رواحو نتفكروا ايام الثانوي ومغامراتها

[رحمة الله]

السلام عليكم اخوتي

حبيت في هاد الموضوع نتفكروا مع بعضانا الايام الجميلة والبريئة يامات الثانوي والي عندو حكايا يحكيهالنا ممكن نكونوا فوتناها مع بعضانا ولا نكونو قرينا مع بعضانا
والله كي نتفكرها نتوحشها بزاف ونتمنى ترجع ليام.............................................. .................................................. ....

[nadjouta]

صح يامات اليسي ما يتعوضوش خلاه هيا احكينا انتيا لولى

[رحمة الله]

نشفى مرة ماحبيناش نقراو غلبنا من القراية والفروض الفجائية ولوظائف ايا ومالا تفاهمنا انا و اولاد كلاستي باه نجيبو الشمع وانخربشو فالتابلو وكيما علابالكم الشمع ما يمشيش فيه الطباشير ومبعد كيما جات الاستاذة باه الدير الدرس ماقذرتش وزعم اتغشت وبدات تعيط باه نقولولها شكون الي دار هاكا بصح احن والوووو واحد ماهدر كون تشوفو هاديك المعلمة كيفماه ولاة من الغش اي بالااك في هاداك النهار طلعتلها لاطونسيو هاجت وحد الهيجة مانقلكمش كيفماه ايا راحت جابت المراقب العام عيا خبط خبط خبط والوووو خرجنا كامل من القسم دانا للرقابة دارنا استدعاء اولياء انا خفت منبابا ماقدرتش نقولوجبتها سمانة وانا نقرا بالدرقة على المراقب العام كيما يشوفني يسحتني يجي للقسم يحوس علي ندرقلو تحت المكتب تاع الاستاد كان الاستاد يدرقني منو لخاطر كنت نقرا مليح ومن لخر اهدر هو مع المراقب خلاني نقرا نورمال
واش نحكي واش انخلي بزاف مغامرات
مرة جرا موراي المراقب العام...................خلي المرة الجاية نحكيهالكم
اني نستنى تشاركوني حتا انا حابة نسمع مغامراتكم

[نصيرة أمي الحبيبة]

انا منت منحبش نقرا تاريخ و جغرافيا كل هذيك الساعة كنا نكتبو البوقالات و القسم كامل ينوي و البوقالة دور على كامل الطلاب هههههه الي تلحق عندو يبدا يضحك او هو ديقلو كي فاق بلي انا و ثلاثة من عصابة و لا كي يدخل للقسم يقولنا فلانة برا فلان برا هههه حتى جبت ماما هدرت معه و لا يخليني ندخل ههههه باب معلبالوش على خاطر ميفهمش هههه و الله درنا و احلى الايام كنا الصداقة بمعنى الكلمة درك كبرنا و لات الصداقة تاع مصلحة للاسف

[رحمة الله]

كي نتفكر هادوك ليامات تجيني لبكيا ونتفكر لاكليك تاعنا الله يذكرهم بالخير الي شرق والي غرب مرة على مرة تجيني عليهم اخبار ربي يهنيهم كامل ويهنيكم توما تاني

[رحمة الله]

ماكش ردود وتفاعلات يعني صح واحد ماعندو مغامرات وذكرايات مليحة فاليسي اي ماعليش دك نقعد نحكي وحدي و نفرغ قلبي لروحي انا كل مرة نحكي حاجة حتى نفرغ قلبي
صح ماعليش:(:mh93::p

[نجمة ساطعة]

موضوعك هايل والله ان شاء الله و نرجع نحكيلك على هاذ الفترة

[فتـ حييةـاة]

