باعراس عائلته هو من يطلب منها الحضور و المساعدة يعني هو عائلتو ملائكة و هي عائلتها شياطين !!!!!!!!!!!!!!
بعض الرجال هداهم الله موسوسين لدرجة انهم يتوهمون اشياء لا توجد الا في خيالهم المريض
وين المشكل اذا حضرت الزوجة في عرس احد المقربين لها و ساعدت اهل العرس و زهات شويا تنحي على خاطرها كسرا للروتين اليومي و زيد مثلا لو حضرت عرس خوها راها مرة في الزمان ماشي كل يوم خوها يتزوج فلماذا يحرمها هذ الزوج الموسوس من ان تشارك اهلها فرحتهم
ناس تحير

شكرا اخي حسين على الموضوع النايس


السلام عليكم
اهلا بالاخت عطر ملووووووووووكة
اممممممممم
اختي اولا نقولك ربي يحفظلك ميمتك ويصونها ويطول في عمرها يا رب

لكن صراحة رايك الي يتعلق بيك ما عجبنيش لاني لمست انو فيه نوع من التحدي للزوج وكي شغل حبيتي تقولي مازال ما ولدتش امو الي يتحكم فيا ؟؟ ههه ما نعرف انا فهمتها هاكض
وحبيت نقولك انو هذا زوجك يعني هو امك وابوك وخالك وعمك ويرى منك ما لا يراه اخوك ولا ابوك ولا امك ولا اي شخص
هذا زوج حاميك وشريك حياتك واي كلام يقال عنك يمسه قبل ان يمس غيرك من المقربين
يعني مثلا يقولو عطر انسانة مهبولة هههه تاكدي الناس يقولو عطر مرت فلان مهبولة ما يقولوش بنت فلان
صح الامر مستفز بشكل كبير ووالدينا عزاز علينا ومن حقك تحزني لكن لا يجب ان تكون ردة فعلك هاكذا
فقد لا يرضى عليك
وكيما قلتيها اختي كون يجي عرس اهلو تقدري ترفضي تروحي وتقوليلو حرمتني من عرس اهلي ما نقدرش نروح لعرس اهلك وتتناقشي معاه وتخليه يتدارك الخطا ويطلب منك السماح وحدو
بورك فيك اخيتي
وبلا حروب هههه
:1::1::1::1::1::1::1:

[thorpe]

لا داعي للشكر ،بل شكرا لأنك تحملت آرائي وأفكاري وناقشت بموضوعية تامة
تقبل احترامي أخي





السلام عليكم اختي
لا عليك ربي يبارك فيك ويصونك يا رب
الف مليار شكر على التواجد الطيب
واهلا وسهلا بيك في اي وقت
:1::1::1::1::1:

[thorpe]

انا اصلا لا احب الاعراس فلو حدث مثلا ومنعنى عن اعراس الغير وو فلا مشكل
اما عرس اخى :confused:
هذا اخى كما يقال سندى ههه ساكتب شعرا ههه
اخى قرة عينى هه
زعما الحقيقة يهبلنى احيانا هههه
صراحة ان كان الامر كما تقول يمنعنى ان اقف مع اهلى وقت الحاجة وان اقف مع اخى
ساطيعه لكن مثل هذه الامور لا تنسى مدى الحياة
وعلى راى الخنساء الاخ مفقود




السلام عليكم
اهلا بيك اخت نجمة
حاجة بزاف مليحة انك خاطيك الاعراس والله :19::19::19: يعطيك الصحة
ما فيهم ما يحب ربي غير التمنشير ههه
اما بخصوص ردة فعلك ايضا اعجبتني
لانك قنعتي ووكلتي امرك لربي
مهما كان ومهما يكن هو زوجك
وهاذوك اهلك صح يغضبو لكن منو ماشي منك تاكدي :1::1::1::1::1::1::1:

ههه كي تكتبي الشعر وريهولي نشوفو ههه
:1::1::1:

[thorpe]

و عليكم السلام :dj_17:

قولي واش اسمك باش نقولك و عليكم السلام يا .... ههههه:1:



ههههههههههههههههههههه:19: الصراحة بلوكيتني نتاع الصح ملقيت منجاوب بصح يعطيك الصحة عاونتني

مخليتنيش هكا نورمالمو عندك الحق مي نقولك من المستحيلات السبع نتزوج بواحد متشدد لهذه الدرجة :19:

بصح حتى و سلكتني و مخليتنيش حاصلة مي مانيش مقتنعة بزاف نطيعو هو و نغضب والديا:mad: صعييييييبة بزاااف

