من الجنوب يريد السكن في الشمال ...

[المتوكل محمد]

رجل من ولاية :- تمنراست ... في الجنوب ...
أحب فتاة من ولاية :- جيجل ... في الشمال ...
وأراد أن يتزوج ويستقر في جيجل ..
هل يمكن أن يعيش هناك و يشعر بالسعادة ؟
رغم اختلاف بعض العادات وحتى اللهجة ...
ننتظر آراءكم وتجاربكم لنستفيد ..
لكم كل الشكر والتقدير ..

[سفيان39]

راهم يكلولك راسك ريح في الصحراء وهني روحك خيرلك

[المتوكل محمد]

الاستاذ سفيان
هل ممكن توضح معنى :- يكلولك راسك ؟
مع الشكر

[بتول8]

السلم عليكم
ما المانع
وزيد جيجل الله يبارك
لن تندم على المكان بقدر الندم على العباد المهم العباد يصلحو

[سفيان39]

هههههههههه

[المتوكل محمد]

الاخت البتول
مامعنى العباد يصلحو ؟؟؟
هل فيهم صفة مختلفة أهل جيجل وماهي ؟

[سفيان39]

والله ياخويا البيئة الصحراوية ماتتناسبش مع البيئة انتاع الشمال وزد على ذلك فوتت الخدمه في الشمال وراني خدام في الشمال لكن تمنيت كونت قعدت فرنسا وقسمتنا خير كما السودان الان الشمال مافيه حتى خير بصراحه

[المتوكل محمد]

الاخ سفيان لقد أضحكني تشبيهك بالسودان ههههههه
تقول إنت خدام في الشمال وماهي السلبيات التي تواجهها ؟
مع الشكر والتقدير لك ..

[سفيان39]

تاعين الشمال مايحبوش انتاع الصحراء مايشموهمش ويبغو يحقرو بزاف بمعنى ايشوفو في ارواحم لحقتهم حضارة كبيره بزاف ههه

[المتوكل محمد]

الاخ سفيان :- لقد فهمتك ..
وفي رأيك ماهي الولاية الافضل للسكن غير الجنوب ؟
مع الشكر والتقدير ..

[بتول8]

السلام عليكم
ماهادا؟
احس بعنصرية شديدة
اهل الجزاير كلهم فيهم الصالح و الطالح
بالنسبة لجيجل ماعندك ماتقول نفضل نروح للبحر تاع جيجل و لا نروح لبحر في ولايات اخرى مانيش حا نسمي بصح الله يعافينا
ولاية جميلة نظيفة فيها الناس الملاح و فيها لا
كما الصحرا و كما اي منطقة
لوكان نقلك بلي شخصيا كنت فالصحراء غرب البلاد عندهم امورات حنا عندنا عيب سواء كلام او تصرفات و يقلك ولاد الصحراء يحشمو حافظين ستين حزب لا ماشي معيار خلاص
صاحب الموضوع لا يتكلم على ناس جيجل بالدات لكنو يطلب النصح هل هي ولاية مليحة باختلاف العادات
نقلك اخي نعم و الف نعم ناس محافظين و مربيين بارابور لناس صحرا فغرب البلاد لا مجال للمقارنة
و زيد اخي
غرب البلاد ليس كشرقها سواء اكل او عقلية او عادات و نمط تربية
ناس الشرق محافظين لدرجة التعقد راهم يوصفونا بالمعقدين
و ناس الغرب محافظين لدرجة التفتح راهم يوصفوهم بالاوفاار
لكان رايح تعيش فجيجل هنيئا لك انا كل يوم نطلب ربي نعيش لتمة عجبتلي بزاف ملي صيفت فيها تربية و حشمة و جو رائع على العام
اما على العباد و السعادة تاعك نتا تصنعها ماشي البلاد لاني نقول و نكرر عايشت صحراء الغرب و يا للكارثة حافظة القران و تصبح تشايخ مع جارها ساعتين حنا هادي نسموها قلة حياء و هوما يسموها النبي موصي على سابع جار ؟؟؟

[رؤيا الظلام 48]

استخير وتوكل على ربي وخلاص

ربي يسهللللللللللللللك

[بنت الباهية]

استخر و توكل على الله
أما الآخرين لا داعي للخروج عن النص
الصالح و الطالح في كل مكان و ما تتحاموش بزاف على ناس الغرب

