ياو بطَلت .................................. [الأرشيف] - منتديات الجلفة لكل الجزائريين و العرب

محمد...عبد النور

2012-02-20, 18:58

السلام عليكم إخواني و أخواتي ،أعضاء منتدانا الغالي و رحمة الله و بركاته
و أسعد الله أوقاتكم بكل خير
كنت أتحدث بالأمس مع صديقي، و في خضم الحديث تطرقنا الى تكاليف الزواج و حينها قال لي عن التكاليف:**يليق لك 10 ملايين نتاع الشومبرة ،و 15 مليون تكاليف العرس و 15 على الاقل مهر المرا، و زيد و زيد...يعني 50 او 55 مليون مين ندير معاك أي ما نحسبش كل المصاريف ..و ضحك ، هنا سكتت و قلت له ما عنونت به موضوعي: ياو بطلت ما نتزوجش ههههههه و ضحكت بالطبع كنت أمزح

الأسئلة :
بناءا على على خبرتكم في الحياة يرجى الإجابة على الأسئلة الإجبارية التالية ( باغي نديرلكم إمتحان كيما نتاع مسابقات التوظيف ههههها)
- ما رايكم في الطريقة المحاسبية نتاع صاحبي؟
- هل هي سليمة ، مع وجوب التبرير
- بإعتمادك على المعلومات و المعطيات التي تملكها ، قدم نموذجا إحصائيا دقيق لهذه المصاريف ( حسب منطقتك )
-إذا كنت أنت المتقدم إلى الزواج، هل تجيب بنفس عنوان هذا الموضوع؟علما أن المصاريف تبقى نفسها
ملاحظة :
التنقيط على كل سؤال : دعوة خالصة من القلب مني لكم
أبشر الجميع أنكم من الناجحين بإذن الله
شكرا لكم مقدما على إجاباتكم
بارك الله فيكم و رزقكم الله الفردوس الأعلى
ســـــــــــــــــــــــــــــــــــــــــــــــــ ــــــلام

chamam

2012-02-20, 19:06

السلام عليكم إخواني و أخواتي ،أعضاء منتدانا الغالي و رحمة الله و بركاته
و أسعد الله أوقاتكم بكل خير
كنت أتحدث بالأمس مع صديقي، و في خضم الحديث تطرقنا الى تكاليف الزواج و حينها قال لي عن التكاليف:**يليق لك 10 ملايين نتاع الشومبرة ،و 15 مليون تكاليف العرس و 15 على الاقل مهر المرا، و زيد و زيد...يعني 50 او 55 مليون مين ندير معاك أي ما نحسبش كل المصاريف ..و ضحك ، هنا سكتت و قلت لهما عنونت به موضوعي: ياو بطلت ههههههه و ضحكت بالطبع كنت أمزح

الأسئلة :
بناءا على على خبرتكم في الحياة يرجى الإجابة على الأسئلة الإجبارية التالية ( باغي نديرلكم إمتحان كيما نتاعمسابقات لتوظيف ههههها)
- ما ٍايكم في الطريقة المحاسبية نتاع صاحبي؟
- هل هي سليمة ، مع وجوب التبرير
- بإعتمادك على المعلومات و المعطيات التي تملكها ، قدم نموذجا إحصائيا دقيق لهذه المصاريف ( حسب منطقتك )
-إذا كنت أنت المتقدم إلى الزواج، هل تجيب بنفس عنوان هذا الموضوع؟علما أن المصاريف تبقى نفسها
ملاحظة :
التنقيط على كل سؤال : دعوة خالصة من القلب مني لكم
أبشر الجميع أنكم من الناجحين بإذن الله
شكرا لكم مقدما على إجاباتكم
بارك الله فيكم و رزقكم الله الفردوس الأعلى
ســـــــــــــــــــــــــــــــــــــــــــــــــ ــــــلام

ايه كلام صاحبك صحيح ...ولكن الامور ليست كما تعتقد ..نحكيلك انا تانى على صاحبى

باش تنسى صاحبك ....صاحبى زوج ..وقبل ما يتزوج كان عندوا مصاريف اكتر من

صاحبك .....اول شئ هى الراجل لا زم يكون خدام ..تم تولى حكاية ساهلة ..

كاين زوج حوايج فالزواج هدا هما القاعدة ..السكن والعمل ..تصبح انسان قادر على الزواج .....

الشمبرة والشرط كل شهر تدفع شوية للمراة وشوية لصاحب الشمبرة ..وهى فرات ..

مصاريف العرس مكان والوا ..شاة + شوية كفتة + شوية شوية ديسار تاع لحباب فى يديهم ..خلاص

وربى يسهل ...هدا واقع عشتوا مع صاحبى يوم بيوم ...