منطولش بزاااف مذابيك زيد قنعني انا في الانتظاار :D


حتى انت يبان عليك انس ملاح من خلال مواضيعك و ردودك ربي يحفظك سلام


:mh31:

السلام عليكم
اهلا بيك اختي الامل بالله
اممممممممم ما تعرفيش اسمي :confused::confused::confused:
هذا يعني انك ما قريتيش الموضوع كامل
ههه لانو كون قريتيه رايحة تعرفي اسمي فدائما ادرج اسمي في الاخير
:1::1::1:
ههه كشفتك :1::1::1::1:
ايه اختي بلوكيتك اني عارف وماشي غير انت كامل بلكيتو يعني اذا عمت خفت ما تحزنيش :mh31::mh31::mh31:
امم
سوف اقنعك
انت ديريلو رايو باش يرضا عليك ربي وتفوزي بالجنة
من بعد عيطي لاهلك وقوليلهم والله ما خلاني نجي وقالي ما نسامحكش كون تروحي وقوليلهم على الاسباب
ومنه هوما رايحين يفهمو ويتحول الغضب تاعهم من عليك الى على زوجك وهنا ترضي والديك وتتهناي من خدمة الاعراس المتعبة (( الكواعن بزاف )) ههههه

:1::1::1::1::1: قنعتي ؟؟؟ :1::1::1::1::1:

[عطر الملكة]

السلام عليكم
اهلا بالاخت عطر ملووووووووووكة
اممممممممم
اختي اولا نقولك ربي يحفظلك ميمتك ويصونها ويطول في عمرها يا رب

لكن صراحة رايك الي يتعلق بيك ما عجبنيش لاني لمست انو فيه نوع من التحدي للزوج وكي شغل حبيتي تقولي مازال ما ولدتش امو الي يتحكم فيا ؟؟ ههه ما نعرف انا فهمتها هاكض
وحبيت نقولك انو هذا زوجك يعني هو امك وابوك وخالك وعمك ويرى منك ما لا يراه اخوك ولا ابوك ولا امك ولا اي شخص
هذا زوج حاميك وشريك حياتك واي كلام يقال عنك يمسه قبل ان يمس غيرك من المقربين
يعني مثلا يقولو عطر انسانة مهبولة هههه تاكدي الناس يقولو عطر مرت فلان مهبولة ما يقولوش بنت فلان
صح الامر مستفز بشكل كبير ووالدينا عزاز علينا ومن حقك تحزني لكن لا يجب ان تكون ردة فعلك هاكذا
فقد لا يرضى عليك
وكيما قلتيها اختي كون يجي عرس اهلو تقدري ترفضي تروحي وتقوليلو حرمتني من عرس اهلي ما نقدرش نروح لعرس اهلك وتتناقشي معاه وتخليه يتدارك الخطا ويطلب منك السماح وحدو
بورك فيك اخيتي
وبلا حروب هههه
:1::1::1::1::1::1::1:

ههههههههههههههههههههههههههه
نعم اخي حسين مثل ما فهمتها الله غالب عندي والدتي المرتبة 1 و الي بعدها كله بعدها
والدتي فنات شبابها باش توصلني لهذ النهار و عشت معها اهم مراحل عمري مستحيل يكون زوجي اهم منها اعتذر و الله
الي يقدرني فعلا يقدر والدتي اكثر مني هذ يسعدني حقا الزوج الصالح هو الذي يعين زوجته على طاعة الوالدين و اذا رأى منها تقصير هو ينبها للامر و نفس الشي بالنسبة للزوجة الصالحة الي مالو خير في والديه مالو خير في الناس الآخرين
و زيد راني عارفة افكاري توصلني للعنوسة لكن ربي كبير المهم الانسان يكون صاحب مبدأ في الحياة حتى لو خسر امور في الحياة ربي يعوضها خير

[thorpe]

صباخ الخير راكي غالطة الثقة كي تكون مراة معيا بصح نخليها واحدها ونقول ثقة هذا هبال اختاه نزيدك المراة كي قلها رجلها ما تروحش ما تروحش ومام عيطلها امها ولا بويها
تعاون ولديها قبل الزواج وتوجد معاهم بصح ليلة العرس تروح
اما تصبح شرط من شروط الزواج فهذا ما أنزل الله بها من سلطان
والله اعلم


