كيفاش تكفيكم الشهرية

[sekoura]

اهلا اخواتي راني جديدة في المنتدى و حبيت نستشيركم في كيفاش لمرا الفحلة تعرف تتصرف في المصروف و نقولكم بلي انا و راجلي في زوج نخدمو مي دي فوا و الله غير لا fin du mois نسوفريو !!ايا يا الشاطرات كل واحدة تمدلي رايها بكل صراحة!!

[ام امجد14]

السلام عليكم والله اختى موضوعك هايل انا نعانى من نفس المشكل وهو ان الشهرية ما تكملش الشهر
لكن انتى عندك مدخولين انا عندى مدخول واحد نحسب برك انا عندى هذى المشكل المهم انا اقترحت على زوجى فكرة و هى
الاضرفة حطيت فى كل ضرف مبلغ مثلا ضرف للكهرباء ضرف للملابس ضرغ لمصاريف السيارة ضرف للطوارى ضرف للضيوف الخخخخخخخخ حسب مستلزماتك و ترفدى شعار لا للكريدى ارجو انك فهمتينى واى سؤال نجاوبك

[*ملاك الليل*]

انا مانيش متزوجة وشهريتي ماتكفينيش وماتكمليش الشهر
ديما نروح عند بابا ونقلو مدلي دراهم الفواياج في نهاية الشهر ان شاء الله تفيدوني

[ام امجد14]

يا سبحان الله حتى لى مشى متزوجين الشهرية ما تكفيهمش لازم نلقاو حل

[*ملاك الليل*]

يا سبحان الله حتى لى مشى متزوجين الشهرية ما تكفيهمش لازم نلقاو حل
ههههههههههه ماتنخلعيش لكنها الحقيقة
خاصة انهم كل مرة يخلصونا روطاااااار بزاااااااااف
انا نكون دايرا حساب فواياجي تع الشهر وكل مرة نلقى روحي عند بابا هههههه

[safia91]

صراحة بيكم تعيطوا للشر عنها خلات اعليكم
اقنعوا وأحمدو ربي
هكذا ربي يبسط الرزق

[*ملاك الليل*]

صراحة بيكم تعيطوا للشر عنها خلات اعليكم
اقنعوا وأحمدو ربي
هكذا ربي يبسط الرزق
:confused::confused::confused::confused:
لالا اختي ماناش نعيطو للشر
الحمد الله
الاخت قالت مشكلتها وكانت واضحة وطلبت مساعدة

[sekoura]

شكرا على الاجابة...حنا ف الحق عندنا بزاف المصاريف مازلنا في اول الطريق...يعني غير كيما شرينا دار و باش نخلصوها درنا كريدي بونكار صافي 1/3 تاع لا باي تروح اللابونك...و مع الدراري(عندي 2) و كلشي غلى راكي عارفة!!!!اما هادي الطريقة تاع الاضرفة جربتها قبل ما يجو دراري تاع الصح تنفع راكي فكرتيني فيها يعطيك الصح.......و للاخت ملاك الليل ما تبدريش دراهمك مرة مرة و ديري حاجة دهب ينفعك من بعد.........

[sekoura]

واش من شر يا اختي..........رانا هنا باش نفيدو بعدانا وريلنا شطارتك كيفاش ديري ...

[doli/M]

مساء الخير اخواتي انا اليوم اللي نسلك فيه نشري مستلزمات الدر كامل يعني السكر القهوة الملح السميد الزيت الخميرة البيض العجائن الحبوب...............
ما يكفيني مدة شهر اما الخضر و الفواكه واللحم والسمك نشري كل اسبوع وومصروف 3 اسابيع الاخرى نحطهم في ضرف ونحي حق الكهرباء والماء الانترنت نحطهم بضرف آخر و اللي يبقى (لكان بقى) نحطو في ضرف اخر

[doli/M]

ايه راني نسيت ماقلتلكمش الطريقة هادي تصلح غير كي نصرف وحدي وقت يصرف راجلي الشهرية تخلص في يومين

[fifi180]

انا مانيش متزوجة ونحاول نشد روحي نشد نشد ونفسدها في لبسة وامور تافهة بكري مع ورقة 1000دج كان صرفتها عشرينات ناكلها وضرك هردونا ب 2000دج مي الحمد لله خير من بزاف

[bouzidsaido]

بارك الله فيك على هذا الموضوع القيم

[djirah27]

