مشكلتي

[مشكلتي]

أنا شاب أعاني من الفراغ العاطفي تصوروا النوم ميجينيش في الليل خصوصا إذا درت في بالي فتاة نخطبها حاليا ضروفي المادية لا تسمح لي بالزواج علما أن طفولتي كانت تعبانة ومازالت أموري العائلية تعبانة حاولت ان أخرج من قوقعتي لكن لم أستطع هل أذهب لطبيب نفسي أي حصص علاج دون دواء أي أتلقى من الطبيب الدعم و التوجيه حتى أستعيد عافيتي حتى المجتمع الذي أعيش فيه سبحان الله قاسي و الأصدقاء ليس لديهم هم سوى التقرعيج إن كنت لا بأس بك تصبح عندك الكثير من الصداقات أما اذا كنت كما حالتي فلا أحد يسأل عني على فكرة أحد أصدقائي إقترح عني قريبته للزواج أكبر مني بسنة على حد قوله فتاة طيبة ووووو زاد طار عني النوم ههههه هم يضحك وهم يبكي بالنسبة للفتاة تحمست للفكرة لكن العين بصيرة و اليد قصيرة معنديش الي يوقف معايا بابا متوفي رحمه الله ويما قالتي منجيبلكش مرا تحصلني فيها :o أشيروا عني رايح نهبل عند ربي راهي فارية كما يقول واحد المخلوق :) أوجه نداء من الصفحة إلى الصفحة إلى المشرفين في قسم مشكلتي أن لا يغلقو موضوعي :o انا الآن ان شاء الله نروح للمقهى نشرب قهوة ونجي نلقى كتبتوا ردود وبعد أيام إن شاء الله نفرحكم نقلكم راني إرتحت أو خطبت يو يو يو :D

[maiar]

ربي يسهلك و يرزقك

و ان شاء الله تخبرنا في اقرب وقت

بانك ناب عليك ربي و سهل عليك و خطبت

[aissa2008]

السلام عليكم

ان شاء الله تلقا خدمة قبل ما تتزوج لانو الخدمة ضروري ولا شوف خدمة يومية تحكم بيها يدك حتان يفتح ربي

ما تنساش تعرضنا خويا

[ريحان الجزائر]

السلام عليكم و رحمة الله و بركاته
الله يسهل أخي و صلي وادعي ربي هو لي يفرج و يفتحها عل كل عبد دعاه و الزم الإستغفار لأنه يفرج الكرب و الهم و يجلب الرزق فداوم عليه واجعله مع كل تنفس و ربي يرزقك الزوجة الصالحة عاجل غير آجل و الوالدة تاعك لازم تعرف بلي يجي نهار و تتزوج و الزوجة راح تحطها في عينيها مالازمش تقول نحصل معاها ديرها مثل بنتها و إن شاء الله ربي ينزل رحمتة و ييسر و يفرج

[jonegoma]

اخي الكريم اولا عليك ان تجد عمل ولو بسيط مع اني اعلم ان سوق العمل صعب لكن فكر في اي مشروع بسيط جدااااااااااااااحتى تستطيع ان تعيش مرتاح عندما تتوفر فيك الشروط تكلم مع والدتك بطريقة ودية ووالدتك رايحا تفهم لان هذه سنة الحياة على فكرة امك راهي ممكن تعارض فكرة زواجك وهذا ممكن يرجع الى ان لاتعمل لاكن ان حاولت ايجاد عمل ولو بسيط سوف تحل المشكلة ان شاءالله في القريب العاجل اما الى الاصدقاء انا نقولك كثرة الاصحاب تبقى بلا صاحب اتمنى يكون المثل الشعبي وصل الفكرة نسيت شيء مهم حالتك النفسية على مايرام يعني لااداعي الى الطبيب النفسي والادوية التي تزيد من توترك فقط في حالتك وبتوفيق

[طيب القلب]

ربي يسهلك و يرزقك آميـــــن

[اية الرحمن1988]

السلام عليكم
أولا بالنسبة لاقتراحك أنك تروح لطبيب نفساني يا أخي أظنها فكرة غير جيدة
لأنو أي انسان تجيه فترة يحس بفراغ ووحدة جراء الضغوط اللي تواجهو في حياتو
حاول تشغل تفكيرك ومتحاولش تقنع نفسك أنك في مشكل باش متفشلش نفسيا
الوالدة نتاعك الله يحفظهالك عندها حق وقاتلك الصواب يا أخي
كيما تخاف على بنتها خافت على بنت الناس تجيبها وتحصل فيها
إذا شافتك تخدم وحتى ولو عمل مدخولو قليل اكيد راح تدعمك ميش راح تكون ضدك
أنت حبيت تكمل نصف دينك وربي يكملك على نيتك لكن
ممكن البنت اللي راح تخطبها راح تقبل ضرك لكن مباعد ممكن عائلتها تطلب مطالب انت متقدرش عليها
على هذا والدتك رفضت وخافت تحرجها فقط بررت لك موقفها لان نظرة المرأة تختلف كثيرا عن نظرة الرجل
انت تخمم تتزوج واخلاص وهي تخمم على المستقبل
حاول توجد روحك بشوي والزم الاستغفار ليلا نهارا
ربي يسهلك ويرزقك عمل شريف
بالتوفيق ومبروك مسبقا

