• هام جدا • شعبة تسيير وإقتصاد

[conviction]

السلام عليكم ، علابالي كاين أعضاء ذرك يدخلو الموضوع ، يقراو الأسطر الأوائل ويصوطيو ويفتشو في الموضوع كاشما كاين رابط فيه موضوع أو ملخص ينتافعو بيه ،، وكي ما يلقاوش ، hop أقفل الصفحة وشوف وحدا خلاف بالاكش ينوب ربي ونلقاو حاجة تصلح .. للأسف هكذا صارية الأمور ،، تلقى موضوع مثلا فيه ملف للتحميل ، تشوف شحال من مرة تم تحميل تلك الملف ( أكثر من 200 مرة ) يعني 200 شخص حملو هذاك الملف ، ومانيش راح نتكلم على الردود لي غالبيتها مايتعداوش 10 ردود ، راح نتكلم على حاجة خلاف ، لي هي من أصل أكثر من 200 شخص ، فقط تلقى 4 أو خمس أشخاص هم الذين يواصلون في وضع المواضيع مع ربط ملفات فيها ليستفيد الجميع منها ، والسيناريو يبقى يتكرر ، 4 عباد تحط المواضيع و 200 خلاف يحملوها ، وهكذا؛ ذرك السؤال : 200 شخص هاذوك ، يعني ما عندهم حتى شئ يقدموه للآخرين ؟؟؟ ما عندهمش مقالات ؟ ما عندهمش مواضيع ؟؟ دروس ؟؟ سلاسل ؟؟؟ والله كون ندريها ما عندهمش صح ، والله السماح ؛ لكن للأسف كامل عندهم ومع ذلك ما تجيهمش في بالهم ولا مرة أنهم يتكرمو بوضع مساهمة يستفاد منها الجميع ؛ شئ محزن فعلا ، عباد بدون قلوب ، يخمو غير في نجي ندي ( نأخذ ) ولا مرة يقول والله ذرك ندخل نحط ؛ كفاكم أنانية يا عباد ربي ، خممو شوية في الغير ، ما تخسرو والو كي تسكانيو وتشاركونا بعض مواضيعكم ( لاشتا تصوروهم بالهاتف ) رايحا تاخذ 5 دقائق من عماركم ورايحين تفيدو بيها الآلاف ذرك ومن بعد ...
ما زال ثلاث أشهر للموعد ، إما نفيدو بعضنا البعض بالشي لي كتبو ربي ، وإلا كل واحد يضرب من ڨرنو ويطيّر تفتوفة ما يستفادش منها .. كِما تحبو

[conviction]

والبرهان الكبير ، تلقى موضوع عنوانه : أرجوكم مساعدة ( يشاهدوه فقط 20 شخص ) ، وموضوع آخر عنوانه ( أسرعو ، ملخص رائع في الإقتصاد ) في عشوة يدخلولو 200 شخص

[عش حلمك]

كاينة منها

هيا جماعة تسيير واقتصاد وين راكم

شحال نمادة كاينة 11 يك

خلاص نحتاجو 11 عضو برك كل عضو يختار مادة ويسكاني دروسها ويحطها في هاذ لموضوع لي يكون خاص بطلاب تسيير واقتصاد برك

والله غير ماراكم خاسرين والو
بلعكس 10 دقاي مثلا كل يوم والو مافيها بصح
هاذي راهي عند ربي توزن ماتوزن

ياجماعة النية لوجه ربي
وللناس مساكن لي محتاجين دروسكم

وربي يباركلكم ان شاء الله

هيا 11 نعضو وين راكم

شكون يكون المتطوع الاول
.
.
.
.
.
.
.
.
.
.
.
.
.
.
.
.
.
.

