شروط الزواج في قسنطينة

[z.abdo]

السلام عليكم أخوتي أريد معرفة المهر والعادات والشروط للذي يتزوج من قسنطينة واللي يحكي بالتفصيل فذالك أحسن
وهل كذالك هناك شرط الذهب + المهر وكم قيمة الذهب نقدا
وبارك الله فيكم

[فتـ حييةـاة]

خسارة مانقدرش نعاونك اخي عبدو راني بعييييييييييييييييدة على قسنطينة بالتوفيق اخي ونهار ينكتب المكتوب فرحنا

[z.abdo]

خسارة مانقدرش نعاونك اخي عبدو راني بعييييييييييييييييدة على قسنطينة بالتوفيق اخي ونهار ينكتب المكتوب فرحنا

بارك الله فيك اختي امال وكانك ساعدتيني

[hasse.n]

السلام عليكم ...
قسمطينة ..اشواق لاتنتهى ..قسنطينة بلاد الدين والعلماء ..الزين والحشمة ..
يكون الزواج فى قسنطينة كالاتى

اولا ..نصحك تتجنب مايسمى بالشوفة ..تمر مباشرة الى الخطوبة
وهى تتم كالتالى ..خاتم من دهب يتراوح مابين 15000 دج الى 20000 دج ..+كعكة متوسطة الحجم +ما يسمى بالقشقشة وهى عبارة عن تمر وحلوى وفول سودانى موضبة فى علبة +باقة ورد طبيعى او بلاستيكى لايهم

تتم العملية بحضور اهل الزوج بموعد مسبق من اهل الفتاة ..يستطيع ..العريس الحضور او الامتناع عن الحضور ..عندما تلبس الفتاة القسنطينية خاتم الخطوبة ..تزغرد النسوة ..تم تتم جلسة خاصة باولياء العريس مع اولياء العروس ويفضل حضور ناس من الكبار
لتتم عملية تحديد المهر ..يتراوح المهر فى ولاية قسنطينة مابين 10 ملايين الى 18 مليون ..انت وما استطعت .

بعدها تمر مباشرة الى تحديد يوم للعقد المدنى وقراءة الفاتحة ..

[z.abdo]

السلام عليكم ...
قسمطينة ..اشواق لاتنتهى ..قسنطينة بلاد الدين والعلماء ..الزين والحشمة ..
يكون الزواج فى قسنطينة كالاتى

اولا ..نصحك تتجنب مايسمى بالشوفة ..تمر مباشرة الى الخطوبة
وهى تتم كالتالى ..خاتم من دهب يتراوح مابين 15000 دج الى 20000 دج ..+كعكة متوسطة الحجم +ما يسمى بالقشقشة وهى عبارة عن تمر وحلوى وفول سودانى موضبة فى علبة +باقة ورد طبيعى او بلاستيكى لايهم

تتم العملية بحضور اهل الزوج بموعد مسبق من اهل الفتاة ..يستطيع ..العريس الحضور او الامتناع عن الحضور ..عندما تلبس الفتاة القسنطينية خاتم الخطوبة ..تزغرد النسوة ..تم تتم جلسة خاصة باولياء العريس مع اولياء العروس ويفضل حضور ناس من الكبار
لتتم عملية تحديد المهر ..يتراوح المهر فى ولاية قسنطينة مابين 10 ملايين الى 18 مليون ..انت وما استطعت .

بعدها تمر مباشرة الى تحديد يوم للعقد المدنى وقراءة الفاتحة ..



لكن علاش قتلي انصحك ما نشوفش الطفلة ونمر للخطوبة مباشرة
وكذالك هل انت من قسنطينة

[hydraulique51]

الله واعلم اخي ربي يوفقك ان شاء الله

[z.abdo]

الله واعلم اخي ربي يوفقك ان شاء الله

بارك الله فيك

[hasse.n]

لكن علاش قتلي انصحك ما نشوفش الطفلة ونمر للخطوبة مباشرة
وكذالك هل انت من قسنطينة

لان الشوفة ..تخسر نفس الاشياء ..تاع الخطوبة ..لهدا من الاحسن

ادا كنت انت ..شايف الطفلة ومقتنع بيها ..تقدم مباشرة الى الخطبة

يكون المهر كما قلت لك من 10 الى 18 مليون ..فيه تمن الدهب والصوف وكل شئ .

عند العقد المدنى ..تقدم الى اهل الفتاة ..حوالى 5 كيلوا من لحم الخروف + 5000 دج لان العشاء تاع العقد المدنى بالنسبة لاهل الفتاة تكون المصاريف الخاصة به على نفقة العريس ...

[z.abdo]

أخي hasse.n هل يوجد شرط نتاع الدهب أو لا - يعني غير المهر فقط ؟؟؟ وبارك الله فيك أخي

[hasse.n]

أخي hasse.n هل يوجد شرط نتاع الدهب أو لا - يعني غير المهر فقط ؟؟؟ وبارك الله فيك أخي
يكون المهر كما قلت لك من 10 الى 18 مليون ..فيه تمن الدهب والصوف وكل شئ .

