بالله عليكم دعونا نطبق ولو 1% [الأرشيف] - منتديات الجلفة لكل الجزائريين و العرب

thorpe

2012-02-22, 19:23

السلام عليكم

اهلا بكم اخواني اخواتي

اليوم احببت ان نتحدث عن امر علّ وعسى سيستفيد منه شخص واحد على الاقل

هي حقيقة يعيشها كل الشعب

على بركة الله

بكل صدق اخواني من منا لم يجلس ولم ينتقد البلاد والشعب ؟؟؟

من منا لم يرى الاوساخ هنا وهناك ؟؟؟

من منا لم يسمع عن عمارات جميلة تخفي وراءها مزابل تكاد تتحول الى ناطحات سحاب ؟؟؟

طبعا الكل يعرف هذا

ليس هذا هو المشكل

المشكل هو

انك عندما تسأل أي شخص عن رأيه في هذا الشعب يقول لك العباد موسخين
حتى لو ذهبت لسكان العمارة نفسها وسألتهم سيبرؤون انفسهم ويشيرون باصابع الاتهام الى الباقي

بمعنى انك لوكان تجيب سكان العمارة كلها وتسألهم واحدا واحدا
لماذا هذه المزابل وراء العمارة ؟؟؟؟

سيخبرك ان هذا الشعب تنقصه التربية وووووو من الامور التي اصبحنا نحفظها عن ظهر قلب

يا عباد ربي من ربي تلك الأوساخ ؟؟؟؟
هل جات الدولة ورمت المزابل وراء العمارات ؟؟؟

هل نزل من الفضاء ؟؟؟؟

هل كل تلك الاوساخ لشخص او شخصين فقط والبقية نظاف ؟؟؟؟

طبعا المنطق والعقل يقول خلاف هذا

لنتوجه الى الشارع

سجائر علب مناديل ورقية اوراق حلوة الشمة ............. الخ .......

لوتقف في الشارع وتسأل المارة واحدا واحد ا
سيخبرك ان هذا الشعب تنقصه التربية ووووو
طبعا هو لا يعني نفسه هو يعني ان كل الناس موسخين غير هو الي نظيف

كل شخص هكذا تقريبا معظمنا لا يحب ان ينظر له على انه المذنب

طيب من هو المسؤول عن الاوساخ في الشوارع ؟؟؟

هل جاء بوتفيقة وأمر برمي الأوساخ في الطريق؟؟؟

طبعا لا

من هو المسؤول عن الأوساخ في الشارع ؟؟؟؟

الكل أنا وأنت وأنت وأنتم جميعا
كلنا مسؤولون

لهذا ادعوكم اخواني اخواتي

على الاقل تجد أوراق أو أي شيء يشوه منظر الطريق أزله ولك الأجر
أي كلنا وطنيون وندعي حب البلاد

من يحب بلاده عليه أن يجعلها قبلة ومضرب الأمثال

تقارنون الشارع الالماني بالشارع الجزائري بعدها نجد ان البعض يقول
اه والله الوسائل عندهم متطورة
والاخر يقول
المسؤولين عندهم واقفين

والاخر يقول ...............

ووووو

والحقيقة انهم هم من جعل بلادهم قبلة
لانهم بحق وطنيون
يحبون وطنهم
يحبون سمعة وطنهم

لكن في المقابل نحن نحب الجزائر في حالة فقط يوم تتأهل لكاس العالم،كلنا يرتدي الأعلام
كلنا يهتف
ليست هذه الوطنية التي تجعل الوطن يتقدم

على الاقل اخواني اخواتي نكون شعب نظيف ومتخلف احسن من ان نكون شب متخلف وموسخ

نعم سيصفوننا هكذا
ربما أوسخ انسان امريكي سيصف كل الشعب الجزائري بهذا الوصف حين يرى شوارعنا وازقتنا وطرقاتنا هكذا

المهم لم اجد كيف أصيغ الموضوع لكن صراحة كثير من المواقف جعلتني اتحرك

بنات وشباب يرمون علب السجائر والمناديل على بعد بضعة امتار من مكان القمامة المخصص

لماذا ؟؟؟؟ الله اعلم
ولو انك امسكت تلك الفتاة وقلت لها يا وسخة لماذا ترمين هذا في الطريق
ستقول لك انها انظف منك

تفكير سقيم ومعوج
تفكير محدود
نحن شعب يفكر فقط في نفسه
على الاقل فكروا في عمال النظافة
هل ترضون ان يتعبوا كل يوم من أجل بضع ساعات فقط من المناظر الجميلة ؟؟ بعدها يعود الوضع إلى حاله
اماطة الاذى عن الطريق ليس فقط قشور الموز او البرتقال التي تتزحلق وتسبب كوارث
بل كل شيء يشوه النظر هو اذى

استغفر الله واتوب اليه

اخوكم حسين thorpe

:1::1::1::1::1::1:

راجي الصّمدِ

2012-02-22, 19:25

السّلام عليكم ورحمة الله وبركاته
أهلا أخي إن شاء الله تكون بخير...
كلامك جواهر أخي حسين بارك الله فيك وجزاك الله خيرا ..
واللّي مربّي من عند ربّي والسّلام....

بنات وشباب يرمون علب السجائر والمناديل على بعد بضعة امتار من مكان القمامة المخصص

..ركزّ لي على هاذي مليح.......

