للنساء فقط...كيف انت مع الذهب...؟؟

[mordia]

السلام عليكم و رحمة الله وبركاته

اصبح حديث الساعة..الذهب و نظرته الاقتصادية مع اخوتنا الرجال...
خطر لي فتح الموضوع مع الاخوات الكريمات السيدات و العازبات لنتحدث عن هذا المعدن النفيس الذي اصبح حديث العام و الخاص...
صحيح ان المراة تحب ان تتزين بابهى و اجمل الحلي...و الذهب من اهم ما تتزين به و قد احله الله لها دون الرجال..و لكن ذلك الحب و الارتباط بالذهب اصبح مبالغ فيه بشكل كبير..
بغية توضيح الرؤى و تصحيح بعض المفاهيم التي اصبحت تثقل كاهل الرجال و النساء على حد سواء
لنناقش الموضوع بيننا كنساء ولتتحدث كل واحدة فينا عن رؤيتها و علاقتها بالمعدن النفيس و مدى اهميته بالنسبة لها...
لنكن صريحات مع بعضنا البعض و لتدلو كل واحدة فينا بدلوها فما عندي قد يكون خاطئ و احتاج لمن يصححه و ما عندك قد يكون صحيح و بحاجة لمن يستفيد منه ...
استثنيت الرجال من الردود كي لا ننشغل بردودهم و افكارهم التي قد لا تتناسب مع حديثنا و للراغبين
منقوووووووول

[imi02i]

السلام عليكم ورحمـة الله وبركـاته

صحيح أن كل مـرأة تحب هذا المعدن وتحب أن تملكـ منه الكثير

لكن مع تزايد سعره وأسعار المواد الأخـرى

متلقاش الوحدة وين تدير براسها

هات وحدة تدير حاجة خفيفة برك وخلاص

[أمال 05]

السلام عليكم
بوركتِ أختي على الموضوع..من الطبيعي أن تحب المرأة أن تتزين لكن للأسف هناك نساء بالغت في حبها للذهب و التباهي أمام الناس و أصبحن تشترينه عنادًا و بعضهن تتساهلن في موضوع الزكاة ..
شخصيًا لا أحب الذهب الأصفر ، و ألبس خاتما واحدا كان هدية .. و الاّ فلا أظن أنني سأشتري شيء من ذهب يومًا (ربما الأبيض)..بالمقابل أحب الفضة.
سلامي

[بتول8]

السلام عليكم
ماعندي حاجة في الدهب بصدق لكن ادا ملكته لا اقول لا

[مشكاة الهدى]

السلام عليكم


صدقا لا احب الذهب

[the black perl]

السلام عليكم ورحمة الله وبركاته
موضوع جيد
بالنسبة لي انا نحب الذهب بززااااااااااااااااااااااااااااااااااااااااااااااا ااااااااااف منعرف علاه ....!!!!!!!


تحياتي



:mh31::mh31:
:mh31::mh31:

[السيدة كرمين]

شكرا عزيزتي

قد تستغربين لكني لا أحب الذهب و افضل الفضة او المرجان

رغم اني اشتريت منه لأنه في عرفنا لازم لمرا يكون عندها ذهب

وشيعتي خدامة يقلك تخدم ومش عاملة سلك ذهب ههههههههههه

لكنه مفيد وفادني كثيرا مؤخرا بعته بهدف مساعدة زوجي لبناء مسكن

وناس بكري يقولوا لحدايد لشدايد

احتفظت بخاتم زواجي وخاتمي اللي عندوا قيمة رمزية

كونه أول خاتم اشتريه من تجميعي لمصروفي ايام الدراسة



ومليح أنوا زاد مؤخرا هههههههههههههههه

[maiar]

شخصيا ما عندي حاجة فالذهب لي عندي نلبسو

و ما نحتم فوق طاقتي او طاقة والديا باه نعمر روحي بالذهب

لكن ابي يقولي الذهب يجي نهار و تحتاجيه

[نجمة ساطعة]