السلام عليكم
اهلا خويا برو
صح يا خويا كلامك صحيح من جانب
لكن ما تنساش اشكون هادي المراة ؟؟ هي زوجتك تاكل من يدها وتنام جانبها وتسكن معاها يعني مازالك ما عرفتها ؟؟؟؟
صاحبي شيبني وما قنعش يا خويا لعزيز وانت واقيلا كيما هو شكاك ومشبوح بزاف عههه
صح الحرمة مليحة خويا لكن كل شيء فالدنيا عندو حدود
وراني معاك قولي ما نخليهاش تروح لعرس الجيران والناس البعاد بصح عرس خويا يا راجل
لكن اذا رفضت انت من واجبها تطيعك مهما كان الحال فانت زوجها
جوزيت كل خير وبارك الله فيك
:1::1::1::1::1:

[thorpe]

بصراحة موضوع جد حساس
انـا الحمدالله خوات كامل متزوجين معناها مانيش رايحة نوقع في هذا المشكل مستقبلا.................هههههه
بصح من وجهة نظري ما نتوقعش مرأة ماتحضرش عرس خوها
صحيح طاعة الزوج اسبق كيما قلت انت اقول مرة فلان ماشي بنت فلان بصح لازام على الزوج اكون متفهم
واش من عذر مايخلهاش ماتحضرش عرس خوها
والله اعلم مانتوقعش واش ندير اوكان يصرالي هذا المشكل بصح الحمدلله مانتوقعش خيرلي
بركت يااخي
على هذا الموضوع.............راس حبستولي
هههههههههههههههههههههههههههههههههههه

السلام عليكم
اهلا وسهلا بيك اختي بنت المغامرات
ههه كاش نهار اكينا على المغامرات هاذو احب قصص امغامرات انا :1::1::1::1:
امممم يعني انت سلمتي من هاد الشي لكن ما حسبتيش حساب انو ممكن خوك يدي المراة التانية ولا يعاود الزواج بعد زواجك هههههههههه
:1::1::1::1::1::1::1::1::1:
نصيحة مني اطيعيه وما تبقايش تحوسي على الحلول اني نبلوكيك من راسك ونسكنلك فالعقلية بالحالات الاستثنائية :1::1::1::1::1:
جوزيت كل خير اخيتي
:1::1:

[thorpe]

راسك ما يحبس ماولوا اختاه الاعراس في هذا الوقت اقسم انها فيها من المنكرات ما الله به عليم قرات مرة قصة للامراة ملتزمة ذهبت قبل الزواج وعاونت ولديها بصح نهار العرس روحت قالت انها تعلم ماذا سوف يحدث على الرغم من انها لابسة جلباب

صحيح كلام اخي الحبيب
المنكرات في اعراس اليوم اصبحت تقاليد يقتدى بها
جوزيت كل خير ونسال الله الرحمة والمغفرة والعفو واهم شيء الهداية
:1::1::1:

[thorpe]

يا أخي حادثة المرأة و زوجها هي حادثة صحيحة و قعت في زمن الرسول عليه الصلاة و السلام
لكن صديقك لم ينظر للواقعة بشكل كامل من حيث ظروف الزوج و المكان و غيرها
حسب رأيي هذه المسألة تقف على الثقة المتبادلة بين الزوج و زوجته
أعتقد ان الزوج لايحرم زوجته من أهلها خاصة في مثل هكدا مناسبة لما يعلم ان زوجته سوف تحترم غيرته و طلباته في غيابه
بالمقابل على الزوجة مراعات هذه الغيرة و طلب الزوج و ارضاءه . لا يريدها ان تختلط بأقاربها من الرجال . يريدها ان تكون مستورة لا تنزع الحجاب ........وقس على ذلك من الأمور

السلام عليكم
اهلا وسهلا بك اخي عدلان
بارك الله فيك اخي على الراي السديد
وهذا ما ناقشت بخصوص انو الثقة والعلاقة الي تكون بين الزوجين اكبر من هاكذا امور
تصور غدا انسان يمرض بمرض في مكان خاص
من سيداويك ؟؟؟
لو كان الامر كما يقول فلن يستطيع ترك زوجته تلد في المستشفة لان به اطباء
بورك فيك وجوزيت كل خير
:1::1::1::1::1:

[thorpe]

إسمحوا أن أساهم في هذا الموضوع
أولا و قبل كل شئ أؤكد للإخوة قصة الصحابية التي لم تخالف أمر زوجها و لم تخرج من بيتها طاعة لزوجها و إعلموا أنها فازت بالجنة نظير ما قامت به
ثانيا و من الناحية الشرعية من الواجب على المرأة أن تتحجب من كل قريب تحل له نكاحها (زواجها) يعني من الواجب أن لا تصافحه و لا تتبرج أمامه
ثالثا علما أن الجزائري له خصوصيته و أعرافه و زد على هذا تغننات تاعو (معزة و لو طارت) من الأرجح و الأولى أن تستعمل المرأة الطريقة المثلى حتى تدرك ما تريد (من طيبة و لين ) و أن تمتثل لشروطه حتى لا تنغص على نفسها و تحرم بعدئد مما ما كان مسموح