الباديسي

2012-02-22, 19:31

اخي الغالي شكرا لك
اقول لك والله لو تنهض صباحا وتتجول ترى اشياء واعمال تترك الواحد يجن تصور تراه ممكن إطار او موظف كبير ياتي بسيارته يفتح الصندوق ويرمي الزبالة ويمر عادي
احيانا تضع كيس الزبالة والقاذورات الخاص بك امام بيتك بعد ساعة تجد بجانبها كيس اخر او في وسطها من هو واضعها يا ترى؟ انه جارك او الذي يسكن في الزقاق الخلفي.......
انه العجب العجاب
شكرالك

imi02i

2012-02-22, 19:32

السلام عليكم ورحمة الله وبركـــــاتـه

ممـيز كالعادة أخـــــي حسين { ربي يعطيك ماتتمنى من الخير }

حنا نحــــــــــبو نجمعوا الناس كامل

مي كي نوصلو للتفراد أكيد كل واحد يقلكـ راها خـاطـيـة رآسي

والمشكل لوكان يشوفوك حريص على النظافة وإماطة الأذى يسخروا منك

حنا في مـرة نوينا نظفوا قسمنا اللي يشوفنا نظفوا فيـه يشبع علينا ضحك وكأننا نديروا في حاجـة مضحكـة ولا حاجة غريبـة
كانو معايا زملاء وزميلات حشموا ومحبوش يخرجو يجيبوا الماء من برا ...
هزيت البيدون وبديت نّقّل واللي يضحك يضحكـ

ربي يجيب الخـير إن شــــآء الله

khaoula rouh

2012-02-22, 19:37

السلام عليكم اخي حسين اتمنى ان تكون بصحة وعافية
شعب ؟؟؟؟؟؟؟؟؟؟؟؟؟؟؟يلعب فيها
وانا منهم
دمت بخير

kateb

2012-02-22, 19:40

شكرا على الموضوع القيم

سفير الهضاب

2012-02-22, 19:46

ما رأيكم في طلبة الجامعة في الأحياء الجامعية ، أليسوا راشدين ؟ أليسوا متعلمين ؟ انظروا إلى الحالة المزرية التي تعيشها الأحياء ، حتى مصابيح المراحيض لم تسلم هي الأخرى و تتعرض للسرقة أو الإتلاف ناهيك عن الأبواب والزجاج والمياه المختلطة بالفضلات البشرية عفوا الحيوانية ، الأمر لا يبشر بخير ابدا

BAROUD

2012-02-22, 19:48

ههههههههه

انا نقولكم الصح تاع ربي انا موسوس بالنظافة بزاف ديما ياكلني قلبي علئ محيط الدار من داخل و من بر و لقيت الموضوع باش نقول انو النظافة قبل كل شيئ هي ثقافة هي فن الحياة هي انك تقدر تتعايش مع الزمان و المكان بكل ثقة حتئ واحد ما يهز عيونه فيك و بالعكس لما تكون هكدا ممكن تحرك قلوب ميتة باش علئ الاقل تخلي المكان اللي يحيط بيهم نظيف و مريح و انت بهد الطريقة اكيد تكون عنصر فعال في المجتمع
و باش ما ننسئ اللي نظيف في دارهم و بيتهم اكيد نظيف حتئ في خارج البيت و العكس حق
و ما يقال عن جمعيات البيئة يا حسين انت ما تطرقت له من المفروض يبقئ مهمتها توجيهية فقط و تقدم وسائل مادية باااااااش تساعدنا علئ التنظيف ممثل معدات و الالات وووو و الدور الاكبر باين علئ الفرد هو اللي يقوم بهد المهمة

و في الاخير نهديك هد البطاقة صممتها من مدة و هي تعكس كل كلامي بصدق ياك هكدا الله يبارك

http://a7.sphotos.ak.fbcdn.net/hphotos-ak-snc6/228848_223991000977294_100000991869803_637113_3066 817_n.jpg

ووووووووووو مشكور علئ الحطة الجديدة

imi02i

2012-02-22, 19:50

السلام عليكم اخي حسين اتمنى ان تكون بصحة وعافية
شعب ............. يلعب فيها
وانا منهم
دمت بخير
الله يهديكـ يا أختي خـولـة

قلتي كلمـة قد راسكـ

حاولي تحذفيها لأنو في مناطقنا عيب هذي الكلـمة

وممكن الأعضاء اللي ميعرفوش هذا الشيء رايحين يسيئوا ليكـ

وشكرا لكـ

جسور المحبة

2012-02-22, 19:59

يا اخي حسين لو كل واحد يربي نفسو على النظافة نصبحو في احسن حال فمثلا انا شريت علبة عصير وعلبة قاطو ولما كملت نرميها في مكان مخصص ولا راهي معايا حتى نوصل ونحطها في مكانها يعني وش رح تعملي نموت اذا خليتها وحتى لما يكونو معايا اطفال ونشوفهم يطيشو فيهم في الطريق ما نخليهمش ونحثهم على النظافة
وهناك نقطة اخرى انبه لها هي انو بعض العائلات ما تتولاش بنفسها رمي القمامة وانما تبعث اطفال صغار ويرمو القمامة وين ما يقولهم تفكيرهم وايضا ما يحكموش اغلاق الاكياس او تكون في اكياس مقطعة وووووو نظن راك فهمت قصدي
وانا نحب نقول حاجة سواءا للفرد او العائلة هي انو كل واحد لما يقصد مكان يحاول يخليه نظيف زما يخليش موراه القذورات وكل واحد مسؤول على المخلفات لي يرميها
معذرة على الاطالة واتمنى ان تكون الفكرة قد وصلت

thorpe

2012-02-23, 00:41

شكرا ع جمال على مجهودك
م تلومنيش راني عندي مدة وانا غيب عليها ما نيش قاوي فالعريية
المهم ناسف اذا تعبناك معانا

غدا سنناقش الاخوة و الاوات
وبربي نغيرو ولو 1% من الوضع
المعذرة لكم اخواني اخواتي
سوف نناقشكم في اقرب اجل بحول الله

جوزيتم كل خير
وتصبحو بخير

:1::1::1:

كَـآهُو

2012-02-23, 06:34

الســـــــــــــــــلام عليكم http://www.ruoof.net/albom/data/media/55/navbits_start_2.gif