وحد النهار كانت عندي تصويرة تاع مرا كي تحركيها تغمز قعدت نشوف فيها وكل مرة نديرها في كراس ونعطيها لوحدة تشوفها الصورة مش عجبتنا لانها تغمز لا عجبتنا لانها حيرتنا كيفاش تتحرك كي نحركوها الاستاذ شاف هذاك الكراس يدور من وحدة لوحدة قالي هاتيه اعطيتهله راح للمكتب انا قلت كاش ماراح ينقصلي نقاط علابالكم نقطة ضعفنا هي النقاط كي فتح الكراس انا مت بالخوف لقى الصورة جبدها كي حركها البنت اللي فالصورة غمزت بدا غير يحرك فيها وفكل مرت تدير هذاك الشي هو يتبسم وماقراناش ساعة كاملة وكي خرج دا معاه الصورة وقالي خلاص مانعطيهالكش انا بصراحة قلت ضرك يضربني ولا يخرجني ولا يدير استدعاء لابي بصح هاذي c.e.m مش فالثانوي

[رحمة الله]

دك راح نحكيلكم كيفاه جرا موراي المراقب العام
كنت نقرا علمي وكنت نكره التاريخ والجغرافيا وكانت ديما نقراوها لعشية واخر ساعة تاع تحل عينيك بالسيف وساعات كانت الاستاذة تحكي وانا نشوف معاها ومانيش نسمع فيها تقول راك في غيبوبة ايا ومالا واحد انهار ماتخلتش لحصتها ورحت مع صحاباتي للساحة تاع السبور قعدنا تحت شجر كبيرا الي تقرا في كتاب تاع عبد الحليم والي مداير الوالكمان ومبعد جا المراقب العام سقساني واش عندكم قتلو سحتتنا تاع التاريخ قالي شكون قتلو فلانة قالي روحوا للادارة دك انجي احنا مادرناش النية رجنا للقسم كيما دار وراه لقانا نجريو ويتنطر ويجيب ورانا واحنا نجريو فالكولوار وهو جانا من الجهة الاخرى حنا وصلنا قدقد وهو خرج علينا جات في وجهه صحبتي ضربها بكف طار العلك من فمها ومبعد دخلنا للقسم سال المعلمة وهي نفات الامر ومعد كي العادة استدعاء الولي............................................. ................

[j.p.sarter]

والله اجمل مرحلة في مساري الدراسي كله هي مرحلة الثانوي ...اما بالنسبة للمغامرات والطوايش خليها لربي منا لغدوة وما انكملش.

[رحمة الله]

احكي.............................................. .................ما تخليهاش في قلبك

[asma2021]

موضوع رائع بصح لاكلاس نتاعنا دارو حالة في الشيوخة sur toutes نتاع الفيزياء
بصح هو الي دارها لروحو درنا فرض و الناس تعس في الارض مي هو فوق المكتب هههههههه
هداك الشيخ كيما يقولو كعبة

[حبيبة عادل]

احلى ايامي كانت في cem
ما نحبش ايام الثانوي
مين كنا في الاولى تانوي
كانو الاولاد واعرين وما يحبوش استاذة التاريخ مسكينة
كل ما تدخل يديرولها عفسة باش تخرجهم
مرة دارولها جرادة و لصقوها فوق الكرسي بالسكوتش
و هي تخاف
فاقت لي الاولاد خرجتهم بقينا بنات وحدنا غاية
وكانو يجيبو اقلام ملونة لي مخدومين بالشمع و يخربشو السبورة غير باش مايقروناش الاساتذة
و درك كل واحد وين راه

[رحمة الله]

ههههههههههههههههههههههههههههههههههههههههههههههه
شكرا عالردود انا انتظر مشاراكات اكثر.............................................. ...............
علابالي باللي عندكم مغامرات اكثر من هك................................................ ............................................
اني نستنى في حكاياتكم.......................................... .................................................. .........................................

