خايفة من اهل زوجي !!!!! ???

[مشكلتي]

السلام عليكم

انا بنت عمري 23 سنة مخطوبة و عرسي قرب المشكل في انو العايلة تاعنا ما نقولش فقيرة مي ميسورة الحال الحمد لله و الناس اللي خطبوني شويا لباس عليهم ماديا و انتوما راكو عارفين الاهل يحبو ولادهم يعيشوا احسن منهم انا بابا يخدم واشنو انا شعال من مرة نحب نتعلم اكلات او حلويات يعني باش كي نروح لداري نكون نعرف نطيب صوالح تاع دوك يعني انا نعرف نطيب مي كي نشوف ديغوسات جدد نحب نتعلمهم و الواحد باش يتعلم لام يسايي شعال من مرة باش جيه سواسوا و انا بابا ما يقدرش يوفرلي دايمن القضيان يقولي بزاف و كل شي راهو غالي خفت كي نتزوج و اهل زوجي يقولولي ديري كاش حاجة و انا نكون ما نعرفهاش ينودو يضحكو عليا يا خاوتي و الله ماني حشمانة من الفقر و الحمد لله مي خايفة لسان اهل زوجي يعني هوما ناس ملاح مي الهدرة تاع النسا فيها فيها انصحوني كيفاش ندير الله يجازيكم كل خير . و اسمحولي ادا طولت عليكم الكلام


سلام عليكم .

[مناد بوفلجة]

ربي يفتح عليك

لا تخافي و لا تحزني

كل شيء ييسره الله بأمره


عليك بالثقة في النفس و أجعلي تاجك , أخلاقك

بالتوفيق

[/زهرة عصفور الجنة/]

أختي بما أنك ستعيشين مغ العائلة الكبيرة حاولي أن تستعملي فن الملاحظة لأن الأكيد أكلهم يختلف عن أكلكم لذا لاحظي جيدا طريقة إعداددهم للأكل والحلوياتلكي تتعلمي وإن طلب منكي أن تعدي أي شيء أطلبي من حماتك أو أي إمرأة كبيرة في البيت مرافقتكي للمطبخ هذا من جانب اللباقة و الإحترام ولأن الحموات يحببن التحكم في الكنة بهذا ستكسبين ودها وتكتسبين الخبرة في إعداد الطعام و الحلويات ربي يهنيك

[faty05]

ربي يفرج عليك
توكلي على الله حق توكله
شوفي نتي مليح كيما يطيبو طيبي
باباك عندو الحق و الله غالي الحال
ان شاء الله ما يكون غير الخير

[ام مرية]

ما تتقلقي ما والو اهل زوجك كي خطبوك عارفين حالك واحوالك وزيد انتي رايحة تروحي ديراكت للكوزينة والطياب لالا طبعا خوذي مدة اسبوعين ولا حتى 20 يوم ونتي تشوفي فيهم كيفاش يخدمو كيفاش يطيبو ......... ورفدي عليهم وزيد الطياب ما راهش بالحم و..و.....و.... الطياب راه نفس يعني يدين انا شخصيا ماشي دائما دائما متوفرلي القضيان ولكن دائما دائما ماكلتي ما يتشبعش منها والحمد لله وزيدي اكتبي الوصفات الي تعجبك من عمك قوقل وكي تروحي اعمليهم وما تخافيش ما دامك تحبي الطبخ الي ديريها في يدك تنجحلك
والله يا ختي انا نعرف وحدة من الريف عمرها ما خرجت حتى ولو تمرض الى حاجة قراف وخطبوها ناس مرفهييييييين بزاف بزاف راكي عارفة الناس واحد يلحق لواحد وهوما حابين وحدة تكون ما تعرفش للدنيا لغاية في نفوسهم ولكن ارواحي شوفيها درك ولات ما تتعرفش الماكلة غير ليقراتا والشعر عند الحفافة واللبسة من الخارج برك المهم ما طيحيش الذل على روحك

[محمد غيزة]

اختي العزيزة لا تقلقي حتى وان كانت عائلة زوجك المستقبلي لباس عليهم كما قلت هذا لايعني راه عندهم وجبات خيالية كوني متاكدة احنا قاع جزاييريين وعندنا نفس السيناريو ما تخمي ما والو ربما عندهم تقاليد في البيت تختلف عن بيتكم كتكوني عندهم لاحظي كلش وبالعقل تعلافي كلش رانا حاس عندك مشكل فالقاطوا شوفي تعلمي لايي روسات وحفظيهم مليح
اتعلمين اختي الثقة بالنفس هي اساس النجاح فكوني واثقة من نفسك دائما

[imi02i]