ام ظافر

2012-02-20, 19:23

اظن ان التكاليف الي قالهالك صاحبك فيها رحمة شوي لانو الواقع اكثر بكثييير
وين تلقى الان شومبرا تاع 10 ملايين راهم من 20 وطلع
اقل عرس مستحييل يكلفك 15 مليون لانو غير الكبش وحدو 5 الي راح تديه لدار العروس اما الجزرات الي راح توكل بيها انت في دارك نهار العرس حاجة اخرى
مهر البنت ممكن هنا تلقى الي تساعدك و15 تكفيها وممكن حتى قل او اكثر حسب البنت
والله العراس الان عادة كابوس من الغلاء والي زاد وغطى انو يروحو الناس وهوما ماشي مبسوطين غير يلومو فقط ويعلقو ويعكيو
الله يكون في عون كل واحد حاب يستبيت

- بصمة خير -

2012-02-20, 19:41

ايه كلام صاحبك صحيح ...ولكن الامور ليست كما تعتقد ..نحكيلك انا تانى على صاحبى

باش تنسى صاحبك ....صاحبى زوج ..وقبل ما يتزوج كان عندوا مصاريف اكتر من

صاحبك .....اول شئ هى الراجل لا زم يكون خدام ..تم تولى حكاية ساهلة ..

كاين زوج حوايج فالزواج هدا هما القاعدة ..السكن والعمل ..تصبح انسان قادر على الزواج .....

الشمبرة والشرط كل شهر تدفع شوية للمراة وشوية لصاحب الشمبرة ..وهى فرات ..

مصاريف العرس مكان والوا ..شاة + شوية كفتة + شوية شوية ديسار تاع لحباب فى يديهم ..خلاص

وربى يسهل ...هدا واقع عشتوا مع صاحبى يوم بيوم ...

صحيح كلامك

الانسان لازم يسعى للسكن و العمل و النية الصادقة

و انا تاني شوفت كيمن صاحبك في عائلتي اعمامي و اخوالي

ربي يوفق و صلوا على الرسول و ال الرسول

الواثق

2012-02-20, 20:04

واش نقلك خويا ..........الله المستعان.................انا نحب المرا تقلي دير على واش قادر المهم كي نتزوج بيك مايكونش عندك الكريدي ....................من عندي نيسر ومن عندها تتيسر وربي ينزل البركة...............وكاين ناس يحيروني هو ماشي خدام يعني خدمة باينة ويدير عرس ب60 مليون كان قادر جزء منها يستعين بها ليوفر اسباب الرزق.................وكاين نساء يشرطو ويتقلشو وهوما جامي شافوها في حياتهم وتقلك مرة في العمر .............اذا كان هذا راجلها وتحبو وتخاف عليه متخاليهش يطلب ويدين على جال عادات وتقاليد تدخل للنهي ان وصلت لحد التبذير .........................وشفنا اعراس خسرو فيها عشرات الملايين ومابان والو ..........وكاين اعراس والله بمبالغ صغيرة لكن تحس البركة فيها ماشاء الله...............................والله المستعان

اميرة الجزائر2010

2012-02-20, 20:18

السلام عليكم
شكرا اخي محمد موضوع الش=اسعة و الكل يشتكي منه
انا في رايي كل شخص يخاذ على قدره يعني على ما يستطيع هو على كلا الطرفين التفاهم على كل شيء لو كنت اهل العروس نقول اعطيني واش قدرت ماشي نكلفو رواحنا اكثر من اللازم هكذا اليوم الاول تكون هناك مشاكل لانه البركة لا توجد و كل ما في البيت من الكريدي كما يقولو و كل شخص يخطب على حسب مستواه الاجتماعي و الاقتصادي لا ننظر الى السماء فتوجع رقبتنا و الفاهم يفهم
ربي يسهل على الجميع

عُضو مُحترم

2012-02-20, 21:09

ياودي تطفرت فينا و خلاص

سلكولها ناس لي تزوجت وقت كان الذهب 1000دينار للغرام

هههههههههههههههههه

Meryoul

2012-02-20, 23:48

كل واحد يكسل رجليه على قد غطاه قالوها ناس زمان

"زينب"

2012-02-21, 09:11

واش نقلك خويا ..........الله المستعان.................انا نحب المرا تقلي دير على واش قادر المهم كي نتزوج بيك مايكونش عندك الكريدي ....................من عندي نيسر ومن عندها تتيسر وربي ينزل البركة...............وكاين ناس يحيروني هو ماشي خدام يعني خدمة باينة ويدير عرس ب60 مليون كان قادر جزء منها يستعين بها ليوفر اسباب الرزق.................وكاين نساء يشرطو ويتقلشو وهوما جامي شافوها في حياتهم وتقلك مرة في العمر .............اذا كان هذا راجلها وتحبو وتخاف عليه متخاليهش يطلب ويدين على جال عادات وتقاليد تدخل للنهي ان وصلت لحد التبذير .........................وشفنا اعراس خسرو فيها عشرات الملايين ومابان والو ..........وكاين اعراس والله بمبالغ صغيرة لكن تحس البركة فيها ماشاء الله...............................والله المستعان
بارك الله فيك
إرضاء الناس غاية لا تدرك من الأفضل إرضاء رب العالمين و الإبتعاد عن التبذير و المصاريف الزائدة التي لا فائدة منها و التي معظمها مجرد تقليد اعمى أو من العادات و التقاليد بعيدة كل البعد عن الزواج الإسلامي الشرعي