واللهِ موضــوعك يعني جا في وقتو وكل كلمة قلتها عندك الصح فيها

هذه هي الحقيقة. فالنظافة مسؤلية الجميع والكل معني بقدراستهلاكه

تحية إجلال وإكبار لهؤلاء العمال. http://www.ruoof.net/albom/data/media/55/logehda.gif

والحل في رأيي اخي الكريم : الكاميرا في راس الدرب + الغرامات المالية . كما هو في أوروبا. :19:

نورسين.داية

2012-02-23, 07:17

و الله يا خويا حسين لواحد مايعرفش واش يعبر ..................انا لا اعفي نفسي من المسؤولية فأنا جزء من هذا المجتمع ككل

لكن سوف احدثك عن شيئ : كنا في الجامعة مرات و ليس دائما تأتي طالبات الإتحاد الطلابي الحر و تبدأ لك في قصة مايجب ان يكون عليه الطالب الجامعي
من إستقامة و نظافة الحي .....في أثناء فترة وجبة الغذاء او العشاء ............يعني تستطيع أن تتصور الخطاب الرئايس كيف يكون
ثم تحدر الفتيات أن يوم الغد سوف يكون حملة نظافة للحي الجامعي ككل و علينا ان نكون جاهزات للعمل و الله أنا بكل صراحة في الإقامة الجامعية بالذات لم افعل تصرف يخالف النظافة و يردن ان يحمللني نظافة مؤسسة بالكامل ......................و الله ما تصراها .................

اتفق مع صديقاتي في الغرفة و ننهض باكرا و نتوجه الى صديقة لنا في حي آخر .................تصور نلتقي بإحدى عضوات الإتحاد الطلابي الحر ..........وين راحيين يا طالبات .و كلها غضب و بصوت مرتفع .............الإجابة كالعادة راحيين نشرو الصابون .....................و l eau d javel

أما عن احيائنا لا نستطيع ان نعمم الأحكام على الأفراد و انا لا انفي المسؤولية لكن اتحدث عن واقعي على الأقل تاخر عمال النظافة كدلك له دور في المسألة لأنه في كثير من الأحيان يتأخرون عن الدورة لمدة تتجاوز الأسبوع و لك ان تتصور المنظر
بالرغم من ان ولايتي الحمد لله نظيفة نوعا ما بالمقارة مع الولايات الكبرى ...............أتحدث عن واقعي فقط

شكرا خويا حسين على الموضوع القيم

رغد احسان

2012-02-23, 10:33

دائما ما تصيب مواضيعك لب الواقع اخي
جزاك الله خيرا

مصطفى قاسمي

2012-02-23, 11:49

السلام عليكم

عندك الحق حنا دائما نتهربوا من المسؤولية ونرميها على الأخرين

حتى نفلت بجلودنا منها كل واحد يقول يالله نفسي

لوكان تكون من حذاه عين نتاع ماء تقلو اقلقها يقلك لتركها يقلقها

منيش عارف علاه هذا المرض متفشي فينا كونا مسلمين ودينا يحثنا

على نظافة الجسد والمحيط والله غير الواحد يستحي

باش نطالب بهذه النسبة لو كان يمر على موضوعك الماني او انجليزي يترحم علينا

بعض المرات نقارن منيخ بالمدينة التي اسكن فيها ياو نطيح بالضحك

دائما خبطاتك الصحفية تعجبني بارك الله فيك

thorpe

2012-02-23, 17:59

السّلام عليكم ورحمة الله وبركاته
أهلا أخي إن شاء الله تكون بخير...
كلامك جواهر أخي حسين بارك الله فيك وجزاك الله خيرا ..
واللّي مربّي من عند ربّي والسّلام....

..ركزّ لي على هاذي مليح.......

وعليكم السلام
اهلا بيك اخي جلبيب
الف مبروك اولا الاسم الجديد وينو الباروك ؟
:1::1::1:

الله يحفظك اخي وشكرا على حسن الاصغاء والمتابعة
:1:
ايه انا ثاني راني ماكد على ذيك الحالة اكثر من باقيها
جوزيت كل خير
:1::1::1::1:

thorpe

2012-02-23, 18:01

اخي الغالي شكرا لك
اقول لك والله لو تنهض صباحا وتتجول ترى اشياء واعمال تترك الواحد يجن تصور تراه ممكن إطار او موظف كبير ياتي بسيارته يفتح الصندوق ويرمي الزبالة ويمر عادي
احيانا تضع كيس الزبالة والقاذورات الخاص بك امام بيتك بعد ساعة تجد بجانبها كيس اخر او في وسطها من هو واضعها يا ترى؟ انه جارك او الذي يسكن في الزقاق الخلفي.......
انه العجب العجاب
شكرالك

السلام عليكم
اهلا بك اخي الباديسي

الله يغليك كيما غليتنا يا رب ويطلع شانك

صحيح والله هذا امر اخر
في كثير من الاحيان حصل معنا هذا
يعني ندير الشكارة تاع القمامة خارج البيت باش من بعد نرفدها
تخرج تلقاها تكوبلات ولات عائلة
هههه
ربي يهدينا اجمعين
ولك كل الشحكر
:1::1::1::1:

thorpe

2012-02-23, 18:06

السلام عليكم ورحمة الله وبركـــــاتـه

ممـيز كالعادة أخـــــي حسين { ربي يعطيك ماتتمنى من الخير }

حنا نحــــــــــبو نجمعوا الناس كامل

مي كي نوصلو للتفراد أكيد كل واحد يقلكـ راها خـاطـيـة رآسي

والمشكل لوكان يشوفوك حريص على النظافة وإماطة الأذى يسخروا منك

حنا في مـرة نوينا نظفوا قسمنا اللي يشوفنا نظفوا فيـه يشبع علينا ضحك وكأننا نديروا في حاجـة مضحكـة ولا حاجة غريبـة
كانو معايا زملاء وزميلات حشموا ومحبوش يخرجو يجيبوا الماء من برا ...
هزيت البيدون وبديت نّقّل واللي يضحك يضحكـ

