تحطمت من هذا

[مشكلتي]

السلام عليكم ورحمة الله وبركاته
انا فتاة عمري 16 سنة نقرى اولى تانوي الحمد لله من عائلة جد محافظة البس اللباس الشرعي ومفتخرة به واحمد ربي على وقوعي في هادي العائلة لكن عندي مشكلة ممكن تشوفها صغيرة مي مسبتلي بزاف احراج و مشكلة في نفسيتي هي انا نقرى مع بنات كلهم كيما يقولو عاديين يعني سروال ...... الخ يعني ديفو فينا حنا علااحساب فهامتهم هوما مانحبش نهدر مع لبنات كيما هادو نهدر غير اللي كيفي لخطراكش مواضيعنا باينة في اطار دراسة ولا هكدا دايما يقولولي لبنات اللي في قسمي انتوما معقدات دايرين حزب وحدكم علاه ماتحبوش تهدرو معانا جربت نهار قعدت معاهم تتخيلو هدرتهم علا واش ايما يمنشرو في كاش عبد ولا الهدرة علا زواج مانحبش نسمع انا كي نعود نسكت فيهم يفقولولي روحي ياجايحة فيقي لعمرك واش راكي ديري قالولولي روحي للطبيب نفسي مدامك ماتحبيش تسمعي هاد المواضيع انا صح مانحبش نسمع مانقدرش قلبي يعوديوجع فيا كي يعودوا يهدرو فيهم ياايما نوظ من تماك ياايما كي مانقدرش نوظ نسكر وذنيا حتا من اساتدة نتاوعنا يهدرو علا زواااااج بزاف مايعجبنيش الحال يبداو يقولولهم شوفوشوفو فلانة او ماشي عاجبها لحال مع انا تظهر عليا اثار لحشمة حتى واحدمن هاد اساتدة قالي روحي لطبيب نفسي والا تحشمي من ابوك باه تقوليلو قوليلي نقلو انا شكووووووووووووني في روحي هل صح انا مريضة نفسانيا من داك نهار وهادو اسئلة دور في مخي الا صح انا مريضة كرهت من كلمة (معقدة القسم) ساعات كي نجي جايزة يكون واحد يقرى معايا ولا وحدة يوريوني للصحابهم يقلو شوف هادي مسمينها معقدة القسم مع لبنات تاني يقلولي انتي قلبك ميت ولا كيفاه ماتحبي ماوالوا نرد عليهم انا صح مي ساعات وين يغلبوني نسكت ونخليهم يهدرو بصح يديرو في بالهم دايما بلي انا غالطة ف هاد المواضيع تاعهم تاع هدا اللي اسمو الحب والله معرفت واش ندير ساعات نقول نخرج من لقراية قاع ونقعد ف دار لكن عندي اهداف فيحياتي وحابة نحققها مع انا متفوقة في قرايتي معدلي 16 فل فصل اول وها كلو يرجع لفضل ربي سبحانو ارجوكوم دلو عليا هل صح نروح للطبيب نفسي وانا معقدة ولالا احتاااااااااااج لنصائحكم اخواني وسلام

[بهجة الزمان]

سلام...
ختي ...كملي هكا راكي مليحة و بزاااااااف ثاني ...ربي يحفظك و يخليك لوالديك اللي عرفوا كيفاش يربيوك مليح ...و ماديريش على الغاشي
علا خاطر العادي فهاد الزمان ولا ماهوش عادي و العكس صحيح...
المهم أن تفكرت و حد الحكاية تقول...بي كان واحد السلطان مريض بنيفو و كي شافو الطبيب قالوا لازم نحيولك نيفك ولا ماتقدرش تعيش...المهم نحالو نيفو وكي شافو الوزير ديالو ناض يضحك عليه ...السلطان معجبوش الحال و أمر باش ينحولو أنفو هو ثاني...و مبعد ناس البلدة كي شافو بلي السلطان و الوزير بلا نيف ناضو يضحكو عليهم ...سع أمر السلطان باش يقطع أنف كل واحد من البلدة و حتى الاطفال...وهكا عاشت البلدة لسنين وناسها بلا نيف ...حتى و صل وحد النهار جاهم فيه واحد أجنبي يعني touriste و كي شافوه هو عندو تيفو ناضو يضحكو علية و يقولو ياه هد الرجل عندو نيف.
صح الحكاية ما هيش حقيقية بصح الحديث قياس
سلام