السلام عليكمـ ورحمـة الله وبركـاته


أنا نظن بلي راكي انتي تخلقي في المشكل بلا ماهو موجـــــــود

كي تروحي لأهل زوجكـ راكي تتعلمـي عادي

وما تحوسي على اللي يضحك عليكـ ولا على غيرهم

وربي يهنيكـ إن شاء الله ويسرلكـ أمورك

[z.abdo]

لا تقلقي يا بنتي واحسن الظن بأهل زوجك ولازم تكون عندك ثقة في نفسك حتى ولو اخطأت عادي بعد تجيبيها مليحة

[سوسو الطموحة]

يمكن رايحة تكوني خير منهم .....صرات بزاف ....علابالك هذوا اللي عندهم هم اللي كلش ساهل عندهم يشري برك ...وتلقايهم اي حاجة تخدميها بيديك تعجبهم راهم ماعندهمش الوقت يقعدو في الكوزينة ويطيبوا.

[fahima48]

السلام عليكم
ربي يسهللك يا اختي
ماتخمي ما والو كاين لكتابات و ملاح و لا سجلي les recettes ta3 منتدى الجلفة راهم قاع مطبقين
لازم برك تديري ثقة في نفسك و تشوفي كيفاه يطيبو هما ولا طلبي مساعدة من حماتك ما فيها والو.
بالتوفيق

[بنت الباهية]

ما تخافيش اختي كيما قالو الأخوات ديري الثقة في نفسك ممكن كاين حاجات تعرفيهم انت و هما ما يعرفوهمش و زيد انت تعرفي الطيبي غير شوية فنيات وهي فرات

[ريحان الجزائر]

السلام عليكم و رحمة الله و بركاته مالازامش تخافي أختي و لا تستحي من شيء كيما هذا صحيح الطبخ شيء جميل أنك تتعلمي الفنون تاوعو لكن كل عايلة و طيابهم وانا نقولك بنت خالتي راحت ما تعرف والو غير شربة وشوية les gratains و قليان المهم لحوايج الساهلين لكن لما راحت لأهل زوجها ولات تدخل مع عجوزتها للمطبخ و تعلمت شحال من حاجة المهم لازم يعرفوا بلي ماراكيش شاطرة بزاف انت قوليهالهم و ادخلي في وسطهم و تعلمي معاهم و بشوية راح تولي خير منهم مع الوصفات لي تلقايها في المنتديات أحكمي كراس و اكتبي كل وصفة تكون مليحة و راح تخرجلك بإذن الله و نقولك على سر و هو أنك لما تكوني راح تبداي قولي بسم الله و لما تكوني طيبي أذكري ربي تشوفي البنة ههههههههههه عن تجربة أختي
الله يهنيك و ان شاء الله تولي تعرفي طيبي حتى يوليو مايستغناوش على طيابك و ماديريش هذا الشي مشكل لأنه عاااااااااااااادي جدا و مازالكي صغيرة تتعلمي مع الوقت

[MEDINBLACK1]

الشعب كل يشري فى الخبز و ياكل فى الفاست فووود .... ما تخافى مالو و ماتبعيش فتافيت بزاف لخاطش الوالدة تعنا ديما تتفرج عليها و جامي شفت منها حاجة ؟؟

[ياسمين92]

ما تقلقي روحك ما والو حنونتي
كيما قالو الاخوات كي تكوني عروسة جديدة سيي تلاحظي كيفاش يطيبو و كيفاش يديرو و ان شاء الله تتعلمي كلشي
حتى وحدة ما خرجت من دارهم تعرف دير كلشي و زيد بالاك تصيبيهم مغلوقين عليك فالطياب
المهم ربي يسهلك و يزين سعدك يا الزينة و ما تنسايش بلي الفقر ماشي عيب العيب في التكبر و سوء الاخلاق

[nassemette ahzan]

يا اختي هاد الخوف عادي لانه راكي رايحة لدار جديدة ما شي موالفتها بصح ما تفقديش الثقة في روحك لانه راح ياكلوها عليك كوني قوية لانه الناس تحب تتحكم في الضعيف الشخصية ولاحظي طريقة طيابهم ةتعلمي ورب يوفقك وينورلك طريقك

[حنان شلفية]

اختى رانا نفس المشكل انا شخصيا منعرفش نطيب بزاف يعنى على قدى بصح انا كي جاو خطبونى قتلهم بلي انا نعرف على قدي وانتى علمينى قد مانعرف انتى خرمنى وشي تانى كل دار وكيفاش طيب كاين الي يحبو العقاقير وكاين الي لا انتى شوفي ونقلك حاجة طياب واحد اعرفي اساس ومن بعد انتى ومخيلة نتاعك وشوفي لشاف والله غير يخلطو الحلو مع المالح انتى خلطيها تصفى والمهم الهنا انا مرت خويا كي جات عندنا ماتعرف والو وماما علمتها ولات طيب هايل ربي يهنيك

[gmokhtar3]

rabi yssehel