السياحة لمسيلة

[شمشام]

السلام عليكم
أريد فقط الاستفسار عن مسابقة مفتش في السياحة المزمع اجراؤها بولاية المسيلة لأننا منذ دفعنا للملفات لم يأتينا لحد الآن استدعاءات
وشكرا

[اسرار البحر]

وعليكم السلام

لست ضمن المترشحين ...لكن دخلت للموضوع حبيت اضع رد ...

الله يوفقك اخي

[اسرار البحر]

الاستدعاءات صارت مشكلة عليك التقرب من الادارة والسؤال اذا كنت قريب...او ان شاء الله تجد الجواب من الاخوة المشاركين بالمنتدى ..

[حسين28]

مسابقة السياحة : اليك الخبر اليقين اخي :

فيما يخص المتصرفين فقد تم اجراء المسابقة على اساس الاختبار و اجريت بولاية ورقلة الاسبوع الفارط

اما فيما يخص المفتشين فقد رحت عندهم للسياحة و كان الجواب : ان المسباقة سيتم اجراءها على اساس الاشهادة و قالولي رايحيين نعيطولكم في التيليفون باش تكملوا الملف و من نروح ليهم يقولوا مازال حتى دخلني الشك فحاولت استعطاف الموظفة فحلفتلي يمينا انها مازالت

[اسرار البحر]

الله ينورك يا خونا حسين 28 ...

ههههههههه هايلة تع حاولت استعطاف الموظفة ...

الله يوفقنا اجمعين

[حسين28]

الله ينورك يا خونا حسين 28 ...

ههههههههه هايلة تع حاولت استعطاف الموظفة ...

الله يوفقنا اجمعين

راك عارف العقلية . ههههههههههههههه كي تلقى موظفة و تبدا تتمسكنلها و تغمض في عويناتك و تدور في رويسك يمكن كاش ما تعطيك معلومة راك تعرف النساء قلوبهن احنان و زيد ما يحكموش الاسرار

العكس كي تشوف راجل عند الباب تسمي منو و هو يبادلك نفس الشعور
ههههههههههههههههههههههه

[اسرار البحر]

هههههههههه وي نعرف هاذيك العقلية ....

تخرج علينا

[يوسف البوسعادي]

السلام عليكم لا استعطاف لا والوا ’ الحقيقة من قلب المديرية أنهم حابين تكزن النزاهة في المسابقة لأنه تم تعيين مديرجديد للسياحة . و عليه كان من المقرر أن تكون المسابقة على اساس الاختبار لكن عدم وجود مؤسسات قبلت استقبال الامتحان و رفض الجامعات و الخوف من رجوع المنصب قررت المديرية اجراء الامتحان على أساس الشهادة و قبلت مديرية الوظيف ذلك و تم وضع اعلان تكملة الملف في موقع المديرية في الأنترنت على أساس الشهادة ,غير أنه و بعد وصول مواففة مديرية الوظيف وصلت اقتراحات من طرف الجامعات لاجراء الامتحان و هو ما يتناسب مع رغبة المدير و هم في انتظار رد مديرية الوظيف العمومي . هذه هي الحقيقة و الله أعلم سلام مع العلم أني مترشح في المسابقة .