[ramiusma]

مديريش
على هدرت الناس
المهم انك مقتنعة بتصرفاتك
ولكن يجب ان تندمجي مع باقي الفتيات لا ان تنعزلي عنهن وحاولت جلبهن اليك
المهم هنا رضى النفس

[دادي84]

يادرا مازال كاين بنات يخمو كيفك ما يحبوش تقرعيج و بزيادة تلبسي اللباس الشرعي فالسن تاعك؟؟؟
قوليلي غير كي سماك الله ووين تسكني ؟ يــــــــــــــاو راكي روشارشي :1:

أنقلك حاجة راكي أنتك ...قعدي كيما راكي وقوليلهم روحو انتوما لجوان فيل تع البليدة بالاك يرجعلكم شوية عقل
ما تعمريش راسك بهدرتهم
تحياتي

[قطوفها دانية]

ما شاء الله لاقوة إلا بالله ربي يرزقنا ببنت كيما أنت ختي

ربي يثبتك

[ام ايمان16]

.ربي يحفظك و يخليك لوالديك
اختي كملي بواش راكي مقتنعة بيه بلي راكي في الطريق السليم اللي ربي يرضى فيه عليك.......ماشي لي للناس ترضى بيه عليك

ربي يسرلك امورك ويثبتك على التزامك وماتسمعيش لهدرة الناس بزاف......واعرفي كيفاش تختاري صحاباتك او صديقاتك اللي يكونو صالحات.....

وربي يكون في عونك اختي ويريح نفسك

[ام رحوقة]

ماشاء الله عليك اختي ملتزمة ومتربية وخلوقة وفوق كل هذا مقتنعة بواش راكي تقولي
والله انا الي نعرفهم ملتزمين يكونو خايفين غير من والديهم مثلا وتلقايهم خرابين من التحت للتحت
الله يسترك ويحفظك لوالديك
وهذا هو زماننا الي يتبع ربي يقولو عليه مريض ومعقد
ثبتك الله

[*بن عيسى*]

ماء شاء الله ، و بارك الله فيك على التزامك ... و نقلك ما تديريش عليهم راهم غالطين و يجي الوقت لي يندمو فيه

["تسنيم"]

بالاضافة لردود الاخوة انصحك ب:

- عدم العزلة و اكتفي بابتسامة :)ظريفة معهن دون أي جدال معهن

- بحكم تفوقك لا تبخلي عليهن بأي مساعدة عند الحاجة فوالله ستكسبهن عاجلا أو آجلا

- سامحهن بمجرد خروجك من المؤسسة فهن غافلات و انسي أمرهم تماما


الله يهدينا، بالتوفيق لنا و لكم إن شاء الله

[بلال الرومنسي]

شوفي يا انستي المحترمة انا كبير عليك وعمري 27 سنة ونقلك بانو انتي الي تسمحين لهم يقولوك معقدة .... ودلك بطريقة مواجتهتكِ لهم .... فطريقة مواجهتك هي الهروب عند صديقاتك صاحبات اللباس الشرعي او الصمت + تحتقرين من هن لسن مثلك !!!
وهدا خطئ يا طيبة بل كوني قوية وبشوشة معهم واتركيهم يحبوكِ وخليهم يقتربو منكِ حتى يعرفوكِ على حقيقتكِ فتتغير نظرتهم منكِ .... اما الهروب والصمت واللجوء للفتيات الدين مثلك في اللباس مثلا فهدا يجعلهم يكرهونك لانك بدورك كرهتيهم .
وديننا لا يقول لنا اكره غيرك لانهم متبرجون او يرتكبون المعاصي او نكفرهم او نحتقرهم .... فقد يكونون هم الاحسن في اشياء كثيرة .