[رؤيا الظلام 48]

السلام عليكم
ماهادا؟
احس بعنصرية شديدة
اهل الجزاير كلهم فيهم الصالح و الطالح
بالنسبة لجيجل ماعندك ماتقول نفضل نروح للبحر تاع جيجل و لا نروح لبحر في ولايات اخرى مانيش حا نسمي بصح الله يعافينا
ولاية جميلة نظيفة فيها الناس الملاح و فيها لا
كما الصحرا و كما اي منطقة
لوكان نقلك بلي شخصيا كنت فالصحراء غرب البلاد عندهم امورات حنا عندنا عيب سواء كلام او تصرفات و يقلك ولاد الصحراء يحشمو حافظين ستين حزب لا ماشي معيار خلاص
صاحب الموضوع لا يتكلم على ناس جيجل بالدات لكنو يطلب النصح هل هي ولاية مليحة باختلاف العادات
نقلك اخي نعم و الف نعم ناس محافظين و مربيين بارابور لناس صحرا فغرب البلاد لا مجال للمقارنة
و زيد اخي
غرب البلاد ليس كشرقها سواء اكل او عقلية او عادات و نمط تربية
ناس الشرق محافظين لدرجة التعقد راهم يوصفونا بالمعقدين
و ناس الغرب محافظين لدرجة التفتح راهم يوصفوهم بالاوفاار
لكان رايح تعيش فجيجل هنيئا لك انا كل يوم نطلب ربي نعيش لتمة عجبتلي بزاف ملي صيفت فيها تربية و حشمة و جو رائع على العام
اما على العباد و السعادة تاعك نتا تصنعها ماشي البلاد لاني نقول و نكرر عايشت صحراء الغرب و يا للكارثة حافظة القران و تصبح تشايخ مع جارها ساعتين حنا هادي نسموها قلة حياء و هوما يسموها النبي موصي على سابع جار ؟؟؟

واش بيه الغرب الجزائري وحتى جيجل وبجاية رانا نسمعو عليهم العجب العجاب الجزائر كامل هكة حتى الصحراء بشار مثلا فيها اكبر المناطق تاع.........بلا مانقول

[المتوكل محمد]

شكراااااااااااا لكم جميعا
وأنا في رأيي أن الانسان يعيش بعقله في أي مكان
وكما نشاهد ملايين المسلمين يعيشون مع الكفار
في اوروبا وامريكا وما حصل لهم والو ..
والمسلم الصادق بدينه وأخلاقه هو الذي
يفرض احترامه على الآخرين ..
وشكرااااااااااااااا لكم جميعا ..

[النجمة القطبية]

وما الفرق لما يعيش فى الشمال او الجنوب والشرق او الغرب
بالعكس الجزائريون عامة يحترمون الغريب ويحطوه فوق الراس
دعونا من الجهوية
البلاد بلادى نعيش وين نحب

[فتـ حييةـاة]

عندي سؤال اخي ممكن :
لماذا يريد الاستقرا في ولاية جيجل الم ترضى زوجته ان تعيش معه في تمنراست ؟؟؟

[hydraulique51]

واش بيه الغرب الجزائري وحتى جيجل وبجاية رانا نسمعو عليهم العجب العجاب الجزائر كامل هكة حتى الصحراء بشار مثلا فيها اكبر المناطق تاع.........بلا مانقول

يبدوا انك خرجتى عن النص يا اختي
واش بيها بشار تاني
في كل بلاسة كاين الصالح والطالح
خلوكم في الموضوع احسن






انا انصحك ان تسك في المنطقة التي تعمل بها
ومن الاحسن في الصحراء خير لك
:mh92::mh92::mh92::mh92:

[فتـ حييةـاة]

الواحد في بلاده وحاس روحه في غربة وين حتى يروح يعيش في دولة اخرى ؟؟
الولاية الفلانية فيها ... والولاية الفلانية فيها .....
عيب والله غير عيب كبير واش كتبتو

الجزائر تاعكم وعندكم الحق تعيشو في اي ولاية بغيتو من ادرار حتى لغليزان وفي كل ولاية كاين الصالح والطالح