هيا النية ولقدام

[عش حلمك]

انا راني مانقدرش نكون ضمن الاعضاء ل 11 هاذو
لاني علمية

[conviction]

آهلا وسهلا يا عش حلمك ، كيف حالك ؟

عموما بارك الله فيك على التدخل تاعك ،
لي يزيد يأكد لي الفكرة لي هدرتلك عليها المرة لي فاتت المتعلقة بالشخصية :19: ،
الله غالب راني مكونيكتي بميكرو ما فيهش سكآآايب تالي أني دخلت باش نمنشرو شوية ههه :1:

ربي يخليك يا دكتورة

[عش حلمك]

هههههههههههههههه

انا مليحة السوال عليك نتايا هاذي غيبة ياسيدي

يك راك مليح

واش تمنشر هذا انا خاطيني التمنشير هههههههه

ويخليك يا ل entraineur

[عش حلمك]

ولا نقولك مكانش س ك ا ي ب مكانش خلي نمشروا هنا هههههه

ايا نبدا نهدر على اعضاء تسيير واقتصاد

ماتقلقش روحك

راه كل عضو اشطر من خوه راك عارف راهم اعضاء لجلفة ماشي اي اعضاء

دونك رايحين نلقاو هاذ ل 11 وفي اسرع وقت

ان ششاء الله

[conviction]

شفتي كيفاه ، راكي دورتيها تمنشير هههه ،

أنا الأيام هاذو راني شوية ما كان ماكان ، أجد صعوبات في الحفظ ، التركيز ناقص ، الإرادة تجي وتروح ، ومع ذلك نقولو الحمد لله ، رانا نثابرو باش نحققو الأهداف ، إن شاء الله ربي يثبتنا في الطريق السليم هاذا ما نطلبو

نرجع للموضوع ، صدقيني ، كي تقراي الموضوع ، تعتقدي أنني محتاج لمواضيع أوملخصات... ، وأنا الحمد لله ، ما خاصني والو ، كاين ناس كثر خيرهم وفرولي كل المتطلبات ، كتبت هذا الموضوع فقط لأني أعلم أنه هناك أشخاص بحاجة لمواضيع ودروس ، لأنني كنت كيفهم وأشعر بالشي لي راهم فيه ( تكون حاب تحل تمارين في المحاسبة مثلا ، بصح ما تلقاش تمرين في الوحدة لي رآك فيها وتولي تفتش وما تلقاش للأسف ) في حين كاين أعضاء يملكون هاذ التمارين وكان بإمكانهم مشاركتنا بهم ، ولكن لا يفضلو يحكموهم لأنفسهم ، لذلك كتبت هذا الموضوع ، لاعلى وعسى تنفتح الأبصار والقلوب لفعل الخير

[عش حلمك]

........................

[conviction]

عجبتني هاذي تاع الإرادة تجي بلا جدها ههههه :1: والله فور

أسمعي كيفاه هاذا تحذفي الرد ، معناتها كي شغل نهدر وحدي ، الأعضاء من بعد يقولو هذا مهبول جديد ههه :D ، القراية هبلتو :1:

عموما شكرا على التدخل والمساعدة في التمنشير ، عاونتيني بزاف ^^

آيا نطفي الميكرو برك ،، خونا EducDzInfo (http://www.djelfa.info/vb/member.php?u=360129) أو حطلنا virus في إحدى ملفاته ، هلكلي الميكرو في دقيقة


نخليك على خير ، إتهلاي في نفسك

[عش حلمك]

هههههههه او علبالي فور ههههه

ششكون قدك تهبلك لقراية ههههه

ماتقوليش الموضوع تع الاقراص ا ماشي الاقراص تع لهبال ههه
تع الفلسفة والادب ..

حتى انا خارجة
ايا تهلا في روحك وفرصة اخررى كي تثيليشارجي الس ك ا ي ب ولا ماكش ناوي عليه

[conviction]

هههههههه او علبالي فور ههههه

ساهلة انت تاني احذف ماكان حتى مشكل

ششكون قدك تهبلك لقراية ههههه

ماتقوليش الموضوع تع الاقراص ا ماشي الاقراص تع لهبال ههه
تع الفلسفة والادب ..

