مقروظ رااااااااااائع

[mayaa1989]

:dj_17: السلام عليكم أخواتي من فضلكم أطلب المساعدة منكم في كيفية طهي المقروظ هبلني كل ما نديرو ميجينيش طري لين هشيش يجيني قاسي كي الحجر في رايكم واش الطريقة الصحيحة أرجوكم ساعدوووووووووووووني يعيشكم :mh31:

[nadiem]

lazem nnar kwia wytib asfar ya3ni matkhalihesh ytawel
kol matawel yybes ktar
wdiri lidem zayed ya3ni 03 kilat smid m3a kila wshwi te3 lidem

[mokky12]

اختي سرالمقروط يجي خفيف في نوع الدقيق لي تستعمله لزم يكون شوي احرش
واستعملي 3 كيلات سميد كيلة ايدام استعملي المدينة انا مجربتها
وفي الطياب خفي النار انتاع الفور وخليه يطيب برحته هنا مايقندش
انشاء الله نكون فدتك اختي
تحياتي

[my lamis]

يا الغالية جربي مقروط شهد العسل بزاف هاااااااااايل و يذوب فالفم
و هذا رابط مقروط شهد
http://www.djelfa.info/vb/showthread.php?t=525550
و كاين مقروط مقلي للأخت فتيحة جربتو حتى و حمرتو فالقليان و الله جاني يذوب و ميش قاع يابس
هذا رابط المقروط المقلي
http://www.djelfa.info/vb/showthread.php?t=754674
و هذا رابط التطبيق تاعي باش تشوفي و الله هايل
http://www.djelfa.info/vb/showthread.php?t=879132

[mayaa1989]

شكرا اخواتي على مروركم جزاكم الله ألف خير

[oman]

:dj_17:

اختي هذا وين درت المقروط جاني خفيف و هشيش على طريقة ام ميدو و زدتلو الحليب
3 كيلات فرينة
1 كيلة سمن + زيت
2 مقارف سكر قلاصي
فاني 1 خمارة القاطو
قرصةملح
بسيهم مليح و خليهم ساعة او اكثر كي يبات معليهش
لمي بالحليب + ماءالزهر و الباقي كي المقروط العادي:19: و انقشيه بالنقاش و ديريه في الكوشة
كي يطيب عسلية :1:
ارجو انك تجربيه و رديلي بالخبر
و زيدي شوفي طريقة ام ميدو بعنوان مقروط الفرينة:1:

[بشرى2008]

بالنسبة للمقروط كي تكوني تديري فى الماء الزهر ديري غير بالشوية رشيه زعمة راكي تفتلي غير بصباعتيك ماتقيسيهش بكفك حتى يتلم

[بشرى2008]

التشيشة ديريها فى الليل وغدوة من ذاك باش تخدمي المقروط باش التشيشة تشرب السمن

[mayaa1989]

شكرا والله معلومات مفيدة وقل ربي زدني علما

[هاجر 76]

شوفي اختي تقريبا وصفة المقرود نفسها تلقيها برك احنا نديروها في اليل كيما قالتك الاخت بشرى
يجي خفيف بزاف
و بالتوفيق اختي

[*ام رامي*]

شوفي اختي اذا حبيتيه يجيك هشوش بزااااف ديري كيما نقولك
واحدة مرغرين لابال اخبطيها بيدك كيما المرهم وزيدي شوية زيت حوالي فنجان قهوة وخلطي + بيضة + ملعقة سكر+ملح +3 كيلات بالعلبة نتاع المرغرين دشيشة رقيقة +كيلة فرينة وملعقة قهوة خميرة كيميائية واعجنيها بالماء البارد من الثلاجة اعجني على راحتك وشكلي على راحتك
وطيبيه تلاقيه مش محتاج اصلا للعسل
جربي اختي وراح تدعيلي
السر هو الماء يكون بارد والمرغرين لا تذوب
الغرس نقيه وفوريه وزيديلوا القرفة والطيب وشوية زيت والخميرة الكيميائية

[mayaa1989]

شكرا أختي أم رامي على الوصفة لكن مندرلوش الماء زهر ولا نخلطو مع الماء والؤال الثاني نخليه يبات ولا والو وشكرا مرة ثانية