سيارة نغصت حياتي الزوجية

[sayad 43]

اشثرى زوجي سيارة واعطى المفتاح الثاني لاخيه واصبح هدا الاخير يتصرف كانه المالك لها
حتى في عطلة نهاية الاسبوع ياخد السيارة ويقضي بها مشاوره هو وزوجته واقعد انا وابنائي
نتفرجوعلى العلم انني عاملة وانتظر العطلة بفارغ الصبر .
وحين اكلم زوجي في الموضوع يرد ويقول انه اخوه ولا يستطيع ان يقول له شيء وادا اردتي الدهاب بالسيار
يجب ان تخططي لهدا من قبل فنتشاجر وتصبح حياتي جحيم
ايعقل هدا يا اخواني
اشير علي هل انسى هده السيارة ام مادا افعل

[الواثق]

هو امور الماديات الاولى تخليها في الاخير لانو زوجك يعلم انه لو نحا السيارة من اخوه تولي بيناتهم مشاكل ممكن تكبر اكثر وزيد اذا عرف بلي صاحب الرأي هو زوجة اخوه هادي عادات عند جل العائلات لازم مايبنش الرجل ان الرأي هو رأي زوجته اذا مشى الامر عادي مايسلكش من التعلاق والله المستعان...................زيدي انت ديري كأنكم ماعندكمش سيارة تتهناي من هذا ............وزوجك وعائلتك اهم .........................والله اعلم بالصواب

[قضــــــــــــ وقدر ـــــــــــاء]

السلام عليكم
من المفروض أخو زوجك يفهم روحو شوية حاجة مش ملكو ويتصرف فيها بحرية تامة وعلى الأقل يخليهالكم مرة على مرة
المهم مش على جال سيارة تنغصي حياتك الزوجية وتقلقي زوجك عندك حق تزعفي لكن مش لدرجة حتى تكبر بيناتكم في الوقت لي أخو زوجك وزوجته يقضو في أوقات مليحة
وزيد من المفروض زوجك هو ليحكي مع خوه نتي ماتدخليش بيناتهم تولي في مشاكل
والحل إما يهديه ربي ويشري سيارة إروحو
أو اعتبري أن زوجك لايملك سيارة أو أنه باعها
هذا رأيي

[z.abdo]

ما يفرق بين الخاوة الدراهم او النساء
فلا تكوني اختي انت كذالك انا افهم شعورك لكن ديري في بالك انه كذالك اخوك يعني نسيبك

[farida2000]

انا افهمك اكثر من اي شخش لاني عشت هذه التجربة و السيارة كانت ملكي النصيحة التي اقدمها لكي هي الصبر الطويل و التحدث مع زوجك بطريقة لطيفة و مع الوقت سوف يقتنع و ينزع من اخيه المفتاح اياك و الشجار لانه سوف يجعل زوجك اكثر عنادا وفقك الله يا اختي

[sayad 43]

شكرا لكل من ساهم في الرد على الموضوع
اعلم ان الماديات هي اخر شىء افكر فيه لكن دراهم السيار كانت مخصصة لاكما بناء منزلنا الدى لم ينته وانا اسكن في منزل
العائلة مند 25سنة والمشكلة طويلة
لكني لا اريد ان افرق بين الاخوة والله شاهد على دلك .اريد فقط من زوجي ان يعرف لو كان الامر بالعكس هل ستجرى الامور
كما هي عليها الان

[z.abdo]

انا نشوف باللي الأخ لو يأخذ سيارة أخيه شيء عادي
انا عندي 2 اخوة عندهم سيارات انا ديما اللي نستعمل السيارات نتاعهم الخاصة واحيانا نوصل زوجاتهم إلى الطبيبة أو إلى عائلتها وعلاقاتي مع زوجة أخي اكثر من أختي والله على ما أقول شهيد

[عُضو مُحترم]

تصوري انو ما عندكمش سيارة

و خلاص

[ام خديجة1]

نصيحتي اختي اقنعيه ببيع السيارة لاكمال البيت اللي راكم تسناو فيه من مدة طويلة
وحاجة الحديد ما تدوم بعيد الشر كون يصرى حادث تروح ومايبقى والو
ولكن ان اقنعته باش يكمل بناء البيت راح يفهم بلي راكي على حق هذا راي ونتمنى قد افدتك اختي

[كاميلا]

اشثرى زوجي سيارة واعطى المفتاح الثاني لاخيه واصبح هدا الاخير يتصرف كانه المالك لها
حتى في عطلة نهاية الاسبوع ياخد السيارة ويقضي بها مشاوره هو وزوجته واقعد انا وابنائي
نتفرجوعلى العلم انني عاملة وانتظر العطلة بفارغ الصبر .
وحين اكلم زوجي في الموضوع يرد ويقول انه اخوه ولا يستطيع ان يقول له شيء وادا اردتي الدهاب بالسيار
يجب ان تخططي لهدا من قبل فنتشاجر وتصبح حياتي جحيم
ايعقل هدا يا اخواني
اشير علي هل انسى هده السيارة ام مادا افعل