omeyacine

2012-02-21, 09:18

أخي إليك حكايتي
تزوجت منذ 10 سنوات لا عرس ندارلي إلا الصداق المدهش في زوجي أنه خدام و سكن لم يكن المشكل , السبب أن الوالدة تاعو ما تحبش الأعراس و كانت الوقع على أهلي ما نحكيلكش و مع هذا كملت معاه الكل قالولي سوف تندمي لكن الأن راني الحمد للله , مع أنني لا أملك شومبر و لا حتى الرفاهية لكن عايشة أحسن من الناس لدارولهم أعراس فاخرة
توكل على الله و لاكن كن صريح مع سعيدة الحظ

أمال 05

2012-02-21, 09:35

والله الحالة ماراهاش تع تعجب...لابد من تغيير جدري للمجتمع والا سيكثر الفساد عند العباد....
الله يستر برك......

السيدة كرمين

2012-02-21, 09:42

لمثل يقول * عرس ليلة دبارتوا عام *

بمعنى لي يحب يزوج مشي يفكر في التكاليف كي يلحق 30 سنة

المفروض يحضر ليه قبل بسنوات وخاصة درك فعلا التكاليف غير المهر

راه بزاف لعرس 20 مليون و الشمبرا 15 و الفريجيدار 03 و التيليفيزيون 2.5 .....

مليح نحاولوا نجدوا الحلول كالانتساب للجمعيات خاصة بالأحياء

ونجحت كثيرا هذه الفكرة في كل عرس يتكاتفوا لكل لمساعدة العريس

في التكاليف وانصح الأولياء بتخفيض المهور والله لي يهم هنا لبنت أكثر من المظاهر الخداعة

الله المستعان

محمد جديدي التبسي

2012-02-21, 09:44

واقعيا مصاريف الزواج هي كما قال صديقك وقد تزيد أو تنقص حسب مستوى التدين والرجولة والفحولة عند أهل الخطيبين:)
فهناك تناسب طردي بين كل ذلك لكن هذا لا يقتضي التعميم فهناك أسر وعائلات كبيرة تصرف الكثير في وليمة العرس وحدها بسبب كثرة المدعوين
وقد قيل لي أن هناك من يذبح عشرات النعاج ليلة العرس لتكفي الجميع ويُطعم منها حتى الفقراء والمساكين وهو الأساس لكن نحن في عصر المتناقضات والله المستعان.

عموما الانسان يجب أن لا يقنط من رحمة الله والخير في الأمة إلى قيام الساعة
المهم تكون قادر على شقاك وتحب العمل ولا ترضى بالذل والهوان

كان الله مع كل الشباب المبتغين للحلال الطيب

جزاك الله خيرا أخي الفاضل

بتول8

2012-02-21, 10:33

السلام عليكم
لكان عندك سكنة و عمل ماتخممش كامل فالمصاريف هادوك هوما الساهلين بالتقسيط و الديون تزوجو والدينا و سلكوهم و دارو الديار و الحمد لله

محمد...عبد النور

2012-02-21, 12:46

شكرا لكم جميعا على مروركم العطر
بارك الله فيكم
ســـــــــــــــــــــــــــــــــلام

السَّحابة البيضاءْ

2012-02-21, 15:45

علاش تبطل ههههه

كل حاجة تبنى درجة درجة

أم البراء السلفية

2012-02-22, 14:40

السلام عليكم ورحمة الله وبركاته
الراجل مايجي يتزوج ولا يفكر في الزواج يكون موجد روحو من كل ناحية
بالنسبة لتكاليف العرس مانضنش توصل 15 مليون دير عرس على قدك لاه تحوس الناس كل يسمعو بعرسك
و15 مليون مهر لاه المخلوقة مشلة بالذهب ول ؟؟
ادي على قدك حوس على واحدة تاع 5 ولا اقل على حسابك
وربي يوفقك ان شاء الله

محمد...عبد النور

2012-02-23, 16:59

السلام عليكم ورحمة الله وبركاته
الراجل مايجي يتزوج ولا يفكر في الزواج يكون موجد روحو من كل ناحية
بالنسبة لتكاليف العرس مانضنش توصل 15 مليون دير عرس على قدك لاه تحوس الناس كل يسمعو بعرسك
و15 مليون مهر لاه المخلوقة مشلة بالذهب ول ؟؟
ادي على قدك حوس على واحدة تاع 5 ولا اقل على حسابك
وربي يوفقك ان شاء الله

شكرا أختي علر الرد الطيب
فقط أقول لك الواحد يدير عرس على قدو و لا داعي للتبذير لكن لا أخفيك شيئا و الله الأسعار جد غالية
و قلتي و15 مليون مهر لاه المخلوقة مشلة بالذهب ول ؟؟ هههههها
في هاذ الوقت كاين اللي يطلبوا من الخاطب شبه المستحيل تقولي با يعطوه ما نيش عارف واش