ماراكيش معقدة لكن بدرة الكره واحتقارك للاخرين زرعتيها في قلبكِ ... فخليكي بشوشة مع صحباتك وسلمي عليهم وسقسي على احوالهم وطالعي معهم .. وليست كل متبرجة هي فاسقة ... بل بحبك لهم قد يرجعون للطريق على يديكِ + هم ايضا صغار في السن يعني كتاكيت مثلك هههههههه ومراهقات ... وقترة المراهقة يتكلمون فيها عن الحب وعن احلام الزواج و..... الخ

مراكيش معقدة والطريق الي انتي فيه كملي فيه ومتخالطيش ... بصح صحباتك اعرفي فقط كيف تكسبيهم ودائما خلي شخصيتك قوية ..محبة للكل سواء للمتبرجات او الملتزمات .... حتى لايتهمونك بالتعصب والتشدد

وانتي صغيرة طبعا 16 سنة وتخافي على روحك من الفساد وعندك الحق ... بصح احدرك واحدرك واحدرك لا تكرهي ابدا ابدا ابدا الغير ملتزمين ... وكوني مثالا للملتزمة التي تطبق احاديث رسول الله في المحبة والاخاء والابتسامة واللطف والتحضر والاخلاق العالية .
وفي نفس الوقت لما تشوفيهم يتكلمون كلام خادش او كلام لا يعجبك فليس بالضرورة لك ان تبقين .... لا تتركي احد يفرض رايك عليكِ ويقول لك اجلسي تستمعين ..... فكوني دكية فقط وقافزة واعرفي كيفاش تكسبيهم وفي نفس الوقت لا تتركيهم بفرضو عقليتهم عليك .وساعفيهم برك لانهم ايضا صغار ومراهقين وكل فتاة ومحيطها العائلي كيفاش وضروفها .. كاين بنات ترباو في جو عائلي منفتح وكل شئ حلال ... ويجوز ... فكوني متفهمة ... حتى تمر هته الفترة ولما تنتقلي للجامعة تتغير الامور

[lilou f lilou a]

كملي هكذا وربي معاك

[adlan18]

راكي على الطريق الصحيح كملي وحدة ما تغرك لا أستاذة و لا تلميدة

[abdel02]

لست احسن حالا من الرسول صلى الله عليه وسلم...الذي نعتته قريش بالساحر والكاهن والكذاب و...و...وما منعه ذلك من ان يتم الرسالة...اقراي سيرتته واكيد انت في غنى عن الطبيب لان الجنة حفت بالمكاره...ولا تنسي ان النصر مع الصبر وان مع العسر يسرا...

[omeyacine]

بلال الرومنسي معه حق
نقولك أنا كذالك كنت أنظر للابسات الحجاب الشرعي هكذا كنت أتحاشى الوقوف معهم لا لانهم ليسو صالحات ببساطة كنت أراهم أكثر مني إيمان حاولي تكوني بشوشة معهم لو أنك أردت نصحهم ما عليك إل باللن و الإبتسامة
ربي يوفق

[○•ميسون•○]

ر بي يعينك على هاذ الأشكال

[ak11111]

أنت ما أنت عليه، وليس ما تعتقدين انك عليه

المريض هو اللي كيتصنع ويريد ان يصير شخص غير نفسه

دائما لا نهتم بكلام الناس
فقط نسأل هل ما نحن عليه مقبول، غير مخالف للدين والأخلاق؟

الحمد لله أنت واضح انك ملتزمة

ولكن يلزمك شيء أخير
دوبي في المجتمع وكوني جزئ منه
ولا تكون خارجه

الدراسة ليست كلشي ولكنها مهمة

والأهم أن تفهمي الحياة جيدا وإلا عندما تكبرين ستواجهي واقعا اليما
قد يسبب لك المشاكل

