المساعد الشخصي الرقمي

مشاهدة النسخة كاملة : نبذة عن ولاد الميل

awhalda05
2012-02-23, 09:14
انا بنت من بنات الميل

نحبو نهدرو على العباد

نحبو نصبحو راقدين لل10.00نتاع الصباح

نكرهو غسيل الماعن

وا نتوما كيفاه حارتكم


هيا نلعبو هذه اللعبة


كل واحد يهدر على حارتو
zoubidaas
2012-02-23, 11:47
وين جاية الميل؟؟
أميرة مملكة السعادة
2012-02-23, 12:59
سلام
احنا مانهدرو على العباد ماوالو ختي كل واحد لاتي بروحو
في الصباح تلقاي الغاشي بكل هارب من الديار كل واحد يروح يهمل من الاولياءالى الابناء
البارك تاع الطوموبيلات يفرغ اما في المساء يبدى الغاشي يجي مي علابالك حنا جيرانا والله تقولي سكانار يعرفو لي دخل و لي خرج و على قداه جات ولا جى و على قداه راح
هههههههههههههه كون يرتكب واحد جريمة يفضحوبيه
وغسيل اللماعن تكرهي ولا تحبي راكي غاسلتهم غاسلتهم معناها ديريها برضاك وخلاص
هادي هي حارتنا
khanfri60
2012-02-23, 13:22
حنا ملا العكس نظوا على الصباح كي الاحصنة هاربين من الدار يروحو نقراو و لكور وطبع بعد الوقوف امام المراة بالساعات نمشيوا في الطريق نزردوا شوية نضحكوا شوية و نكعبشوا شوية كي نخلصوا من القراية نفحتو للفلاج ندوروا شوية وبعد نروح نلقى ماما موجدتلي الطبلية باه نغسل اللماعن و كذلك بابا وجدلي الكراريس باه نحفظ
ياو الجيران منهدروش عليهم نهار كامل هوما يعسوا في الناس واش شريت واش جبت ملفين يسمعونا حتا كيفاه نكونوا نهدروا فدار و يجيوا يقولوننا
حشاك مرة لقينا جارتنا تفتش في الساشي تاع الزبالة تاعنا ......وكذلك الذكور تاعنا مهبلينا يموتوا. على البنات يسطروا في الحيط ومعاهم باكي تاع النيمرو تاحم وكيما تحكميش يسبوك ....................ومازالت المغامرات في مدينتنا......................يتبع
leila lolo
2012-02-23, 14:18
والله يا حنونتي الميل بلاصة دونجي بزاااف انا ماشي ساكنة ثما مي غير نروح ليها لازم ما نجيبش معايا حتى حاجة غالية
بسمة العلم
2012-02-23, 15:18
احنا تموشنتيين

قاع يبكروا الاطفال يروحوا يقراو و الكبار يروا يعملوا و النسا يضلوا برة يحبوا الخحرية و يهدروا في الغاشي و يعلقوا على المظهر و الملابس و الكلام و الوجه
و يعرفوا قاع الناس و الرجال نصهم يدخن و المراهقين معظمهم شعرهم طالع و لا تيكتونيك ......................هههههههههههههههه
وكين مربيين و عاقلين
awhalda05
2012-02-27, 09:56
والله يا حنونتي الميل بلاصة دونجي بزاااف انا ماشي ساكنة ثما مي غير نروح ليها لازم ما نجيبش معايا حتى حاجة غالية
شوفي انا نسكن في الميل وجامي سرات حاجة كبيرة عبادها ملاح و لي يخلط روحو مع النخالة لابد ينقبو الجاج والحديث قياس والفاهم يفهم و الداب يبات يخمم
awhalda05
2012-02-27, 09:58
الىzoobidaas الميل في بريكة بلدية من بلديات باتنة وشكرا للباقي