و أخيرا وين هاذي الفتاة كثيرة البركة اللي تقبل و أهلها ب 5 هههههههه
بارك الله فيك أختي الكريمة و جزيتي الجنة
ســــــــــــــــــــــــــــــــــــــــــــلام

imi02i

2012-02-23, 17:31

10 ملايــــــــــــــن شرطـ

و 6 مـــــــلاين شنبرة لباس بيها

ولا عرس لا والو

علاه 55 مليون كامل ؟؟؟

محمد...عبد النور

2012-02-23, 18:54

10 ملايــــــــــــــن شرطـ

و 6 مـــــــلاين شنبرة لباس بيها

ولا عرس لا والو

علاه 55 مليون كامل ؟؟؟
شكرا على ردك الطيب و الله ممكن أجد فقط نحوس على المرا اللي تكون بنت حلال
شكرااااااااااااااااااااااااااااااااا
ســــــــــــــــــــــــــــــــــــــــــــــــل ام

محبوبة امي

2012-02-23, 21:29

لمادا تفكرون فقط في مصاريف الزواج ...و لم تفكرو في الزوجة الصالحة ...في السعادة و الهناء
كما تقولون الزواج مكلف ب 10 و 15 و20 ...ووووو
الامور المادية يمكن ان تجد لها حل ...يعني كما نقول دير عرس على قدك.....
لكن لم تفكرو بعد الزواج مادا ?????
هل الزوجة صالحة ...هل تستحق هده المصارف...فالزوجة الصالحة تبحث عن السعادة الزوجية و لا المصاريف و النقود
...لان الزوج ما لم يحضره لها قبل الزواج ...يعوضه بعده...
انشاء الله يرزق كل واحد زوجة صالحة و متفهمة ...

محمد...عبد النور

2012-02-23, 22:21

لمادا تفكرون فقط في مصاريف الزواج ...و لم تفكرو في الزوجة الصالحة ...في السعادة و الهناء

كما تقولون الزواج مكلف ب 10 و 15 و20 ...ووووو
الامور المادية يمكن ان تجد لها حل ...يعني كما نقول دير عرس على قدك.....
لكن لم تفكرو بعد الزواج مادا ?????
هل الزوجة صالحة ...هل تستحق هده المصارف...فالزوجة الصالحة تبحث عن السعادة الزوجية و لا المصاريف و النقود
...لان الزوج ما لم يحضره لها قبل الزواج ...يعوضه بعده...
انشاء الله يرزق كل واحد زوجة صالحة و متفهمة ...

شكرا لك أختي الكريمة و جزاك الله خيرا
صح التفكير بالزواج أمر مهم
لكن بالنسبة لي فكرت فيه و في بنت الناس اللي نجيبها
من قبل كنت نخدم في التجارة لكن المدخول شوية ماهوش مليح عليها أجلت الأمر
علاش
ما نبغيش الفتاة اللي نجيبها تكون مغبونة
الآن الحمد لله ربي يتمم النعمة علينا و على الناس
المهم ربي يرزق كل واحد على حساب نيته و يلقينا بالطيبين و الطيبات و يسبل علينا الستر
شكرا لك أختي و جزيتي الجنة
ســـــــــــــــــــــــــــــــــــــلام

النجمة القطبية

2012-02-23, 22:23

لا ننكر ان كلام صديقك صحيح
تكاليف الزواج كبييرة للطرفين
لكن ربى يسهل
احيانا ربى يجعل فيها باب للرزق وربى يعلم
ربى يوفق الجميع

محمد...عبد النور

2012-02-23, 22:33

لا ننكر ان كلام صديقك صحيح
تكاليف الزواج كبييرة للطرفين
لكن ربى يسهل
احيانا ربى يجعل فيها باب للرزق وربى يعلم
ربى يوفق الجميع

السلام عليكم أختي النجمة لقطبية
شكرا جزيلا على اطلالتك و جزاك الله خيرا
كما قلت ربي يسهل و ييسر أمر كل ناو على الخير
ربي يعطيك ما تتمناي و يدوم عيك الصحة و العافية
ســـــــــــــــــــــــــــــــــــــــــلام

ام ظافر

2012-02-23, 22:40

الزواج من الامور الي يسهل فيها ربي بطريقة غريبة تغيب علينا نحن البشر وهذا واقع ملوس اذا ناوي السترة راح يسهلك ربي امورك المهم اعقلها وتوكل

محمد...عبد النور

2012-02-23, 22:47

الزواج من الامور الي يسهل فيها ربي بطريقة غريبة تغيب علينا نحن البشر وهذا واقع ملوس اذا ناوي السترة راح يسهلك ربي امورك المهم اعقلها وتوكل
أختي الكريمة أم ظافر
شكرا على ردك الطيب و جزاك الله كل خير
إن شاء الله مين نصيب سعيدة الحظ أتقدم
بارك الله فيك
ســـــــــــــــــــــــــــــــــــلام

abdel02

2012-02-23, 22:51

اعقلها وتوكل...اذا بقيت تحسب ماتدير والو...وسهلها تسهال...دير مليح في بالك ان هذا المال هو استثمار في الخير...وعندك ثواب تحصين نفسك وتحصين فتاة معاك وتكثير النسل .....انت ايضا شوف على قدك...ولا تنسى ان اعظم النساء بركة اقلهن مهرا...وان ثلاثة حق على الله رزقهم ومنهم المتزوج...انا لو نقلك عن نفسي راسك يحبس ولكن لما تحب فتاة تكون عندك وتكون اما لاولادك...لابد لك من بعض التضحيات مثلما على الفتاة من تنازلات وهكذا يبنى البيت السعيد...والله الموفق...

