الصوامعية وام راضية في منتدي مصري

[ام راضية]

الســــــــلام عليكـــــــــم جميعـــــــــا

هناك اخت اخدت وصفة اختي الصوامعية مع صور تطبيقي لهده الوصفة ووضعتهم في منتدي مصري
ما رايكم


اليوم جبتلكم بسبوسة هايلة طريقة جديدة تطيب فالمقلة مقديرها بسيطة وتنخدم بسرعة والذوق نتاعها حاجة فوووور منطولش عليكم بزاف نخليكم مع المقادير ، طريقة التحضير والصور.


المقاديـــــــــــر :


4 حبات بيض
2 مغارف كبار سكر
2 مغارف كبار زيت
5 مغارف كبار حليب
2 مغارف كبار فرينة
8 مغارف كبار سميد رطب
1 خمارة كميائية - فاني - مبشور الليمون


التحضيـــــــــــــر:


في صحن عريض نحط البيض + سكر + زيت + حليب + فاني + مبشور الليمون نخلط الكل مع بعض ثم نضيف فرينة (دقيق )مع خمارة كميائية والسميد رطب ندهن مقلة بالزيت نفرغ الخليط فيها نغطيها بغطيوة ثقيلة نتاع كوكوت(الحلة) ونحطها على نار قليلة بزاف ونخليها حوالى 20 دقيقة كي تنشف نعاودو ندهنو المقلة ونحمروها من الجهة الثانية كي تحمار نطفو النار ونقطعوها الشكل لنحبوه ثم نشربوها بعسيلة دافئة أما الديكور كل واحد واش يحب إليكم الصور .

http://im20.gulfup.com/2012-02-15/1329323392791.jpg

http://im20.gulfup.com/2012-02-15/1329323392592.jpg

http://im20.gulfup.com/2012-02-15/1329323393643.jpg

http://im20.gulfup.com/2012-02-15/1329323394234.jpg
بالهنا و الشفا

ان شاءالله تعجبكم http://files.fatakat.com/bigsmilies/mood0.gif

ادعولي


منقووووووووول

[remadna]

المهم تعم الفائدة
لقد كتبت منقول

[ميرثا]

انا كذلك يظهرلي عادي مدام كتبت منقول ولم تسرق حقوق البث :p

[الصوامعية]

هنيئا لكي ولي عزيزتي ام راضية أصبحنا مشهورتين في مصر بالنسبة للصور نتاوعي للبسبوسة راني كاتبة أسمي على هذا مبغاتش تديهم عجبوها الصور نتاوعك مفيهمش الإسم هذا درس اختي باه أي صورة تحطيها تكتبي فيها .
وحد المرة ثاني صبت 2 من مواضيعي حلوة الغربال وقاطو بالفلان على شكل عرايش في بعض المنتديات وبعض العضوات من منتدانا في الجلفة مشتاركين في هذاك المنتدى وبنفس الإسم يشكرو فيها وكأنها هي صاحبة الوصفة الحقيقية .
معليش اختي ام راضية راهي كتبت منقول لتعم الفائدة و ندو معاها الأجر أنا بالوصفة و أنت بالصور ههههههه

[ام راضية]

المهم تعم الفائدة
لقد كتبت منقول
هده انت با رماندة
صراحة انا حبيت تنقل وصفة اختي الصوامعية بكل محتوياتها لان الوصفة وصفتها وهي من علمتنا هده الطريقة
والفائدة عمت يا رماندة ووصلت القاهرة

[ام راضية]

انا كذلك يظهرلي عادي مدام كتبت منقول ولم تسرق حقوق البث :p
انا نقلت من هدا المنتدي وصفتين وطلبت من الاخوات يدعين لصاحبة الوصفة لانه مجهودها
لم انكر انها قالت منقول لكن يا حبدا لو نقلت موضوع اختي الصوامعية بحدافيره هدا راي يحتمل الخطا ويحتمل الصواب

[ام راضية]

هنيئا لكي ولي عزيزتي ام راضية أصبحنا مشهورتين في مصر بالنسبة للصور نتاوعي للبسبوسة راني كاتبة أسمي على هذا مبغاتش تديهم عجبوها الصور نتاوعك مفيهمش الإسم هذا درس اختي باه أي صورة تحطيها تكتبي فيها .
وحد المرة ثاني صبت 2 من مواضيعي حلوة الغربال وقاطو بالفلان على شكل عرايش في بعض المنتديات وبعض العضوات من منتدانا في الجلفة مشتاركين في هذاك المنتدى وبنفس الإسم يشكرو فيها وكأنها هي صاحبة الوصفة الحقيقية .
معليش اختي ام راضية راهي كتبت منقول لتعم الفائدة و ندو معاها الأجر أنا بالوصفة و أنت
بالصور ههههههه
تحياتي الحارة لك اختي الصوامعية
اتمن ان لا ةتغضب اختي رمادنه
وبيني وبينك يا اختي راني هدا وين تعلمت تحميل الصور اما الكتابة عليها يحبلي وقت طويل