السلام عليكم اخي الفاضل
بارك الله فيك على المداخلة الجميلة والمشرفة
طبعا هذا اول اسلحة المراة رايحة تحاولو وتحاول تكون اكثر لطافة
لكن وش رايك كون يكون هو ما يقنعش؟؟
ارى ان تمتثل لؤوامره وتخبر اهلها وخلاص يعني ماكالاه التحدي الذي يودي الى عواقب وخيمة
جوزيت كل خير
:1::1::1::1:

[thorpe]

صراحة رايك اعجبني و نعم الراي و اظن ان كل الرجال سيؤيدونك بارك الله فييك

:1::1::1::1: هههه وكون ما يقبلش هههه :1::1::1::1::1:

[thorpe]

ههههههههههههههههههههههههههه
نعم اخي حسين مثل ما فهمتها الله غالب عندي والدتي المرتبة 1 و الي بعدها كله بعدها
والدتي فنات شبابها باش توصلني لهذ النهار و عشت معها اهم مراحل عمري مستحيل يكون زوجي اهم منها اعتذر و الله
الي يقدرني فعلا يقدر والدتي اكثر مني هذ يسعدني حقا الزوج الصالح هو الذي يعين زوجته على طاعة الوالدين و اذا رأى منها تقصير هو ينبها للامر و نفس الشي بالنسبة للزوجة الصالحة الي مالو خير في والديه مالو خير في الناس الآخرين
و زيد راني عارفة افكاري توصلني للعنوسة لكن ربي كبير المهم الانسان يكون صاحب مبدأ في الحياة حتى لو خسر امور في الحياة ربي يعوضها خير

السلام عليكم

ههه اولا بعيد الشر عليك ونشالله تلقاي الرجل الصالح الي يقدر ويهز ميمتك كيما هازك وهاز ميمتو

لكن نصيحة مني اختي حاولي تتفاداي تحدي الزوج
لانو قادر يكون عندو لاكريز ويضربك يفسدلك خليقتك ههههههههه ولثم تخسريها دنيا واخرة يعني غضبتيه عليك وفقدتي جمالك ههههههه
:1::1::1::1::1:

[عطر الملكة]

السلام عليكم

ههه اولا بعيد الشر عليك ونشالله تلقاي الرجل الصالح الي يقدر ويهز ميمتك كيما هازك وهاز ميمتو

لكن نصيحة مني اختي حاولي تتفاداي تحدي الزوج
لانو قادر يكون عندو لاكريز ويضربك يفسدلك خليقتك ههههههههه ولثم تخسريها دنيا واخرة يعني غضبتيه عليك وفقدتي جمالك ههههههه
:1::1::1::1::1:

:1::1::1::1::1::1::1:
ما نعرف شكون يفسد خليقة الاخر هههههههههههههه
و لو حصل راها عمليات التجميل كاينة يرجوعني كيما كنت و بزيادة

يعطيك روينة بالعسل قتلتني بالضحك

[thorpe]

:1::1::1::1::1::1::1:
ما نعرف شكون يفسد خليقة الاخر هههههههههههههه
و لو حصل راها عمليات التجميل كاينة يرجوعني كيما كنت و بزيادة

يعطيك روينة بالعسل قتلتني بالضحك


هههه امين و لك بالمثل ههه
ربي يبارك فيك اختي عطر
الحمد لله الي كنت سبب في ابتسامتك
:1::1::1::1::1::1:

[طاعة زوجي ..]

السّلام عليكم ورحمة اللّه وبركاته
في الحقيقة موضوعك أخي أضحكني ولم أكن أتوقّعه
المهم لن أتصوّر الوضع فلقد حصل معي هذا الأمر من قبل ولكن مع إختلاف بسيط ،ففي عرس أختاي لم أذهب إلآ يوم الثّلاثاء ورغم أنّهم كانو بحاجتي إلآ أنّ زوجي لم يسمح لي بالّّذّهاب إلآ يوما قبل العرس ،ولكن ليس للأسباب التّي ذكرتها ،ولاأنكر أنّي حزنت قليلا خصوصا عند زواج شقيقتي التّوأم لكن ماباليد حيلة فطاعة الزّوج واجبة ،وهذا في نظري ليس بالخطب الجلل الذّي يستدعي الخلاف بسببه
بارك اللّه فيك أخي ورزقك من الطّيبات وأقرّ عينيك بما يحبّ ويرضى والسّلام عليكم

[thorpe]