محمد...عبد النور

2012-02-23, 23:06

اعقلها وتوكل...اذا بقيت تحسب ماتدير والو...وسهلها تسهال...دير مليح في بالك ان هذا المال هو استثمار في الخير...وعندك ثواب تحصين نفسك وتحصين فتاة معاك وتكثير النسل .....انت ايضا شوف على قدك...ولا تنسى ان اعظم النساء بركة اقلهن مهرا...وان ثلاثة حق على الله رزقهم ومنهم المتزوج...انا لو نقلك عن نفسي راسك يحبس ولكن لما تحب فتاة تكون عندك وتكون اما لاولادك...لابد لك من بعض التضحيات مثلما على الفتاة من تنازلات وهكذا يبنى البيت السعيد...والله الموفق...
بارك الله فيك أخي abdel02
ربي يحفظك و يرزقك كل خير
نصيحة من ذهب و الله راني نحوس برك على الطفلة هذا كل ما في الأمر و الواحد محتم عليه يشوف غير على حسابه و كلما خفت المؤونة زادت البركة
شكرا جزيلا و جزيت الفردوس
ســــــــــــــــــــــــــــــــــــلام

j.p.sarter

2012-02-24, 16:22

والله المهم هو العمل والسكن واختيار الزوجة المناسبة اما بالنسبة لتكاليف الزواج والله مكاش حاجة يطرح فيها ربي البركة كيما الزواج.

محمد...عبد النور

2012-02-24, 16:42

والله المهم هو العمل والسكن واختيار الزوجة المناسبة اما بالنسبة لتكاليف الزواج والله مكاش حاجة يطرح فيها ربي البركة كيما الزواج.
شكرا لك أخي و ربي يبارك فيك
أسعدني مرورك
و جزيت الجنة
ســـــــــــــــــــــــــــــــــلام

sara mouhamed

2012-02-24, 16:55

من تجربتي بالرغم اني منعرفوش وفي وقت الخطبة تفاهمنا على كلش وحسبنا كامل المصاريف ( البناء و الشمبرة والتجهيزات تاعي .......) المهم تعاوننا والاهم ماخرجناش بالكريدي او ما يعرف الدين وعايشين في سعادة وهناء وهادي ر سالة للمقبلين على الزواج لا ماما قالت ولا بابا ولا واحد يخي يقولوا واش تفاهموا العرسان حنا خاطينا الخلاص (علابالي راهم الاهل يخافوا علينا بصح بدايتها بالنار والدراهم وجابلها وماجابلهاش .......وعندي كلام بزاف بصح؟

مدينة 2011

2012-02-24, 18:03

السلام عليكم إخواني و أخواتي ،أعضاء منتدانا الغالي و رحمة الله و بركاته
و أسعد الله أوقاتكم بكل خير
كنت أتحدث بالأمس مع صديقي، و في خضم الحديث تطرقنا الى تكاليف الزواج و حينها قال لي عن التكاليف:**يليق لك 10 ملايين نتاع الشومبرة ،و 15 مليون تكاليف العرس و 15 على الاقل مهر المرا، و زيد و زيد...يعني 50 او 55 مليون مين ندير معاك أي ما نحسبش كل المصاريف ..و ضحك ، هنا سكتت و قلت له ما عنونت به موضوعي: ياو بطلت ما نتزوجش ههههههه و ضحكت بالطبع كنت أمزح

الأسئلة :
بناءا على على خبرتكم في الحياة يرجى الإجابة على الأسئلة الإجبارية التالية ( باغي نديرلكم إمتحان كيما نتاع مسابقات التوظيف ههههها)
- ما رايكم في الطريقة المحاسبية نتاع صاحبي؟
- هل هي سليمة ، مع وجوب التبرير
- بإعتمادك على المعلومات و المعطيات التي تملكها ، قدم نموذجا إحصائيا دقيق لهذه المصاريف ( حسب منطقتك )
-إذا كنت أنت المتقدم إلى الزواج، هل تجيب بنفس عنوان هذا الموضوع؟علما أن المصاريف تبقى نفسها
ملاحظة :
التنقيط على كل سؤال : دعوة خالصة من القلب مني لكم
أبشر الجميع أنكم من الناجحين بإذن الله
شكرا لكم مقدما على إجاباتكم
بارك الله فيكم و رزقكم الله الفردوس الأعلى
ســـــــــــــــــــــــــــــــــــــــــــــــــ ــــــلام

السلام عليكم و رحمة الله

نعم أخي الكريم الزواج يتطلب الكثييرة و الكثيير من المصااريف

يمكن تطلعلك حتى ل 100 مليوون

بصح الحساب ما يكونش هكدا

أولا لما الرجل يطلب الحلال فانه قطع نصف الطرييق و هذا كفيل بتسهيل الكثيير من أمور الزواج

ثانيا النية لازم معاها العمل ...... التشميير للعمل و العمل فهو السبيل للوصول

كي تكون نية طيبة مع العمل و التوكل على الله ثق أن الزواج سيييسر لك و سيبارك الله لك في مالك و البركة مفهوم يخرج عن اطار الحسابات ............ و اعلم أيضا أن من أسباب الرزق للعبد الزواج ......

و أنا أتكلم هنا عن تجارب رايتها بعيني

صديق أخي تزوج و لم يكن يملك بيتا و لم يكن صاحب مااال كثيير و لكن سبحان الله تسهلت له الأمور و تزوج و الأن لديه 3 أولاد و فرج الله عنه فيالسكن .

موفق أخي

ramiusma

2012-02-24, 19:04

حتى انا نحيت من بالي الزواج راح اندورها بنيان او بعد عامين ولا 3 نشوف بلاك نخمم فيه بلاك غي ندخل ف30 سنة

محمد...عبد النور

2012-02-24, 19:28

من تجربتي بالرغم اني منعرفوش وفي وقت الخطبة تفاهمنا على كلش وحسبنا كامل المصاريف ( البناء و الشمبرة والتجهيزات تاعي .......) المهم تعاوننا والاهم ماخرجناش بالكريدي او ما يعرف الدين وعايشين في سعادة وهناء وهادي ر سالة للمقبلين على الزواج لا ماما قالت ولا بابا ولا واحد يخي يقولوا واش تفاهموا العرسان حنا خاطينا الخلاص (علابالي راهم الاهل يخافوا علينا بصح بدايتها بالنار والدراهم وجابلها وماجابلهاش .......وعندي كلام بزاف بصح؟
شكرا أختي سارة محمد
و شكرا على مرورك الطيب
ربي يهنيك و يرزقك الذرية الصالحة
ســـــــــــــــــــــــــــــــــــلام

محمد...عبد النور

2012-02-24, 19:31

السلام عليكم و رحمة الله

نعم أخي الكريم الزواج يتطلب الكثييرة و الكثيير من المصااريف

يمكن تطلعلك حتى ل 100 مليوون

بصح الحساب ما يكونش هكدا

أولا لما الرجل يطلب الحلال فانه قطع نصف الطرييق و هذا كفيل بتسهيل الكثيير من أمور الزواج

ثانيا النية لازم معاها العمل ...... التشميير للعمل و العمل فهو السبيل للوصول

كي تكون نية طيبة مع العمل و التوكل على الله ثق أن الزواج سيييسر لك و سيبارك الله لك في مالك و البركة مفهوم يخرج عن اطار الحسابات ............ و اعلم أيضا أن من أسباب الرزق للعبد الزواج ......

و أنا أتكلم هنا عن تجارب رايتها بعيني

صديق أخي تزوج و لم يكن يملك بيتا و لم يكن صاحب مااال كثيير و لكن سبحان الله تسهلت له الأمور و تزوج و الأن لديه 3 أولاد و فرج الله عنه فيالسكن .

موفق أخي

شكرا أختي مدينة 2011
أسعدني مرورك أختي الكريمة
و الله البركة هي خارج كل الحسابات و ربي يباركلنا في أعمارنا و أنفسنا
بارك الله فيك على الكلام الجميل
شكرااااااااااااااااااااااااااااااااااااااااااااااا اااا
ســـــــــــــــــــــــــــــــــــــــــــــــــ ــلام

faty05

2012-02-24, 19:32

كل واحد و مقدورو
الي شرطو عليه بزااف و مش قادر ينسحب خير ما يغرق في الديون
و الله يوفق جميع لي ناوي لحلال

محمد...عبد النور

2012-02-24, 19:33

حتى انا نحيت من بالي الزواج راح اندورها بنيان او بعد عامين ولا 3 نشوف بلاك نخمم فيه بلاك غي ندخل ف30 سنة
شكرا أخي rami usma على مرورك العطر
ماعليش لكل أجل كتاب
بي ييسر لك أمورك و من لذاك الوقت ربي يرزقك ببنت الحلال
بارك الله فيك
ســـــــــــــــــــــــــــــــــــلام

محمد...عبد النور

2012-02-24, 19:35

كل واحد و مقدورو
الي شرطو عليه بزااف و مش قادر ينسحب خير ما يغرق في الديون
و الله يوفق جميع لي ناوي لحلال

أختي فاتي 05مرحبا بك
أتمنى أن تكوني بتمام الصحة و العافية و المورال طالع
شكرا على النصيحة القيمة و جزيتي الجنة
ســــــــــــــــــــــــــــــــلام

abdel02

2012-03-04, 18:29

التمسوا الغنى في النكاح

دكتورة بإذن الله

2012-03-06, 08:18

ناس بكري يقولو

زين النية يتسقملك السعد

و ربي يسقم السعد للجميع

lilou f lilou a

2012-03-06, 09:28

والله ربي يجيب الخير في الزواج برك كلش غلى

محمد...عبد النور

2012-03-15, 18:25

التمسوا الغنى في النكاح

بارك الله فيك أخيabdel02 على الرد الطيب
و جزيت الجنة و ربي يرزقك خير الدنيا و الاخرة
ســـــــــــــــــــــــــــــــــــــلام

محمد...عبد النور

2012-03-15, 18:26

ناس بكري يقولو

زين النية يتسقملك السعد

و ربي يسقم السعد للجميع

السلام عليكم أختىل
عضولـؤلـؤة الفكـرالمشرق (http://www.djelfa.info/vb/member.php?u=174389) عضو مميّز

http://www.djelfa.info/vb/images/star_dj.gif

شكرا على المرور العطر

جزاك الله كل خير

ســـــــــــــــــــــــــــــــلام

محمد...عبد النور

2012-03-15, 18:29

والله ربي يجيب الخير في الزواج برك كلش غلى

مرحبا أخي الكريم lilou f lilou a (http://www.djelfa.info/vb/member.php?u=378267)
اسعدني مرورك و ربي يجازيك خير الدنيا و الآخرة
ســـــــــــــــــــــــــــــلام

oprah

2012-03-15, 21:12

ربي ينزل باركتو
يعني الحساب صح كيما قالك صاحبك
الشمبرا من 10 و طلع
المهر حسب المنطقه متلا هنا في الغرب من 10 و طلع
شاة العقد من 2 و طلع حسب علمي
خاتم العقد من 2 و طلع و الدهب راهو غير يزيد
و العرس هاداك مانزيدش نحكي عليه و ادا راك من الغرب راك عارف بلا منزيدك
بصح هنا المرا و أهلها لازم يتسامحو شويه و تاني لازم تكون خدام بويسك بعض الحوايج تقدر تديرهم بالتقسيط كي تكون ضامن منين تخاص من بعد
و الله المستعان

hydraulique51

2012-03-15, 22:06

الامور راهي رايحة من السئ للاسوء الله يستر برك
المهم ربي يرزقك بالبنت لي تيسرها عليك
في الاخير تخرج من اعصار الزواج بدون كريدي

فتـ حييةـاة

2012-03-15, 22:37

حتى انا بطلت

محمد...عبد النور

2012-03-15, 23:05

ربي ينزل باركتو
يعني الحساب صح كيما قالك صاحبك
الشمبرا من 10 و طلع
المهر حسب المنطقه متلا هنا في الغرب من 10 و طلع
شاة العقد من 2 و طلع حسب علمي
خاتم العقد من 2 و طلع و الدهب راهو غير يزيد
و العرس هاداك مانزيدش نحكي عليه و ادا راك من الغرب راك عارف بلا منزيدك
بصح هنا المرا و أهلها لازم يتسامحو شويه و تاني لازم تكون خدام بويسك بعض الحوايج تقدر تديرهم بالتقسيط كي تكون ضامن منين تخاص من بعد
و الله المستعان

السلام عليكم أختي oprah
شكرا على النصائح المفيدة و قبل ذلك الدعاء
صح أنا من الغرب و نعرف الأمور هاذي و ممكن نجهل البعض الآخر
جزاك الله كل خير و ربي يرزقك ما تتمناي
ســـــــــــــــــــــــــــلام

محمد...عبد النور

2012-03-15, 23:08

الامور راهي رايحة من السئ للاسوء الله يستر برك
المهم ربي يرزقك بالبنت لي تيسرها عليك
في الاخير تخرج من اعصار الزواج بدون كريدي

مرحبا أخي هيدروليك51
ربي يبارك فيك ، علاش هاذ الهدرة ......، تفاءلوا خيرا تجدوه ....ههههههههههها
شكرا على الدعاء و أيضا أنت لك بالمثل أخي
ربي يقدرنا و كل اخواننا و أخواتنا على أمر الزواج
كما يقول أحد أصدقائي **هو شر لا بد منه**
ســــــــــــــــــــــــــلام

محمد...عبد النور

2012-03-15, 23:10

حتى انا بطلت

أواه أختي الكريمة و علاش تعاندي فيا و تبطلي................ههههههها
أسأل الله لك أن يرزقك بما تقر به عينك في الدنيا و الآخرة و يرضي عنك والديك و أن تفرحي في القريب العاجل
.....غير الخير علاش بطلتي....ههههههههههههها
ســــــــــــــــــــــــــــــــلام

فتـ حييةـاة

2012-03-16, 00:32

[QUOTE=لذريق;9218804][center]

أسأل الله لك أن يرزقك بما تقر به عينك في الدنيا و الآخرة و يرضي عنك والديك و أن تفرحي في القريب العاجل

اللهم آآآآآآآآآآآآآآآآآآآآآآآآآآمين يارب

محمد...عبد النور

2012-03-16, 01:02

بارك الله فيك أختي أمال2000 على الرد الطيب
...فقط ما خبرتينيش بالسبب....هههههههههههههها
في أمان الله و نوم العافية
ســــــــــــــــــــــــــــلام

hydraulique51

2012-03-16, 01:05

مرحبا أخي هيدروليك51
ربي يبارك فيك ، علاش هاذ الهدرة ......، تفاءلوا خيرا تجدوه ....ههههههههههها
شكرا على الدعاء و أيضا أنت لك بالمثل أخي
ربي يقدرنا و كل اخواننا و أخواتنا على أمر الزواج
كما يقول أحد أصدقائي **هو شر لا بد منه**
ســــــــــــــــــــــــــلام

هههههههههههه
حتما راه غير يزعق مكانش لي يقدر يستغنى عليه في راي :1::1::1:

محمد...عبد النور

2012-03-16, 01:18

بارك الله فيك أخي هيدروليك
كان يضحك فقط
مين كان يقولي هكذا ، نقوله : شر و لا خير ، يقول في زوج
خير في غايته و شر في تكاليفه و تبعاته و بنات دركا....هههههههههههها
ربي يخليك خويا هيدروليك و يرزقك ما تتمنى
ســــــــــــــــــــــــلام

abirechatr

2012-03-16, 11:03

شكرا علي الموضوع
علابلك مشي كامل يكون الزواج غالي
انازواجي كامل ملحقش10 ملاين المهم تكونو متفاهمين برك
شكرا

محمد...عبد النور

2012-03-16, 11:28

السلام عليكم أختي
abirechatr (http://www.djelfa.info/vb/member.php?u=339897)
عضو مجتهـد
http://www.djelfa.info/vb/images/dj1.gifhttp://www.djelfa.info/vb/images/dj1.gif
ربي يبارك فيك
صح ماشي المشكل في الماديات لكن فيمن نبني معه حياتنا المستقبلية
لأسعدني مرورك و جزيتي الجنة
ســــــــــــــــــــــــــــــلام

hydraulique51

2012-03-16, 12:32

بارك الله فيك أخي هيدروليك
كان يضحك فقط
مين كان يقولي هكذا ، نقوله : شر و لا خير ، يقول في زوج
خير في غايته و شر في تكاليفه و تبعاته و بنات دركا....هههههههههههها
ربي يخليك خويلا هيدروليك و يرزقك ما تتمنى
ســــــــــــــــــــــــلام

أولا شكرا على الدعوة
ثانية بالنسبة لخيره من شره حسب الزوجة
تعرف عندنا واحد المعتقد يقولوه عندنا
" مرة خير ومرة شر "
كنت طرحته في احد مواضيعي القديمة أسال الكثير من الحبر عبر صفحات منتدانا الغالي تناقشنا فيه كثيرا
توصنا من خلاله الى ان هناك زوجة تدخل على زوجها بالخير وتزيد من زرقه بادن الله
وهناك زوجات اخريات شر على ازواجهن يعنى مند الارتباط به ما يفوتش عليه نهار زين هههههه
الله يحفضنا من هدا النوع :1::1::1::1:

hydraulique51

2012-03-16, 12:37

وبالنسبة لتكاليف الزواج والله ما ني حاير فيه فقط يكفي ان تكون عامل وعندك شهرية
الامور راهي مساعدة بالتقسيط مثلا تقسم لك تكلفة الاشياء والمقتنيات الى مراحل مثل الغرفة وتعمارها اما بالنسبة للمهر كل وحدة وتخمامها أسأل الله العلى القدير ان يلاقينا بوحدة قانعة وما تطلبش بزاف خاصة مع التهاب اسعار الدهب

محمد...عبد النور

2012-03-16, 14:07

بارك الله فيك خويا هيدروليك
أسأل الله أن يرزقك بإمرأة تقية نقية طاهرة من تحبك و تقنع بك أنت لا يهمها سواك
وتكون في عينك أجمل النساء وأن يرزقك الله حسن العشرة
ســـــــــــــــــــــــــــــــــلام

أَحمــد

2012-03-16, 15:02

خليك من الحسابات المحاساباتية

فهذا امر مطلوب شرعا, والتيسير ياتي من الله عزوجل المهم تكون النية صحيحة فقط.

الامر الاصعب بالنسبة لي هو مشكل الإختيار

محمد...عبد النور

2012-03-16, 15:17

خليك من الحسابات المحاساباتية

فهذا امر مطلوب شرعا, والتيسير ياتي من الله عزوجل المهم تكون النية صحيحة فقط.

الامر الاصعب بالنسبة لي هو مشكل الإختيار

السلام عليكم أخي حمدي 17
مجرد كلام الأمر الجلل الذي يواجه الجميع هو الإختيار
و الله الكل مجمع على أن الزواج ميسر من عند الله ، فقط الشخص نيتك تكون مليحة
بارك الله فيك على المرور و جزيت الجنة
ســــــــــــــــــــــــــلام