الله يخلف على الشهداء الاحرار الله يرحمهم اللي حروها وخلاوهالنا نلعبو فيها ونقسمو فيها كيما نبغو

[الهـ ع ـاشمي]

هذي تدخل فيها شخصيتك انت يا خويا


هل انت قادر انك تتأقلم مع المكان لي راك فيه ولا لي راك رايحلوا ولا ولا؟؟


جيجل ولا تمنراست ولا غيرها قع كيف كيف

[دادي84]

يا أخي قولو توكل على ربي و عيش وين تحب فالشمال ولا الشرق و لا الغرب ....راهي الجزاير تاعنا قع و أرض ربي واسعة المهم الناس اللي راح يناسبهم يكونو من أصل و فصل باش ما يلقاش مشاكل لقدام ....بالتوفيق

[السيدة كرمين]

ما أعرفه جيدا أن جيجل أهلها محافظين جدا وهذا عادة ما يجعلها مقصد ناس الصحرا

وبتالي ان تزوج منهم وسكن هناك لا ارى فيه مشكل فقط يحاول هو وهي الوقوف عند

الاختلافات ويتفقا عليها من المبدأ قبلا

وصلى الله و بارك

[biologie2001]

انا من جيجل و الحمد لله. .... سؤال ل سفيان 39 انت من الوادي و الله لو رايت الكم الهائل من اناس الوادي الدين ياتون لجيجل لاستغربت و حتى العام الماضي هناك من كمل صيام رمضان هنا....... لن اقول ان جيجل مافيهاش الطالح لانه منين تروح كاين المليح و الدوني لكن نقولك باللي مازالت محافظة و الحمد لله و هدا ما جعلها قبلة للعائلات التي تبحث عن الراحة... و اي سؤال نحن في الخدمة

[أم يقين]

رجل من ولاية :- تمنراست ... في الجنوب ...
أحب فتاة من ولاية :- جيجل ... في الشمال ...
وأراد أن يتزوج ويستقر في جيجل ..
هل يمكن أن يعيش هناك و يشعر بالسعادة ؟
رغم اختلاف بعض العادات وحتى اللهجة ...
ننتظر آراءكم وتجاربكم لنستفيد ..
لكم كل الشكر والتقدير ..

السلام عليكم و رحمة الله و بركاته ،
عجيب أمرك يا أخي, فالذي اعرفه أن الإنسان يعتمد على قدرته على التأقلم في أي منطقة كانت سواء شمالا أو جنوبا ثم أليس من المفروض أن تأتي بها أنت إلى أهلك و ليس العكس. فإذا أردتها من جيجل فتلك مدينة لا يختلف على جمالها اثنان و أما أهلها فهي ككل بقاع الأرض فيها الصالح و الطالح. فالأمر كله بيدك و متوقف على رضا والديك في البعد عنهما لمجرد إرضاء فتاة .

[abdu99]

والله ياخويا البيئة الصحراوية ماتتناسبش مع البيئة انتاع الشمال وزد على ذلك فوتت الخدمه في الشمال وراني خدام في الشمال لكن تمنيت كونت قعدت فرنسا وقسمتنا خير كما السودان الان الشمال مافيه حتى خير بصراحه

اخي الفاضل سفيان
اضحكني تشبيهك بالسودان
ومن قال لك المواطن الشمالي او الجنوبي في السودان مستفيد من الانفصال؟
هذه الاعيب السياسين وتنفيذ رغبات الغرب في تقسيم الدول
الا تراهم يتجمعون في سوق اوربي مشترك لا تجمعهم لغة ولا دين؟
فلنتقي الله في انفسنا
الخير والشر موجود في كل مكان
حتى اشرف البقاع مكة المكرمة تجد فيها الطيب والنصاب
الارض لله فأين ما طاب لك المقام فقم
وأفضل البقاع مكة المكرمة والمدينة المنورة
بعدهما اين ما تجد رزقك فعيش
الا إذا خفت على دينك وهذا الحمدلله لا خوف عليه في بلدك الجزائر فلا تحكم على منطقة في اي مكان بافعال الجهلاء والسفهاء
علينا معشر الشباب تصحيح المفاهيم الخاطئة
من تخلف وتشرزم
....
لقد خلقنا الله مختلفين لحكمة والافضل عند الله بالتقوى .. فلنتقي الله في انفسنا اولا
وجزاءكم الله خيرا
وتقبلوا مداخلتي معكم

[فتـ حييةـاة]

..............................................
.................................................