لا عيب في أن تتكلمي مع أي زميلة في إطار محدود
واجعليهم يحترموك ، في حال كانو يريدون أن يتكلمو في موضوع لا تقبليه فقط انسحبي وقول لهم آسفة لا احب هده المواضيع

او أنت افتحي مواضيع
لا تجعلي الحديث كله عن الدراسة وإلا ستجدين نفسك وحديدة

أنت الآن في اسوء مرحلة عمرية، غما تنجي منها
او تلزمك العقد طوال حياتك

خلي كل حواراتك عن صديقاتك
تعرفي عليهم، اخلقو جو أحسن
لا يهم أن يكون موضوع معين
ولكن لما لا كل مرة تسالي وحدة عن حياتها، وتطلبي منها تحكيلك عن نفسها عشان تتعرفي عليها بشكل جيد

بهدا سيكون هناك موضوع للحديث
وأيضا الجميع يحب من يهتم به

المر لن يكون سهلا
ولكن من أراد شيئا فهو قادر على تحقيقه

1. انسي قصة المرض، انت لا تهلوسي ولا ترمي الناس بالطوب "فقط بعض الحزن وهدا طبيعي"
2. تعرفي على الجميع، ماذا يحبون ميولهم، هل لديهم هوايات...... خليك دائمت في الأمور الشخصية
وممكن تتكلمي على ماذا يشاهدن في التلفاز وحاولي تخلقي معهم نقاط قريب لعقولهم ويكون في نفس الوقت في النصف
لا ملتزم كثيرا ولا خارج عن ارادتك
3. حاولي مرة واثنين واربعة وعشرين مرة
إدا انتهى العام الدراسي وانت تحاولي افضل مليون مرة من أن ينتهي وانت تشتكين

انا مـاكد أنك إدا حاولت ستتعلمين الكثير
لا يهم النجاح
المهم ان تحاولي وكل مرة طريقة جديدة وموضوع جديد

ابتدئي حوارك بجملة سحرية ستجعلهم يقبلوك معهم
قولي لهم "انتم على حق انا أحتاج ان أتعرف عليكم واتعلم منكم"

[بنت الباهية]

لا ما تخميش في كلامهم رايح يأثر عليك و تمرضي تع الصح
أنا ننصحك أختي ما تقعديش وحدك و تنعزلي خالطيه تعرفي على عقليتهم حاولي انت تغيري منهم المؤمن يخالط الناس و يصبر على بلاهم و ربي يعينك و يثبتك

[*_*+T_T=o_o]

و انا تحطمت من هده القصة تفكرت روحي عندما كنت مثلكي كانوا ينادوني مغلوقة و الان اصبحت الدكتوراة

[حميدو09]

الله يحفظك يا بنتي و ايكثر من أمثالك

[خولة من جيجل]

كملي هاكذا حنونة مي حاولي تكوني بشوشة و إجتماعية باه يعحبو بيك و يقلدوووك

[molita]

والله صاريلك كيما اناا بصح انا مندمجة مع البنات وفي قسمي يحترمو افكاري بصح ختي علاه تحشمي من موضوع الزواج ؟؟ ياك هذي حاجة تع ربي
المهم خليك منهم كي مقدروش يكونو كيفك حبو يرجعوك كيفهم

[محمد غيزة]

اختي العزيزة
انت فتاة مثالية وامثالك قليلون اخلاقك وتمسكك بدينك يصر الاخرين لماذا
لانك الافصل تمسكي ولاتكوني مثلهم لست معقدة ابدا بل هم حمقى
ولي نصيحة لك اندمجي مع الاخرين دعيهم يتكلمون بما ارادوا وانت طبعا لن تفعلي الا ماتريدين
كلامهم لن يغير في حياتك شيئا
لديك صديقاتك من هم مثلك متخلقات اجلسي معهم
جعلك الله من اهل الجنة

[beni abbes]

الماسك على دينه...........................كالمسك على الجمر،اللهم أعانا على ذكرك وشكرك وحسن عبادتك.