السّلام عليكم ورحمة اللّه وبركاته
في الحقيقة موضوعك أخي أضحكني ولم أكن أتوقّعه
المهم لن أتصوّر الوضع فلقد حصل معي هذا الأمر من قبل ولكن مع إختلاف بسيط ،ففي عرس أختاي لم أذهب إلآ يوم الثّلاثاء ورغم أنّهم كانو بحاجتي إلآ أنّ وزجي لم يسمح لي بالّّذّهاب إلآ يوما قبل العرس ،ولكن ليس للأسباب التّي ذكرتها ،ولاأنكر أنّي حزنت قليلا خصوصا عند زواجي شقيقتي التّوأم لكن ماباليد حيلة فطاعة الزّوج واجبة ،وهذا في نظري ليس بالخطب الجلل الذّي يستدعي الخلاف بسببه
بارك اللّه فيك أخي ورزقك من الطّيبات وأقرّ عينيك بما يحبّ ويرضى والسّلام عليكم


وعليكم السلام والرحمة والبركة

اهلا بك اخت ام محمد يوسف
وفيك بارك الله اختي ولك بالمثل

طبعا اختي طاعة الزوج واجبة مهما كان وهذا ما احببت ايصاله
صحيح ان الوالدين عزيزان على القلب
لكن هنا الزوجة تحت قوامة الزوج
بورك فيك وربي يحفظك محمد ويرزقك الفردوس يا رب
:1::1::1:

[الامل بالله]

السلام عليكم
اهلا بيك اختي الامل بالله
اممممممممم ما تعرفيش اسمي :confused::confused::confused:
هذا يعني انك ما قريتيش الموضوع كامل
ههه لانو كون قريتيه رايحة تعرفي اسمي فدائما ادرج اسمي في الاخير
:1: :1::1:
ههه كشفتك :1::1::1::1:
ايه اختي بلوكيتك اني عارف وماشي غير انت كامل بلكيتو يعني اذا عمت خفت ما تحزنيش :mh31::mh31::mh31:
امم
سوف اقنعك
انت ديريلو رايو باش يرضا عليك ربي وتفوزي بالجنة
من بعد عيطي لاهلك وقوليلهم والله ما خلاني نجي وقالي ما نسامحكش كون تروحي وقوليلهم على الاسباب
ومنه هوما رايحين يفهمو ويتحول الغضب تاعهم من عليك الى على زوجك وهنا ترضي والديك وتتهناي من خدمة الاعراس المتعبة (( الكواعن بزاف )) ههههه

:1: :1::1::1::1: قنعتي ؟؟؟ :1::1::1::1::1:

و عليكم السلام

هههههههههههههههههه لالا قريت الموضوع مي انتبهت لللاسم

اسمحلي خويا حسين

انا منزعفش بالعكس نحب كي نكون في حوار و يبلوكيني واحد كي يصرالي هكا نكون غالطة اكييييد و لا تكون وجهة نظري في غير محلها

نقولو درت رايو فرات بيناتنا و تفاهمنا و خلاص و كي نحصلها فيه دارنا كيفاش يولو يشوفو فيه هاذي خممت فيها يولو يقولو مشي داير فينا و في بنتنا الثقة :1::1::1::1:
نحكيلك حاجة صراات صح في دارنا

مرة كان عرس وليد عم ماما و هو متراضع معاها معناها خوها ماما راحت مي بابا مكانش راضي بزااف يعني من فوق القلب راحت و دار جدي مكانش علابالهم و كي سمعو و خاصة خوالي جابو ماما و مخلاوهاش تريح خرجوها من وسط العرس و جابوهل للدار و خالي قال لبابا مادام مراكش داير فينا الثقة متجيش مرتك هاذي هيا و من بعد بابا ندم كي راجع روحو لقى روحو غالط و مبعد من غدوة هذاك عاود رجع ماما للعرس و هو راح معاها هههههه المهم صلح غلطتو
ملاحظة ماما مراحتش من قبل باش تعاونهم راحت معروضة

المهم كيما انت قلت نهرب و نتهنى من شغل علاه نخدم نووورمال و خواتاتي مساكن عندي غير 2 نخليهم وحدهم منقدرش و اذا كانت وحدة العروسة كيفاش الحل مع العلم انو معدناش عائلة كي الناس مفرقة كااااااامل الله لا يشوفك فيها انا نروح و اذا حبت تخلا تخلا ههههههههههه:1::1::1::1:

راني هدرت بزاااااااف و طولت دوختك بصح منظنش نتمنى تدوخ برك حق ما بلوكيتني هههههه

انا نروح تحياتي سلالام حسين