تعرفي عن نفسي لا احب الذهب مش عارف علاه بصح ماما شراتهولي قوة
وقت ما طيحلي دراهم تبدا تغنيلي و بالمناسبة اشكرها على الاقل ذهب حاجة
واقفة خير من حاجة اخرى ..
بصح منحبش نلبسوا نفضل عليه ليساكسيوار تخيلي هههههههه خويا في العيد
عايرني قالي خدامة و لابسة هاذ لقراقب هههههههه

[أم البراء السلفية]

السلام عليكم ورحمة الله وبركاته
صراحة انا مانحبش الذهب بزاف انحب حاجة رقيقة وخفيفة برك
كيما انقولو تاع دايمن
لكن الذهب مليح اللي يكون عندها
كيما اتقول يما
هادو الحدايد نلقاوهم وقت الشدايد

[دموع الحيــاة]

من قبل
كنت لا أعطيه أهميـــّة
ولكن الآن
فمحتـــّم عليّ أن أعطيه أهميـــّة وأن أشتريه أيضا
- مع أنــّي لا ألبسه وأندم لحظة شراءه -




وعموماً فالذهب نجده وقت الشدة

[saidsaida]

كان عندى دهب وبعتو من اجل بناء بيتى وما اندمت لحظة فى حياتى:d

[ام رحوقة]

انا نحب الذهب بالبزاف ولكان نشوف موديلات شابين نهبل عليهم مي مانحبش ندير مانعرف علاه الخواتم نتقلق منهم والسناسل بنتي تجبدني منهم ولا يتقطعو والمناقش يضروني
مي نحب نشريه كي نلقى فرصة خاطر يجي نهار ونحتاجو

[احلام وردية2]

نقولك ربما تستغربى

ولا تقولى كلامها لمجرد لفت الانتباه والاختلاف عن النساء


والله ما عندى حاجة فالدهي ما نخدمهش قاع ههههههههههههه

عندى 17 ونص لحد الام لا املك غير قرط فى ادنى فقط ما نحبش الدهب بزاف يعنى اكيد مين نكبر راح ندير بصح نحب حاجة سامبل يعنى خاتم صغيرة وشيك ولا ساعة رقييييييقة ومعقولة اما هداك الشكيل تاع المسيبعات والسناسل لى فيها قنطار والخواتم لى تدى كامل الصبع والله تثير اشمءئزازى مين نشوف وحدى دايرة مسيبعات تغلغلنى

[mordia]

- مع أنــّي لا ألبسه وأندم لحظة شراءه -
هههههههههههههههه
مثلي تماما!!!!!!!!!!!!
اندم وانا عاد ما خرجتش من الحانوتتع الذهب........

[احلام وردية2]

انا نحب الذهب بالبزاف ولكان نشوف موديلات شابين نهبل عليهم مي مانحبش ندير مانعرف علاه الخواتم نتقلق منهم والسناسل بنتي تجبدني منهم ولا يتقطعو والمناقش يضروني
مي نحب نشريه كي نلقى فرصة خاطر يجي نهار ونحتاجو
ما كاش منها تاع يجى وقت ونحتاجوا خبى دراهم واه دهب لا والله نعرف شحال من وحدين ماتوا وخلوه يقولوا نخلوه لعقايبنا وفالاخير والله صحتهم ويهملوها على جال باه يحتافضوا بالدهب للخزانة :sdf:

[أمال 05]

السلام عليكم و رحمة الله و بركاته

موضوع رائع خاصة و الفترة الحالية التي يشهد فيها ارتفاعا محسوساً في أسعاره

منذ ان كنت صغيرة و أمي تصر عليّ بإختيار شيء تهديني إياه من الذهب و أنا كنت ارفض رفاً قاطعاً حتى لم يكن يستهويني الذهب أبداً

لكن في السنوات الاخيرة بدأت أميل إليه و لكن ليس كثيراً فالكثير من القطع اليت املكها لاتزال في حوزة امي تخبئها لي رغم اني كبرت عليها
لا ادري ان كانت نظرتي ستتغير اليه في المستقبل ...إلا اني اصبحت مولعة بالفضةو قد طلبت منها ان تهديني قطعة فضية بدل الذهب

شكراً على الموضوع

[ليلى الأمل]