حتى انا خارجة
ايا تهلا في روحك وفرصة اخررى كي تثيليشارجي الس ك ا ي ب ولا ماكش ناوي عليه


هذاك هو ، الموضوع تاع الآقراص ،virus دربة دربة ههه :D

ياو ماشي غير فور ، فور بالبزاف :1:
بربي إن شاء الله ،السكاااايب عن قريب :19:

دمتي في رعاية الله وحفظه:mh31:

[hadil 26]

lghachi tah yahki fi keset hyatou hna.. mdr

[خذيري سفيان 2012]

شباب انا راني خدمت حروز نتاع قانون لي
يحب يديها من عندي يراسلني في ال*****
نتاعي راني موجود كل مساء
هذا ال***** soufiane3961
والى يحتاج اي شي راني هنا

[عش حلمك]

[QUOTE=conviction;9039047]هذاك هو ، الموضوع تاع الآقراص ،virus دربة دربة ههه :D

ياو ماشي غير فور ، فور بالبزاف :1:
بربي إن شاء الله ،السكاااايب عن قريب :19:

دمتي في رعاية الله وحفظه:mh31:[/QUOTE


واش هذا زعمة درت اقتباس باش مايقولوش هذا مهبول يهدرر وحدوا هههه

راني حدفت التفلسيف برك ههههه

ايه ان شاء الله

[عش حلمك]

lghachi tah yahki fi keset hyatou hna.. Mdr


علاه قلقناك

هيا تقدري تقولينا واش عرفتي من حياتنا بما انو حنا قدمنا الدرس هنا على المباشر
وعادت حياتنا كتاب مفتوح لي يجي يقراه

هيا اتفضلي ماكان حتى مشكل :19:

وكاش اسئلة ولا مافهمتيش حاجة تاني تقدري تسالي

[عش حلمك]

شباب انا راني خدمت حروز نتاع قانون لي
يحب يديها من عندي يراسلني في ال*****
نتاعي راني موجود كل مساء
هذا ال***** soufiane3961
والى يحتاج اي شي راني هنا

تخوف هاذي تع لحروز هه
نضحك برك

بارك الله فيك وجعله الله في ميزان حسناتك

وظهر المتطوع الاول

[jiji26]

شباب انا راني خدمت حروز نتاع قانون لي
يحب يديها من عندي يراسلني في ال*****
نتاعي راني موجود كل مساء
هذا ال***** soufiane3961
والى يحتاج اي شي راني هنا

والله غير راك موجد روحك
ايا ابعثنا ولا حطهم هنا في المنتدى واللي يجي يدي
وهكا تكون صدقة جارية :1:

[jiji26]

بالنسبة ل conviction
ماتلومناش يا اخي بالك واحد ماعندوش الوقت بالك ماعندوش باش يصورهم ويحطهم
وزيد انت تحسب اي واحد يدخل للموضوع يكون مسجل في المنتدى
طبعا لاااااااااا
انا في العادة لما نبحث على موضوع نكتب على واش نبحث في غوغل حتى نلقى روحي في منتدى الجلفة
واللي يكتب ساعدوني او استفسار كيما كتبت انا وردو عليا غير انت و سفيان نورماااااااااااااااااال
شكرا وربي يوفقك

[conviction]

شباب انا راني خدمت حروز نتاع قانون لي
يحب يديها من عندي يراسلني في ال*****
نتاعي راني موجود كل مساء
هذا ال***** soufiane3961
والى يحتاج اي شي راني هنا


أو نعرفك فحل يا سفيان ، نستعرف بيك

بصح نقولهالك صراحة ،، ما نقدرش نستعملهم في الباك ،، لاكان الأستاذ ما شافكش ، ربي سبحانو راه يشوف كل شئ ... مالا علاه ندي ذنوب على جال مادة قانون ، معامل زوج ،، نحفظ ملخص وندي 10 سالك