السلام عليكم ورحمة الله وبركاته
انا ما مزوجة ما خدامة مازااااااااالني نقرا بصح بابا ديما يعطيني الشهرية ويقولي تعلمي وجيبنا الشهر المهم الشهر اللول راحتلي شوية بصح من بعد حكمت روحي
1 درت كراس صغير فيه المصروفات الرئسية -يعني مصروف الشهر من البقوليات والامو وكل شيئ
5000دج
2 مصرو الكرباء والماء والهاتف حوالي 1 مليون بصح السعيد انو ماشي كل شهر يعني هادا تحدي ليا باش نستفاد منو في الاشهر الجاية
3 مستلزمات البيت راكم عارفين الكوزينة
4 مكتوب للخضروات
هااااااادو فيكسي
(حاطا حساب لكل واحد فيهم لكن منهم ديما نفضل حوالي 2000دج لتنازلات احيانا والحبكة يعني لا للتبدير في كل شيئ التوفيييييييير)



ومن تم عندي مكتوب للاام العادية خرجة لبسة هادا خصو ديك هادا خصو هادي المهم
وبادن الله لقيت روحي في تلات اشهر موفرة 2 ملايين شريتهم منتقوش هههههههههههههه بالصحة
وتقبلو مروري

[djirah27]

السلام عليكم ورحمة الله وبركاته
انا ما مزوجة ما خدامة مازااااااااالني نقرا بصح بابا ديما يعطيني الشهرية ويقولي تعلمي وجيبنا الشهر المهم الشهر اللول راحتلي شوية بصح من بعد حكمت روحي
1 درت كراس صغير فيه المصروفات الرئسية -يعني مصروف الشهر من البقوليات والامو وكل شيئ
5000دج
2 مصرو الكرباء والماء والهاتف حوالي 1 مليون بصح السعيد انو ماشي كل شهر يعني هادا تحدي ليا باش نستفاد منو في الاشهر الجاية
3 مستلزمات البيت راكم عارفين الكوزينة
4 مكتوب للخضروات
هااااااادو فيكسي
(حاطا حساب لكل واحد فيهم لكن منهم ديما نفضل حوالي 2000دج لتنازلات احيانا والحبكة يعني لا للتبدير في كل شيئ التوفيييييييير)



ومن تم عندي مكتوب للاام العادية خرجة لبسة هادا خصو ديك هادا خصو هادي المهم
وبادن الله لقيت روحي في تلات اشهر موفرة 2 ملايين شريتهم منتقوش هههههههههههههه بالصحة
وتقبلو مروري

[نيفرتيتي.]

اختي في اول الشهر اشري كل مستلزمات البيت اللي تصبر الفهوة السكر البقوليات ...................... تبقى الامور اللي ماتصبرش اللحم الخضر .....كي تخرجي تشري ماتخرجيش معاك الدراهم كامل لانك لوخرجتي مائة الف تكمليها خرجتي مائتين تكمليها ديري حسابك في الدار واكتبي واش تشري والسومة وادي قيس دراهمك اذا اديتي دراهمك الكل راح تكسريهم لانك راح تتشهاي وتشري فوق الشبعة بصح ماتحرميش اولادك بصح كلش بالقانون انا نخدم والخدمة قريبة كنت كل مانخرج نشري قيمة 80الف 90الف كل يوم وانا نلم باه ندير دار راني كارية بعد وليت مانهزش معايا الدراهم غير كي نحتاج حاجة
والاخت اللي قالت الشر حنا هنا باه نتعاونو انا نخدم وراجلي يخدم وراجلي يسلك اضعاف شهريتي ونكملو الشهر بسيف
ربي هكا دار الناس كامل تعيش كيفكيف اناشيخي يسلك قد شهريتي انا برك بلا راجلي وعايش خيرمني لانو ماعندو حتى التزام ياكل ويشرب برك وكل واحد دايرلو ربي قد المدخول قد المخروج
واش رايكم في هدرتي نتمنى تردو عليا
ونتمنى انو الهدرة تاع الشر ماتتعاودش لاننا هنا باه نتعاونو ونتحاور ونحلو ماشاكل بعضانا واللي ماعجبوش موضوع والادارة قبلت بيه انه مايدخلش احسن

[ام امجد14]

عندك الحق اختى كلامك فى محله
المهم نلقاو الحل ونكملو الشهرية بلا ديون

[darlla]

ضرك نجرب الاظرفة ونشوف وياارب نتعاونو لان هذا هو سر السعادة في البيت

[نصيرة أمي الحبيبة]

