لا تقولوا لي صغيرة

[مشكلتي]

انا عمري 17 سنة احب شخصا كثيرا لكنه لا يحبني فهو دائما يقول لي انت توقعيني في المشاكل
وهنالك فتى من العائلة عمره 18 سنة يحبني ودائما يكلم امه عني واحيانا يتصل ببيتنا و يعطيني امه من اجل التكلم معها وهي تحبني كثيرا ودائما تقول لي حافظي على ابني وتود ان تكلم اهلي من اجل ان نبقى مع بعض و عند نهاية دراستنا تتقدم لخطبتي وانا لم احبه بعد لكنه بدأ في الدخول الى قلبي
ارجوكم انصحوني هل اكمل معه واحبه ام لا

[بنت الحجاج]

شكون قالكْ راكي صغيرة ،

راكي مرا و واعية ( مكلّفة )

و تتحاسبي على تصرفاتك ،


لذا أختي

أخطيك من لجياحة تاع الذر

و حطي راسك لقرايتكْ

[عُضو مُحترم]

مادام مش حابة نقوللك صغيرة

دبري راسك

و ما تلومي إلا نفسك اذا غلطتي

[hamzagolf6]

عجبتيني كي قلتي "ارجوكم انصحوني هل اكمل معه واحبه ام لا"
ههههههههه هذا دجليل على انكي تجيبي في الوقت فقط
كيفاه تقدري تحبيه ولا لا خخخخخ

[محمد غيزة]

تريثي اختي فالزواج ليس لعبة انت تريدين اكمال دراستك لا تعطي وعدا لاي شخص حتى تتاكدي انك تريدين الزواج عندها تزوجي من يحبك الشاب الذي من العائلة
اما ان تبقي على علاقة به على امل الزواج بعد اكمال الدراسة فهذا يؤثر على صمعتك لا تفعلي ذلك اختي

[نجمة ساطعة]

الناس لا تسأل نقدر نحب ام لا ... لان الحب لا يحتاج الى استشارة

ليس ببعيد علمت في منطقة قريبة منا فتى مواليد 1991 تزوج فتاة

مواليد 1999 ... بعدها استغربت لماذا الناس تتعجب من ارتفاع نسبة

الطلاق الكارثية ؟؟؟؟؟

[تواضعي يانفس]

في رايي انت صغيرة جدا وهو صغير جدا جدا ...
الا اذا كانت كل ظروفكم تسمح بالزواج!!!!!!!!!!!!!!!!!!!
او انتما على درجة فائقة من الوعي والادراك بمسؤوليات الزواج وتبعاته!!!!!!!!!!!!!!!!!!!!!!!!!!!!!!!!!!!!!!!!!!! !!!!!

[نورة مروان]

انا في رايي كيما قال الا خت تواضعي يا نفس .
مازالكو صغار في زوج بالاك كي تزيدي تكبري شوية يولولك دكريات وتولي ديما تصحكي كي تتفكريهم. فكري مليح
او ما تتسرعيش في اخد القرار .ما تعرفي واش راه مخبيلك في المستقبل وانشالله يكون غير الخير

[MONONOKI]

السلام عليكم

اولا قلت لاتقولي لي اني صغيرة وفي رايي راكي صغيرة لانك لو كنت كبيرة كما تدعين للاحظت ان الحب وهم يقتل صاحبه والزواج ليس لعبة اطفال فهو مسؤولية كبرى فحاولي ان تتريثي في حكمك ولاتدعي العواطف تتحكم بك
ولي فيه الخير يجيبو ربي

[حضنية28]

يا اختي اخطيك من هاد الشئ وهاد الحوايج انشغلي بدراستك واهتمي بطلب العلم فهو الاولى لك من هاته التفاهات

[MEDINBLACK1]

ههههه حابة تولي تحبيه اذن حاول ممكن تقدر تستطيع
انا جزائري اذن انا فكرون ؟
Grow Up People

[احلام وردية2]

اكبر دليل على انك صغيرة قلتيها بعضمة لسانك كون ما راكى عارفة ما تقولوا ما تقولوليش صغيرة انا تانى فى مثل سنك لقيت انوا ما فى شى افضل لى وخير لى من قرايتى هى لى ترفعلى الشان ودسرلى لقدر


ونقولك حاجة ديرها مليح ف عقلك



من ترك شيئا لله عوضه الله خيرا منه


رح يمر الوقت يجى وقت تحمدى ربى وتشكريه لى ما تاخدتيش قرار تندمى عليه


وبالنسبة لهدا لى ما يحبكش ما طلعيلهش الشان لى خلق مثله خلق الف غيره ديرى لروحك القيمة اما هدا قريبك 18 سنة يااااو صدقينى والله غير ما زال غريان الاولاد ما يكبروش بالخف كون نجوا للصح تلقايه هدا وين بدا مراهقتها

[faty05]

يا اخت تهتمي بدارستك احسن لك
ما تحبيه ما تحرقي راسك من ذركا
كل شي في وقتو
اذا جاو يخطبوك بعد انتهاء دراستك
و زوجك ثما حبي علا روحك
بصح في الوقت الحالي نقولك
مازالك صغيرة ..... كوني نفسك خير و خير
الله يهنيك

[imi02i]

السلام عليكمـ ورحمـة الله وبركـــــــاتـه


أنت على قدر كبير من الفهم والوعي

وأظن أن آراء الإخوة قبلي مفيدة أكـثر

أقراي على عمركـ وكي تكملي قرايتك الزواج راه ساهل

[adlan18]

الله يهديك

[انا هو]

نصيحة انتبهي لدراستك اولا وكل حاجة في وقتها مليحة

[biologie2001]

الله يهديك يا طفلة و تهلاي في قرايتك و بركاي من الجياحة هدي .... راكي موصلتيش للباك

[نسيبة 2009]

يا بنتي مازالكي صغيرة اتلهاي بقرايتك والزواج من بعد

[kacem66]

17سنة وتقولي صغيرة راهم يزوجو علي12سنة راك كبيرة

[خدووجة]

كلش في وقت حلو اختي

[نسيبة 2009]

17سنة وتقولي صغيرة راهم يزوجو علي12سنة راك كبيرة

خلى الطفلة في حالها واش تعرف تروح تلعب الغمايضة مع راجلها