السلام عليكم

شكرا اختي على الموضوع الدي اصبح الشغل الشاغل للبنات خصوصا المقبلات على الزواج

انا مثلا ماعليتي في الدهب وخصوصا الاصفر افضل الفضة بكثيرولم افكر يوما في اقتنائه

[ام رحوقة]

ما كاش منها تاع يجى وقت ونحتاجوا خبى دراهم واه دهب لا والله نعرف شحال من وحدين ماتوا وخلوه يقولوا نخلوه لعقايبنا وفالاخير والله صحتهم ويهملوها على جال باه يحتافضوا بالدهب للخزانة :sdf:

صح عندك الحق كاين الي يموتو ويخلوه وهذوك الي يكونو معمرين الخزنة
انا راني نهدر على باغوغ وخواتم ههههه
ولوكان نخبي دراهم ثم ثم نصرفهم مانقدرش نخبي مي كي نشري خاتم خلاص باينة راهي في الخزانة
وشكرا

[kamel46]

سمحولي الى شاركت في الموضوع ....بصفتي ولد انا نكره نشوف المرات واقفين مثل الطابور امام بيجوتري وكأنه يصدّق عليهم!!!!!!!!!!!!!!!

[أمال 05]

سمحولي الى شاركت في الموضوع ....بصفتي ولد انا نكره نشوف المرات واقفين مثل الطابور امام بيجوتري وكأنه يصدّق عليهم!!!!!!!!!!!!!!!

.
والله الى عندك الف حق...كاين كما تخلصهم كما يمشوا للصياغ...والله الى سوسة وكبيرة....

[النجمة القطبية]

علاقتى مع الذهب عادية ليست علاقة حب ولا علاقة كره
بالنسبة لى هو معدن اتزين به وكفى
لكن اريد ان الفت لامر
المفروض ان المراة لما تلبسه فى المناسبات تلبس قطعة بسيطة تتزين بها وكفى
اما من تفتح صندوقها وتبدا فى صف وتكديس الالوان والاشكال حتى تكاد لا ترى وجهها فبصراحة بدون تعليق اترك التعليق لكم ههههه
اذا زاد الشئ عن حده انقلب الى ضده
تقبلو مرورى

[الكـ الطيبة ـلمة]

اشتريت و بعته من اجل اتمام مشروع ما و اعدت شراء جل ما بعت

و لا اضع منه حتى و لو حلق

لا احبه... فقط مثل ما قالت الأخوات من أجل تفريج منغصات الحياة لا اكثر.

و الحمد لله أخرج زكاته و كذا اذكر كل من حولي

[نسائم الهدى]

أنا والحمد لله مقارنة مع وحدة عازبة عندي الذهب
مي نلبسوا غير في المناسبات الكبيرة والتي تكون عند الأقارب وعلى حسب المكان الذي أذهب إليه
ولا أخفيكم سرا لقد كنت في الماضي لا أرتدي الذهب عند ذهابي للأعراس ولا حتى في البيت
ولكن عندما سمعت إحداهن يوما في نهار حنة قريبتي تقول عن أهلي
(شيعت ناس كافيين حالهم وزعمة عندهم طفلة وحدة حديدة تلبسها في يدها ما شراولهاش)
إذا أنا من غيضي وغضبي ذهبت في الغد يوم الزفاف وأنا ألبس كل حليي وعندما رأتني تلك الــ(أستغفر الله العظيم) عينيها قريب خرجوا ومنذ ذلك اليوم ألبس حليي على حسب المكان الذي أذهب إليه والملابس التي أرتديها
ورغم ذلك مازلت لا أحب الذهب ولا أي حلي أخرى يقلقوني .
وعندهم الحق اللي يقولوا الحدايد للشدايد
لأن الذهب تزيد قيمتوا أمّا النقود فقيمتهم تنزل
سلاااااااااااااااااااااااااااام

[manels]

السلام عليكم

انا نحب الذهب لكن في اطار المعقول يعني حاجة خفيفة وباهية يعني مانحبش الثقيل وحنا في سطيف ياو وش نقولك الذهب عندنا حاجة مقدسة خاصة محزمة تاع الذهب تلقاي الذهب وصل 6200دج لكن الذهاب مليان بالغاشي نقول لماما واش هذا الغاشي كامل عندو الصوارد .