ربي يجيب الخـير إن شــــآء الله

وعليكم السلام
اهلا باختي ايمي الطيبة
كل التميز هو من صنيعكم بلا نا نشكرو بعضانا بزاف هههه
:1::1::1:
صحيح هذا هو المشكل الاكبر نحن نريد دائما الاقاء باللوم على الغير
حتى لو كانت لنا د مباشرة في تصرف ما

اما بخصوص ما تقومين به وزميلاتك والله احييك تحية احترام
:mh31::mh31::mh31::mh31:
يعطيك الصحة
بخصوص الناس الي يلعبوها يضحكو وفور قوليلهم تضحكو على رواحكم قاعدين في لوسوخات ؟؟ ومنه اذا واحد يحب يقعد فالوسخ اكيد هو موسخ
:1::1::1:
هههه
جازاك الله كل خير

the black perl

2012-02-23, 18:07

قال الله تعالى: إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ

مشكور اخي الكريم على هذا الطرح الرائع
الواحد الي يحب يغير في المجتمع لازم يغير نفسو أي التغيير يبدا منو هو ...........انا نظن هذا هو الحل

تحياتي

thorpe

2012-02-23, 18:08

السلام عليكم اخي حسين اتمنى ان تكون بصحة وعافية
شعب ؟؟؟؟؟؟؟؟؟؟؟؟؟؟؟يلعب فيها
وانا منهم
دمت بخير

وعليكمن السلام
اهلا وسهلا بيك اختي خولة
راني لاباس عيان برك
ههه بخصوص الشعب هو شعب صح رايح فيها ويموت على ليسونتيمو
يربط العقل بالعاطفة ديما
وكون تناشقو في مسالة يبدى يشكي
هذا هو عيبنا
انا بخصوص انت منهم ههههه واش بيك ابنتي خارجة كونتر روحك
؟؟؟؟
لالا مادامك تلقي فاللوم على روحك فهذه بشارة خير
:1::1::1::1::1:

thorpe

2012-02-23, 18:09

شكرا على الموضوع القيم

العفو
كل الشكر لك على المرور الطيب
جازاك الله كل خير
:1::1::1::1::1:

thorpe

2012-02-23, 18:11

ما رأيكم في طلبة الجامعة في الأحياء الجامعية ، أليسوا راشدين ؟ أليسوا متعلمين ؟ انظروا إلى الحالة المزرية التي تعيشها الأحياء ، حتى مصابيح المراحيض لم تسلم هي الأخرى و تتعرض للسرقة أو الإتلاف ناهيك عن الأبواب والزجاج والمياه المختلطة بالفضلات البشرية عفوا الحيوانية ، الأمر لا يبشر بخير ابدا

السلام عليكم
اهلا بيك اخي سفير الهضاب
فعلا واله اتيتنا باحسن مثال
الجامعي حين ينظر له دائما ينظر له نظرة احترام
وهذا ان دل انما يدل على انه بلغ درجة مرموقة من المجتمع
واصبح كلٌ يحترمه
لكن هههههه ولا نقولك خلي نختصر قولي في مثل شعبي

(( يالي مزوق من برا وش حالك من داخل ؟؟))
هههه ياك فهمتني؟
ربي يحفظك ولك مني اطيب السلام
:1::1::1::1:

thorpe

2012-02-23, 18:14

ههههههههه

انا نقولكم الصح تاع ربي انا موسوس بالنظافة بزاف ديما ياكلني قلبي علئ محيط الدار من داخل و من بر و لقيت الموضوع باش نقول انو النظافة قبل كل شيئ هي ثقافة هي فن الحياة هي انك تقدر تتعايش مع الزمان و المكان بكل ثقة حتئ واحد ما يهز عيونه فيك و بالعكس لما تكون هكدا ممكن تحرك قلوب ميتة باش علئ الاقل تخلي المكان اللي يحيط بيهم نظيف و مريح و انت بهد الطريقة اكيد تكون عنصر فعال في المجتمع
و باش ما ننسئ اللي نظيف في دارهم و بيتهم اكيد نظيف حتئ في خارج البيت و العكس حق
و ما يقال عن جمعيات البيئة يا حسين انت ما تطرقت له من المفروض يبقئ مهمتها توجيهية فقط و تقدم وسائل مادية باااااااش تساعدنا علئ التنظيف ممثل معدات و الالات وووو و الدور الاكبر باين علئ الفرد هو اللي يقوم بهد المهمة

و في الاخير نهديك هد البطاقة صممتها من مدة و هي تعكس كل كلامي بصدق ياك هكدا الله يبارك

http://a7.sphotos.ak.fbcdn.net/hphotos-ak-snc6/228848_223991000977294_100000991869803_637113_3066 817_n.jpg

ووووووووووو مشكور علئ الحطة الجديدة

السلام عليكم

اهلا وسهلا بيك اخي الحبيب بارود
صراحة والله غير شبهتك لجارنا
تعرف انسان موسوس لدرجة انو في رمضان ما يروحش يفطر حتى ينظف الحي كلو
هذا ليس عامل نظافة
هو انسان محترم ومتعلم وعاش في الخارج مدة طويلة
وماهوش محتاج بل انه ميسور الحال
لكن اذا ذكر اسمه فسوف يذكر دائما الحي النظيف
لا يكتفي فقط بمحيط بيته بل كل الحي
هههه
والله احييه واحترمه
مع انو كثير ما يجهل من الاولاد الي يوسخو الدنيا وهو حجرة فالارض ما يقبلها تكون
هههه
بارك الله فيك واحييك تحية احترام واجلال اخي الحبيب
:1::1::1::1::1:

thorpe

2012-02-23, 18:16

الله يهديكـ يا أختي خـولـة

قلتي كلمـة قد راسكـ

حاولي تحذفيها لأنو في مناطقنا عيب هذي الكلـمة

وممكن الأعضاء اللي ميعرفوش هذا الشيء رايحين يسيئوا ليكـ

وشكرا لكـ

:mh31::mh31::mh31::mh31:ذربي يحفظك على التنبيه
مع اني قرات الكلمة
واعرف انها لها معنى غير لائق عند سكان البرج وما جاورها
لكن حنا هنا لها معنى عادي
على كل حال جوزيت كل خير على تنبيه اختي الصغيرة خولة
اي ماشي بالعاني :1::1::1::1::1::1::1::1:

thorpe

2012-02-23, 18:20

يا اخي حسين لو كل واحد يربي نفسو على النظافة نصبحو في احسن حال فمثلا انا شريت علبة عصير وعلبة قاطو ولما كملت نرميها في مكان مخصص ولا راهي معايا حتى نوصل ونحطها في مكانها يعني وش رح تعملي نموت اذا خليتها وحتى لما يكونو معايا اطفال ونشوفهم يطيشو فيهم في الطريق ما نخليهمش ونحثهم على النظافة
وهناك نقطة اخرى انبه لها هي انو بعض العائلات ما تتولاش بنفسها رمي القمامة وانما تبعث اطفال صغار ويرمو القمامة وين ما يقولهم تفكيرهم وايضا ما يحكموش اغلاق الاكياس او تكون في اكياس مقطعة وووووو نظن راك فهمت قصدي
وانا نحب نقول حاجة سواءا للفرد او العائلة هي انو كل واحد لما يقصد مكان يحاول يخليه نظيف زما يخليش موراه القذورات وكل واحد مسؤول على المخلفات لي يرميها
معذرة على الاطالة واتمنى ان تكون الفكرة قد وصلت

السلام عليكم
اهلا بيك اختي جسور المحبة
فعلا اختي المشكل هو في كل فرد منا
يجب على كل شخص فينا ان يرى هذا
لو حاولت انا ازاالة قشور موز وانت وجدت بعض الحجارة والاخر وجد بعض العشب والاخرى ازالت بعض الاوراق
وووووووو
تخيلي كيف سيكون المحيط
ومن بعد يزيدو يجو عمال النظافة يلمعو الدنيا
والله تولي الجزائر تبرق
:1::1::1:
اما بخصوص النقطة التي اشرتي اليها
يعطيك الصحة هي نقطة هامة جدا وحساسة لا سيما في هذا الموضوع
الاطفال مازالهم ما يعرفو الصح من الغلط
والقمامة قد تكون بها جراثيم وضرر على صحتهم كثر من اي شيء
المهم ربي يهدينا اجمعين وجازاك الله كل خير
:1::1::1::1:

thorpe

2012-02-23, 18:24

الســـــــــــــــــلام عليكم http://www.ruoof.net/albom/data/media/55/navbits_start_2.gif

واللهِ موضــوعك يعني جا في وقتو وكل كلمة قلتها عندك الصح فيها

هذه هي الحقيقة. فالنظافة مسؤلية الجميع والكل معني بقدراستهلاكه

تحية إجلال وإكبار لهؤلاء العمال. http://www.ruoof.net/albom/data/media/55/logehda.gif

والحل في رأيي اخي الكريم : الكاميرا في راس الدرب + الغرامات المالية . كما هو في أوروبا. :19:

وعليكم السلام

اهلا بيك اخيتي كهينة
شكرا على الطلة البهية
فعلا هي مسؤولية الجميع
جب على كل شخص عاقل وراشد ان يفعل هذا
هو ليس بالامر الصعب ولا ياخذ من الوقت الكثير
يعني تكون ماشي تلقا كواغط في الطريق
وش رح يصرى كي تهزهم وترميهم في مكانهم
طبعا ماراح يصرالك والو بالعكس تدي الاجر وتحسن من منظر الطريق ولو قليلا

هههه
اما بخصوص الحل تاعك والله راني نضحك
يعطيك الصحة
:19::19::19::19:
الكاميرات هي الحل الوحيد والغرامات المالية سوف تربي الكثير من النفوس
لكن ما حسبتيش حساب واحد يكون عندو المعريفة وما يخلصش يعني تجي على الفقير مسكين لا معريفة لا دراهم هههه
:1::1::1::1::1:

thorpe

2012-02-23, 18:27

و الله يا خويا حسين لواحد مايعرفش واش يعبر ..................انا لا اعفي نفسي من المسؤولية فأنا جزء من هذا المجتمع ككل

لكن سوف احدثك عن شيئ : كنا في الجامعة مرات و ليس دائما تأتي طالبات الإتحاد الطلابي الحر و تبدأ لك في قصة مايجب ان يكون عليه الطالب الجامعي
من إستقامة و نظافة الحي .....في أثناء فترة وجبة الغذاء او العشاء ............يعني تستطيع أن تتصور الخطاب الرئايس كيف يكون
ثم تحدر الفتيات أن يوم الغد سوف يكون حملة نظافة للحي الجامعي ككل و علينا ان نكون جاهزات للعمل و الله أنا بكل صراحة في الإقامة الجامعية بالذات لم افعل تصرف يخالف النظافة و يردن ان يحمللني نظافة مؤسسة بالكامل ......................و الله ما تصراها .................

