أنا في ورطة

[مشكلتي]

السلام عليكم
أنا في ورطة إخواني أخواتي
أنا طالب أبلغ من العمر 20 أولى جامعي
أحبب فتاة أكبرها بـ 4 سنوات
تبعد عن مقر سكناي 60 كلم نتواصل على الفايس بوك أو الموبيل
المشكل إخواني أنني أردت التقدم لها و حكيت مع أختي لتعلم أمي
و قالت الأخت أنها لن تقبل إلا إذا درست 3 سنوات ثم الخطبة
هاذا أولا و ثانيا لهاذ البنت إبن عم يحبها و يريدها زوجة له
فأنا محطممممممممممممممممممممممممممممممممم
أريدها و إبن عمها يريدها و عن هي تحبني و لكن قالت ربما الضغوطات
ستحتم عليها بان تقبل بالأول بحكم أنه من الولاية و من العائلة و والدا الطفلة يحبانه كثيرا
و إبن العم جاهز فما العمل ؟؟ أنا منهاااااااااااااااااااااااااااااااااااااااااااااار
أنا في ورطـــــــــــــــــــــــــــــــــــــــــــــــ ــــــــــــــــــــــة
ما العمل إخواني ؟؟ كيف اتجاوز العذاب فأنا مالقري الخطبة مازال ماتمتش مي راني نتعذببببببببب

[the black perl]

وليد عمها واجد وهي في عمرها 16 سنة و والديها قابلين يزوجوها وهي في هاد العمر
غربية جدا !!!!!!!!!
بالنسبة ليك خويا يماك عندها الحق راك صغير كمل قرايتك مبعد كلشي ساهل

[faty05]

انساها
هي عندها الحق تاخذ راي والديها و تدي واحد بقربلها و يعرفوه مليح
بالطبع يفضلوه هو
و نزيد نقولك دراستك ثم دراستك,,, حقق طموحاتك و كون نفسك
و ان شاء الله اذا هذي مش مكتوبك ,,, راح يجي مكتوبك ان شاء الله
ما تكسرش راسك بزااف بهذ القصص تع الفايسبوك و النت
و علا حساب كلامك راهي اختارت ولد عمها
اذن انسحب

[ناصرالدين الجزائري]

لو كانت تريد الزواج لقبلت بك .. لكن الظاهر أنها تضع العقبات امامك لتبعدك .. و فوق كل هذا نرى أنك بعيد كل البعد عن امكانيات تكوين اسرة .. فانت في اول سنة جامعية و صغير في السن فلماذا تريد ربط نفسك في مشاكل الزواج و انت غير قادر عليها ..
انصحك أن تقطع اتصالك بتلك البنت .. ستتعذب لبعض الوقت و تشتاق اليها بحكم انك اعتدت عليها لكن مع الوقت ستنساها و ستحمد الله أنك لم تخنق نفسك و تكلفها ما لا طاقة لك به ..

[kaouther.alg]

صلي صلاة الاستخارة و أنـــــــــــــــــا متأكدة بلي راح تلقى الحل
*****أشتكي همك لرب الناس **********************
و على حساب رايي يا خو إذا كانت هي تحبك راح تصارح و لو أمها عليك و تدير المستحيل باش تكون ليك نتا و ماشي لغيرك

و إنشاء الله ربي يكون معاك و اذا على قرايتك ما تفرطش فيها ولو لأي سبب:dj_17:

[ريحان الجزائر]

السلام عليكم و رحمة الله و بركاته
أخي أنا نشوف أن هذه الفتاة مازالت صغيرة يعني 16 سنة يمدوها والديها هادي ماشكيتش في وقتنا الحالي مازالها تقرا و انت هذا وين راح تبدأ تخطط لمستقبل تاعك 20 سنة حتى انت مازالك صغير و مازالك تقرا و تكون نفسك أمبعد أبدا خمم في الزواج و إذا كانت هذه البنت من نصيبك واحد ماراح يديهالك و وليد عمها حتى و يحبوه والديها ماشي لازم يعطوهالو ليه و لا ماكاش و حتى و راهو واجد لأن البنت هي لي تقبل و لا ترفض و أنا نشوف بلي مازالت صغيرة صغيرة على الزواج يعني حتى العقد ماراحش يعقدولها حتى 19 سنة باه تبلغ سن الرشد و تصبح مسؤولة انت هاداك الوقت تكون كملت قرايتك و نقولك يا أخي الدراسة راهي هي لي لازم تحطها في راسك في هذا السن لأنك هذا وين قلت بسم الله و انت شوف هاد البنت إيلا حابة تصبر عليك قوللها انت طموحاتك ويلا قاتلك والديا هوما لي يحكمو فيا يسمى هذا يصبح نوع من التهرب المهم أنا حابة نقولك بلي مازالكم صغار على الزواج و انت مازال تقرا و تكون نفسك و البنت خاصة إيلا مازالها تقرا راح تسنى و الخوف تقولك انت أسناني نكمل قرايتي أنت صلي صلاة إستخارة واطلب ربي سبحانو يقدم لي فيه الخير و ربي ينجحك و يسهلك أمورك و يبينلك عاجل غير آجل

[الاستاذة المستقبلية]