المهم انا عندي مدة ماشريتو ماوالو ياو غلا بزاااااااااف وخسارة الصوارد فيه المهم في هذه الدنيا الهناء


تحياتي وراني حكيت بموضوعية تامة

[zahra30]

الذهب زينة وخزينة
ما نيش مهوسة به بصح كي تسمح لي الفرصة اندير حاجة خير ما يروحو الدراهم في حوايج تافهين ( اللبسة الزائدة و......)

[ياربي اني راضية]

انا نحب الدهب لدرجة الهوس اوكان نشوف وحدة اشرات حتى لو كانت اختي لازم نشري وادا عجبتني حاجة نتاع الدهب نديرها في راسي حتى نشريها الله غالب نموووووووووووووووت عليه حتى وليت انشوف البجوتري في المنام

[looona]

انا نحب الدهب بززززززززززززززززززززززاف ويقولو الحدايد لشدايد

[mordia]

انا نحب الدهب لدرجة الهوس اوكان نشوف وحدة اشرات حتى لو كانت اختي لازم نشري وادا عجبتني حاجة نتاع الدهب نديرها في راسي حتى نشريها الله غالب نموووووووووووووووت عليه حتى وليت انشوف البجوتري في المنام

:eek::eek::eek:

[nilly]

انا احب الذهب الابيض.
وكذلك الاكسسوارات

[moonlight19]

صدقا صدقا
اموووووووت في الذهب و لكن والله ليس لغرض التباهي به امام الناس
وانما لغرض جمع جزء من المال لليوم الاسود - يوم اكون محتاجة اجده ان شاء الله -
اتمنى تكونو فهمتوني

[mordia]

ربّما توافقي البعض في انّ حبّ الذهب رّما يرجع الى اسباب كثيرة اهمها وراثي...:confused::confused:
اي عندما تكون امّك تحب الذهب تدخّلك الوسواس في راسك وتقنعك بأنّ الذهب اغلى واهم حاجة للمرأة....:mad::mad:
بعض النساء نعرفهم ما يخدموش وعندهم الذهب اكثر من الخدّامات...!!!!!!!!!!!!!:D:D:D
علاش لأنّشغلها الشّاغل هو تقتصد وتكسّر راس زوجها في كل خلصة باش تدّيهم للصياغ...:rolleyes::rolleyes::rolleyes:.
اللهم ارزقنا حبّك وحبّ من يحبّك وحبّ عمل يقرّبنا الى حبّك.............

[zitoukar]

الذهب مليح للزينة ومليح للزمان نحب نشريه وقت ما لقيت فرصة

[بنت الباهية]

أيه نبغي الذهب مشي باش نلبسه و لكن لادخاره عوض ان ادخر المال لأن الذهب راه يزيد ثمنه
تعرضنا لأزمة مالية وبعت منه خير ملي نروحوا نتسلفوا و خاصة انه مكانش لي يسلف دورو في وقتنا

[ام مرية]

ما عندي حتى علاقة بيه من نهار الي تسرقلي ذهب انتاعي زهدة فيه وما عدتش نقتنيه غي الاشياء الضرورية

[محمد المحظر]

إسمحولي بالاك أطفلت عليكن لكن الموضوع أثار إهتمامي انا نقول الذهب مليح لكن ليس لدرجة كبيرة فمعظم النساء كي إيروحو للاعراس يحبو يلبسو الذهب كامل ديالهم وخاصة إذا كانت المرأة زوجة حديثة لكن تجد الرجل إيخاف عليها بزاف من السراق ما كانش امان .

[الأمنيات]

اكيد ان الذهب يعتبر ضمن زينة المراة لكن وقتنا الحالي لا
هو م اخر اخر الكمليات نصنفه في اخر القائمة لغلائه .....انا لا اهتم به كثيرا فكرت مرة نشري لبناتي مادامهم صغار لكن قيل لي
نخرج عليه زكاة لانه مش للزينة ...................
الحمد لله الي عندي لا البسه الا في المناسبات ما بالك نزيد هم على روحي
شكرا على الموضوع