بارك الله فيك

[conviction]

[q


واش هذا زعمة درت اقتباس باش مايقولوش هذا مهبول يهدرر وحدوا هههه

راني حدفت التفلسيف برك ههههه

ايه ان شاء الله


فاقتلي ، وأنا زعمة درت إقتباس سون سمير ههههه

علابالك ، لازم كي نعودو نمنشرو هنا في المنتدى ، لازم ديما نبداو أو نكملو النص تاعنا بجملة على الدراسة ؛؛

مثال ^^: كاشما حفظتي إجتماعيات وإلا علوم شرعية ؟؟؟

[conviction]

بالنسبة ل conviction
ماتلومناش يا اخي بالك واحد ماعندوش الوقت بالك ماعندوش باش يصورهم ويحطهم
وزيد انت تحسب اي واحد يدخل للموضوع يكون مسجل في المنتدى
طبعا لاااااااااا
انا في العادة لما نبحث على موضوع نكتب على واش نبحث في غوغل حتى نلقى روحي في منتدى الجلفة
واللي يكتب ساعدوني او استفسار كيما كتبت انا وردو عليا غير انت و سفيان نورماااااااااااااااااال
شكرا وربي يوفقك


آهلا أختي jiji

علابالي يا أختي بلي ما كانش الوقت ، بصح صدقيني ، راني شايف مجموعة كبيرة ،، عندها عضويات لهنا ،، منين ندخل للسكايييب نلقاهم ، فايسببببوك كيف ، وفي المنتدى يجيو يديو كاشما يلقاو جديد ويروحو ،، حنا ما قلناش ما تديوش ، قلنا فقط عاونو بالشي لي كتبو ربي ،، هذا ما كان

قادر كون نولي نصمط ، ندير مواضيع فيه ملفات من المقطوعين ونولي ندير : إجباري وضع رد لرؤية الرابط ،، وتشوفي بعينك شحال من عضو عندهم عضويات يجيو غير باش يديو

[عش حلمك]

هههههههههه

او لازم نفيقلك كيفاه هذا هه

هيا ابدا منشر وانا نعاونك ههه

درك انا راني نحل في تمارين الفيزياء وانت كيفاه

واش احوال الفيروسات لي عندك هه

[عش حلمك]

أو نعرفك فحل يا سفيان ، نستعرف بيك

بصح نقولهالك صراحة ،، ما نقدرش نستعملهم في الباك ،، لاكان الأستاذ ما شافكش ، ربي سبحانو راه يشوف كل شئ ... مالا علاه ندي ذنوب على جال مادة قانون ، معامل زوج ،، نحفظ ملخص وندي 10 سالك

بارك الله فيك

الله يبارك عندك حق

بصح ماشي محتمة عليهم يستعملوهم في الباك
لانو كاين لي ماعندهمش دروس خلاص تتحتم عليه هاذ لحروز ماشي باه يستعملهم في الباك
باش يطبع الشئ لي فيه ويحفظ

ولا راني غالطة

[jiji26]

آهلا أختي jiji

علابالي يا أختي بلي ما كانش الوقت ، بصح صدقيني ، راني شايف مجموعة كبيرة ،، عندها عضويات لهنا ،، منين ندخل للسكايييب نلقاهم ، فايسببببوك كيف ، وفي المنتدى يجيو يديو كاشما يلقاو جديد ويروحو ،، حنا ما قلناش ما تديوش ، قلنا فقط عاونو بالشي لي كتبو ربي ،، هذا ما كان

قادر كون نولي نصمط ، ندير مواضيع فيه ملفات من المقطوعين ونولي ندير : إجباري وضع رد لرؤية الرابط ،، وتشوفي بعينك شحال من عضو عندهم عضويات يجيو غير باش يديو


ايه عندك الحق
بصح انا كون نقدر نساعد والله غير نساعد
بصح الله عالب
وعجبتني تع اجباري وضع الردود :1: تخرج علينا كامل