[blackTears]

أخي
موضوعك عندو عدة جوانب لازم نت تخمم تحلها
الفراغ العاطفي ممكن ميتحلش بالزواج
و ممكن عندو حل آخر
العمر تاعك مناسب ولا لالا
و حاجة نأكدهالك بلي متحتاجش طبيب نفسي ( مجال دراستي ) لإنو الإحساس تاعك عادي و الخوف تاعك عادي و قلقك عادي بصح نت زدت شوي لأن ظروفك متسمحش
أنا ننصحك أخي تقسم (منيش حابة نقول مشكل و إنما احتياح ) إلى عدة نقط صغيرة و تدرسها جيدا باه يسهل عليك معالجتها .
إذا كانت ظروفك مازالت متسمحش بشوي برك أوجد عمل ثم امن المصاريف و ثم حوس على بنت الحلال ......... حتان نهار تلقى روحك وجدت كلش بإذن الله
وربي يسهلك إن شاء الله بصح أعرضنا

[asil333]

الله يسهلهالك انشاء الله و ربي يوفقك اخي

[مريم الصابرة]

السلام عليكم يا اخي مهما نقلولك من حلول الحل راه عندك ماراكش محتاج طبيب راهي فترة راك كاره لانو الخدمة ماكانش واحد ما راهش معاك وواقف بجنبك إنت لازم تحوس خدمة ولو بسيطة تملي الفراغ نتاعك وأول ما تلقى روح إخطب والوالدة نتاعك ما غلطتش لانو حتى لو الفتاة قبلت والديها يبداو يطلبو فالمطالب وتلقى روحك حصلت الحدمة هي الحل ولو بسيطة وربي يعينك ويفرج عليك خويا صلي بزاف وإدعي ربي ورانا ندعولك وكونك اكيد إنت شاب صالح وناوي الحلال واللي خلق ما يضيع يا اخي ونستناو تفرحنا إن شاء الله

[رجاء الرحمة]

طبيبك ومشفيك هو الله فاسأله الرزق الكريم والزوجة الصالحة واليد العليا أحب إلى الله من اليد السفلى
ردد هذا الدعاء بصدق وكلك ثقة بأن الله سيجيب دعوتك
اللهم اكفني بحلالك عن حرامك واغنني بفضلك عمن سواك
وأسأل الله لك الصلاح والرزق الطيب الحلال والزوجة الصالحة
آمين

[nassemette ahzan]

السلام عليكم هاد المشكلة كاين منها كتير لكن نقولك اخي انو عندنا رب كبير شوف خدمة حتى وقليلة المهم تكون بالحلال وبعدها شوف بنت الحلال لي تكون راضية بيك كزوج مش على جال خدمتك او ما شابه وكون متيقن انو ادا اتكلت على الله راح تنجح اتكل على الله حق الاتكال وفوض امرك اليه وادعي ربي يسهل كل امورك وما تنساش اخي هاد الارزاق كلها بيد الله هو المالك هو الواحد الاحد الصمد الذي تلتجأ اليه كل المخلوقات تحرى وقت السحر وادعو الله وابكي في سجودك وان شاء الله في اقرب وقت تبشرنا باللي لقيت خدمة وتبشرنا باللي لقيت زوجة صالحة

[الاستاذة المستقبلية]

السلام عليكم و رحمة الله تعالى و بركاته

يا اخي في هذه الدنيا لا يوجد امور تاتي ببساطة يعني عليك ان تتعب و تعمل و تجد من اجل ان تطور ظروفك المادية فلا يوجد انسان على وجه الارض حصل على المال من غير تعب كل الناس بدات من تحت الصفر و الان هم اصحاب مشاريع و الفضل يعود لله .....يعني قل دائما انه يوجد الصعب و لا يوجد المستحيل و كما يقول احد الفلاسفة* ان كنت موجود فانا استطيع *....في البداية ضع ثقتك بالله و انت تدعيه بان ييسر لك امرك و ادعي الله باصرار ان يفرج عنك همك ....ثانيا كن بارا بوالدتك و اكسب حبها لك لان بهذا الامر سوف يفتح لك المولى عزوجل ابواب لم تكن تنتظرها .....اما على الزواج فهو قسمة و نصيب و لن تاخذ الا ما كتبه الله لك ....و هذه الدنيا فانية و ما هي الا امتحان مصيري نسال الله ان يرزقنا الجنة اجمعين لانها هي الدار التي سنخلد فيها .....اعلم ان مولانا العظيم لا يحب الا الخير لنا فما عليك الا ان تتوكل على الله بالقول و العمل و تاكد ان سيرزقك ما تشاء...و لا تنسى ان تعش كما قال ابراهيم الفقي رحمه الله *عش كل لحظة كانها اخر لحظة بحياتك .عش بالايمان بالله تعالى . عش باتباعك للنبي صلى الله عليه و سلم . عش بالكفاح .عش بالفعل .عش بالحب * و اسال الله ان يوفقك و ييسر لك امرك