السلا عليكم

ساضيف على اجابة الاخوة و الاخوات بار الله فيهم هذا المثل *اذا احببت شيئا بقوة فاترك صراحه فان عاد لك فقد كان لك من البداية و ان لم يعد اليك فلم يكن لك من البداية * و لهذا يا اخي صلي صلاتك و ادعي فيها ربك ان ييسر لك امرك ...و الزاج قسمة و نصيب و كل واحد لا ياخذ الا ما كتبه الله لك .....ادعو الله و كلك ثقة في ان يستجيب لك و سترى كيف سينصرك ....بالتوفيق

[حميدو09]

انسااااااااااااااااااااااااااااها

[hamzagolf6]

20 سنة راك راح تذبح لروحك بطفلة 16 سنة وراك تسرعت بزاف كي قلت ليماك
روح ازه عيش صغرك حتى 40 سنة وخمم في الزواج واش دير بالاولاد والمسؤولية

[hamzagolf6]

غير انساها

[achwak.1993]

لاكان راهي مكتوبك تديها اليوم ولا غدوة
ولاكان ربي ماشي مكتبهالك أكيد فيها خير
ما تقولش ورطة خلاص هاذي مكاتيب ربي

[aissa2008]

السلام عليكم

كما اخبرك الاخ ناصر الدين كمل قرايتك ممكن تروح للجامعة ويتحلوا عينيك

لانوا الوقت هذا صعيب كمل قرايتك من بعد يفتح ربي ، رانا كامل مرينا بهاذي المرحلة وفاتت نورمال

بالتوفيق خويا

[lilou f lilou a]

أجدم يا خويا وبعدها يرحمها ربي

[ام خديجة1]

السلام عليكم اخي الفاضل ما شاء الله تعليقات الاعضاء كلها صواب واقول لك هذا ماراهوش وقت زواجك وانصحك خمم في قرايتك وانسى امر الفتات التي لازالت تتربى وتكبر في دار باباها
كي تقرا وتكون نفسك وتكون على قد المسؤولية مد الخطوة الى اللي كتبهالك ربي واتمنى ان تكون خممت في مشكلتك هذه العقل قبل القلب
تجيب بنت الناس للدار وانت في بداية قرايتك وتغبنها وتغبن روحك وتدلها وتدل روحك والديك يصرفو عليك باش تقرا وتنجح وكي تكمل ارفع صبعك المخيرة تجيك وهذه نزوة وتفوت
خمم ان وافقت امك وجبتها للدار وما وراء الزواج غير المشاكل لا خدمة ووالديك ينفقان عليك وعليها وزيادة على هذا راح تحس بالمذلة وراني شفت ناس بزاف قبلك وقبلي تغبنو فلا تكن منهم

[جار الله المهدي]

انا انصحك بتكملت دراستك خويا ومبعد لكل حادث حديث ... هذه مرحلة من مراحل الشباب وهي صعبة جدا وستجد فتاة اخرى تحبها وتحبك ولن تحصل على ما ليس لك .. انت والمكتوب وين يديك خويا

[نجمة ساطعة]

صغــــــــــــــــــــــــــــار و بس ....

[kingbelkacem]

انسى passeالحب مابقاشي...................تلقى 1في المليون.............لازم تامن بالمكتوب ادا كانت ليك ماينحلكش نحاح وزيد
ما زلك صغير شوف خويا كي تفرض روحك في المجتمع وتكمل قرايتك وتحكم خدمة تليق بيك وترجع لاباس بيك ترجع سي فلان وشكون لي ترضى عليها بالتوفيق

[السَّحابة البيضاءْ]

ملي قالتلك وليد عمها واجد + والديها يحبوه + عمرها 16 = مراهقة وتلعبلك على اعصابك

خمم في مستقبلك اخي وفي قرايتك

[دادي84]

وليد عمها واجد وهي في عمرها 16 سنة و والديها قابلين يزوجوها وهي في هاد العمر
غربية جدا !!!!!!!!!
بالنسبة ليك خويا يماك عندها الحق راك صغير كمل قرايتك مبعد كلشي ساهل
أين وجه الغرابة في زواج فتاة في 16 من العمر ...... ؟؟؟؟؟

[دادي84]

يا اخي انقلك حاجة كل شي بالمكتوب ....اذا كانت من نصيبك حتى حد ماراح يديها

[MEDINBLACK1]

كم هي غريبة كرة القدم

[سحر الغروب]

روح تقرا يا وليدي مازال القطار قدامك طويييييييييييييييل

ممكن حبيتها في هاد السن تزيد عامين ولا 3

تتبدل العقلية وتكبر و تنضج


و بعدين تلقى روحك في حيرة اكثلر من هك

نصيحة خليك

عيش حياتك

اقرا ومباعد الزواج راه يجي و تكره من المسؤولية وووووووووووووووووووووو

[nassira23]

هادا سن المراهقة برك لي راه يديرلك هاكا

[Rihanna]

alors là si cette histoire s'avère vraie !!!! ça crainttttt
vas réviser tes cours bébé, t'es encore petit

[الحاج قادة]

حذاري من التسرع ياأخي الزواج والله ماهو ساهل مايغلطك حتى واحد رانا في 2012 مازال الحال ....توب لله على خاطر بديت بشيء غير سوي (راك فاهمني)وكل ما بني على باطل فهو باطل