حذفت ما اقتبسته ليتسنى للاعضاء ان يحذفوا مشاركاتهم


بــــــــــــــــــــــــــــــــــــــدون تعليــــــــــــــــــــــــــــــــــــق

[رؤيا الظلام 48]

يبدوا انك خرجتى عن النص يا اختي
واش بيها بشار تاني
في كل بلاسة كاين الصالح والطالح
خلوكم في الموضوع احسن






انا انصحك ان تسك في المنطقة التي تعمل بها
ومن الاحسن في الصحراء خير لك
:mh92::mh92::mh92::mh92:

السلام عليكم أخي انا لم أقصدك ولم أقصد ولايتك ولكن القصد كان اعطاء امثلة من الشرق والغرب والصحراء

أكيد في كل بلاصة كاين الصالح والطالح لكن البعض كان متحاملا على الغرب .....

[تسهيل]

ههههههههههههه كم انت غريب يا شعب !!!! الاستاذ مقبل على مرحلة مهمة في حياته.و وضع استفسار..لماذا الخروج على النص الله يهديكم.؟؟ شهادة حق بدون تزليف.انا عقبت العطلة الاخيرة في جيجل.والله تلقى راحتك وتحس روحك في داركم..وهذا سيف ذو حدينن بحيث ولا واحد يحكي معاك والا يديرونجيك.وجيجل معروفة اكثر الولايات الساحلية التي تحوي العائلات.لكن الشئ لي ما يعجبش انهم ما عندهم حلاوة اللسان.يعني تطلب منو حاجة يديرهالك وصلي على النبي.كاين لي تعجبو وكاين لي ماتعجبوش وربي يوفق الجميع

[الواثق]

وفرو العمل والسكن شتا فوق القمر ...........انا احب المكان الذي اجد فيه عملي وسكني واهلي ......والبحر والرطوبة ولغاشي والضيق لي في الشمال يرجع الواحد عمرو 60 سنة وهو 20 برك......وكل ميسر لما خلق ........اما حكاية الجهوية في الشمال انا ارى العكس ان ناس الجنوب عندهم مركب نقص خلاهم يحسو بالعنصرية..........واحد موش عاجب روحو شكون لي رايح يعجب بيه ؟؟؟

[جسور المحبة]

صح جيجل معروفين بانهم محافظين ومتدينين ولهذا ديما الغاشي تع الصحرا يصيف عندهم وحتى شواظئهم تع عائلات ومحترمة بزاف واكثر مناطق احتراما وربي يجازي القائمين على هذا العمل
اما انت شوف اذا تقدر تتأقلم مع المنطقة ام لا لانني انا شخصيا نحب التل برك في الاستجمام والتحواس لكن ما نقدرش نعيش فيه بسبب الضيق وكثرة الامطار والرطوبة وسكن العمارات وطبعا كل واحدد وش يفضل واذ تلاحظ انك تقدر تتأقلم مع هذو الحوايج ربي يسهلك ويهنيك وما تنساش تستخير الله
اما حكاية الجهوية يا جماعة نحن في غنى عنها ربي يهديكم الشهداء ربي يرحهم بش حرروها كانو ما يهمهم لا شمال لا جنوب لا شرق لا غرب راك جزائري مسلم فقط وحنا لقيناها على طبق ورانا نقطعو في بعضنا والخير والشر في كل مكان هذي سنة الله في الخلق

[potox]

اخطيك يا خويا من جيجل ولا من بشااار ولا من حتى بلاصة ارواح عندي لعنابة

هههههههههههههه

راني نتمسخر برك

الجزاير بلادنا كامل وكل بلاصة عندها الشارم تاعها

توكل على ربي وروح لجيجل خيار الناس وجرب انت وحظك

لكان والفت وتاقلمت عيش ولكان مقدرتش تعيش فيها ارجع لولايتك

انا عن نفسي لقيت منصب شغل في الصحراء بمبلغ خيالي ولكن لم اقبل

لانني لا استطيع العيش في ولاية خاطي عنابة

الحمد لله راني خدام .................................

لكن في التحواس نحب نروح لاي مكان نبدل جو ونرجع

توكل على ربي خو