عند العقد المدنى ..تقدم الى اهل الفتاة ..حوالى 5 كيلوا من لحم الخروف + 5000 دج لان العشاء تاع العقد المدنى بالنسبة لاهل الفتاة تكون المصاريف الخاصة به على نفقة العريس ...

[z.abdo]

بارك الله فيك أخي hasse.n
لكن كي تحب تشوف البنت النظرة الشرعية مش لازم تدي الأهل ؟؟ وانت قلت نفش الشروط الاولى يعني كعكة +....... لكن أظن بدون خاتم

[z.abdo]

هل من مشارك آخر يحب يظبف اي شيء بارك الله فيكم أي إظافة تعني لي الكثير

[hasse.n]

بارك الله فيك أخي hasse.n
لكن كي تحب تشوف البنت النظرة الشرعية مش لازم تدي الأهل ؟؟ وانت قلت نفش الشروط الاولى يعني كعكة +....... لكن أظن بدون خاتم

هدا وين فهمتك ..يعنى انت اصلا ..مزال مشفتش الطفلة نهائيا

فى هده الحالة ..فى قسنطينة ..كل عائلة ..واش تشوف ..كاين ..

لعندوا تحفض ..من دول الخاطب بدون عائلة للرؤية الشرعية

وكاين ..عادي ..وهى من الاحسن تحضر معك امك او اختك

حاجة كيمة هاك ...باش حتى هومة يسقسوا على راي الطفلة

[hasse.n]

فى العادات القسنطينية

فى ما يسمى الشوفة ياتى العريس المنشود مع اهله ..تدخل العروسة

المنشودة تحط ..القهوة وتلقى السلام ..تم تدهب فقط .

ادا كان القبول من العريس واهله ..يقومون بشرب القهوة ..

ادا لم يكن القبول من العريس واهله ..لا يرفعون فناجين القهوة

هادوا حوايج باش يفهموا ..الرد بدون احراج ...

[z.abdo]

بارك الله فيك أخي حسان على التوظيح
نعم أنا لم أرى البنت واريد أن اراها لكن لدي تخوف من أهلها لو أذهب لوحدي يعني بدون والديا أو أخي الأكبر

[hasse.n]

بارك الله فيك أخي حسان على التوظيح
نعم أنا لم أرى البنت واريد أن اراها لكن لدي تخوف من أهلها لو أذهب لوحدي يعني بدون والديا أو أخي الأكبر

كيمة خبرتك ..كاين عائلات عندهم تحفض ..على دخولك لوحدك

للرؤية ..تاع ابنتهم ..المهم من الاحسن ..تزيد تستشير الفتاة وهى

تعطيك الخبر اليقين بخصوص ..موقف عائلتها ..وصدقنى لو رفض

اهلها ..دخولك للرؤية وحيدا ..ارجو منك ان تتمسك اكتر بهده العائلة

وبهدا النسب ..المهم وما تنساش تدي معاك علبة من الحلوى فقط .

[z.abdo]

بارك الله فيك اخي إذا لن أحاول الدخول لوحدي أصلا هههههه

[hasse.n]

بارك الله فيك اخي إذا لن أحاول الدخول لوحدي أصلا هههههه

يا خويا ..وادا راك مقطوع من شجرة ...ارواح عندى ..نروح معاك

انا والمدام ..تاعى ..متقلقش روحك ..نحسبلك غير حق ليسونس تاع

الطوموبيل ههههه.

[z.abdo]

والله بارك الفيك خويا كلمة كيما هاذي راك شجعتني فقط متخوف لأني بطال يعني ممكن ما يخلونيش نشوف أصلا وأخبرك أني مهندس تخرجت من جامعه قسنطينة سنه 2007

[hasse.n]

والله بارك الفيك خويا كلمة كيما هاذي راك شجعتني فقط متخوف لأني بطال يعني ممكن ما يخلونيش نشوف أصلا وأخبرك أني مهندس تخرجت من جامعه قسنطينة سنه 2007

الاخ الكريم ..عندما تكون فى حضرة ..قسنطينة ..راك فى وسط الرجال من حبابك ..يعنى المطلوب منك تكون راجل برك ..ميهمش
خدام والا مش خدام ..راك قاري وهدا المهم ..والخدمة جايا جايا ..
رانى قلتلك قسنطينة بلاد الدين والعلماء ..والدين الطفلة يفرحوا بيك
اكتر كتكون قاري ..احسن من خدام ..
يتميز اهل قسنطينة ..بفكر عالى ..جدا ..