[remadna]

هده انت با رماندة
صراحة انا حبيت تنقل وصفة اختي الصوامعية بكل محتوياتها لان الوصفة وصفتها وهي من علمتنا هده الطريقة
والفائدة عمت يا رماندة ووصلت القاهرة

صح عندك الحق
خافت من صاحبة الوصفة تعرف ، لكنها كشفت من عند اخت (انت) صاحبة الوصفة

[الصوامعية]

صح عندك الحق
خافت من صاحبة الوصفة تعرف ، لكنها كشفت من عند اخت (انت) صاحبة الوصفة

عزيزتي remadna أنا نقولك علاش محبتش تدي الصور نتاوعي انا راني كاتبة فيهم أسمي و منتدى الجلفة مبغاتش تكشف روحها من أي منتدى راهي تدي فالوصفات باه منين ذاك تخلعهم بحاجة شابة ههههههه


http://im30.gulfup.com/2012-02-29/1330542199521.jpg (http://www.gulfup.com/show/Xy0g3kegjppcu)

[نسيبة 2009]

هذا شرف لينا ولمنتدانا انا وصفاتي راهى دور في كل بلاصهههههههههههه

[الصوامعية]

تحياتي الحارة لك اختي الصوامعية
اتمن ان لا ةتغضب اختي رمادنه
وبيني وبينك يا اختي راني هدا وين تعلمت تحميل الصور اما الكتابة عليها يحبلي وقت طويل

تحية متبادلة عزيزتي ام راضية
انا أيضا مكنتش نعرف نكتب فالصور كنت نحط مواضيعي بدون إسم حتى كي شفتهم سرقولي مواضيعي ثم قلت لازم نتعلم نكتب فيهم إن شاء الله عزيزتي الموضوع الجاي نتاعك نشفوه بالإسم ونباركولك

[جيجلية]

عادي مادام كاتبة منقول

[ام خديجة1]

واش نقولكم حبيباتي انا من نفسي والله يغيضني الحال واحد يتعب باش يجيب حاجة شابة والاخر يديها بالساجية وهناك وصفات كثيرة لاخوات وجدتها بمنتديات اخرى والمشكل كون حتى جات مثل هذه الاخت المصرية حطت منقول ولكن حبذا لونقلت الصفحة الاصلية بالتسمية نتاع اختي الصوامعية
والله حتى الاجر لتاخدو على هذا الشيئ رجعو يبخلونا فيه
واش نقولكم حسبنا الله ونعم الوكيل واجركما عند الله عزوجل

[سيرينا لبنينا]

اما انا بالنسبة ليا هذا فخر لكم لانكم تعلمتو شيء وعلمتوه لغيركم


خيركم من تعلم وعلم


اما كتابة الاسم راه خدمة وتحميل الصور خدمة اكثر منها.

[ام راضية]

ومن غشنا فليس منا كدلك اختي سيرينا
رغم انها اخدت صور تطبيقي لكن انا شخصيا لا احبد هده الطريقة
اعطي لكل دي حق حقه

[سمراء الدنيا]

كل صاحب حق لازم يدي حقه على راي ام راضيا

[لبنى 16]

السلام عليكم أختي الكريمة أنصحك بالرد عليها في دلك المنتدى و فضحها عما فعلت الجزاء من جنس العمل

[ام راضية]

السلام عليكم أختي الكريمة أنصحك بالرد عليها في دلك المنتدى و فضحها عما فعلت الجزاء من جنس العمل
لكن الله امرنا بالستر
انا طرحت موضوع لكي انبه الاخوات فقط
مشكورة

[ام راضية]

كل صاحب حق لازم يدي حقه على راي ام راضيا
شكرا لك وهدا ما قصدته اختي سمراء http://files.mothhelah.com/img/SZI95460.gif

[لبنى 16]

اذن كان بامكانك نصحها بطريقة لبقة و انتهى وعلى ما أظن العضوات الكريمات متفطنات لهذا الأمر.

[sobhanek]

بصح راهي كاتبة منقول

[** موحدة 02 **]

السلام عليكم
مادام اخذتهم معناتها راهي مسجلة في المنتدى و راهي بيناتنا تاني و بش تردي عليها لازم مسجلي في منتداها تاني
انا صراحة من قبل ماكنتش نتقبل فكرة انو وحدة تسجل في كل منتدى و تحط نفس الوصفة بكل محتوياتها في منتدى اخر لكن راهي هاذي المشاركات دعم للمنتديات و زيادة في شعبيتها و لازم نعرفو وش ندعموا مش نديروا كوبي كولي partout
مدابينا ندعمو المنتديات الاسلامية
فولي حسبي الله و نعم الوكيل و ماتزيديش تديري تصاور بلا اسمك و خاصة اسم المنتدى

[ام سامي15]

انا شخصيا صرتلي نفس الحادثة في هاذ المنتدى

احدى العضوات


نقلت وصفتي دون ذكر الاسم



و الكل هنا يشكرها و يدعوا لها


و ابني سامي هو لي كان مشترك هنا و اخبرني و قال لي امي انظري وصفتك


و لكنني لم اقرأ كلمة منقول


سجلت بأم سامي و كتبت لها رد

لبق و غير مغضب

خلاها لوحدها عدلت و كتبت منقول


و من يومها تعلمت الفتوشوب و تعلمت الكتابة فوق صوري



لأنني لاأقبل مجهودي تأخذه أخرى بكل بساطة نسخ و لصق


شكرا على طرح الموضوع و قد أحسست بما تحسين


تعلمي كيف تكتبين على الصورة او اعلمك انا


تشجعي حتى انك ممكن في يوم ما تصنعي مدونتك الخاصة و تكتبي عليها اسمك

[ام راضية]

http://i68.servimg.com/u/f68/14/68/31/37/666_bm11.jpg
تحية اختي ام سامي اتمن ان تساعديني كيف اكتب اسمي لانني حاولت ولم اوفق

[remadna]

افتحي الصورة ببرنامج الرسم اولا
ثانيا: يوجد حرف a اضغطي عليه و ارسمي في الصورة مربع اكتبي في داخله اسمك
بالتوفيق

[ام سامي15]

شككرا اختي


انا أكتب ببرنامج الفوتوشوب


هل عندك فوق الجهاز؟؟؟؟؟؟؟؟؟

[ام راضية]

افتحي الصورة ببرنامج الرسم اولا
ثانيا: يوجد حرف a اضغطي عليه و ارسمي في الصورة مربع اكتبي في داخله اسمك
بالتوفيق
http://im23.gulfup.com/2012-03-03/1330808183741.jpg
شكرا رماندة

[ام راضية]

شككرا اختي


انا أكتب ببرنامج الفوتوشوب


هل عندك فوق الجهاز؟؟؟؟؟؟؟؟؟
لقد استعملت طريقة رماندة لكن الاسم صغير

[ام سامي15]

الف الف مبروك


فرحت مين شفت اسمك فوق الصورة

[mama kika]

بارك الله فيك

[الصوامعية]

تحية متبادلة عزيزتي ام راضية
انا أيضا مكنتش نعرف نكتب فالصور كنت نحط مواضيعي بدون إسم حتى كي شفتهم سرقولي مواضيعي ثم قلت لازم نتعلم نكتب فيهم إن شاء الله عزيزتي الموضوع الجاي نتاعك نشفوه بالإسم ونباركولك

أهلا عزيزتي ام راضية راني وفيت بوعدي ودخلت نباركلك كي شفت إسمك مكتوب على الصورة فرحت بزاف تهانيا الخالصة عزيزتي هك ميزدوش يسرقولك الصور نتاوعك .
كاش نهار إلى تلاقيتي مع وصفة من وصفاتي تدور وتسركل في كاش منتدى خبريني ههههههههه مرة أخرى شكرا لثقتك بيا وبوصفاتي

[إيمان احمد]

سلام اخواتي انتوما وعلاش يغيضكم الحال و انتوما وعلاش حطيتو الوصفة باش البنات يتعلمو
صح
ادن كي تلقاي كاش وحدة طبقت الوصفة انتاعك تقولي وعلاش
غريب ختي وعلاش حطيتيها ادن
انا عن نفسي نفرح كي الناس يطبقو وصفاتي
و انا ام كوثر تعرفيني انا في منتدى نسائي معروفة باسم imen ahmad

;و اسمحيلي ادا ادخلت فيكم
اما ادا تمت سرقت مواضيعمك هدا شيئ اخر انا دائما نكتب اسمي

[ام راضية]

سلام اخواتي انتوما وعلاش يغيضكم الحال و انتوما وعلاش حطيتو الوصفة باش البنات يتعلمو
صح
ادن كي تلقاي كاش وحدة طبقت الوصفة انتاعك تقولي وعلاش
غريب ختي وعلاش حطيتيها ادن
انا عن نفسي نفرح كي الناس يطبقو وصفاتي
و انا ام كوثر تعرفيني انا في منتدى نسائي معروفة باسم imen ahmad

;و اسمحيلي ادا ادخلت فيكم
اما ادا تمت سرقت مواضيعمك هدا شيئ اخر انا دائما نكتب اسمي


اختي انت ما راكيش فاهمة الموضوع
الاخت اخدت وصفة اختي الصوامعية مع تطبيقي انا للوصفة
انا ما عجبنيش الحال يسمي اخدت مجهود صاحبة الوصفة الاصلية
النقل فيه غش

[بشرى2008]

ممكن أخذت الوصفة دون قصد لكن ادا قالت شوفو تطبيقى عندك الحق كي تزعفي