قالوا [الأرشيف] - منتديات الجلفة لكل الجزائريين و العرب

مشاهدة النسخة كاملة : قالوا

مشكلتي

2012-02-20, 18:09

السلام عليكم حبيت رايكم هل انا فعلا متكبرة حسب تصرفاتي
اعمل عقود ما قبل التشغيل علاقتي في العمل الحمد لله ما كاش مشاكل مقارنة مع البعض (التمنشير الحسد وووو)
انا في طبعي جابدة روحي ما نداصرش الناس شادة حرمتني نبغي الناس يحترموني مين نجي داخلة العمل من كلمة سلام كيراك مانزيدش فالهدرة
لكن المكتب لي نخدم فيه نهدر معاهم نضحك لخاطرش والفتهم .
يوم امس يجي وحد العساس البيرو يجمع مع العاملة لي معايا راهي كبيرة قالي كون ماتكونش هي فالمكتب مندخلش .منبعد قالي نتي متكبرة غادتني بزاف بصح الحمد الله العاملة لي معايا جاوباته
مفهمتش دروك يبغو لي يداصر ويكسر الحرمة قدامهم. وانا نقعد 100 سنة ومانداصرش
هل الخطا راه فيا مين شادة روحي
بكيت بزاف قلت ماذيتش الناس وهدروا فيا وكرهوني حسبي الله ونعم الوكيل
هل نبدل العقلية

جسور المحبة

2012-02-20, 18:19

راكي مليحة هك وقالها عيناني غير بش ينطقك بالعكس كملي كيما راكي وتعرفي الادارات يحبو القصرة والمداصرة

abdel02

2012-02-20, 18:19

لو ضحكتي معاه وداسرتيه و...و...هناك راكي "متواضعة وناس ملاح"...همالا رجعيلوا الكلام بالدوبل خاطش هو عساس وانت ربما عندك ليسانس...والفرق كبير بين الفراشة والبعوضة...

طالبة مساعدة

2012-02-20, 18:22

راكي فوووور لي يهدر خليهم يهدرو

ناصرالدين الجزائري

2012-02-20, 18:23

إذا أتتك مذمتي من ناقص فهي الشهادة لي بأني كامل

الله يهديك أختي

كيف تسمعين لكلام انسان تافه

عندك حلين .. إما تصبري على أذية الرعاع .. أو تنزلي إلى مستواهم ليرضوا عنك

هذا " العساس " تحدث معك بهذه الطريقة لأنه أحس ان مستواه متدني و لو كان عنده أدنى درجات الوعي لما تحدث عنك بسوء لسبب تافه ...

ما وراء الطبيعة ؟؟؟؟

2012-02-20, 18:24

المرة القادمة قولي له

عد للباب لتحرسه أتركنا نعمل

aissam .3820

2012-02-20, 18:59

ارضاء الناس غاية لا تدرك....

وربي يحفظك من شرورهم اختي..

...

دكتورة بإذن الله

2012-02-20, 19:02

السلام عليكم و رحمة الله وبركاته

اختي الكريمة

ماهذا السؤال الذي تسأليه طبعا الخطا فيهم هم و ليس فيك و ابقاي ثابتة على قيمك

خليهم يقولو متكبرة خليهم يقولو معقدة خليهم يقولو حابسة -----------الخ

المهم راكي عاقلة و خاطيك

و حكاية بكيتي و ما بكيتي نورمالمون ما يهزك بشعرة

كيما يقول ابراهيم الفقي رحمة الله عليه ''رايك فيا ما يدلش علي بيا''

لذلك هذاك رايه هو و راي امثاله و ان بقيت تسمعين كلامهم فستفقدين الثقة بنفسك

لذلك اخدمتي خدمتك و فوقها ماتزيديش و اذا بدات لحكاية تصماط اجبدي رحك

الخدمات مية و اذا حتى ما خدمتيش ليست نهاية العالم المهم الحفاظ على الاخلاق و الثبات على الاستقامة و كل الذي فوق التراب تراب

نسأل الله لك الثبات

و بالله التوفيق

مع التحية

asma2021

2012-02-20, 19:25

راكي مليحة كملي

the black perl

2012-02-21, 17:59

------إرضاء الناس غــــــــــاية لا تـــــــــدرك------
علاه تبدلي عقليتك على جال الناس............خليك كيما هك خـــــــــــــــــير

prettywoman

2012-02-22, 04:51

أختي اعلمي أنهم كلهم يتكلمون عنك بكل خير صدقيني أنا كنت مثلك كنت نخدم ما نهدر مع حتى واحد خاصة الرجال مني ندخل وأنا في الكرسي ديالي حتى نخرج وكلهم كانوا يقوللي متكبرة وشنايفية لكن لما تزوجت وخرجت خليت مكاني كله مسك وكلام جميل عمري ما كنت نظن نسمعه راحت بنت الفميلية لي كي منتي قلال والله الحمد الله أنا كذلك كانت تغيضني عمري لكن الحمد لله لدرجة أنه شحال من واحد يخدم معايا كان حاب يخطبني لكن أنا اخترت الغربة المكتوب طبعا لا تقلقي أنت في سيرة جيدة ربي يوفقك