اما انا درت قانون انا و راجلي كل يوم نصرفو 500الف و مين داك منصرفوش هذيك الخمسين الف نخبيوها في ضرف هكدا وليت نصرف زوج ملاين انا خرجت عليا

[djihene21]

ana manich metzouwja w nekhdem w rani nhawel chwiya 3la drahmi ana ngoulek une méthode teb3iha balek toukhrej 3lik .puisque tekhedmi ntiya w ton mari koul wahed fikoum yeksem chahriya nta3eh c'est à dire ntiya sarfi nos chahriya w desi nos w houwa tani w hawlou matbadrouch .w tani sarfou ga3 wech khaskoum f chhar c mieux machi kima tebkaw à chaque fois techrou haja

[السيدة كرمين]

عزيزتي ساهلة لحكاية شوفي وش تعملي/

أول ما تدخل الشهرية تاعكم

اقتصو منها حق الدين و الباقي جيبو أربعة أظرفة

الأول للاسبوع الأول و الثاني لثاني اسبوع وهكذا

وقسموا المبلغ الباقي على الأظرفة

ضرك اذا كان عندكم مصاريف اظافية

كبناء او حبيتوا تخبو مبلغ للحالات الطارئة أو للصدقة

ضيفوا أظرفة

وش تعملوا لما تصرفوا في الاسبوع حاولوا تشرو الحاجات الضرورية

ولما يبقى دراهم في الظرف ضيفوهم لظرف الأسبوع الرابع

وهكذا لما تلحقوا للاسبوع الرابع اصرفوا بضروري فقط

و الباقي منه وزعيه على باقي الأظرفة الأخرى

يارب تكون رسالتي وصلت

وهك تلقاو رواحك خبيتو مبلغ لباس بيه

[sekoura]

اختي في اول الشهر اشري كل مستلزمات البيت اللي تصبر الفهوة السكر البقوليات ...................... تبقى الامور اللي ماتصبرش اللحم الخضر .....كي تخرجي تشري ماتخرجيش معاك الدراهم كامل لانك لوخرجتي مائة الف تكمليها خرجتي مائتين تكمليها ديري حسابك في الدار واكتبي واش تشري والسومة وادي قيس دراهمك اذا اديتي دراهمك الكل راح تكسريهم لانك راح تتشهاي وتشري فوق الشبعة بصح ماتحرميش اولادك بصح كلش بالقانون انا نخدم والخدمة قريبة كنت كل مانخرج نشري قيمة 80الف 90الف كل يوم وانا نلم باه ندير دار راني كارية بعد وليت مانهزش معايا الدراهم غير كي نحتاج حاجة
والاخت اللي قالت الشر حنا هنا باه نتعاونو انا نخدم وراجلي يخدم وراجلي يسلك اضعاف شهريتي ونكملو الشهر بسيف
ربي هكا دار الناس كامل تعيش كيفكيف اناشيخي يسلك قد شهريتي انا برك بلا راجلي وعايش خيرمني لانو ماعندو حتى التزام ياكل ويشرب برك وكل واحد دايرلو ربي قد المدخول قد المخروج
واش رايكم في هدرتي نتمنى تردو عليا
ونتمنى انو الهدرة تاع الشر ماتتعاودش لاننا هنا باه نتعاونو ونتحاور ونحلو ماشاكل بعضانا واللي ماعجبوش موضوع والادارة قبلت بيه انه مايدخلش احسن

يعطيك الصحة على هاد الهدرة لي تبرد القلب...اخيرا لقيت وحدة فهمتني:19:

[sekoura]

شكرا عزيزتي...على الرد

[sekoura]

عزيزتي ساهلة لحكاية شوفي وش تعملي/

أول ما تدخل الشهرية تاعكم

اقتصو منها حق الدين و الباقي جيبو أربعة أظرفة

الأول للاسبوع الأول و الثاني لثاني اسبوع وهكذا

وقسموا المبلغ الباقي على الأظرفة

ضرك اذا كان عندكم مصاريف اظافية

كبناء او حبيتوا تخبو مبلغ للحالات الطارئة أو للصدقة

ضيفوا أظرفة

وش تعملوا لما تصرفوا في الاسبوع حاولوا تشرو الحاجات الضرورية

ولما يبقى دراهم في الظرف ضيفوهم لظرف الأسبوع الرابع

وهكذا لما تلحقوا للاسبوع الرابع اصرفوا بضروري فقط

و الباقي منه وزعيه على باقي الأظرفة الأخرى

يارب تكون رسالتي وصلت

وهك تلقاو رواحك خبيتو مبلغ لباس بيه
شكرا عزيزتي على الرد

[sekoura]