[رحمة الله]

خلاص المسلسل تاع اليسي هههههههههههههههههههههههههههههههههه

[Meriemchawiya]

نحكيلكم انا مرة كنا نقراو و عندنا أستاذة تاع الفيزياء سيفيليزي مع دخلت ضربوها بصاروخ تاع ورق و لصق في شعرها من الور و شعرها أحرش هي تشرح مسكينة و احنا هههههههههههههههههههه و كانت عندنا وحدة الي تحب تشيت للأساتذة هددوها الدراري قالولها لوكان تقوليلها تشوفي بدات تبكي و كي سقساتها الأستاذة مقدرتش تقول حتى جا المراقب باه يكتب الغياب و شاف الأستاذة عاد هو تاني يضحك و قاللها هاااااااجة فينا و عقبونا مجلس تأديبي بصح الي ضحكتو هذاك النهار و زدتش ضحكتو

[adlan18]

ايييييه يا حسراه أفضل سنة دراسية جوزتها في حياتي الدراسية كامل كانت السنة الثالثة ثانوي
وحد النهار فالحصة تاع الفرنسية كان القسم فيه ثلاث صفوف راكم عارفين كيفاش نريحو البنات مع الأول و لولاد في الأخير أنا كنت نريح فالصف لي فالوسط شفت صاحبي فالصف الأول قلع صباطو و باقي بالحفا هدرت مع لي كان مريح معاه أعطيني صباطوا عطاهلي أنا عطيتو لجماعة مريحين فالصف الثالث حطوه فالطاقة بعد شوية بدا يحوس على سباطو ويسقسي شكون لي داه و يدير فالحس شافو الشيخ هدر معاه قالوا أخرج برا محبش يخرج قالوا أخرج قالوا صاحبي سرقولي الصباط الشيخ مافهم فيها والوا قال رجعولوا صباطو وقالوا أخرج نهار تفطن و تولي علابالك واش راهوا صاري فالقسم أرواح تقرا

كنا قسم مشاغب ولكن الأول في الدراسة 47 تلميذ دينا الباك في 42

[رحمة الله]

نحكيلكم انا مرة كنا نقراو و عندنا أستاذة تاع الفيزياء سيفيليزي مع دخلت ضربوها بصاروخ تاع ورق و لصق في شعرها من الور و شعرها أحرش هي تشرح مسكينة و احنا هههههههههههههههههههه و كانت عندنا وحدة الي تحب تشيت للأساتذة هددوها الدراري قالولها لوكان تقوليلها تشوفي بدات تبكي و كي سقساتها الأستاذة مقدرتش تقول حتى جا المراقب باه يكتب الغياب و شاف الأستاذة عاد هو تاني يضحك و قاللها هاااااااجة فينا و عقبونا مجلس تأديبي بصح الي ضحكتو هذاك النهار و زدتش ضحكتو
ههههههههههههههههههههههههههههههههههههههههههه
والله دحكتيني مريم زيدي اتفكري كاش طوايشهههههههههههههههههههههههههههههههههه

[رحمة الله]

ايييييه يا حسراه أفضل سنة دراسية جوزتها في حياتي الدراسية كامل كانت السنة الثالثة ثانوي
وحد النهار فالحصة تاع الفرنسية كان القسم فيه ثلاث صفوف راكم عارفين كيفاش نريحو البنات مع الأول و لولاد في الأخير أنا كنت نريح فالصف لي فالوسط شفت صاحبي فالصف الأول قلع صباطو و باقي بالحفا هدرت مع لي كان مريح معاه أعطيني صباطوا عطاهلي أنا عطيتو لجماعة مريحين فالصف الثالث حطوه فالطاقة بعد شوية بدا يحوس على سباطو ويسقسي شكون لي داه و يدير فالحس شافو الشيخ هدر معاه قالوا أخرج برا محبش يخرج قالوا أخرج قالوا صاحبي سرقولي الصباط الشيخ مافهم فيها والوا قال رجعولوا صباطو وقالوا أخرج نهار تفطن و تولي علابالك واش راهوا صاري فالقسم أرواح تقرا

كنا قسم مشاغب ولكن الأول في الدراسة 47 تلميذ دينا الباك في 42
شكرا اخي على المشاركة تبالي مازالو حكايات بزاف......................انا ناستناو فلاسويت