[z.abdo]

والله بارك الله فيك إذا تمت الأمور بخير صدقني غير نعيطلك في مناسبة ما العرس أو الخطبة

[z.abdo]

12 مليون صداق + فلايك نتاع الدهب + مقياس نتاع الحنه20 مليون =؟؟؟
منفضلك أختي أعطيني المحموع تقريبا

[hasse.n]

12 مليون صداق + فلايك نتاع الدهب + مقياس نتاع الحنه20 مليون =؟؟؟
منفضلك أختي أعطيني المحموع تقريبا

مراكش فاهم الاخت مليح ..خويا ..

الصداق يعنى المهر 12 مليون ..فيها الدهب والصوف

وفى المناسبات متل الاعياد وغيرها كل واحد وكيفاش يقلش خطيبتوا

وعلى العموم فى قسنطينة كل عيد ..يجيبولهم الدهب ..

[z.abdo]

من فضلكم اشرحولي معنى مقياس تاع الحنة ؟؟؟ بالتفصيل الممل من فضلكم

[z.abdo]

مراكش فاهم الاخت مليح ..خويا ..

الصداق يعنى المهر 12 مليون ..فيها الدهب والصوف

وفى المناسبات متل الاعياد وغيرها كل واحد وكيفاش يقلش خطيبتوا

وعلى العموم فى قسنطينة كل عيد ..يجيبولهم الدهب ..


لكن الأخت قالت مقياس تاع الحنة سوا 20 مليون ؟؟؟

[نجمة ساطعة]

اولا ربي يكملك و يهنيك يا رب تستاهل كل الخير
لكن ما اعرفه من المناطق المكلفة في الزواج قسنطينة
و تلمسان
و في الصحراء تامنراست

[الدكتور سام]

أخي أنا قسنطينية
اذا حبيت تشوف البنت ومعندك حتى واحد يجي معاك روح حوس على والدها في الحي اللي تسكن فيه اعرضو على قهوة برا وعرفو بنفسك واطلب منو الاذن باه تجي لدار تشوف بنتو أو اقتراح آخر هو أنك تبعث أمرأة من عايلتك تدي معاها طارطة صغيرة وتروح تتكلم مع والدة الفتاة تقولها بلي راك حاب تجي تشوف البنت وكي يرجعو عليك ادي في يدك فواكة أو حلوى وروح شوفها وحدد معاهم موعد الخطبة وشاورهم قداه طالبين الصداق و الشروط
يوم الخطبة الرسمية المحدد تدي معاك 4 نساء أو أكثر ورجال أيضا وطارطة متوسطة تاع الخطبة وباقة ورد وخاتم على حسب قدرتك تدخل تلبسهولها أو تلبسهولها امرأة ملي جاو معاك حسب عاداتهم والرجال يتكلمو على الصداق والشروط وتهزو الفاتحة أما اذا حبيت تكون الفاتحة رسمية وشاورت والد البنت من قبل لازم تجيب معاك الامام

المهر أخي كل وحدة كيفاه نعطيلك فقط مثال أنا جابولي خاتم في الخطبة الرسمية +صداق 12 مليون +فلايك ذهب في العيد +بعض الهدايا في المناسبات +مقياس تاع الحنة يسوا فوق 20 مليون + خاتم الزواج وبعض لوازم الجرية
حنا في عوايدنا منطلبوش حق الصوف والشاة ولعشاء بصح كاين اللي يشرطوهم
للتوضيح يوم الحنة هو نفسو يوم الجرية اذا شرطو عليك فقط ذهب نسميوها حنة واذا شرطو عليك ذهب وبعض الهدايا نسميوها جرية وفي كلتا الحالتين يروحو نساء يديو سني كبير بقلاوة + قشقشة
وبصفة عامة واذا كانت كيمة الصداق والذهب لي شرطوها كبيرة متكونش معاها هدايا أخرى والعكس
نتمنا نكون فدتك ننصحك توكل على ربي ومتتخممش بزاف وانشاء الله ربي يقدرك ... لكن بعد ما عاودت قريت مليج موضوعك لفت انتباهي أنك بطال وهنا نقولك انت وحظك مع أهل البنت

و انا نقول علاه الشباب مش قاعد يتزوج.الحالة مش ساهلة.و لازم دراهم بزاف:d .

[z.abdo]

لكن حسب ما قلتي ان خطيبك دفع
12 + ؟؟+ ؟؟ + 20 =اكثر 32
صح أختي ولا راني غالط
يعني مش بزاف عليه ؟؟

[نجمة ساطعة]

أخي والله صدقني أنا خطيبي كان معندوش ومع الوقت ناب عليه ربي
الخاتم تاع الخطبة اشري واحد صغير و طارطة متوسطة وبوكي تاع الورد صغير وانت خلصت
الصداق قولهم معنديش وحدد انت وشوف قادرين يقولولك 6ملاين و2 صوف وحاجة خفيفة ذهب تاع الحنة مسايس مثلا أو سلسلة جرارة تاع 9ملاين يعني كل عايلة وكيفاه أنا فقط مديتلك مثال وكل واحد وظروفو