ana manich metzouwja w nekhdem w rani nhawel chwiya 3la drahmi ana ngoulek une méthode teb3iha balek toukhrej 3lik .puisque tekhedmi ntiya w ton mari koul wahed fikoum yeksem chahriya nta3eh c'est à dire ntiya sarfi nos chahriya w desi nos w houwa tani w hawlou matbadrouch .w tani sarfou ga3 wech khaskoum f chhar c mieux machi kima tebkaw à chaque fois techrou haja
merci ma pouppée mais tu sais c tres difficile quand tu as des enfants ....et surtout qu'on viens juste de débuter notre vie..on acheté la maison puis la voiture .puis on essaye d'acheter des meuble...tu vois ça n'en fini pas!!!tu me comprend!!

[djirah27]

الحل مع الاضرفة 4 شهر جربتهم خرجو عليا والحمدلله

[Sabrina ALG]

صباح الخير اخواتي
موضوع معم ان شاء الله نستفادو من بعضانا

انا نصيحتي ليك انك لما تخلصو اول حاجة كي تشدي الدراهم تقولي بسم الله و تنحيو دراهم الدار بجيه ممبعد تنحيو بحيه مصروف التريسيتي و التلفون و الماء الباقي تقسموه كيما قالو الاخوات في 4 اضرفة صدقيني الفكرة تع الاضرفة هايلة انا عدت نشد المصروف و بطريقة الاضرفة وكل اسبوع ندي دراهم ضرف واحد و نشري الضروريات بلا ما نبخل يعني الكماليات نشريها اسبوع و اسبوع لالا و ديري في بالك لازم تبقى حاجة في الضرف في نهاية الاسبوع اقل شي 1000 دج و في احر الشهر اللي بقاو في الاضرفة حطيهم في ضرف بلون مغاير تع الادخار و هكذا عدت نوفر بزاف و الحمد لله
اهم شيئ ممنوع الصرف العشوائي

[djihene21]

merci ma pouppée mais tu sais c tres difficile quand tu as des enfants ....et surtout qu'on viens juste de débuter notre vie..on acheté la maison puis la voiture .puis on essaye d'acheter des meuble...tu vois ça n'en fini pas!!!tu me comprend!!

.salem oui je te comprend bien mé il faut diminuer un peu les frais rabi m3ek inchallah

[نيفرتيتي.]

اختي sekourانا عندي مدة مادخلتش للمنتدى واليوم قريت شكرك لي لاشكر على واجب لانا حنا عندنا ظروف وحدة على هذك نحسو بعضانا انا ثان نسلك في السيارة والدار مازال وشكون مايحسش بينا اللي تزوجت ولقت الدار والسيارة عايشة غير باش تاكل وتشرب وتلبس وتحوس برك لكن صدقيني اختي لذتها في انك ديري كلش وحدك باه تعرفي قيمتها واللي يجي بالساهل يروح بالساهلالمهم المفاهمة بين الزوجين .اختي انت جيتيني على قلبي لاني انا ناس كامل تعس عليا على واش نسلكو بصح كيما قلت ليك
وحتى العين عندها دور.

[meriem hanin]

شكرا على طرح الموضوع
عجبتني فكرة الاظرفة و ان شاء الله نجربها و نرجعلكم الخبر

[قطيطوشة]

مشكورة اختي والله الآن كنت نخمم في هدا الموضوع
وللأخت لي قالت الشر اختي حنا مش نشكيو من قلة المصروف ولكن من قلة التدبير يعني مانعرفوش نتصرفو
مثلا انا نخدم وراجلي يخدم وشهرياتنا في زوج مع بعض الله يبارك و نحس انو نبذرو بما أننا في اول حياتنا عندنا برك 5 اشهر زواج
وهدا الهدف من هدا الموضوع نفيدو بعضانا في حسن التدبير مش رانا نشكيو من القلة

[sekoura]

راني بديت بفكرة الاضرفة نرجعلكم الخبر الشهر الجاي........ مي حسيت المصروف انتضم و كيما قالت الاخت ممنوع الصرف العشوائي......

