أقرا قصتي وقولي كيفاه ممكن نحضر للباك

[محفوظ البسكري]

السلام وعليكم ورحمة الله تعالى]

اخوتي ارديكم ان تنصحوني ...
انا طالب جامعي في السنة الاولى علوم انسانية حائز على شهادة الباكالوريا 2011 بمعدل 11.74 شعبة أداب وفلسفة
هذا العام راني نعقب في الباك حر
والله راني نحاول نوفق بين الدراسة في الجامعة و للتحضير للباك
بصح ملقيتش الطريقة للتساعديني

والعلوم الانسانية لقراية فيها كل البحوث من تدخل لتخرج البحث ورا خوه

يعني عندك حوالي 20بحث في العام 10 تاع السداسي الاول كملتهم وراهم يسناو فيا 10 اخرين
بعني لازمك تحضرهم و تراجعم مليح وتلقيهم على الطلبة تاع الفوج تاعك امام الاستاذ .....وزيد معظم البحوث شدهم وحدي
وزيد تلقيهم بطريقة ارتجالية يعني تكون حافظو عن ظهر قلب

وزيد يبدا النقد من طرف الطلبة والاستاذ حاطين فيك اليد وكل طالب شاري هالك يحوس عليك تغلط برك
ويعود يقلك هذا مش بحث ...مانيش عارف مرة يقلك مخلط مرة يقلك لا اشعر بالحيوية في بحثك ؟؟؟؟؟؟؟؟؟
والله خاوني غير كرهت صح

راكم عارفين في الجامعة واش كاين....حاشاكم الداب راكب مولاه

و الهم الكبير ان الجامعة تبعد عن المدينة لساكن فيها ب 40 كلم

وومش عاطييني الاقامة يعني باه تصحلك الاقامة لازمك تكون فوق 50 كلم

اليوم الدراسي تاعي يبدا 5 تاع الصباح نوظ نريقل روحي ونصلي وراكم عارفين
تعود 6 نخرج من الدار نروح لابلاص تاع البيس للي يدو للجامعة 6.50 نديمارو نلحقو 7.50

انا نقرا على 8.30 ندخل نقرا كل ساعة كيفاه مرة نقرا حصة مرة زوج ومرة نقرا 4 كل حصة بساعة ونص

تلحق 16.00 تاع العشوة........... وحنا نروحو نلحقو للمدينة تاعي على 17.30 نصل للدار نتعشا وريح شوي ونعطيها برقدا للغدوة الصباح وهذا هو المناج تاعي كل يوم

وزيد مرة للبيس تاع الطلبة دارو اكسيدون معندي من قلك وكل يوم نعودو مروحين لازم نلقاو في الطريق اكسيدون

حتى اني كرهت الجامعة وندمت على النهار الي دخلت فيه ليها


خاوتي هذي هي قصة واحد بسكري مع الجامعة ومتشرح حر للباك

خاوتي حاب منكم نصيحة كيفاه نبدا نوجد للباك


وكان الله في عونكم

والســــــــــــــــلام وعليــــــــــــــــــــكم

[yalova]

فرج الله كربك أخي الكريم ....
فعلا صدق من قال البك للجميع والجامعة لمن استطاع إليها سبيلا ....

[la belle sarah]

ربي يكون في عونك اخي لكن راك هبطيلي لمورال خلاه ماكنتش حاطة باللي الجامعة هاكدا ههه

حاول توفق بين دراستك الجامعية والباك يعني في الوويك اند حاول تخصص 4 سوايع تراجع فيها للباك

وربي يكون معاك وماتخافش ربي مايخيبش لي يسعى لطلب العلم امثالك اخي

سدد الله خطاك

[أمينة1994]

خويا لوكان بلوكيت العام كان أحسن لك

ما دام الوقت فات على البلوكاج لازم تحاول تنظم وقتك

نقلك العطلة تاع الربيع راها جاية استغلها كيما يلزم................. هذا هو الحل الوحيد ليك

وقبل الباك بشهر خاطر بقراية الجامعة علاجال الباك ............... ممكن تجيب معدل مليح وتدير شعبة أحسن من لي راك تقرا فيها ضرك

ندعيلك ربي يفرجها عليك

++ متقلقش روحك بزااااااااااااااااف

سلااااااااام

[بنوتة الصحراء]

اخي ربي يفرجها عليك
انا حسب راي راك مفوت الباك غير العام الاي فات تكون مدكر شوي اقرا درك في الجامعة والعطل اقرا للباك وربي يوقفك الى ماتحب وترضاه وان تكون عادل بين الاتنين

[مرايا الطلاب]

ربي يرجها عليك يا أخي أناغير هنا وراني حاصلة ربي يعينك

[alisadr]

ربي يعينك ،، انا كنت نفس حالتك العام للي فات لكن عانيت أكثر من ذلك بأضعاف و كنت ع تجريبية .. و الجامعة كذلك فيليار علمية و مدرسة عليا
على كل حال من الأفضل تحدد أولوياتك ،، يا اما ركز على لباك ولا تهتم كثيرا يدراستك الجامعة أو العكس ،، و الله عن تجربة اخي لأنه للي بغاها gــاع خللاها gــاع .. لازم تقرر باش تعرف على شكون تركز و الا رح تتعب نفسيا و جسمانيا تعب كبير بلا فايدة ...

[حامل اللواء]

شوفي كيف توافقي انت وحسب طاقاتك

لكن ما اعلمه هو ان الجامعين يعشون رفاهية في الوقت


يعني هم غير مجبرين على الحضور جميع الحصص

يكفيك td

كما اوصيك ان تستعلي وقت الكوس او الحافلة فانه زمان طويل

والله الموفق

ابداي السهرات والقهو ة الكحلة