احسبي معايا اختي هذا البسيط عندكم 6+2+9 يعني 17 مليون :):):):)

[hasse.n]

لكن الأخت قالت مقياس تاع الحنة سوا 20 مليون ؟؟؟

هاديك ..المقياس تاع الحنة يعنى ..نهار الجرية ..قبل الكورطاج

كيمة هما ..يروح الكورطاج يوم الخميس يجيب لعروسة ..الجرية

هادى تكون يوم الاربعاء ..يعنى النساء من اهلك يروحوا لدار لعروسة

يوم الاربعاء فى الليل ويحنيولها ..يديو معاهم القشقشة ..وحاجة تاع

الدهب وهادى اختياري اقصد الدهب ..وفى العادة كل امراة من اهلك

تعطى شوية دراهم للعروس وهى تحنى ..يطيشولها الدراهم فى

حجرها .....المهم خويا هادى كامل عادات ماشى قران يعنى انت

وشخصيتك .

[باهي جمال]

في قسنطينة لايوجد عنهم الكبش يوم العقد كما يوجد في مناطق اخرى

[z.abdo]

لكن لم تشرحي معنى مقياس تاع الحنة ؟؟؟؟؟؟؟؟

[z.abdo]

احسبي معايا اختي هذا البسيط عندكم 6+2+9 يعني 17 مليون :):):):)

يعني الأخت مش غالطة على الأقل 17 مليون ؟؟؟؟؟؟؟؟ظ

[hasse.n]

يا أخي أنا حبيت نشرحلك ساع زدت خلطتك
الصداق وحدو من 6ملاين وروح أنت وقدرتك
الذهب تاع الحنة مش شرط مقياس هو فقط مثال يعني تقدر تشري الحاجة اللي تقدر عليها مسايس أو سلسلة أو بارور وكاين لي عندو يدي مقياس أ, محزمة فهمتني أخي ولا لا ؟

راكى خربطتى السيد ...واش دخل الهدايا تاع المناسبات فى الصداق

والجرية شكون قالك مسايس تاع 20 مليون ..ماشى شرط .

[z.abdo]

هي صح كل عائلة وكيفاش راح تشترط
لكن عن نفسي والله لو ندري انو راح يكلفني المهر بإجماله والله غير نبطل
اكثر من 17 أو 18 والله غير بزاف

[الدكتور سام]

يا اخي نعطيك الرسمي.12 مليون تاع الصداق+3 ملاين تاع الجرية+2 ملاين تاع الكبش.و الباقي هدايا المناسبات

[باهي جمال]

المهر في قسنطينة اقل مثلا بكثير من خنشلة وتبسة

[z.abdo]

حنا معندناش الكبش ولعشاء يوم العقد بصح كاين لي يطلبوهم
أخي أنا رايحين يجيبولي مقياس يحنيولي عليه لكن كل وحدة كيفاه أنت وظروفك قادر تديلها حاجة خفيفة ونسيت مفتلكش أنو لازم يكونو 2 لويزات هههههه

2 لويزات؟؟؟؟؟؟؟؟؟ خلاص دركا قررت نبطل هههههههههه واش هذا
لكن لم تشرحو معنى مقياس يحنو فيه

[z.abdo]

يا اخي نعطيك الرسمي.12 مليون تاع الصداق+3 ملاين تاع الجرية+2 ملاين تاع الكبش.و الباقي هدايا المناسبات

واش معنى 3 ملايين نتاع الجرية
واش معنى مقايس نتاع الحنه

[z.abdo]

أنا مخربطتش السيد هو سقسا على العادات والصداق والذهب وانا شرحتلو بالتفصيل باه نفيدو مش باه نفسد عليه ومن قبيل وانا نقول كل واحد ومقدورو أ،ا فقط مديت مثال واش هاد الهجوم ياريتني ما رديت

لا بارك الله فيك أختي على التوضيح هكا باش ندير حسابي

[vivaldi]

فى العادات القسنطينية

فى ما يسمى الشوفة ياتى العريس المنشود مع اهله ..تدخل العروسة

المنشودة تحط ..القهوة وتلقى السلام ..تم تدهب فقط .

ادا كان القبول من العريس واهله ..يقومون بشرب القهوة ..

ادا لم يكن القبول من العريس واهله ..لا يرفعون فناجين القهوة

هادوا حوايج باش يفهموا ..الرد بدون احراج ...





آسف يا أخي ، و لكن هذه فلة إحنرام
أن تدخل ضيفا عند أحد و لا تشرب القهوة عنده و السبب أنك لست راض يالفتاة
و الله عيب:mad:

[النجمة القطبية]

هاديك ..المقياس تاع الحنة يعنى ..نهار الجرية ..قبل الكورطاج

كيمة هما ..يروح الكورطاج يوم الخميس يجيب لعروسة ..الجرية

هادى تكون يوم الاربعاء ..يعنى النساء من اهلك يروحوا لدار لعروسة

يوم الاربعاء فى الليل ويحنيولها ..يديو معاهم القشقشة ..وحاجة تاع

الدهب وهادى اختياري اقصد الدهب ..وفى العادة كل امراة من اهلك

تعطى شوية دراهم للعروس وهى تحنى ..يطيشولها الدراهم فى

حجرها .....المهم خويا هادى كامل عادات ماشى قران يعنى انت

وشخصيتك .

واش هذا فى قسنطينة راه كلش بالدراهم حتى الضياف يرمو دراهم
وفى واد سوف سمعت والله اعلم الشوفة ب 5000 او اكثر والله اعلم
عادات غريبة سبحان الله

[z.abdo]

اذا حبيت نعاود نشرحلك كل حاجة بالتفصيل الممل لكن أرجو من الاخوة القليل من الاحترام في الردود

تفضلي اختي راني نسمعلك

[الدكتور سام]

واش معنى 3 ملايين نتاع الجرية
واش معنى مقايس نتاع الحنه
اخي على حساب ما نعرف هما نفس الشئ يعني هده الجرية كاين الي يمد دراهم.كيما عندنا 3 ملاين و كاين الي يشريهم دهب و يمدهم اما حكاية مقياس تاع 20 مليون.هدا بالك انسان لاباس به حاب يمد بزاف مي مش شرط بهدا المبلغ

[z.abdo]

راني نستى الشرح بالتفصيل

[z.abdo]

اخي على حساب ما نعرف هما نفس الشئ يعني هده الجرية كاين الي يمد دراهم.كيما عندنا 3 ملاين و كاين الي يشريهم دهب و يمدهم اما حكاية مقياس تاع 20 مليون.هدا بالك انسان لاباس به حاب يمد بزاف مي مش شرط بهدا المبلغ

لم تشرح يا اخي الجرية ما المقصود بها تعريف

كذالك اشرحلي مقياس نتاع الحنة يعني التعريف

[النجمة القطبية]

حنا معندناش الكبش ولعشاء يوم العقد بصح كاين لي يطلبوهم
أخي أنا رايحين يجيبولي مقياس يحنيولي عليه لكن كل وحدة كيفاه أنت وظروفك قادر تديلها حاجة خفيفة ونسيت مفتلكش أنو لازم يكونو 2 لويزات هههههه
هاذى تع زوج لويزات الضربة القاضية هههههه

[z.abdo]

ياأخي علاه مكبر الموضوع اذا شايف روحك قادر تقدم واذا لا تمهل
نعاود نشرحلك يوم الحنة هو نفسو يوم الجرية فقط الاختلاف في التسمية وهاد النهار يسبق العرس بعدة أيام يعني يروحو نسا من عايلتك يديو حنة يحنيو للفتاة مع الحاجة تاع الذهب الي قدرت تشريهالها كهدية ومن عوايدنا تاع قسنطينة يزيدو 2 لويزات وسني بقلاوة وقشقشة
واذا معنكش و تفاهمت مع أهل العروس تقدر متديش الحاجة تاع الذهب تدي فقط بعض الهدايا فهمتني أخي ولا لا؟

بارك الله فيك أختي على الشرح وعلى أني مكبر الموضوع راني نشوف باللي راح تجيني ظربة كبيرة على الراس :30: :3:

[z.abdo]

تاع 2 لويزات أنا نعرف لقسنطينية كامل يديرو هكا الا لي معندهمش الله غالب مش محتم وشي كامل هادا أخي تتفاهم عليه مع والدين العروس يعني يقدرو يكونوا متفهمين وميشرطوش عليك متكبرش الموضوع أ،ا فقط مديتلك بصفة عامة العادات كيفاه

يا أختي الحين نشرحلك علاش راني مكبر الموضوع
إذا شفت روحي مش قادر من الحين نخبر البنت اني منيش قادر. وما تستنانيش - بلاك يجيها واحد عندو المال أحسن مني علاش نعطلها
فهمتي دركا؟؟؟؟؟؟ :mad:

[z.abdo]

نتمنى منكونش طيحتلك لمورال أخي توكل على الله وربي يطيحك في عايلة متفهمة ويقدرك على الحلال
هل عندك استفسار آخر قبل منخرج

بارك الله فيك أختي وربي يجعك خطيبك زوج صالح وانت زوجة صالحة له ويرزقم بالذرية البررة
أما عن المورال والله في الحضيض

[z.abdo]

أخي كي تبقا تحسب بزاف قادر تبانلك روحك بلي مش قادر خلاص ولكن ربي يطيحك في عايلة لي متشرطش ويساعدوك على قد ظروفك
لكن أنا نسقسيك وسامحني علة السؤال أ،ت حاب تخطب ومراكش خدام بصح هل عندك على الأقل شوية دراهم باه تتقدم للفتاة ؟ قداه لازم تستناك باه تقدر علة الأقل تمدلها مهر مقبول؟

لا ما عندي والو عني غير ربي سبحانو
لا تذكرت عندي 9000 دج في الحساب الجاري باش نشارك في المسابقات
وراني نتكلم صح هذا واش عندي

[z.abdo]

ربي يخليك أخي ويجعل هاد البنت من مكتوبك و يسرلك أمورك توكل على الله نقولك تصبح بخير واذا عندك أي سؤال أنا في الخدمة وغدا ان شاء الله نعاود ندخل ونرد عليك وان شاء الله يطلع المورال :19:

بارك الله فيك تصبحي على خير

[النجمة القطبية]

يا أختي الحين نشرحلك علاش راني مكبر الموضوع
إذا شفت روحي مش قادر من الحين نخبر البنت اني منيش قادر. وما تستنانيش - بلاك يجيها واحد عندو المال أحسن مني علاش نعطلها
فهمتي دركا؟؟؟؟؟؟ :mad:
يا اخى متقلقش روحك
باذن الله البنت تقدر ضروفك وتتيسر الامور
ونسال الله لك التوفيق

[z.abdo]

يا اخى متقلقش روحك
باذن الله البنت تقدر ضروفك وتتيسر الامور
ونسال الله لك التوفيق

يا أختي المشكل مش في البنت بل في الاهل عموما

[ياسمين16]

مساء الخير أخي انا قسنطينية و حبيت نقولك بلي الجرية هي الفيونساي تاع العاصميين فهمت كيما يدو في العاصمة الطبق في قسنطينة يدو تاني فاليزة بياس مونتي و لي قادر يدير حاجة دهب في الحنة و لي ماشي قادر يتفاهم مع والدين العروسة و المهر كيما قالولك بين 10 و 15مليون هدا هو و العياد هادوك كل واحد و مقدورو بصح هوما يحبو لي يدير الدهب فهمتني ان شاء الله الطفلة هادي تكون صالحة و ماتحطش بالها لهاد العوايد خاطر راهي تتلفلها و المهم ربي يسهللك و ماتبقاش تحسب خاطر ماتعرفش ربي منين يرزقك صدقني خطيبي كان كيما انت خدام شهار مع البنيان و المصاريف تاع الخطبة و العياد لدرك المهر تاعي ماقدرش يلمو بصح الحمد لله صابرين حتى يفرج ربي كي يلمو و يكمل بنيانو نتزوجو و يسهلنا ربي ماتخممش يا أخي الحاجة الحلال ديما ربي يسهل فيها انوي الخير بركو تقدم و من الأول فهمهم ظروفك و هي تهدر مع يماها ادا راهي حاباتك باه يسهلولك شوية انا بنت عمي راجلها كان مايخدمش تاني و خطبها و تزوجو و هو ماشي خدام دارهم عاونوه و درك راه خدام لباس بيه و دار الطونوبيل و عندو بنتو و الحمد لله ماتخممش يا أخي ربي يفرج ان شاء الله.

[z.abdo]

مساء الخير أخي انا قسنطينية و حبيت نقولك بلي الجرية هي الفيونساي تاع العاصميين فهمت كيما يدو في العاصمة الطبق في قسنطينة يدو تاني فاليزة بياس مونتي و لي قادر يدير حاجة دهب في الحنة و لي ماشي قادر يتفاهم مع والدين العروسة و المهر كيما قالولك بين 10 و 15مليون هدا هو و العياد هادوك كل واحد و مقدورو بصح هوما يحبو لي يدير الدهب فهمتني ان شاء الله الطفلة هادي تكون صالحة و ماتحطش بالها لهاد العوايد خاطر راهي تتلفلها و المهم ربي يسهللك و ماتبقاش تحسب خاطر ماتعرفش ربي منين يرزقك صدقني خطيبي كان كيما انت خدام شهار مع البنيان و المصاريف تاع الخطبة و العياد لدرك المهر تاعي ماقدرش يلمو بصح الحمد لله صابرين حتى يفرج ربي كي يلمو و يكمل بنيانو نتزوجو و يسهلنا ربي ماتخممش يا أخي الحاجة الحلال ديما ربي يسهل فيها انوي الخير بركو تقدم و من الأول فهمهم ظروفك و هي تهدر مع يماها ادا راهي حاباتك باه يسهلولك شوية انا بنت عمي راجلها كان مايخدمش تاني و خطبها و تزوجو و هو ماشي خدام دارهم عاونوه و درك راه خدام لباس بيه و دار الطونوبيل و عندو بنتو و الحمد لله ماتخممش يا أخي ربي يفرج ان شاء الله.

بارك الله فيك أختي وربي يهنيك انت كذالك مع زوجك
لكن اكيد واحد مش خدام يخمم واللي خلاني نخمم باش ما نتمسخر بالبنت إذا راني قادر نقدر نقول تستناني و إذا لا نقولها منيش قادر ومكان علاه تستناني هذا فقط السبب اللي خلاني نخمم
ونزيدك حاجة البنت معجبة بيا بزاف يعني بأخلاقي حتى أمها عاجبها الحال المشكل دركا اني منيش قادر .

[kouuuka]

كي يعوديعرفها لاشوفى لاوالو يروح يخطب يدي ناس كبار ويروح وماينساش الخاتم ولابياس مونتي ودراهم وكي يتفاهمو على الشرط هوبين 13و18 مليون والصوف والحنة حاجت تقيلة ولا على حاسبو وماهزوش الفاتحة الا فاتحةنية التوفيق وكي يخلصو يدخلو باباها وخاها يقصو لابياس ويلبسلها الخاتم وتحط يماه دراهم ولاهو المهم ومبعد لاعدت مها تاع العروس مشتاق اك ماتدي والو من لابياس ولا تعطيك طرف صغير في لباط باش ماترجعوش فارغ ولا عادة بحبوحة تعطيك نص لابياس وتكملوها تحكيو نتى ولعروسة في التليفون على12 تاع لليل

[ياسمين16]

بارك الله فيك أختي وربي يهنيك انت كذالك مع زوجك
لكن اكيد واحد مش خدام يخمم واللي خلاني نخمم باش ما نتمسخر بالبنت إذا راني قادر نقدر نقول تستناني و إذا لا نقولها منيش قادر ومكان علاه تستناني هذا فقط السبب اللي خلاني نخمم
ونزيدك حاجة البنت معجبة بيا بزاف يعني بأخلاقي حتى أمها عاجبها الحال المشكل دركا اني منيش قادر .

أخي تكلم معاهم باه يسهلولكم في الشروط شوية هدا مكان و ادا مازلت صغير اصبرو شوية يعني انت شحال في عمرك و هي؟ و ادا داركم يقدرو يعاونوك .عندك وين تسكن؟ تقدر تسكن مع داركم؟ و راك قاري حتى ماقبل التشغيل ماقدرتش تخدمها؟ و لا بريفي ؟ رانا نشوفو كامل في الظروف و أكيد والديها رايحين يتفهموك و أنت اشرحلها قولها ظروفك و قولها انا نعمل واش نقدر ادا حبيتي تسنايني و ادا حبيتي تشوفي مكتوبك مانشدكش بالرغم أنك تحبها و ترغب فيها فهمتني

[z.abdo]

أخي تكلم معاهم باه يسهلولكم في الشروط شوية هدا مكان و ادا مازلت صغير اصبرو شوية يعني انت شحال في عمرك و هي؟ و ادا داركم يقدرو يعاونوك .عندك وين تسكن؟ تقدر تسكن مع داركم؟ و راك قاري حتى ماقبل التشغيل ماقدرتش تخدمها؟ و لا بريفي ؟ رانا نشوفو كامل في الظروف و أكيد والديها رايحين يتفهموك و أنت اشرحلها قولها ظروفك و قولها انا نعمل واش نقدر ادا حبيتي تسنايني و ادا حبيتي تشوفي مكتوبك مانشدكش بالرغم أنك تحبها و ترغب فيها فهمتني

بارك الله فيك أختي واما بالنسبة للسن انا وهي 30 سنه يعني - انا مش حاب نعطلها لأنها عمرها 30 سنه فهمتني اما عن نفسي لا يهمني إن كنت 30 سنه

[ياسمين16]

بارك الله فيك أختي واما بالنسبة للسن انا وهي 30 سنه يعني - انا مش حاب نعطلها لأنها عمرها 30 سنه فهمتني اما عن نفسي لا يهمني إن كنت 30 سنه

همتك أخي صارحها و خليها تحكي ليماها باه تكون موضوعية أكثر و هكدا انت ان شاء الله ربي يفرج عليك و يسهللكم الحلال الرزق بيد ربي ماتخممش بزاف قادر غدوا صباح تولي خدام .انوي الخير برك أخي .مع السلامة

[z.abdo]

همتك أخي صارحها و خليها تحكي ليماها باه تكون موضوعية أكثر و هكدا انت ان شاء الله ربي يفرج عليك و يسهللكم الحلال الرزق بيد ربي ماتخممش بزاف قادر غدوا صباح تولي خدام .انوي الخير برك أخي .مع السلامة

رافقتي السلامة أختي بارك الله فيك

[z.abdo]

هل من إضافات جديدة

[z.abdo]

لا جديد ...............؟؟؟؟؟؟؟؟؟؟؟؟

[z.abdo]

لا جديد ...............؟؟؟؟؟؟؟؟؟؟؟؟

[z.abdo]

لا جديد ...............؟؟؟؟؟؟؟؟؟؟؟؟

[أم رقية نسرين]

السلام عليكم

أخي الشروط راهي كل عايلة واش تشرط انشاء الله تكون عائلة هذي البنت مايشرطوش وربي يسهلك انشاء الله
ولي يدخل من باب الحلال ربي ما يخيبوش توكل على على ربي الرزق من عند ربي
وربي يوفقك

[أم رقية نسرين]

و لكان شافوك انسان مليح صدقني رايحين يعاونوك و يوقفو معاك

[vivaldi]

صلي صلاة الإستخارة و توكل على الله
إذا أردت الفتاة بالفعل فتقدم للأهل ، و لا تضيعها لأنه يمكن أن يأتي أي إنسان آخر ويخطبها و تبقى أنت في حسرة
إستعجل للحلال و ادعونا لفرحك
إنشاء الله

[nilly]

هههههههه 18 مليون على جال باه تدي امراءة . هاذي مليحة هاذي. روح اشري طونبيل خير.
هذي ماشي عادات هاذي هاذي سرقة عيني عينك. عندنا نص مليون دي واربح.

[z.abdo]

هههههههه 18 مليون على جال باه تدي امراءة . هاذي مليحة هاذي. روح اشري طونبيل خير.
هذي ماشي عادات هاذي هاذي سرقة عيني عينك. عندنا نص مليون دي واربح.

يــــــــــــــــــــــاو كاين أكثر

[ام انس5]

انا خويا ما نكدبش عليك انا نهار جاو خطبوني دار راجلي. والديا ما شرطو واااالو:D قالهم بابا بنتي ماشي للبيع اللي قدرتو عليه ديروه المهم الهنا :rolleyes::rolleyes: والحمدالله تزوجت وعندي الدراري وراجلي راهو حاطني في عينيه ومهنيني :1:. العامين اللخرين تاع الجامعة كملتهم وانا متزوجة عاوني بزاف راجلي.
انا ما فهمتش وعلاه هاد الشروط المهم يكون الراجل وليد فاميليا ويخاف ربي.
ربي يوفقك اخي صلي صلاة الاستخارة.هدا زواج يعني عمممر كامل ............

[مباركة 1961]

سلام......

انا نقولك.....زواج ليلة تدبيرو عام......وانت لم ترى البنت بعد ....تمهل واسال _دون ان تسبب الحرج لاحد_

ومن بعد امر المهر والتقاليد سهل لانه ادا وجدت ان الفتاة تناسبك فكل اموال الدنيا تهون

اما بالنسبة لعادات قسنطينة كانوا مند مدة قريبة يطلبون المهر نقدا _مالايقل عن 18 مليون زائد الدهب المتمثل فى خاتم الملاك

...وغرام الدهب راه يدير 650 الف للغرام....+خاتم الحنة +سلسلة او مقايس _حسب الرغبة_ تاخدهم يوم الحنة+الجهاز

ملابس واحدية_ فى يوم الحنة وتهديها فى التحزام كدالك خاتم من دهب ههههههههههههههههه

توكل على الله وماتخممش.....رانا هنا لسد النقص .....مبروك مسبقا الف مبرررررررررررررررررروك

[الدكتور سام]

الزواج رجع تجارة سبحان الله.تقول راهم يبيعو و يشرو.تحكيلي امي بكري كام مهرها 800 دينار فقط.و كان زواج ناجح و عاشت سعيدة.اما دوك رجع الزواج يكلف عشرات الملايين ثم بعد دلك قد لا يدوم اكثر من عام.لاننا لم نعمل بما قال نبينا صلى الله عليه و سلم(ايسرهن مهورا اكثرهن بركة)صدق رسول الله
يسروا و لا تعسرو
رب يسر على كل مومن

[nilly]

[QUOTE=sam000;9036327]الزواج رجع تجارة سبحان الله.تقول راهم يبيعو و يشرو.تحكيلي امي بكري كام مهرها 800 دينار فقط.و كان زواج ناجح و عاشت سعيدة.اما دوك رجع الزواج يكلف عشرات الملايين ثم بعد دلك قد لا يدوم اكثر من عام.لاننا لم نعمل بما قال نبينا صلى الله عليه و سلم(ايسرهن مهورا اكثرهن بركة)صدق رسول الله
يسروا و لا تعسرو
رب يسر على كل مومن[/QUOبارك الله فيك اخي وفيت وكفيت. زواج ولى تجارة . سبحان الله . احنا ثاني بكري كانت المراة عندنا المهر نتعها 30 دورو وغير كيما داروا نص مليون هذا . وخمسمئة الف هاذي بابات الطفلة مايدي حتى فرنك منها اخطر مئة الف تروح للامام وربعمئة الف يرجعها بابات العروسة لبابت االعروس . وبابات العروسة مايشد غير 30 دورو . هذا مكان .المراة نورمالموا ماشي للبيع. هذه عادات ماشي مليحة نورمالموا تتنحى جذريا علاه ميتفقوش كبار السن على القضاء على هذه الظاهرة نهائيا.