[ام انيس2]

صباح الخير عليكم والله اليوم قلت ندخل للمنتدى ونسال الاخوة الكريمات على المصروف كيفاش يكفيهم لاخر الشهر وسبحان الله لقيت الموضوع قداي كاني انا اللي كتبتو بارك الله فيكم وجعله في ميزان حسناتكم وشكرا على كل من حاولت مساعدتنا بافكارها
عندي سؤال اليكن وهو ياريت تكتبولنا كل ظرف و الاسم تاعو هكا باش نقدرو نفهمو مليح طريقة الاظرفة

[azako]

انا وزوجي خدامين في زوج كنا نوصلو الي اخر الشهر 00000000000 ثم اتفقنا علي وضع مخطط اول شئ الصدقة يعني نهزو الشهرية اول شيئ نصدقو مبلغ مالي محدد ثم حصرنا مصروف البيت اولا الخاص بالقضيان (حليب لحم خضر فواكه مواد تنظيف ........) مصروف السيارةمصروف الاولاد الكسوة العطلة وعاملين مصروف الحالات الطا رئة والحمد لله رغم الغلاء الشديد في المعيشة ما عناش ومايخصناش

[نيفرتيتي.]

اختي الله يهنيكم

[nari21]

rani badit alayom bahad alfikara wa nachalah fa atali ta3 achahar nardalkom lakabar

[نيفرتيتي.]

rani badit alayom bahad alfikara wa nachalah fa atali ta3 achahar nardalkom lakabar
باين فيكم سلكتو اليوم ههههههههههههههههههههههههه

[dousfer]

السلام عليكم
الشهرية راهي ولات مشكل كل الاسر اللي عايشة بها
انا حبيت نعطيكم فكرتي وانشاء الله تعجبكم
انا معلمة عندي شهرية وحدة عندي 4اولاد عندي كريدي تاع البونكة
المهم
دايرة كراس لصقت كل زوج اورق مع بعض خليت فتحة مين نحط الدراهم
حسبت مصروف اليوم شحال يطيح ورقمت الصفحات من اول يوم نخلص فيه حتى للخلاص الجاي
وحطيت المبلغ المحدد في كل صفحة طبعا بعد ما نحيت حق البونكة الماء الكهرباء الخ
كل يوم نجبد مصروف هذاك اليوم فقط يكفي ولا يخلي
المهم لقيت روحي نكمل الشهر بلا سلف وفرت المهم الارادة

[هبة الكوثر]

فكرة رائعة الله يبارك ربي يعينك ان شاء الله

[sekoura]

كل يوم نسمعو افكار هايلة ..شكرا للعضوات على التفاعل..

[allmaza]

سلام لبنات عجبتني لمتكم انا تاني عندي نفس المشكل:sdf: و الان الحمدلله تخلصت منو
راجلي عندو لاباي كل ما يسلك يخلي منها في لا بونك و لي يجيبهم نقسمهم يدي مصروفو كفاه ولا ماكفاهش يتحمل وانا تاني ندي مصروفي الخاص ونشري لي كوغس تع الشهر ونخلص لي فاكتيغ
و لي بقى نقسمو في البوم تع الصور هههههههههههه باين راح تضحكو علي المهم ان شاء الله تجربوها
نسيت نقلكم كي تشريو لوازم البيت اشريو كلش اقتصادي يعني اومو تع لاماشين و ازيس تع لمواعن والزيت و السميد و الجافيل من النوع الكبيييييييييييييييييييييييييييييييييييييير

[nari21]

باين فيكم سلكتو اليوم ههههههههههههههههههههههههه

hhhhhhhhhhhhhhhhhhhhhh gabatiha koti

[djazia87holi]

يعطييييكم ةالصحة افكار جيدة

[سلمىسلمى]

السلام عليكم خواتاتي
عجبني هذا الموضوع بزاف
بغيت نسشيركم باش عطيوني نصائح
حنا عندنا شهرية وحدة و ما عندناش الدار
و حنا 5 افراد فالعائلة ما نعرفش كيفاه نصرف
و ديرت كامل الطرق مع العلم ان زوجي يدخن و يصرف عشوائي ما قدرتلوش و يدير لكريديات
يعني كي تجي الشهرية نخلص لكريدي مع المصروف تاع الدار و نسيي كيفش نخبي باش ندير السكنة
ارجوا المساعدة

[جوهرة الغرب.]

اظن ان كل الجزائريين يعانيو من هاذ المشكل
احنا عندنا مشكل الكريدي وبما اننا متزوجين حديثا رانا عادة نخلصو في كريدي نتاع العرس على هذاك ماتكفيناش الشهرية بالرغم من اننا مانكلوش بزاف مي كلشي غالي ...
عجبتني فكرة الاظرفة بزاف وان شاء الله نسييها
بالتوفيق