اتفق مع صديقاتي في الغرفة و ننهض باكرا و نتوجه الى صديقة لنا في حي آخر .................تصور نلتقي بإحدى عضوات الإتحاد الطلابي الحر ..........وين راحيين يا طالبات .و كلها غضب و بصوت مرتفع .............الإجابة كالعادة راحيين نشرو الصابون .....................و l eau d javel

أما عن احيائنا لا نستطيع ان نعمم الأحكام على الأفراد و انا لا انفي المسؤولية لكن اتحدث عن واقعي على الأقل تاخر عمال النظافة كدلك له دور في المسألة لأنه في كثير من الأحيان يتأخرون عن الدورة لمدة تتجاوز الأسبوع و لك ان تتصور المنظر
بالرغم من ان ولايتي الحمد لله نظيفة نوعا ما بالمقارة مع الولايات الكبرى ...............أتحدث عن واقعي فقط

شكرا خويا حسين على الموضوع القيم

السلام عليكم
اهلا بيك اختي اسماء
صراحة ما لقيت ما نقول
طبعا انا مانيش مكذبك
لكن غرت منك
صراحة عندك ارادة وعزيمة اقوى من نتاعي بزاف ههه
انا اذا عزمت ندير شوي وممكن فوق الشوي بشوي ههه
احترامي وتقدري لك على هاته المبارات انت وزميلاتك
على الاقل كي يجو يقراو من المالي والنيجر وباقي الدول الافريقية عندنا مايقولو والو بالعكس رايحين يعرفو بلي احنا نظاف
جوزيت كل خير ولك كل الشكر على التواجد الطيب والظريف ونظيف
ردك راه يشعل ابوقلب هههههه
:1::1::1::1::1:

thorpe

2012-02-23, 18:29

دائما ما تصيب مواضيعك لب الواقع اخي
جزاك الله خيرا

السلام عليكم

اهلا وسهلا بييك اختي fadwa96
الله يحفظك على التوجد الكريم
نعم انا احب التحدث عن الواقع
كرهت من الاحلام صراحة ههه
جوزيت كل خير
:1::1::1::1::1:

thorpe

2012-02-23, 18:32

السلام عليكم

عندك الحق حنا دائما نتهربوا من المسؤولية ونرميها على الأخرين

حتى نفلت بجلودنا منها كل واحد يقول يالله نفسي

لوكان تكون من حذاه عين نتاع ماء تقلو اقلقها يقلك لتركها يقلقها

منيش عارف علاه هذا المرض متفشي فينا كونا مسلمين ودينا يحثنا

على نظافة الجسد والمحيط والله غير الواحد يستحي

باش نطالب بهذه النسبة لو كان يمر على موضوعك الماني او انجليزي يترحم علينا

بعض المرات نقارن منيخ بالمدينة التي اسكن فيها ياو نطيح بالضحك

دائما خبطاتك الصحفية تعجبني بارك الله فيك

وعليكم السلام
اهلا وسهلا بحبيبي الغالي على قلبي مصطفى

هههه والله غير شفتك نضت نضحك

وكي قريت الكلمات الاخيرة والله ضحكت اكثر هههه

انا ثاني دي فوا نقارن بلادنا ببلاد اخرى

هههه

ونقول ايه بصح ياك احنا كاميكاز عليهم هههههههههههه يا قريت الموضوع تاع الكاميكاز باش تفهمني ههههه

صراحة صدجقت
نظافة المحيط تعكس نظافة البدن

هي ترمي في علب البابي موشوار على بعد ميترا من الزبالة وتقولك انا نظيفة عليك
هههه نحلف بربي غير ما ههه ولا خلي برك
ربي يبارك فيك وجازاك الله كل خير
:1::1::1::1::1:

thorpe

2012-02-23, 18:36

قال الله تعالى: إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ

مشكور اخي الكريم على هذا الطرح الرائع
الواحد الي يحب يغير في المجتمع لازم يغير نفسو أي التغيير يبدا منو هو ...........انا نظن هذا هو الحل

تحياتي

السلام عليكم

اهلا بيك اختي the black perl

لا شكر على واجب كل الشكر لكي انت على طلتك الرائعة

لكن بصراحة السطر الاخير احسسته عني
ههه
نقولك اختي عنك الحق قبل ما نتكلم لازم نطبق
ولهذا نحب نقول هنا لاني ما حبيتش نقول من قبل
واله انا احاول في كثير من الاحياة الحرص على لنظافة
التيكي تاع البيس ما نرميهش ونخبيه فالجيبحتى نوصل للخدمة ونرميه فالسلة
نفس الشي لاوراق الحلوى وووو
راني عارف بلي ماشي هذا شي كبير لكن خير ما نرميه فالارض ولا واش قالت خيتي لعزيزة ؟
:1::1::1::1:
جوزيت كل خير على كلامك الرائع واسعدني مرورك الطيب
:1::1::1:

the black perl

2012-02-23, 18:46

السلام عليكم

اهلا بيك اختي the black perl

لا شكر على واجب كل الشكر لكي انت على طلتك الرائعة

لكن بصراحة السطر الاخير احسسته عني
ههه
نقولك اختي عنك الحق قبل ما نتكلم لازم نطبق
ولهذا نحب نقول هنا لاني ما حبيتش نقول من قبل
واله انا احاول في كثير من الاحياة الحرص على لنظافة
التيكي تاع البيس ما نرميهش ونخبيه فالجيبحتى نوصل للخدمة ونرميه فالسلة
نفس الشي لاوراق الحلوى وووو
راني عارف بلي ماشي هذا شي كبير لكن خير ما نرميه فالارض ولا واش قالت خيتي لعزيزة ؟
:1::1::1::1:
جوزيت كل خير على كلامك الرائع واسعدني مرورك الطيب
:1::1::1:

اسمحلي خويا ادا حسيت بلي الكلام عليك لاخاطر كلامي ماشي عليك
هدا مجرد اقتراح مني لحل هدا المشكل
ونرجع نقلك اسمحلي

thorpe

2012-02-23, 18:50

اسمحلي خويا ادا حسيت بلي الكلام عليك لاخاطر كلامي ماشي عليك
هدا مجرد اقتراح مني لحل هدا المشكل
ونرجع نقلك اسمحلي

راكي مسامحة يا بنتي
لالالالا
عادي والله كي لعسل
بارك الله فيك مجددا ولا تكترثي
لك الحق في ان تضعي وجهة نظرك
:1::1::1::1::1:

التلميذ.