السيدة كرمين

2012-02-22, 09:50

يا بنتي ديجا فوق السلام عليكم دصارة

راني سنين نخدم ومانزيد فوق السلام عليكم

وكي يكونوا نساء أما رجال محال الا اذا دخلت مكتب

كي قالك متكونش هي ما ندخلش قلوا درت مليح

اياك و الخلوة حتى مع مدير كي تدخلي خلي لباب مفتوح ولي معجبوش قلوا ربي قال هك عندك اعتراض؟؟

يعياو يقولوا متكبرة بصح في قلبهم يقولوا فحلة

اياك و تتأثري بأي حرف

وما تعطيهم فرصة حتى لما تتواجدي بالعمل

اياك وتجمعات حتى مع نسا

واذا اضطرك العمل باه تقعدي مع نسا في انتظار سينياتور او شئ من هذا القبيل

انتظري شاركيهم مش مشكل لكن اذا دخل رجل اياك وتتكلمي

واذا شفتي حاجة معجباتكش اخرجي واسناي برا أفضل يفهم روحوا ويخرج

نصيحة في تعاملك حتى مع النسا

كي مايعرفوكش يهابوك ويحترموك

لكن كي يعرفوا كلشي عليك تولي زايدة ناقصة كيف كيف

متعمريش راسك

لفايدة في عايلتك برا و لفايدة في صديقاتك برا العمل

أما العمل راكي رايحة تأدي في مهامك وفرات

MONONOKI

2012-02-22, 13:48

السلام عليكم
اولا حبيبتي راكي نورمال ماتغيري ماتتغيري بل العكس شدي في عقليتك راهي فور يعني نعم نحن بطبيعتنا نميل للاشخاص المقربين ولايعني هاذا ان نكسر الحرم بيننا بل العكس سيكون الاحترام متبادل فيما بيننا
ولكن اصحاب القلوب المريضة يحاولون التصيد لنا ويشتموننا عندما نرفض التحول لامثالهم

ابقي كما انت ولا تتغيري هي نصيحتي لك حبيبتي
فارضاء الناس غاية لاتدرك فحاولي ارضاء خالقك ودعي الباقي وراء ضهرك

nilly

2012-02-22, 15:39

والله غير خلعتوني
واحد يقول على عساس بعوضة والاخر يقول انسان تفاه ومستواه متداني ماهـــــــــــــــــــــــــــــذا؟ الذي اسمعه
هذا الانسان يعمل عمل شريف ومراهش يخدم حاجة غير قانونية او غير شرعية كي عاد معندوش مستوى او شهادة صار تقولوا عليه بعوضة
. تشبهوا انسان ببعوضة؟ يااخي زعم تعرفوا الدين تعرفوا الاسلام ولا هدرة برك وصح مرانا نشوفوا والوا
الاسلام مقالش تحقورا لهو اقل منكم وتقيموا لهو اكبر منكم بالمنصب , لراه مسلم عندي هو لراه يطبق واش جا في الاسلام ماشي لراه يحرف فيه.
ســــــــــــــــــــــــــــــــــــــــــــلام

السيدة كرمين

2012-02-22, 16:02

بنت الحجاج

2012-02-22, 17:54

ابقاي كيما راكي ،

راكي تهبلِي:19:

( يعني مليحة )

jazaier

2012-02-22, 18:27

السلام عليكم
سبحان الله يا اختي و الله تقولي راكي تهدري واش كاين في قلبي تماما
انا ايضا اختي والله راني نسوفري بصح و الله غير راني نقلب الامور في صالحي رغم اني نحس بلي راني مختلفة علي البنات الي يخدمو معايا بصح في نفس الوقت راضية علي روحي لاني مختلفة عليهم لاني التخلاط ما نحبوش و الله غير راني نلقا روحي وحدي بصح الصبر جميل لنا خجولة جدا و ايض عندي شحال ما خرجتش من الدار لقيت روحي غريبة بصح راني غير نستغفر في ربي
بالعكس راني حابة نزيد نولي متحفظة كثر و كثر ما دام هذا يقربني من ربي انا نفرح كي نتحكم في روحي عكس البنات الصوت العالي و التحدث في شتي المواضيع بدون حرج
نقولك حاجة كوني فريدة و متميزة ولا تتاثري بالاخارين
ربي خير

محمد غيزة

2012-02-22, 18:59

لا عليك اختي

ان للصمت احيانا ضجيج يطحن عظام الخصم

rimana

2012-02-23, 00:55

سلام
نقولك انا عقلتي كيمة انتي نصيحة ليك
روحي خدمي خدمتك ومتقيميش. لي هدر معاك في اطار العمل اهدري ولي يجي بلعط اخطيك
يقولك لمداسرا جيب لخسارة ...هدا لكان مجاش ومدسرش هديك مخسروش بالكلام صافي خطيك من الغاشي وتاني عقليتك فووور

انوارالحق

2012-03-07, 15:11

كل ما ايد قوله لك كتبته الخت جسور المحبة واضيف عليه الله يهدينا

Abdellah M

2012-03-07, 15:32

راكي مليحة هك وقالها عيناني غير بش ينطقك بالعكس كملي كيما راكي وتعرفي الادارات يحبو القصرة والمداصرة