يا اختي على جال سيارة رح دمري عايلتك ؟؟؟؟؟؟؟ هاو قالك زوجك كي تحبي تخرجي قوليلو من قبل ؟؟؟؟؟؟ وبما انك عاملة اشتري سيارة وخطيك من هاد السبايب راهو خوه مافيهاش عيب ادا سلفلو السيارة حتى النسا خواتات يسلفو لبعضاهم الذهب والمحزمة الخ اتقي الله "اللهم اذا كنت انت اللي شريتيهالو"

[كاميلا]

شكرا لكل من ساهم في الرد على الموضوع
اعلم ان الماديات هي اخر شىء افكر فيه لكن دراهم السيار كانت مخصصة لاكما بناء منزلنا الدى لم ينته وانا اسكن في منزل
العائلة مند 25سنة والمشكلة طويلة
لكني لا اريد ان افرق بين الاخوة والله شاهد على دلك .اريد فقط من زوجي ان يعرف لو كان الامر بالعكس هل ستجرى الامور
كما هي عليها الان

اعذريني عندما قرات موضوعك في الاول فهمت باللي انت امراة خدامة وتستناي العطلة باش تخرجي بالسيارة وكرهتي استعمال اخو زوجك للسيارة
ودركا تقولي انه دراهم السيارة مخصصين لاكمال بناء المنزل ؟؟؟؟؟؟؟ والله يختي ملقيت منقول بعد ما شرا السيارة باش فقتي باللي راهم دراهم الدار ؟؟؟؟؟؟

[ام علي و لينا]

عادي سهليها تسهال
ممكن انتي تاخديها ويكاند وخوه ويكاند باش متسماوش خايبين وهني راسك

[الزبرجد]

اشثرى زوجي سيارة واعطى المفتاح الثاني لاخيه واصبح هدا الاخير يتصرف كانه المالك لها
حتى في عطلة نهاية الاسبوع ياخد السيارة ويقضي بها مشاوره هو وزوجته واقعد انا وابنائي
نتفرجوعلى العلم انني عاملة وانتظر العطلة بفارغ الصبر .
وحين اكلم زوجي في الموضوع يرد ويقول انه اخوه ولا يستطيع ان يقول له شيء وادا اردتي الدهاب بالسيار
يجب ان تخططي لهدا من قبل فنتشاجر وتصبح حياتي جحيم
ايعقل هدا يا اخواني
اشير علي هل انسى هده السيارة ام مادا افعل

راكي تلعبي بالنار

[أم نديم]

هذا حال الخدامة تعاب ودمار

[nilly]

صحيح هو اخ زوجك . بصح على مااظن ان اخ زوجك استغلالي . فكيف يعتبر سيارة اخوه سيارته. سلفها مرة . مرتين . ولا كي يحتاجها لامر ضروري.خلاص ماشي دايما وزيد هو يدي مراتوا باه تحوس. يعني حاجة ماشي ضرورية سيارة هاذي من حقك انتي لتركبيها وتروحي تحوسي فيها. هكذا حتى انتوما تكرهوا . متستنيش يفهم روحوا ويرجعلكم سيارة . لازم انتي تضغطي شوي على زوجك حتى يروح يهدر معاه . رب معاكم

[شهيناز1]

الله يعينك اختي لا علينا ان اخوه يسال فيه ويحتاجها احيانا ولاكن انت واولاده اولى بعدها ياتي حق اخوه عليه حاولي ان تفهميه حاجتكم اليها بشكل لا يدعوا لشجاركم وادعي لاخيه ان يرزقه الله سيارة ليحل عليك

[mba]

سلام عليكم
والله إستغربت لردود الأعضاء كثيرا
لو كان حالكم كحال كاتبة الموضوع لا أظن تفكرو بنفس طريقة ردودكم
حتى ولو كان أخ الحق ينقال المرأة هي وزوجها ما صدقو ربما تكون عندهم سيارة تنحي عليهم مشقة التنقل
يجي الأخ يديها يتصرف فيها كيما يحب مش حق أبدا أنا أراه إستغلال وتطفل على حياة الآخرين وعلاه
شيء ملك زوجها وملكها حق لأولادها حرااااااام الشيء ألي راه يدير فيها النسيب وكون جاء أخ يحشم على روحو شوية ويقدر عائلتو
بلا حشمة وضعف وإذا راهو أخ يرجع سيارتكم ويدبر على روحو
بلا ما يستغل حاجات الناس


حاجة ما نكرهاش في دنيتي كيما السلف
سماطة

وين عزة النفس ألي حب حاجة يشمر على يديه