2012-02-23, 18:52

هذا الامر لا يقتصر على افراد الشعب فحسب بل هو مشترك بين الافراد و الدولة او المسؤولين على النظافة

انا في الكثير من الاحيان ارى حاوية القمامة و هي ممتلئة الى آخرها حتى انك لا تجد مكان شاغرا لا فيها و لا حولها ههه لترمي فيه

لمل لا يتم حملها و تفريغها قبل ان تمتليء و تصبح القمامة ترمى بجانبها
و كذلك بالنسبة الى الشعب ليس لديه ثقافة النظافة في الشوارع

thorpe

2012-02-23, 19:03

هذا الامر لا يقتصر على افراد الشعب فحسب بل هو مشترك بين الافراد و الدولة او المسؤولين على النظافة

انا في الكثير من الاحيان ارى حاوية القمامة و هي ممتلئة الى آخرها حتى انك لا تجد مكان شاغرا لا فيها و لا حولها ههه لترمي فيه

لمل لا يتم حملها و تفريغها قبل ان تمتليء و تصبح القمامة ترمى بجانبها
و كذلك بالنسبة الى الشعب ليس لديه ثقافة النظافة في الشوارع

السلام عليكم

هههه والله يا تلميذ خويا انت جزايري صح ههه
يعني راك تحوس على سبب واحد
قولي يرحم والديك حاوة القمامة توجد فقط واحدة ؟
في كل شارع تلقى اثنين على الاقل
واش هذا كلها امتلات ؟؟

الا توجد غيرها ؟؟؟
يا خويا كي تحيص وتبيص ارمي قدامها وكي يجو العمال راهم يشوفوها معمرة ويهزو كل شيء

امم
صح الدولة ممكن مقصرة لكن والله هاذي خدمة الشعب
اذا نحوسو على بوتفليقة يديرنا الي يهزنا زبلنا والله ربحت
يعني وصل بينا التخلف لهاد الدرجة ؟؟؟

نديرو الي علينا واذا كانو المسؤولين هوا الي موسخين رايحين يتبهدلو
:1::1::1::1:
جوزيت كل خيييييييير

محمد جديدي التبسي

2012-02-23, 19:12

بارك الله فيك أخي حسين

موضوع في القمة قرأته مع بعض من ردود الإخوة الأفاضل ومشاركاتهم في الصباح

حقيقة لا أستطيع أن أزيد على كلامك لأنك ما شاء الله شخّصت المرض وذكرت العلاج لكن لابد أ ن نطبق ال 1 بالمئة على الأقل من كلام أغلبنا

بارك الله فيك وجزاك خيرا أخي العزيز على المواضيع العملية فعلا

شكرا لك أخي حسين

thorpe

2012-02-23, 19:20

بارك الله فيك أخي حسين

موضوع في القمة قرأته مع بعض من ردود الإخوة الأفاضل ومشاركاتهم في الصباح

حقيقة لا أستطيع أن أزيد على كلامك لأنك ما شاء الله شخّصت المرض وذكرت العلاج لكن لابد أ ن نطبق ال 1 بالمئة على الأقل من كلام أغلبنا

بارك الله فيك وجزاك خيرا أخي العزيز على المواضيع العملية فعلا

شكرا لك أخي حسين

السلام عليكم
اهلا بالاخ والصاحب
اهلا بيك يا بولحية خويا الي نحبو
ههه علابالك اني وليت كيما انت وربما لحيتي اكبر من لحيتك
ههه ياو تشوفني ههههه
المهم
لا تشكرني اخي فهذه امنيت كل جزائري يحب وطنه
قد يعتقد البعض ان من اراد الذهاب الى اوروبا هو يكره وطنه
كيف اكره البلاد التي ترعرعت فيها ؟؟
انا اكره عيوبها واريد ان تتحول الى محاسن
يعني وش خصنا ؟؟؟ وش الفرق بيننا وبين الالمان ؟؟؟
خلينا من الاختراع وغيرو عامل التاريخ والاستعمار وووو مع انو ما عندناش اعذار قوية
لكن النظافة ابسط شيء
بارك اللله فيك وجازاك الله كل خير
:1::1::1::1::1::1:

حميدو09

2012-02-23, 19:29

يا اخي حسين لو كل واحد يربي نفسو على النظافة نصبحو في احسن حال

محمد جديدي التبسي

2012-02-23, 19:37

السلام عليكم
اهلا بالاخ والصاحب
اهلا بيك يا بولحية خويا الي نحبو
ههه علابالك اني وليت كيما انت وربما لحيتي اكبر من لحيتك
ههه ياو تشوفني ههههه
المهم
لا تشكرني اخي فهذه امنيت كل جزائري يحب وطنه
قد يعتقد البعض ان من اراد الذهاب الى اوروبا هو يكره وطنه
كيف اكره البلاد التي ترعرعت فيها ؟؟
انا اكره عيوبها واريد ان تتحول الى محاسن
يعني وش خصنا ؟؟؟ وش الفرق بيننا وبين الالمان ؟؟؟
خلينا من الاختراع وغيرو عامل التاريخ والاستعمار وووو مع انو ما عندناش اعذار قوية
لكن النظافة ابسط شيء
بارك اللله فيك وجازاك الله كل خير
:1::1::1::1::1::1:
آمين يا رب
بارك الله فيك أخي البولحية
علابالك هنا اللي يحب يقلقني يقولي جماعة اللحي نولي ما نشوفش فيه :1:
مشكلتنا أخي حسين هو الابتعاد عن ديننا وعدم تطبيقه على أرض الواقع بيننا وبين الناس ونريد من الدولة أن تحكم به

الدين أصبح كلاما يقال فقط مجرد شعارات جوفاء

لكن الحمد لله مازال الخير في الأمة إلى قيام الساعة

بارك الله فيك أخي الغالي
ورد بالك تمس اللحية :mad:
خليها راهي تخرج عليك :)

ربي يوفقك لكل خير ويسدد خطاك
ويهدي شباب الجزائر
لما فيه خيرهم في الدنيا والآخرة
آمين يا رب

zinotcha

2012-02-23, 19:53

يظهر من الموضوع وحجمه ان الاخ ثورب يحضر نفسه للدخول الى معترك ( الانتخابات البرلمانية) :)

كل ما قلته صحيح ويندرج ضمن القيم الاخلاقية التي تعكس القيمة الحقيقة للشخص.

thorpe

2012-02-24, 16:37

يا اخي حسين لو كل واحد يربي نفسو على النظافة نصبحو في احسن حال

السلام عليكم

اهلا بيك اخي حميدو

يعطيك الصحة
هذا هو لب موضوعي

يعني كل واحجد يحاول يدير الي عليه
ولو بنسبة قليلة
ستتحسن الاوضاع باذن الله
بارك الله فيك
:1::1::1::1:

أحمد أبو عبد الرحمن

2012-02-24, 16:47

السلام عليكم ورحمة الله وبركاته
حسين خويا الله يعطيك ماتتمنى واش نقلك موضوع هايل بصح صاحب الموضوع هايل على الموضوع .
ربي يجعلنا من الذين يستمعون القول فيتبعون احسنه وان شاء الله كلنا نطبقو اش جى في كلامك الي نتعبرو انا درر .
وربي يرزقك الزوجة الصالحة عن قريب .
بارك الله فيك

thorpe

2012-02-24, 16:48

آمين يا رب
بارك الله فيك أخي البولحية
علابالك هنا اللي يحب يقلقني يقولي جماعة اللحي نولي ما نشوفش فيه :1:
مشكلتنا أخي حسين هو الابتعاد عن ديننا وعدم تطبيقه على أرض الواقع بيننا وبين الناس ونريد من الدولة أن تحكم به

الدين أصبح كلاما يقال فقط مجرد شعارات جوفاء

لكن الحمد لله مازال الخير في الأمة إلى قيام الساعة

بارك الله فيك أخي الغالي
ورد بالك تمس اللحية :mad:
خليها راهي تخرج عليك :)

ربي يوفقك لكل خير ويسدد خطاك
ويهدي شباب الجزائر
لما فيه خيرهم في الدنيا والآخرة
آمين يا رب

ههه السلام عليكم

اوو حبيبي تقلقت ؟؟؟
امالا راحت عليك يا بولحية
مادام وريتلي كيفاش نقلقك ههههههههه
نحب نقلقك (( تالمو نبغيك نبغي انارفيك )) :1::1::1:

صدقت اخي كل يومنبتعذ اكثر عن الدين
نبتعد عن كل ما هو مميز او ما يميزنا عن بقية الامم ونريد ان نكون مثلهم

ههه اما بخصوص اللحية غدا نحيها ياو امي تجري موراي هههه قاتلي كون ما تنحيهاش نخليك ترقد ونلصقلك فيها الشوينغوم ههههههه
اني نضحك برك بصح هي لا تحب شعر الذقن وانا ماهيش خارجة عليا
بزاف سقساوني قالولي التزمت ؟؟؟ هههه والله سؤال محرج نقوللهم لا ادعيولي يقدرني ربي ونلتزم
وهذا كلو كي شافو اللحية كبيرة

خلي من بعد نوريلك صورة

:1::1::1::1:

thorpe

2012-02-24, 16:51

يظهر من الموضوع وحجمه ان الاخ ثورب يحضر نفسه للدخول الى معترك ( الانتخابات البرلمانية) :)

كل ما قلته صحيح ويندرج ضمن القيم الاخلاقية التي تعكس القيمة الحقيقة للشخص.

السلام عليكم

اهلا وسهلا بالزينوشة تاع المنتدى
ههه اله يحفظك اختي
فعلا هذا يعكس شخصية وقيم واخلاق افراد المجتمع
لكنه قابل للتغيير يعني ليس امر ثابت
لهذا احببت الدعوة لتغيير ما استطعنا

ههه اما بخصوص الحملة الانتخابية ياو فقتيلي ههههههه ياك تفوطي عليا ؟؟؟؟
نردلكم البلاد تشعل العباد ونسوبريميهم
:1::1::1::1::1::1:

thorpe

2012-02-24, 17:02

السلام عليكم ورحمة الله وبركاته
حسين خويا الله يعطيك ماتتمنى واش نقلك موضوع هايل بصح صاحب الموضوع هايل على الموضوع .
ربي يجعلنا من الذين يستمعون القول فيتبعون احسنه وان شاء الله كلنا نطبقو اش جى في كلامك الي نتعبرو انا درر .
وربي يرزقك الزوجة الصالحة عن قريب .
بارك الله فيك

وعليكم السلام

اهلا وسهلا بخويا طيب القلب ايه طيب القلب تاع الصح انت يا خويا احمد
نعم لو انكم تطبقوون كلامي وتزيدو تفوطيو عليا رايحين تديرو افار ههه
امزح

فعلا كل ما تفضلت به اخي الحبيب هو عين الصواب
وزيد هذا ليس بكلامي
هو كلام كل جزائري يحب الجزائر
يعني هو كلامك وكلامي وكلام كل الاعظاء هنا الييحبو البلاد
جوزيت كل خير وبارك الله فيك واحسن اليك
:1::1::1::1::1:

محمد جديدي التبسي

2012-02-24, 17:22

ربي يوفقك أخي حسين

thorpe

2012-02-24, 17:29

ربي يوفقك أخي حسين

اللهم امين ولك ايضا اخي محمد

اممممم
ياك ما زعفتش؟
:o:o:o
:1::1::1::1::1: